Տեղեկատվական պատերազմն ու իշխանության դիլետանտությունը. ինչու պարտվեցինք նաև այս ճակատում

103
ՀՀ ԱԺ աշխատակազմի նախկին ղեկավար-քարտուղար Արա Սաղաթելյանը Sputnik Արմենիայի «Օրացույց» հաղորդման շրջանակում անդրադարձել է ադրբեջանական քարոզչական–գաղափարական հարձակումներին դիմակայելու խնդրին և այն հարցին, թե վերջին տարիներին ինչու ենք զիջել այդ ճակատում։

Արա Սաղաթելյանի դիտարկմամբ` հայակական կողմից նախկինում տարբեր ինտենսիվությամբ միշտ եղել է տեղեկատվական հակազդեցություն, և տարբեր իրավիճակներում Հայաստանի կողմից այդ գործում ներգրավվել են տարբեր ռեսուրսներ, հետևաբար հակազդեցության ուժգնությունը կարելի է դիտարկել մի քանի տեսանկյունից։ 

«Մենք միշտ այդ պայքարում հաղթում էինք և մի պահ նույնիսկ այնքան հաղթեցինք, որ մի փոքր պասիվացանք, սակայն 2007-08 թվականներին ընդունվեց որոշում, ըստ որի` այդ ամենին պետք է ցուցաբերվեր համակարգված մոտեցում, ուստի 2009 թվականին ստեղծվեց «ՀՀ նախագահի աշխատակազմի հանրային կապերի և տեղեկատվության կենտրոն» ՊՈԱԿ–ը, որը պետական այլ մարմինների հետ փոխգործակցությամբ իրականացնում էր հայկական տեսակետի տարածման հետ կապված գործողություններ, ինչպես նաև ադրբեջանական կեղծիքների դեմ ուղղված գործողություններ»,– նշեց ՀՀ ԱԺ աշխատակազմի նախկին ղեկավար-քարտուղարը։ 

Սաղաթելյանի խոսքով` կար որոշակի ներդրում ՀՀ–ի և հայության տեղեկատվական, տեղեկատվական–հոգեբանական և տեղեկատվական–տեխնիկական պաշտպանության գործում։ Ըստ նրա` հայկական կողմի աշխատանքային նախադեպը, որպես տեղեկատվական արդյունավետ գործունեության բանաձև, այսօր դասավանդվում է մի քանի երկրների գլխավոր շտաբներում։  

«Գլխի դատարկ տեղը դուխով գրածներ». Գագիկ Սողոմոնյան ֆեյքի գործով ԱԱԾ-ն 4 մարդ է ձերբակալել

ՀՀ ԱԺ աշխատակազմի նախկին ղեկավար-քարտուղարի պնդմամբ` վերոհիշյալ ՊՈԱԿ–ը ներկայում իր կազմով չի տիրապետում տեխնոլոգիաներին, և պատճառներից մեկն այն է, որ նոր իշխանությունը 2018 թվականի իշխանափոխությունից հետո չգիտակցելով, որ պետությունն անընդհատ կառուցվող համակարգ է, քանդեց ՊՈԱԿ–ը որպես ամբողջական կառույց, այսինքն` ինստիտուցիոնալ հիշողություն ունեցող մարդիկ, որոնք կոչված էին աճեցնելու նոր կադրեր և զբաղված էին դրանով, հայտնվեցին այնպիսի պայմաններում, որ շատ գռեհիկ ձևով անարգվեցին ու ստիպված հեռացան։

Ո՞րն է «ֆեյքերի» դեմ պայքարի արդյունավետ ձևը. Մարտիրոսյանը` նոր նախագծի մասին

103
թեգերը:
Տեղեկատվական տեխնոլոգիաներ, տեղեկատվական պատերազմ, Արա Սաղաթելյան
թեմա:
Իրականում / Օրացույց (687)
Ըստ թեմայի
Թուրքական մամուլը հեղեղված է միակողմանի տեղեկատվությամբ. ինչ վիճակում է հայ համայնքը
Ես երբևէ որևէ գործիքի պակա՞ս եմ զգացել. Բեքարյանը խոսեց իր դեմ հարուցված ֆեյքի գործից
«Գագիկ Սողոմոնյան» ֆեյքը Գագիկ Ջհանգիրյանին «օգնում է» տիրանալ դատական իշխանությանը

ԱԽ–ն հրապարակել է սեպտեմբերի 30-ի նիստի գաղտնազերծված հատվածի ձայնագրությունը

323
(Թարմացված է 12:03 20.04.2021)
Անվտանգության խորհրդի հրապարակած ձայնագրությունում հատվածներ են ներկայացված Օնիկ Գասպարյանի ելույթից։

ՀՀ Անվտանգության խորհրդի գրասենյակը հրապարակել է ՀՀ զինված ուժերի գլխավոր շտաբի նախկին պետ Օնիկ Գասպարյանի՝ 2020 թվականի սեպտեմբերի 30-ի նիստի գաղտնազերծված հատվածի ձայնագրությունը:

ԱԽ–ն ապրիլի 15-ին հրապարակել էր այդ հայտարարության տեքստային տարբերակը, որի մեծ մասի գաղտնիությունը պահպանված էր, այսինքն` հրապարակվել էր մի քանի նախադասություն։

Հիշեցնենք` այդ նույն օրը ՀՀ վարչապետ Նիկոլ Փաշինյանն Ազգային ժողովի ամբիոնից հայտարարել էր, որ Գասպարյանի հայտարարությունը, թե անհրաժեշտ է 2-3 օրվա ընթացքում պատերազմը կանգնեցնել, իրականության հետ որևէ աղերս չունի։ «Գասպարյանը նման բան չի ասել. դա արձանագրված է պաշտոնապես, կա ձայնագրություն»,– ասել էր նա։

Զինված ուժերի գլխավոր շտաբի նախկին պետ Օնիկ Գասպարյանն արձագանքել էր Փաշինյանի հայտարարությանը։

«Ես կրկին հաստատում եմ նոյեմբերի 17-ին իմ կողմից կատարված հայտարարությունը։ ՀՀ վարչապետը և ԱԽ քարտուղարն անամոթաբար խեղաթյուրում են իրականությունը և, օգտագործելով իշխանական լծակները, հանրությանը մոլորության մեջ են մտցնում»,– ասել էր նա։

Օնիկ Գասպարյանը միաժամանակ չէր բացառել, որ ԱԽ նիստերի արձանագրությունները կարող են կեղծվել և ներկայացվել իշխանությանը ցանկալի տարբերակով։

323
թեգերը:
Անվտանգության խորհուրդ, Օնիկ Գասպարյան, Հայաստան
Ըստ թեմայի
Պատերազմի բոլոր սցենարները հաշվարկված էին. Օնիկ Գասպարյանի խորհրդականը փակագծեր է բացում
Պետք է քննիչ հանձնաժողով ստեղծել. Օնիկ Գասպարյանը հայտարարություն է տարածել
Մի նիստի պատմություն․ ինչպես է Փաշինյանը «գրաքննում» ԳՇ նախկին պետի խոսքերը

«Եկել եմ իմ աչքերով տեսնելու»․ ՀՀ նախագահը հանդիպել է մի շարք համայնքների ղեկավարների հետ

45
(Թարմացված է 10:26 20.04.2021)
Արմեն Սարգսյանն ասել է, որ նախագահի ինստիտուտի լիազորությունների սահմաններում հնարավորինս կփորձի աջակցել խնդիրների լուծմանը:

Սյունիքի մարզ կատարած աշխատանքային այցի շրջանակում Հայաստանի Հանրապետության նախագահ Արմեն Սարգսյանը Հայաստանի մարդու իրավունքների պաշտպան Արման Թաթոյանի հետ այցելել է Գորիսի քաղաքապետարան, որտեղ հանդիպել է Գորիս համայնքի ղեկավար Առուշ Առուշանյանի, Սիսիան համայնքի ղեկավար Արթուր Սարգսյանի և Գորիս խոշորացված համայնքի կազմում ընդգրկված բնակավայրերից՝ Խնձորեսկի ղեկավար Երվանդ Մալունցի, Հարթաշենի ղեկավար Արմեն Խաչատրյան և Քարահունջի ղեկավար Լուսինե Ավետյանի հետ։ Տեղեկությունը հայտնում է ՀՀ նախագահի մամուլի ծառայությունը։

Սարգսյանը նշել է, որ այցը երկար ժամանակ ծրագրված էր, բայց կորոնավիրուսով վարակվածությունը ստիպել էր հետաձգել այն։

«Այսօր եկել եմ նախևառաջ իմ աչքերով տեսնելու այն, ինչ լսում եմ, անձամբ ձեզնից լսելու խնդիրների մասին, և մտածենք, թե ինչով կարող եմ օգնել»,-ասել է նախագահը։

Համայնքների ղեկավարները նախագահին ներկայացրել են պատերազմից հետո ստեղծված իրավիճակն ու խնդիրները, որոնցից հատկապես առաջնային են համարել անվտանգության, սահմանազատումների հետ կապված հարցերը։ Նշվել է նաև, որ մարզի սահմանամերձ համայնքների բնակիչները, որոնց հիմնական զբաղմունքն անասնապահություն է, ներկայումս զրկված են արոտավայրերի, անգամ՝ մասնավոր սեփականություն հանդիսացող որոշ հողատարածքների օգտագործման հնարավորությունից, քանի որ դրանք հայտնվել են ադրբեջանական վերահսկողության տակ։ Սա ավելի է բարդացնում առանց այն էլ բարդ սոցիալ -տնտեսական իրավիճակը։

Նշվել են նաև գործազրկության, մասնավորապես Գորիսում զբոսաշրջության ոլորտում առաջացած դժվարությունները, ինչպես նաև ենթակառուցվածքների հետ կապված խնդիրները։

Հանդիպմանը քննարկվել են նաև նախագահական ինստիտուտի կողմից խնդիրների լուծմանն աջակցելու հնարավորությունները։

Պատասխանելով հնչած հարցերին և անդրադառնալով ներկայացված խնդիրներին՝ նախագահ Սարգսյանը նշել է, որ նախագահի ինստիտուտի լիազորությունների սահմաններում հնարավորինս կփորձի աջակցել դրանց լուծմանը:

Սարգսյանն ու Թաթոյանը Սյունիք են մեկնել երեկ` ապրիլի 19-ին։

«Վստահ եղեք` բոլորս մտածում ենք ձեր մասին». Սարգսյանն այցելել է Խնածախի սահմանային բնագիծ

45
թեգերը:
Արմեն Սարգսյան, Սյունիք, Հայաստան
Սերգեյ Շոյգու

Ռուսաստանի արևմտյան սահմաններին իրավիճակը լարված է. Շոյգու

0
Ռուսաստանի պաշտպանության նախարար Սերգեյ Շոյգուն գերատեսչության կոլեգիայի նիստում հայտարարել է երկրի արևմտյան սահմանների երկայնքով լարվածության աճի մասին:

ԵՐԵՎԱՆ, 20 ապրիլի – Sputnik. Ուկրաինայի ղեկավարությունը փորձում է ապակայունացնել իրավիճակը Դոնբասում։ Տեղեկությունը հայտնել է Ռուսաստանի պաշտպանության նախարար Սերգեյ Շոյգուն Ռուսաստանի պաշտպանության նախարարության կոլեգիայի նիստի ժամանակ:

Դրան զուգահեռ ԱՄՆ-ի եւ ՆԱՏՕ-ի ուժերը շարունակում են սադրանքներ իրականացնել օդային տարածքում և Սև ծովի ջրային տարածքում:

 

 

0