«Գործ ունենք գործողությունների հետ, որոնք կարող են հանցագործություն համարվել». Խուդոյան

63
(Թարմացված է 17:56 31.03.2021)
ՀՀ երկրորդ նախագահի պաշտպանական թիմի ներկայացուցիչ Հովհաննես Խուդոյանը Sputnik Արմենիայի հետ զրույցում անդրադարձել է Սահմանադրական դատարանի կայացրած որոշմանը, որով բեկում մտցվեց Ռոբերտ Քոչարյանի գործով դատավարության մեջ։

Հովհաննես Խուդոյանի կարծիքով` ակնհայտ է, որ դատախազները տապալեցին վերջին դատական նիստը, թեև իրավական որևէ հիմք չունեին դատարան չներկայանալու, և եթե անգամ ունեին միջնորդություն, որի համար ժամանակ էր անհրաժեշտ, ապա պետք է այդ հարցը քննարկվեր նրանց մասնակցությամբ դատական նիստում։

Խուդոյանի դիտարկմամբ` պաշտպանական թիմը դեռ չի վերջնականացրել դիրքորոշումն առ այն, թե ինչ պետք է անի դատախազության կամ դատարանի հետագա գործողությունների մասով, որովհետև իրենք տեսել են, որ ՍԴ–ի հայտնի որոշումից հետո Ռոբերտ Քոչարյանի նկատմամբ հետապնդումը չդադարեցվեց, հետևաբար գործ ունեն այնպիսի գործողությունների հետ, որոնք, ըստ նրա, կարող են հանցագործություն համարվել։

«Դեռ վերջնականապես համաձայնեցված չէ այն հարցը, թե ինչպիսի իրավական գործողություններ պետք է իրականացնենք դրանց արձագանքելու համար, սակայն զուտ դատավարական գործընթացի մասով ակնկալում ենք, որ թեև նախորդ դատական նիստը տապալվեց, բայց նշանակված առաջիկա դատական նիստին ամեն դեպքում քննարկվելու է այդ հարցը, և դատարանը գործի վարույթը կարճելու է»,– Sputnik Արմենիայի հետ զրույցում ասաց փաստաբանը։

Խուդոյանի կարծիքով` ակնհայտ է, որ դատախազները տապալեցին վերջին դատական նիստը, թեև իրավական որևէ հիմք չունեին դատարան չներկայանալու, և եթե անգամ ունեին միջնորդություն, որի համար անհրաժեշտ էր ժամանակ, ապա պետք է այդ հարցը քննարկվեր նրանց մասնակցությամբ դատական նիստում։

Հիշեցնենք, որ ՀՀ Սահմանադրական դատարանը մարտի 29-ին հրապարակեց ՀՀ քրեական օրենսգրքի 300.1 հոդվածի՝ Սահմանադրությանը հակասող ճանաչելու մասին որոշումը, որից հետո այն արդեն օրինական ուժ է ստացել:

ՀՀ երկրորդ նախագահն այդ հոդվածով մեղադրվում էր սահմանադրական կարգի տապալման համար:

Դատախազությունը խափանեց Քոչարյանի ու մյուսների քրեական հետապնդման դադարեցումը

63
թեգերը:
Հովհաննես Խուդոյան, Դատարան, Ռոբերտ Քոչարյան, Հայաստան
Ըստ թեմայի
Ռոբերտ Քոչարյանին վերագրված հոդվածը ուժը կորցրեց. ՍԴ-ն հրապարակել է որոշումը
ՍԴ որոշմամբ ևս մեկ անգամ արձանագրվեց` քաղաքական հետապնդում է եղել մեր դեմ. Սեյրան Օհանյան
Դատախազությունը ծավալուն միջնորդություն է պատրաստում ՍԴ-ի որոշման վերաբերյալ
«Թուրքը դու ես, արա՛, հե՜յ». իրարանցում «Մարտի 1»-ի գործով նիստի ժամանակ

Նախագահը աջակցություն կցուցաբերի Շուռնուխի ու Որոտանի բնակիչներին. տեսանյութ

13
(Թարմացված է 17:38 20.04.2021)
Գյուղերի բնակիչները նախագահին ներկայացրել են մի շարք սոցիալական խնդիրներ՝ մասնավորապես կապված անասնապահության, ջրամատակարարման, գազամատակարարման, ինչպես նաև գյուղատնտեսական վարկերի մարման հետ:

Հայաստանի նախագահ Արմեն Սարգսյանը Հայաստանի մարդու իրավունքների պաշտպան Արման Թաթոյանի հետ այցելել է Սյունիքի մարզ։ Տեղեկությունը հայտնում է նախագահի կայքը։

Գորիս-Կապան մայրուղու սկզբնամասում գտնվող ՀՀ ԱԱԾ սահմանապահ զորքերի վերահսկիչ անցակետում նախագահը ծանոթացել է ծառայության պայմաններին, զրուցել զինծառայողների հետ:

