Ընտրությունները պետք է լինեն այն ժամանակ, երբ երկիրը կանցնի կայունացման վիճակի. Մինասյան

46
ՀՅԴ Գերագույն մարմնի անդամ Արծվիկ Մինասյանը Sputnik Արմենիայի հետ զրույցի ընթացքում անդրադարձել է ներքաղաքական զարգացումներին, մասնավորապես արտահերթ խորհրդարանական ընտրությունների հարցին։ 

Արծվիկ Մինասյանի դիտարկմամբ` որևէ պաշտոնատար անձ, առավել ևս վարչապետը, չէր կարող նշանակել ընտրությունների կոնկրետ օր, որովհետև դա նախևառաջ նրա իրավասություններից դուրս է և գտնվում է ՀՀ նախագահի լիազորությունների ներքո։

Մինասյանի կարծիքով` դրան պետք է նախորդի կոնկրետ քայլ` Նիկոլ Փաշինյանի հրաժարականը, որից հետո պետք է երկու անգամ վարչապետ չընտրվի, խորհրդարանը լուծարվի և նախագահը նշանակի արտահերթ ընտրությունների օրը։ 

«Առաջինը Հայրենիքի փրկության շարժումն ու նրա կազմում ՀՅԴ–ն է խոսել այն մասին, որ անհրաժեշտ են արտահերթ ընտրություններ, բայց դրանք պետք է լինեն այն ժամանակ, երբ երկիրն անցնի կայունացման վիճակի, արտաքին մարտահրավերները հնարավորինս չեզոքացվեն, վերականգնվեն մեր դաշնակցային, գործընկերային, բարեկամական հարաբերություններն այն երկրների հետ, որոնց հետ ունենք ռազմավարական համագործակցություն։ Անհրաժեշտ է նաև սոցիալ–տնտեսական փլուզումը կասեցնել ու հաստատել ներքին համերաշխություն»,– նշեց ՀՅԴ Գերագույն մարմնի անդամը։ 

Հունիսի 20-ը, որպես արտահերթ ընտրությունների օր, մեզ համար ընդունելի է. Մարուքյան

Մինասյանը կրկին վերահստատեց իրենց տեսակետը, ըստ որի, անցումային շրջանը պետք է տևի մեկ տարի ու հենց այդ նպատակով էլ ընդդիմադիր շարժման կողմից առաջադրվում էր ժամանակավոր կառավարություն ստեղծելու գաղափարը Վազգեն Մանուկյանի գլխավորությամբ։ 

Հայրենիքի փրկության շարժումը խորհրդի նիստ է անցկացրել. ինչ են որոշել

46
թեգերը:
Ընտրություններ, Հայ Յեղափոխական Դաշնակցություն (ՀՅԴ), Արծվիկ Մինասյան
Ըստ թեմայի
Արտահերթ ընտրություններին պատրաստվելու համար առնվազն մեկ տարի է հարկավոր. Արծվիկ Մինասյան
Բացի ՍԴ դիմելուց, նախագահի ցանկացած այլ քայլ հակասահմանադրական կլինի. Արծվիկ Մինասյան
Ադրբեջանին հանձնած ՀՀ տարածքների հարցով դատարան ենք դիմելու. Արծվիկ Մինասյան

Ռուս ռազմական բժիշկներն օգնություն են ցուցաբերել ԼՂ դժվարամատչելի շրջանների բնակիչներին

61
Ռուս խաղաղապահ զորախումբը շարունակում է Լեռնային Ղարաբաղի տարածքում իրականացնել իր առջև դրված խնդիրները։

Ռուս ռազմական բժիշկները որակյալ բուժօգնություն են ցուցաբերել Լեռնային Ղարաբաղի դժվարամատչելի շրջանների բնակիչներին։ Տեղեկությունը հայտնում է ռուս խաղաղապահ զորակազմի մամուլի ծառայությունը:

Մասնավորապես, Լեռնային Ղարաբաղի Ասկերանի շրջանի լեռնային տեղանքում գտնվող Սարդարաշեն բնակավայրում մարդասիրական արձագանքման կենտրոնի սպաների կողմից տեղակայվել է դաշտային կետ՝ բնակավայրի բնակիչներին, փախստականներին և հարկադիր տեղահանվածներին որակյալ բժշկական օգնություն ցուցաբերելու համար:

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

61
թեգերը:
Ասկերան, բժիշկ, Արցախ, խաղաղապահ
Ըստ թեմայի
Ռուս խաղաղապահները մարդասիրական օգնություն են հասցրել Վարդաձորի բնակիչներին
Շուշիի մոտակայքում խաղաղապահների օգնությամբ վերացվել է գազատարի վթարը․ տեսանյութ
Խաղաղապահներն Ասկերանի բնակիչներին օգնել են վերականգնել Մեծ հայրենականի զոհերի հուշարձանը

Իսրայելը պատճենում է ռուսական դրոնների արտադրության տեխնոլոգիաները. կոնստրուկտոր

248
Ռուսաստանում ցուցադրել են կամիկաձե անօդաչու թռչող սարք, որը հաջողությամբ կիրառվել է գրոհայինների դեմ Սիրիայում։

ԵՐԵՎԱՆ, 18 ապրիլի — Sputnik. Իսրայելը պատճենում է ռուսական անօդաչու թռչող սարքերի արտադրության որոշ տեխնոլոգիաներ։ Այդ մասին հայտարարել է ZALA AERO (մտնում է «Կալաշնիկով» ընկերությունների խմբի մեջ) ընկերության գլխավոր կոնստրուկտոր Ալեքսանդր Զախարովը Ռոսիա 1-ի ռեպորտաժում, որում պատմում են Սիրիայում ռուսական դրոններ օգտագործելու մասին։

«Իմ կարծիքով՝ այսօրվա դրությամբ մենք ոչ միայն հետ չենք մնացել, այլ նաև միտումներ կան, որ նույն Իսրայելը մեզնից ինչ-որ բաներ է կրկնօրինակում։ Հասկանո՞ւմ եք», - ասում է Զախարովը։

Մշակողներից մեկի խոսքով՝ 300 կմ/ժ արագությամբ մոտենալու դեպքում գրեթե անհնար է խույս տալ դրոնից։ Ռեպորտաժում ցուցադրվում են Սիրիայում գրոհայինների դեմ ռուսական «Լանցետ» կամիկաձե անօդաչու թռչող սարքերը կիրառելու կադրեր։

Հայկական ուժերն ադրբեջանական մի քանի անօդաչու են խոցել, այդ թվում՝ կամիկաձե

Ցուցադրվել է նաև դրոնը որպես «օդային ականապատ դաշտ» կիրառելու հայեցակարգը․ մի քանի «Լանցետ» դրոններ պարեկություն են իրականացնում օդում, հակառակորդի անօդաչու թռչող սարքեր հայտնվելու դեպքում դրոնները հարվածում են՝ միաժամանակ պայթեցնելով երեքկիլոգրամանոց մարտական մասը։

Արցախյան հետհաշվարկ, կամ որտեղի՞ց Սիրիայում կամիկաձե դրոններ

Հոլովակում ցույց են տվել թուրքական «Բայրաքթարին» նման դրոնը ոչնչացնելու համակարգչային գրաֆիկա, որն ակտիվորեն կիրառվել է Ադրբեջանում արցախյան պատերազմի ժամանակ։

248
թեգերը:
Ռուսաստան, դրոն, Իսրայել
Ըստ թեմայի
Անօդաչուների դեմ պայքարի համար ԱՊՀ-ի ՀՕՊ համակարգը կուժեղացնեն
ՌԴ ՊՆ–ն առաջին անգամ ցուցադրել է «Օրիոն» անօդաչուի հարվածային տարբերակը. լուսանկար
Անօդաչու Boeing–ն առաջին ցամաքային փորձարկումն է անցել. տեսանյութ
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

0
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

0
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը