Մասնավոր նախակրթարանների մեծ մասը կարող է փակվել

266
(Թարմացված է 20:13 24.02.2021)
Ի՞նչ կապ կա մասնավոր նախադպրոցական կրթական հաստատությունների և վարչապետի ստորագրած որոշման միջև, ի՞նչ վտանգներ է այն պարունակում։ Թեմայի շուրջ զրուցել ենք «Մասնավոր նախադպրոցական հաստատությունների ասոցիացիա» ՀԿ հիմնադիր անդամներ Արփինե Հակոբյանի և Նելլի Խաչատրյանի հետ։

Վարչապետի` դեկտեմբերի 30-ի որոշումը, որը տարածվում է նաև վճարովի նախդպրոցական կրթություն իրականացնող հաստատությունների վրա, կհանգեցնի ոլորտի էլիտարացման։ Փոքր և միջին հաստատությունները կսնանկանան և ստիպված կլինեն փակվել` իրենց տեղը զիջելով խոշորներին։ Sputnik Արմենիայի հետ զրույցում նման կարծիք հայտնեց «Մասնավոր նախադպրոցական հաստատությունների ասոցիացիա» ՀԿ հիմնադիր անդամ Արփինե Հակոբյանը։

Վարչապետի ստորագրած որոշման համաձայն՝ Հայաստանում ավելացած արժեքի հարկից ազատված գործարքների շրջանակը չափազանց լայն է, և դրանք պետք է նվազեցնել։ Նվազեցման հարվածի տակ են հայտնվում նաև նախադպրոցական կրթություն իրականացնող հաստատությունները, որոնք մինչև այս ազատված էին ԱԱՀ-ից։

«Կգոյատևեն նրանք, որոնք բավականին բարձր վարձավճարներ են սահմանել։ Բոլորիս է հայտնի՝ եթե մենք ԱԱՀ-ով հարկվելու դեպքում ստիպված լինենք վարձավճարներն անգամ չնչին բարձրացնել, դա պետք է լինի հիմնավորված, իսկ այս դեպքում չկա հիմնավորում, նույն ծառայությունների դիմաց ծնողը 20 տոկոսով ավելի է վճարում»,- ասաց նա։

Որոշման մեջ տեղ գտած հիմնավորումը, թե ոլորտը գերշահույթ է ապահովում, Հակոբյանը թյուրիմացություն է համարում։ Սա այն ոլորտն է, որտեղ պետությունն աջակցության ծրագրեր իրականացնելու փոխարեն հարկերն է ավելացնում։

«Կրթության ոլորտը երբևէ գերշահույթ չի հետապնդել և կարիք ունի պետական աջակցության` սուբսիդավորման կամ այլ աջակցության, մինչդեռ փոխարենը ստանում ենք մեկ ուրիշ հարված»,- նշեց նա։

Նույն ՀԿ հիմնադիր անդամ Նելլի Խաչատրյանը ներկայացրեց իրենց կողմից իրականացված սոցիոլոգիական հարցումների արդյունքները, ըստ որի` 80 տոկոս դեպքերում մասնավոր հաստատություններ հաճախող երեխաների ծնողներից 2-ն էլ աշխատող են, և, եթե իրենց որոշեն բարձրացնել վարձավճարների չափը, չի բացառվում, որ նրանց մի մասը հրաժարվեն իրենց երեխաներին մասնավոր հաստատություններ տանել։ Այս դեպքում արդեն կծանրաբեռնվեն առանց այն էլ գերծանրաբեռնված պետական նախակրթարանները։

Պատերազմի ժամանակ վնասվել կամ ավերվել է 12 մանկապարտեզ և 71 դպրոց. Արման Թաթոյան

Արփինե Հակոբյանի խոսքով`այս պահին միայն Երևանում 12.000 երեխա սպասում է պետական մանկապարտեզներ հաճախելու իր հերթին, իսկ մասնավոր նախադպրոցական հաստատություններ միջինում 7000-8000 երեխա է հաճախում։ Նախակրթարանների փակման դեպքում այդ 12.000-ին կավելանա նվազագույնը 3500-4000 երեխա։

Նելլի Խաչատրյանը նախակրթարանների մյուս կարևոր առանձնահատկությունը համարում է ժամային առավելությունը։ Ասում է` քանի որ ծառայություն են մատուցում, ամեն ջանք գործադրում են շուկային հարմարվելու համար, ու ի տարբերություն պետական հաստատությունների՝ աշխատում են մինչև 19։00-ն, որ աշխատանքից հետո ծնողը հանգիստ գա և տուն տանի իր երեխային։

266
թեգերը:
Հայաստան, ԱԱՀ, նախակրթարան
Ըստ թեմայի
Չինացի փոքրիկների «քվեստ-փորձությունը». ինչպես են նրանք մանկապարտեզ հաճախում․ տեսանյութ
ՄԱԿ-ը մոտ 2 միլիոն դոլար օգնություն է տրամադրել Հայաստանում ապաստանած արցախցիներին
21 նոր նախակրթարան. սեպտեմբերին ավելի շատ մանուկներ կգնան մանկապարտեզ

Ռուսական ՄիԳ–ը թույլ չի տվել, որ ամերիկյան հետախույզ ինքնաթիռը խախտի սահմանը. տեսանյութ

100
(Թարմացված է 12:52 10.04.2021)
ՌԴ պաշտպանության կառավարման ազգային կենտրոնը վստահեցնում է, որ ՄիԳ-31-ի թռիչքն իրականացվել է միջազգային կանոններին համապատասխան

Ռուսական ՄիԳ-31-ն ամերիկյան RC-135 հետախույզ ինքնաթիռին ուղեկցել է Խաղաղ օվկիանոսի ջրերի վրայով։ Թռիչքի տեսագրությունը հրապարակել է Ռուսաստանի պաշտպանության նախարարությունը։

Ինչպես հայտնել են պաշտպանության կառավարման ազգային կենտրոնից, երբ ռուսական սահմանին մոտեցող օդային թիրախ է հայտնաբերվել, Արևելյան ռազմական օկրուգի հակաօդային պաշտպանության հերթապահ ուժերի կազմից ՄիԳ-31 կործանիչ է օդ բարձրացվել:

Ռուս օդաչուներն օդային մարտի են դուրս եկել Սու-35Ս կործանիչներով. տեսանյութ

Ամերիկյան ինքնաթիռը հետ է դարձել, իսկ ՄիԳ-31-ի անձնակազմը վերադարձել է օդակայան։ RC-135–ը չի խախտել ռուսական սահմանը։

Ինչու են ռուսական ՌԷՊ համակարգերն աշխարհում լավագույնը

Նշվում է, որ ՄիԳ-31-ի թռիչքն իրականացվել է միջազգային կանոններին համապատասխան։

Սու-57 ռուսական կործանիչը գրավում է աշխարհը․ ի՞նչ է լինելու հետո

100
թեգերը:
տեսանյութ, ինքնաթիռ, ՄիԳ, Ռուսաստան
Ըստ թեմայի
Ռուսական կործանիչներն օդ են բարձրացել՝ ամերիկյան ԶՈւ ինքնաթիռները «որսալու»
Ռուսական հրթիռակիրները 8-ժամանոց թռիչք են իրականացրել Արկտիկայի ջրերի վրայով․ տեսանյութ
Ռուսական Սու-27-ը Սև ծովի վրա ամերիկյան հետախույզ է որսացել. տեսանյութ

Ռուս խաղաղապահները մարդասիրական օգնություն են հասցրել Վարդաձորի բնակիչներին

62
(Թարմացված է 16:22 10.04.2021)
Գյուղի բժշկական կետին առաջնային ախտորոշման սարքեր ու բժշկական գույք է փոխանցվել:

ԵՐԵՎԱՆ, 10 ապրիլի – Sputnik. Ռուսական խաղաղապահ զորախմբի զինծառայողները մարդասիրական օգնություն են հասցրել Լեռնային Ղարաբաղի Ասկերանի շրջան։ Տեղեկությունը հայտնում է Ռուսաստանի պաշտպանության նախարարությունը:

«Մարդասիրական ակցիայի շրջանակում խաղաղապահները «Ռուսական հումանիտար առաքելություն» ոչ առևտրային անկախ կազմակերպության անունից ծալովի մահճակալներ, ծածկոցներ, բարձեր, սնունդ պատրաստելու համար նախատեսված վառարաններ և այլ գույք են հանձնել Փիրջամալ (Վարդաձոր. խմբ.) բնակավայրում ապրող 15 բազմազավակ ընտանիքներին ու տեղահանվածներին», - նշված է հաղորդագրության մեջ:

Բացի այդ, առաջնային ախտորոշման սարքեր ու բժշկական գույք է փոխանցվել գյուղի բուժկետին:

Մեկ շաբաթվա ընթացքում ռուս խաղաղապահ զորախմբի զինծառայողները Ստեփանակերտում երկու մարդասիրական գործողություն են իրականացրել, որոնց ընթացքում տեղի բնակչությանը փոխանցվել է ավելի քան 1 տոննա առաջին անհրաժեշտության իրեր, դեղորայք և մթերք։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

62
թեգերը:
Հումանիտար օգնություն, Գյուղ, խաղաղապահ, Արցախ
թեմա:
Խաղաղապահներն Արցախում
Ըստ թեմայի
Խաղաղապահների աջակցությամբ Արցախում գյուղատնտեսական աշխատանքներ են սկսվել
Հայ ուխտավորները ռուս խաղաղապահների ուղեկցությամբ այցելել են Դադիվանք ու Ամարաս
Ադրբեջանցիների սադրանքներն ուղղված են ռուս խաղաղապահների և ՌԴ–ի դեմ. Տիգրան Աբրահամյան
Զելենսկին ու Էրդողանը

«Մեր սկզբունքային դիրքորոշումը Ղրիմի անեքսիայի չճանաչումն է». Էրդողան

0
(Թարմացված է 23:25 10.04.2021)
Թուրքիայի նախագահը Ղրիմի վերաբերյալ իր դիրքորոշումը հայտնել է Վլադիմիր Զելենսկու հետ բանակցությունների հետո։

ԵՐԵՎԱՆ, 10 ապրիլի — Sputnik. Թուրքիայի նախագահ Ռեջեփ Թայիփ Էրդողանն ուկրաինացի գործընկերոջ` Վլադիմիր Զելենսկու հետ բանակցություններից հետո հայտարարել է, որ աջակցում է «Ղրիմի պլատֆորմին»։ Տեղեկությունը հայտնում է ՌԻԱ Նովոստին։

Զելենսկին Ստամբուլ է մեկնել թուրք-ուկրաինական բարձր մակարդակի համագործակցության խորհրդի նիստին մասնակցելու նպատակով։

«Թուրքիան պաշտպանում է Ուկրաինայի տարածքային ամբողջականությունն ու ինքնիշխանությունը։ Մեր սկզբունքային դիրքորոշումն է չճանաչել Ղրիմի անեքսիան (բռնազավթում. խմբ)։ Խորհրդի աշխատանքի ընթացքում մենք հաստատեցինք, որ աջակցում ենք «Ղրիմի պլատֆորմին», որի նպատակը Ուկրաինայի հողերը միավորելն է: Ուզում ենք, որ այդ հարթակը լուծում դառնա Ղրիմի թաթարների և Ուկրաինայի համար», - ասել է Էրդողանը։

Նրա խոսքով՝ Թուրքիան որպես պատմական և հումանիտար պարտականություն է դիտարկում իրենց հայրենիքը հարկադրված լքած Ղրիմի թաթարների կյանքի չափանիշների բարձրացումը:

«Մենք ծրագրում ենք մզկիթ կառուցել մեր թաթար եղբայրների համար։ Հուսով եմ` առաջիկայում ենք առաջին քայլը կանենք այդ նախագծի իրականացման համար», - հավելել է Էրդողանը։

«Ղրիմի պլատֆորմի» գագաթնաժողովը, որտեղ Կիևը մտադիր է քննարկել Ղրիմը «վերադարձնելու» հարցը, նախատեսված է օգոստոսի 23-ին: Ուկրաինական կողմը պլատֆորմին միանալու առաջարկ է արել մի շարք պետությունների, այդ թվում՝ Լիտվային, Թուրքիային, Ֆրանսիային, Մեծ Բրիտանիային, Գերմանիային, Կանադային և ԱՄՆ-ին:

«Վառվում» է Ղրիմի պատճառով․ ՆԱՏՕ-ում երազում են արգելել ռուսական բանակի ներկայությունը

Ղրիմը ռուսական տարածաշրջան է դարձել 2014 թվականի մարտին անցկացված հանրաքվեից հետո, երբ Ղրիմի ընտրողների 96,77 տոկոսը և Սևաստոպոլի բնակիչների 95,6 տոկոսը կողմ էին արտահայտվել Ռուսաստանի կազմի մեջ մտնելուն: Ուկրաինան շարունակում է համարել, որ Ղրիմն իր տարածքն է, որը ժամանակավորապես օկուպացվել է։ Ռուսաստանի ղեկավարությունը բազմիցս հայտարարել է, որ Ղրիմի բնակիչները ժողովրդավարական ճանապարհով, միջազգային իրավունքին և ՄԱԿ-ի կանոնադրությանը համապատասխան քվեարկել են Ռուսաստանի հետ վերամիավորման օգտին: Ռուսաստանի նախագահ Վլադիմիր Պուտինի խոսքով՝ Ղրիմի հարցը վերջնականապես փակված է:

ՌԴ-ն չի ընդունում Թուրքիայի դիրքորոշումը Ղրիմի հարցում. Պեսկով

0
թեգերը:
Ղրիմ, Վլադիմիր Զելենսկի, Ռեջեփ Թայիփ Էրդողան, Ուկրաինա, Թուրքիա