«Դուք ծառայություն եք իրականացնում շատ կարևոր դիրքում։ Ամուր եղեք, առողջ եղեք: Բոլորիդ բարի ծառայություն», - ասել է նա զինծառայողներին։

Այնուհետև Սարգսյանը մարդու իրավունքների պաշտպանի հետ այցելել է Շուռնուխ համայնք, հանդիպել Շուռնուխի և Որոտանի ղեկավարների ու բնակիչների հետ։ Նախագահին են ներկայացվել առկա խնդիրները, հատկապես ընդգծվել են անվտանգության, պատշաճ կարգով սահմանազատման հետ կապված հարցերը։ Բնակիչները տեղեկացրել են, որ գյուղում սկսվել է նոր թաղամասի կառուցումը, որի տեղանքը, սակայն, նրանք այնքան էլ բարենպաստ չեն համարում: Շուռնուխցիները կենսական խնդիր են համարել իրենց միակ եկամտի աղբյուր հանդիսացող անասնապահության հնարավորությունից զրկվելը. պատերազմից հետո գյուղը զրկվել է արոտավայրերից, որոնք այժմ Ադրբեջանի վերահսկողության տակ են: Բացի այդ, անասուններն անցնում են այդ տարածքներ և չեն վերադարձվում, ինչը հավելյալ խնդիրներ է առաջացնում։ Բնակիչները ներկայացրել են նաև մի շարք սոցիալական խնդիրներ՝ մասնավորապես կապված ջրամատակարարման, գազամատակարարման, ինչպես նաև գյուղատնտեսական վարկերի մարման հետ:

Արձագանքելով սյունեցիների բարձրացրած հարցերին և ընդգծելով հատկապես անվտանգության, զբաղվածության և սոցիալական խնդիրների կարևորությունը՝ հանրապետության նախագահը Շուռնուխ և Որոտան բնակավայրերի ղեկավարներին առաջարկել է դրանք մանրամասն քննարկել նախագահի աշխատակազմի հետ՝ նախագահական ինստիտուտի լիազորությունների շրջանակում հնարավոր աջակցություն ցուցաբերելու համար։

Ի՞նչ են պարզել Արմեն Սարգսյանն ու Արման Թաթոյանը Սյունիքում. ՄԻՊ–ը մանրամասներ է հայտնում

Հիշեցնենք, որ 2020–ի նոյեմբերի 9-ի եռակողմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ որոշ մարզերում` Գեղարքունիքում, Սյունիքում։ 

ՀՀ պաշտպանության նախարարությունը դեկտեմբերի 20–ին տեղեկացրել է, որ ռուս սահմանապահ ուժեր կտեղակայվեն Սյունիքի մարզի Գորիս-Կապան ավտոճանապարհի 21 կիլոմետրանոց հատվածում, որի մյուս կողմում տեղակայվել են ադրբեջանցի զինծառայողներ։

Հունվարի 5-ին Սյունիքի մարզի Շուռնուխ գյուղի 11 տները հանձնվեցին ադրբեջանցիներին։ Փետրվարի 5-ին մարզի Ներքին Խնձորեսկ գյուղից հայկական զինծառայողները նահանջել են՝ թշնամուն թողնելով 15 հեկտար հողատարածք։ Մոտ 10 տուն էլ կորցրել ենք Որոտան գյուղում։

13
թեգերը:
սահմանամերձ գյուղեր, Սահման, Որոտան, Շուռնուխ, Սյունիք, Արմեն Սարգսյան
Ըստ թեմայի
Կան քննարկումներ Սյունիքում ռուսական ռազմաբազայի հենակետ ստեղծելու մասին. Փաշինյան
ԵՄ հատուկ ներկայացուցիչն այցելել է Սյունիք` տեղում ծանոթանալու իրավիճակին ու խնդիրներին
Վահե Ղազարյանը պաշտոններից ազատել է Սյունիքի մարզի և Գորիսի ոստիկանապետներին

ԱԽ–ն հրապարակել է սեպտեմբերի 30-ի նիստի գաղտնազերծված հատվածի ձայնագրությունը

333
(Թարմացված է 12:03 20.04.2021)
Անվտանգության խորհրդի հրապարակած ձայնագրությունում հատվածներ են ներկայացված Օնիկ Գասպարյանի ելույթից։

ՀՀ Անվտանգության խորհրդի գրասենյակը հրապարակել է ՀՀ զինված ուժերի գլխավոր շտաբի նախկին պետ Օնիկ Գասպարյանի՝ 2020 թվականի սեպտեմբերի 30-ի նիստի գաղտնազերծված հատվածի ձայնագրությունը:

ԱԽ–ն ապրիլի 15-ին հրապարակել էր այդ հայտարարության տեքստային տարբերակը, որի մեծ մասի գաղտնիությունը պահպանված էր, այսինքն` հրապարակվել էր մի քանի նախադասություն։

Հիշեցնենք` այդ նույն օրը ՀՀ վարչապետ Նիկոլ Փաշինյանն Ազգային ժողովի ամբիոնից հայտարարել էր, որ Գասպարյանի հայտարարությունը, թե անհրաժեշտ է 2-3 օրվա ընթացքում պատերազմը կանգնեցնել, իրականության հետ որևէ աղերս չունի։ «Գասպարյանը նման բան չի ասել. դա արձանագրված է պաշտոնապես, կա ձայնագրություն»,– ասել էր նա։

Զինված ուժերի գլխավոր շտաբի նախկին պետ Օնիկ Գասպարյանն արձագանքել էր Փաշինյանի հայտարարությանը։

«Ես կրկին հաստատում եմ նոյեմբերի 17-ին իմ կողմից կատարված հայտարարությունը։ ՀՀ վարչապետը և ԱԽ քարտուղարն անամոթաբար խեղաթյուրում են իրականությունը և, օգտագործելով իշխանական լծակները, հանրությանը մոլորության մեջ են մտցնում»,– ասել էր նա։

Օնիկ Գասպարյանը միաժամանակ չէր բացառել, որ ԱԽ նիստերի արձանագրությունները կարող են կեղծվել և ներկայացվել իշխանությանը ցանկալի տարբերակով։

333
թեգերը:
Անվտանգության խորհուրդ, Օնիկ Գասպարյան, Հայաստան
Ըստ թեմայի
Պատերազմի բոլոր սցենարները հաշվարկված էին. Օնիկ Գասպարյանի խորհրդականը փակագծեր է բացում
Պետք է քննիչ հանձնաժողով ստեղծել. Օնիկ Գասպարյանը հայտարարություն է տարածել
Մի նիստի պատմություն․ ինչպես է Փաշինյանը «գրաքննում» ԳՇ նախկին պետի խոսքերը
Արա Այվազյան

Արա Այվազյանը զրուցել է Արաբական Միացյալ Էմիրությունների իր գործընկերոջ հետ

0
(Թարմացված է 18:07 20.04.2021)
Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

ԵՐԵՎԱՆ, 20 ապրիլի - Sputnik․ ՀՀ ԱԳ նախարար Արա Այվազյանը հեռախոսազրույց է ունեցել ԱՄԷ արտաքին գործերի և միջազգային համագործակցության նախարար Աբդալլահ բին Զայեդ Ալ Նահյանի հետ: Այս մասին տեղեկացնում է ԱԳ կայքը։

Զրուցակիցներն անդրադարձել են նախարար Այվազյանի՝ ԱՄԷ աշխատանքային այցի շրջանակներում ձեռք բերված պայմանավորվածությունների իրականացման ընթացքին, մտքեր են փոխանակել փոխադարձ հետաքրքրություն ներկայացնող ոլորտներում համագործակցությանն առնչվող հարցերի շուրջ: Քաղաքական երկխոսության ընդլայնմանն ուղղված քայլերի համատեքստում երկուստեք ընդգծվել է փոխայցելությունների և գերատեսչությունների միջև խորհրդատվությունների անցկացման կարևորությունը:

Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

Նշենք, որ Հայաստանի Հանրապետության և Արաբական Միացյալ Էմիրությունների միջեւ դիվանագիտական հարաբերությունները հաստատվել են 1998-ի հունիսին։ 2015-ից Հայաստանում գործում է Արաբական Միացյալ Էմիրությունների դեսպանությունը։

Արա Այվազյանը Մոսկվայում խոսել է Ադրբեջանի ռազմական հանցագործությունների ու գերիների մասին

2018-ի հոկտեմբերից Արաբական Միացյալ Էմիրություններում Հայաստանի Հանրապետության արտակարգ և լիազոր դեսպան է Մհեր Մկրտումյանը։ 2019-ի փետրվարից ՀՀ-ում ԱՄԷ դեսպանն է Մուհամմադ Ալ Զաաբիին։

Հայաստանը ԱՄԷ-ից ներմուծում է ներկանյութեր, շինանյութ, հրուշակեղեն, պլաստմասե իրեր, կահույք, էլեկտրատեխնիկա, տրանսպորտային միջոցներ եւ այլն, իսկ արտահանում է պղինձ, ալյումին ու մարգարիտ։

0
թեգերը:
Արաբական միացյալ էմիրություններ (ԱՄԷ), Հայաստան, Արա Այվազյան
Ըստ թեմայի
Արա Այվազյանը մեկնաբանել է ԱԽ քարտուղարի սկանդալային հայտարարությունը
Արա Այվազյանն աշխատանքից չի ազատվելու
Արա Այվազյանն անհապաղ լուծում պահանջող հարցերի մասին է խոսել Պոլ Ռիչարդ Գալագերի հետ