Ֆուտբոլի 2022 թվականի աշխարհի առաջնության ընտրական փուլում Իսլանդիայի հավաքականը Հայաստանի ընտրանու մրցակիցն է։ Մարտի 28-ին հավաքականները ուժերը կչափեն Երևանի Վազգեն Սարգսյանի անվան «Հանրապետական» մարզադաշտում։ Թե ով է այդ հանդիպման ֆավորիտը, թող որոշեն ֆուտբոլասերներն ու մասնագետները, իսկ մենք հանդիպումից առաջ կպատմենք` ինչ կապ ունեն իսլանդացիները մի քանի տարի առաջ Երևանի փողոցներում անընդհատ հնչող «դըմփ–դըմփ–հու»–ի հետ։
Իսլանդացի ֆուտբոլասերները հայտնի ավանդույթ ունեն` ողջունում և ոգևորում են իրենց հավաքականին վիկինգների մարտակոչով։ Պատահաբար է ստացվել, թե միտումնավոր, բայց այդ նույն մարտակոչը Հայաստանում 2018թ.-ի «թավշյա հեղափոխության» խորհրդանիշներից մեկն է դարձել։
Ո՞ւմ է, ի վերջո, պատկանում «դըմփ-դըմփ-հու»-ի «հեղինակային իրավունքը», ումի՞ց են այն վերցրել իսլանդացիները, և կարելի՞ է արդյոք սպորտը բերել քաղաքականություն` ուսումնասիրել է Sputnik Արմենիայի թղթակիցը։
