Ռուսական հրթիռակիրները 8-ժամանոց թռիչք են իրականացրել Արկտիկայի ջրերի վրայով․ տեսանյութ
(Թարմացված է 15:17 30.03.2021)
Թռիչքներն իրականացվում են օդային տարածքի օգտագործման միջազգային կանոններին համապատասխան։ Հեռահար ավիացիայի Տու-160 ռազմավարական հրթիռակիրները թռիչք են իրականացրել Բարենցի և Նորվեգական ծովերի չեզոք ջրերի վրայով։ Տեղեկությունը հաղորդում է Ռուսաստանի պաշտպանության նախարարությունը:
©
Sputnik / Евгений Биятов
Նշվում է, որ թռիչքը պլանային բնույթ է կրել։
Հրթիռակիրների ուղեկցումն ապահովել են Ռուսաստանի ռազմածովային նավատորմի ծովային ավիացիայի ՄիԳ-31 ինքնաթիռների անձնակազմերը։
Թռիչքի տևողությունը 8 ժամից ավելի է եղել։
Հեռահար ավիացիայի անձնակազմերը կանոնավոր թռիչքներ են իրականացնում Արկտիկայի, Հյուսիսային Ատլանտիկայի, Սև և Բալթիկ ծովերի, Խաղաղ օվկիանոսի չեզոք ջրերի վրայով:
Թռիչքներն իրականացվում են օդային տարածքի օգտագործման միջազգային կանոններին խիստ համապատասխան։
Ռուսական զենքը կարողանում է անշեղորեն խոցել. 2020 թվականի նախնական արդյունքները
Ռուսաստանի ԱԴԾ–ն Իվանովոյում ծայրահեղականի է ձերբակալել. տեսանյութ
(Թարմացված է 16:59 13.04.2021)
Տղամարդը մասնակցել է միջազգային կրոնական միավորման արարողություններին, քարոզել արգելված կազմակերպության գաղափարախոսությունը:Իվանովոյում «Թաբլիգի Ջամաաթ» ծայրահեղական միավորման անդամ է ձերբակալվել։ Տեղեկությունը հայտնում է ՌԻԱ Նովոստին` հղում անելով Դաշնային անվտանգության ծառայությունը:
Նշվում է, որ 1985 թվականին ծնված տղամարդն անցնում է ՌԴ ՔՕ 282.2 հոդվածի 2-րդ մասով (ծայրահեղական կազմակերպության գործունեության կազմակերպում) հարուցված քրեական գործով։
Պարզվել է, որ նա մասնակցել է «Թաբլիգի Ջամաաթ» միջազգային կրոնական միավորման արարողություններին, քարոզել այդ կազմակերպության գաղափարախոսությունը:
ԱԴԾ-ն ձերբակալել է իսլամիստների, որոնք ահաբեկչություններ էին ծրագրել Հյուսիսային Կովկասում
Այս կազմակերպությունը Ռուսաստանում արգելված է 2009 թվականից։ Գերագույն դատարանը վճռել է, որ կրոնական միավորման գործունեությունն ուղղված է ՌԴ տարածքային ամբողջականության խախտմանը և Ռուսաստանի քաղաքացիների կրոնական խտրականությանը, ինչպես նաև միջազգային ահաբեկչական կազմակերպություններին աջակցություն ցուցաբերելուն։
ՌԴ ԱԴԾ-ն կասեցրել Է զինյալների «ֆինանսիստների» գործունեությունը. տեսանյութ
թեգերը:
Ի՞նչ էին անում ռուս զինվորականները Կովկասի լեռներում և որտե՞ղ գտան «թշնամու» սուզանավը
(Թարմացված է 16:41 13.04.2021)
Ռուս զինվորականները լայնածավալ զորավարժություններ են անցկացնում` զրահատեխնիկայի և ավիատեխնիկայի հնարավորությունները յուրացնելով տարբեր զորավարժարաններում: Ռուս զինվորականներն այս ամիս ընդհանուր առմամբ շուրջ 4 հազար վարժանք կանցկացնեն:
Ինչու ռուսական «Սարմատները» պետք է թռչեն մոլորակի երկու բևեռներով
Մեր տեսանյութում կարող եք տեսնել, թե ինչ են փնտրել օդաչուները Կովկասի լեռներում, որտեղ հայտնաբերել են պայմանական հակառակորդի սուզանավը, ինչպես են տանկիստները Տաջիկստանում թիրախը խոցել 70 վայրկյանում։
Ադրբեջանն ու Թուրքիան կրկին համատեղ զորավարժություններ կանցկացնեն
Ներկայացնում ենք զորավարժությունների ամենատպավորիչ կադրերը։
Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները
Վթար Չիվա գյուղի մոտ. տուժածներից մեկին մեքենայից դուրս են բերել հատուկ տեխնիկայի միջոցով
(Թարմացված է 17:16 13.04.2021)
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ԵՐԵՎԱՆ, 13 ապրիլի - Sputnik․ Վայոց Ձորի Չիվա գյուղի մոտակայքում տեղի է ունեցել ՃՏՊ․ կա տուժած։ Տեղեկությունը հայտնում է ԱԻՆ մամուլի ծառայությունը։
Նշվում է, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Մեղրի Մ-2 ավտոճանապարհի 101-րդ կմ-ին «Mitsubishi Pajero iO» (վարորդ՝ Ռ․ Շ․, ծնված 1988 թ․) մակնիշի ավտոմեքենան դուրս է եկել ճանապարհի երթևեկելի հատվածից և մոտ 30 մ գլորվել ձորը:
«Փրկարարները ուղևոր Դ․ Փ․-ին (ծնված 1992 թ․) հատուկ տեխնիկայի օգնությամբ դուրս են բերել ավտոմեքենայից և մոտեցրել շտապօգնության աշխատակիցներին, մյուս ուղևոր Վ․ Կ․-ն (ծնված 1995 թ․) դուրս է բերվել ավտոմեքենայից, և վերջիններս հոսպիտալացվել են Եղեգնաձորի ԲԿ։ Բժիշկները տուժածների առողջական վիճակը գնահատել են միջին ծանրության»,–նշված է հաղորդագրության մեջ։
Մինչ փրկարարների կանչի վայր հասնելը, հավաքվածները տեղի ուժերով հոսանքազրկել են ավտոմեքենան և փակել գազի բալոնի փականը:
Ողբերգական վթար Աբովյան քաղաքում. 1 մարդ մահացել է, երեքը հիվանդանոցում են