Հռոմի Ֆրանցիսկոս պապին Իրաքում դիմավորել են ազգային պարերով. տեսանյութ
(Թարմացված է 17:38 05.03.2021)
Ֆրանցիսկոսը Հռոմի կաթոլիկ եկեղեցու առաջին ղեկավարն է, որն այցելում է Միջագետքի հնագույն քաղաքակրթության բնօրրանը:Հռոմի Ֆրանցիսկոսը պապը առաքելական այցով ժամանել է Իրաք ։ Տեղեկությունը հաղորդում է INA լրատվական գործակալությունը:
Բաղդադի միջազգային օդանավակայանում նրան դիմավորել է Իրաքի վարչապետ Մուստաֆա ալ Քազեմին։ Եվ ոչ միայն նա։ Ֆրանցիսկոսին օդանավակայանում դիմավորել են ազգային պարերով։
Սա քահանայապետի առաջին արտասահմանյան ուղևորությունն է կորոնավիրուսի համավարակը սկսվելուց հետո:
Ֆրանցիսկոսը Հռոմի կաթոլիկ եկեղեցու առաջին ղեկավարն է, որն այցելում է Աբրահամի հայրենիք։ Մեկնելու նախօրեին, իրաքցիներին ուղղված հատուկ ուղերձում պապը հայտնել է, որ երկիր կժամանի որպես խաղաղության և հույսի ուխտավոր, այդ թվում՝ ներում խնդրելով Աստծուն պատերազմի և ահաբեկչությունների համար:
«Միջագետքը եղել է, կա և կլինի կրոնների և համամարդկային արժեքների հանդիպման պատմական վայր»,-Twitter-ի իր էջում գրել է վարչապետ Ալ Կազեմին՝ քահանայապետի այցից մի քանի ժամ առաջ:
Այցը Իրաք Հռոմի Ֆրանցիսկոս պապի 33-րդ արտասահմանյան ճանապարհորդությունն է։
թեգերը:
Հայաստանում լույս է տեսել ֆուտբոլային բացառիկ անթոլոգիա. նման ձեռնարկ երբևէ չի հրատարակվել
(Թարմացված է 19:52 22.03.2021)
Մարզական մեկնաբան Խաչիկ Չախոյանը Sputnik Արմենիայի «Մարզական խաչմերուկ» հաղորդաշարի ընթացքում անդրադարձել է տարեսկզբին հրատարակված «Համաշխարհային ֆուտբոլի անթոլոգիա» երկհատորյա ծավալուն աշխատությանը։ Գիրքը բացառիկ է այն առումով, որ Հայաստանում երբևէ նման ձեռնարկ չի հրատարակվել։ Անթոլոգիայի հեղինակ, Sputnik Արմենիայի մեկնաբան Էմանուել (Մանվել) Մարգարյանը զրույցի ընթացքում խոսել է երկհատորյակի լույսընծայման և նման հանրագիտարանային ձեռնարկ հրատարակելու նպատակայնության մասին։
©
Sputnik / Николай Волков
«Հայաստանում ֆուտբոլն ամենասիրված մարզաձևն է, սակայն մեզանում միշտ զգացվել է մասնագիտական գրականության պակասը, և ես որոշեցի լրացնել այդ բացը, որպեսզի հայ մարզասերներն իրենց հարազատ լեզվով համապատասխան գրականություն ունենան աշխարհի առաջնությունների մասին, ամբողջական ինֆորմացիա ստանան կարևոր իրադարձությունների ու մրցաշարերի վերաբերյալ»,– նշեց գրքի հեղինակը։
«Համաշխարհային ֆուտբոլի անթոլոգիայում» ամփոփ տեղեկություններ են զետեղված գնդակախաղի տարեգրության, ֆուտբոլի առաջնությունների (1930-2014թթ.), Աշխարհի գավաթի խաղարկության եզրափակիչ փուլերի, դրանց մասնակցած ազգային հավաքականների, հանրահայտ ֆուտբոլիստների, անվանի մրցավարների ու վաստակաշատ մարզիչների մասին:
Գիրքը հարուստ է վիճակագրական հետաքրքրաշարժ տվյալներով և ընթերցողներին կօգնի վերապրել համաշխարհային ֆուտբոլի պատմական ակնթարթներն ու հանգամանորեն ծանոթանալ աշխարհի առաջնությունների տարեգրությանը:
«Ընտրությունների թեման հասարակության ուշադրությունը շեղող կեղծ խայծ է». Արթուր Խաչատրյան
(Թարմացված է 18:15 22.03.2021)
ՀՅԴ Գերագույն մարմնի անդամ Արթուր Խաչատրյանը Sputnik Արմենիայի հետ զրույցում անդրադարձել է ներքաղաքական զարգացումներին, խոսել է արտահերթ ընտրությունների թեմայի շուրջ և մի շարք հրատապ հարցերի վերաբերյալ ներկայացրել ՀՅԴ դիրքորոշումներն ու անելիքները։
Արթուր Խաչատրյանի դիտարկմամբ` նախ պետք է հստակեցնել, թե ինչ ընտրությունների մասին է խոսքը։ Ըստ նրա` Նիկոլ Փաշինյանի ֆեյսբուքյան գրառումը պաշտոնական հայտարարություն կարող է լինել միայն նրա «ուսապարկերի» համար։
«Այս ամբողջ գործընթացի մեջ Փաշինյանն ունի միայն մեկ անելիք` պետք է հրաժարական տա։ Երբ դրանից հետո նա երկու անգամ վարչապետ չընտրվի, խորհրդարանն արձակվի, երբ ՀՀ նախագահը հրամանագիր ստորագրի և ԿԸՀ–ն ընտրություններ նշանակի, այդ ժամանակ նոր կարելի է խոսել խնդրի մասին, մինչդեռ հիմա ունենք ընդամենը գործադիր մարմնի ղեկավարի ֆեյսբուքյան գրառում, որն անձամբ ինձ համար հիմք չէ, պաշտոնական հայտարարություն չէ»,– նշեց ՀՅԴ Գերագույն մարմնի անդամը։
Խաչատրյանի խոսքով` Հայրենիքի փրկության շարժումը նպատակ է դրել փրկել հայրենիքը, որովհետև այն ազատ անկման մեջ է։ Ըստ նրա` Արցախի Հանրապետությունը որպես վարչաքաղաքական առանձին ամբողջական և ինքնուրույն միավոր այլևս չկա, հետևաբար մենք, ըստ Խաչատրյանի, կորցրել ենք մեր ինքնիշխանության զգալի մասը։
ՀՅԴ Գերագույն մարմնի անդամի համոզմամբ` ընտրությունների թեման կեղծ խայծ է, որպեսզի հասարակության ուշադրությունը շեղվի ԳՇ–ին վերաբերող խնդիրներից, որպեսզի հասարակությունը միկրոսկոպով չսպասի այն վայրկյանին, թե ի վերջո ինչ է լինելու և հաջողվելու՞ է արդյոք Փաշինյանին պառակտել զորքը։ Խաչատրյանի հավաստմամբ` այս պահին անորոշություններն այնքան շատ են, որ նա պարզապես գերադասեց զերծ մնալ սպեկուլյատիվ մակարդակով սցենարային պլանավորում անելուց։
Անտրամաբանական կլինի, եթե ՀՅԴ–ն չմասնակցի. Մադոյանը` ԱԺ արտահերթ ընտրությունների մասին
Օդի ջերմաստիճանը կբարձրանա, ապա կիջնի. եղանակի տեսություն
(Թարմացված է 14:49 22.03.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։ ԵՐԵՎԱՆ, 23 մարտի – Sputnik. Հանրապետության տարածքում մարտի 23-ի գիշերը և երեկոյան առանձին շրջաններում, 24-25-ը, 27-ին շրջանների զգալի մասում ժամանակ առ ժամանակ սպասվում են տեղումներ, հնարավոր է ամպրոպ։ Մարտի 26-ին սպասվում է առանց տեղումների եղանակ:
Վստահ եմ, որ առնվազն ԼՂԻՄ–ի նախկին սահմանները վերականգնվելու են. Վիտալի Բալասանյան
Տեղեկությունը հայտնում են ՀՀ ԱԻՆ «Հիդրոմետ» ծառայությունից և հավելու, որ քամին հարավ-արևմտյան է՝ 2-5 մ/վ արագությամբ, առանձին շրջաններում քամու ուժգնացում մինչև 15-20 մ/վ արագությամբ։
Օդի ջերմաստիճանը 23-ի ցերեկն աստիճանաբար կբարձրանա 5-7 աստիճանով, 24-27-ը նույնքան կնվազի:
Երևան քաղաքում մարտի 23-ի գիշերը և երեկոյան, 24-25-ը, 27-ին ժամանակ առ ժամանակ սպասվում է անձրև, հնարավոր է ամպրոպ: Մարտի 26-ին սպասվում է առանց տեղումների եղանակ:
Ի՞նչ պետք է անի կինը սրտի հետ կապված խնդիրներից խուսափելու համար
Մայրաքաղաքում մարտի 23–ի գիշերը սպասվում է 8-10 աստիճան տաքություն, իսկ ցերեկային ժամերին կգրանցվի +16...+18 աստիճան։
թեգերը:
թեմա: