Թբիլիսիում ձերբակալվել է ընդդիմության առաջնորդը. տեսանյութ

34
(Թարմացված է 11:06 23.02.2021)
Վրացի ուժայինները հատուկ գործողություն են իրականացրել «Միասնական ազգային շարժում» ընդդիմադիր կուսակցության շենքում։

Վրացական ընդդիմադիր «Միացյալ ազգային շարժում» կուսակցության առաջնորդ Նիկա Մելիան այսօր` փետրվարի 23–ին, ձերբակալվել է ուժայինների հատուկ գործողության արդյունքում։

Ինչպես հայտնում է Sputnik Վրաստանը, ՄԱՇ-ի շենքն ամբողջությամբ զբաղեցրել են հատուկ նշանակության ջոկատները։ Տարածքում հավաքվում էին ընդդիմության կողմնակիցները։

Դատելով համացանցում տարածված կադրերից՝ ընդդիմադիրները փորձել են բարիկադներ կազմել պահարանով և սեղանով՝ խոչընդոտելու հատուկ նշանակության ուժերի ներխուժմանը։

Նշվում է, որ ուժայինները գրոհի ընթացքում արցունքաբեր գազ են օգտագործել։

«Պայքարը ձերբակալությամբ չի ավարտվում, այլ միայն սկսվում է։ Ինչ էլ նրանք անեն՝ մենք պայքարելու ենք մինչև արյան վերջին կաթիլը»,-ասել է «Եվրոպական Վրաստան» կուսակցության առաջնորդ Գիգի Ուգուլավան։

Թբիլիսին կօգնի՞ հայկական հուշարձանների հարցով. Դումանյանն ընդունել է Վրաստանի դեսպանին

«Միացյալ ազգային շարժում» կուսակցության նախագահը ներգրավված է 2019թ․-ի հունիսի 20-ին զանգվածային անկարգությունների կազմակերպման գործով։ Մելիան հրաժարվել է վճարել երկրորդ անգամ նշանակված տուգանքը։ Դատախազությունը պահանջել է, որպեսզի նախաքննության ընթացքում նա կալանքի տակ պահվի։ Փետրվարի 17-ին դատարանը բավարարել է դատախազության միջնորդությունը։

34
թեգերը:
Ձերբակալություն, առաջնորդ, ընդդիմություն, Վրաստանի Հանրապետություն
Ըստ թեմայի
Կռվա-«կախեթ»․ հայ գինեգործները չեն կարողանում ապրանքն արտահանել Վրաստանով
Հայաստանի և Վրաստանի քաղաքացիները կկարողանա՞ն սահմանը հատել ID-քարտերով
Ում է պետք առանց վիզայի Եվրոպա գնալը, երբ Վրաստանը հող է կորցրել. ուժը կորցրած արդարացում
Վրաստանում թալանել են նախկին պատգամավոր Ազեր Սուլեյմանովին

Փաշինյանի կազմակերպած հանրահավաքի մասնակիցները երթով անցնում են Ամիրյան փողոցով. տեսանյութ

19
(Թարմացված է 20:16 01.03.2021)
Հանրապետության հավաքվածներից ոմանք առաջարկեցին գնալ Բաղրամյան պողոտա, որտեղ հանրահավաք է կազմակերպել ընդդիմությունը։

Հանրապետության հրապարակում ավարտվեց ՀՀ վարչապետ Նիկոլ Փաշինյանի հրավիրած հանրահավաքը։ Դրանից հետո նա առաջարկեց իրենց հավաքը եզրափակել երթով։ Հավաքված բազմության միջից լսվեցին Բաղրամյան պողոտա գնալու կոչեր, ինչին ի պատասխան Փաշինյանը հայտարարեց, որ թեև այնտեղ հավաքվածները վատ բաներ են ասում իրենց մասին, բայց իրենց քույրերն ու եղբայրներն են։

«Ես շատ եմ մտածել, թե որտեղ ենք մենք սխալվել». Նիկոլ Փաշինյանը ներողություն խնդրեց

Հրապարակում հավաքվածները երթով շարժվեցին դեպի Մյասնիկյանի արձան՝ հարգանքի տուրք մատուցելու Մարտի 1–ի զոհերի հիշատակին։

Երթը կանցնի Մաշտոցի պողոտայով, Կորյունի, ապա Աբովյան փողոցներով։ Նրանք Մյասնիկյանի արձանի մոտ ծաղիկներ կխոնարհեն։

Sputnik Արմենիայի կադրերում երևում է, թե ինչպես են երթի մասնակիցներն անցնում Ամիրյան փողոցով։

2021թ.–ի հոկտեմբերին Հայաստանում կանցկացվի սահմանադրական հանրաքվե. Փաշինյան

 

19
թեգերը:
երթ, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Մեր թիկունքում հայկական ողջ բանակն է կանգնած. Յուրի Խաչատուրով
Մենք պետք է սահմանադրական ճանապարհով իշխանափոխության հասնենք. Մելքումյան
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը

ՀՅԴ-ականները մտել են կառավարության 3-րդ մասնաշենք և 10–րոպեանոց ակցիա արել

186
(Թարմացված է 14:20 01.03.2021)
Ոստիկանները լուռ հետևում էին, թե ինչպես են ակցիայի մասնակիցները բարձրախոսերով գոռում Նիկոլ Փաշինյանի՝ դավաճան լինելու մասին։

Հայ հեղափոխական դաշնակցակության տասնյակի հասնող անդամներ ներխուժեցին կառավարության 3-րդ մասնաշենք և 10 րոպե բողոքի ակցիա արեցին։ Նրանք զգուշացրին, որ չեն եկել շենքը գրավելու, այլ ընդամենը ուզում են խնդրել մարդկանց՝ չգնալ վարչապետի հանրահավաքին։

«Այս իշխանությունները չեն ներկայացնում ազգային շահերը։ Չմասնակցե՛ք Նիկոլ Փաշինյանի կազմակերպած հավաքին», - ասում էին նրանք գոռալով՝ դիմելով նախարարությունների աշխատակիցներին։

Ոստիկանները լուռ հետևում էին, թե ինչպես են ակցիայի մասնակիցները բարձրախոսներով գոռում։ Տասը րոպե անց ՀՅԴ—ականները դուրս եկան շենքից ու հայտարարեցին լրագրողներին, որ ակցիան հաջողված է և ավարտված։

Նշենք, որ Երևանում մարտի 1-ին նախատեսված է միանգամից երկու հանրահավաք։ Վարչապետ Նիկոլ Փաշինյանն իր կողմնակիցներին Հանրապետության հրապարակ է հրավիրել 18։30-ին, իսկ ընդդիմադիր «Հայրենիքի փրկության շարժումը» ՝ ժամը 18։00-ին Բաղրամյան պողոտա։

Հիշեցնենք, որ քաղաքական ճգնաժամը խորացավ այն բանից հետո, երբ ՀՀ ԶՈւ գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը՝ ասելով, որ քաղաքական ղեկավարությունը պետությունը տանում է դեպի վտանգավոր սահման։

Ի պատասխան վարչապետ Նիկոլ Փաշինյանն այդ քայլը որակեց որպես հեղաշրջման փորձ և ստորագրեց Գասպարյանին պաշտոնից հեռացնելու մասին որոշումը։ Սակայն նախագահ Արմեն Սարգսյանը չի ստորագրել այդ առաջարկությունը և առարկություններով դիմել է վարչապետի աշխատակազմ։ Կառավարության ղեկավարը փաստաթուղթը կրկին ուղարկել է նախագահին։

186
թեգերը:
հանրահավաք, Նիկոլ Փաշինյան, Հայ Յեղափոխական Դաշնակցություն (ՀՅԴ)
Ըստ թեմայի
ՀՅԴ Բյուրոն կոչ է անում իշխանություններին առանց երկարաձգելու հրաժարական տալ
Կանչ ենք ստացել․ ՀՅԴ-ականների սպիտակ խալաթներով ակցիան՝ կառավարության շենքի դիմաց
ՀՅԴ Հայ դատի Կենտրոնական խորհուրդը խիստ խնդրահարույց է համարում արտգործնախարարի ելույթը
Նիկոլ Փաշինյանի հանրահավաքը

Փաշինյանը գնում է արտահերթ ընտրության. հայտնի է կարգախոսը

0
(Թարմացված է 20:20 01.03.2021)
ՀՀ վարչապետը մարտահրավեր նետեց խորհրդարանական ընդդիմությանը` եկեք գնանք արտահերթ ընտրությունների։

ԵՐԵՎԱՆ, 1 մարտի - Sputnik. ՀՀ վարչապետ Նիկոլ Փաշինյանն այսօր Հանրապետության հրապարակում հրավիրված հանրահավաքի իր ելույթում հայտարարեց, որ ընդունում է ընդդիմության մարտահրավերը` գնալու արտահերթ ընտրությունների։

Հայտնի է անգամ, թե ինչ կարգախոսով իշխող քաղաքական ուժը կմասնակցի ընտրություններին։

«Մենք անգամ կարգախոսներ էինք մտածել, և այդ կարգախոսներից մեկը հետևյալն էր. «Վերջ թավիշին»»,– ասաց Փաշինյանը` իր մարտահրավերը նետելով խորհրդարանական ընդդիմությանը` եկեք գնանք արտահերթ ընտրությունների։

Վարչապետը նաև հայտարարեց, որ ժողովուրդն է իրեն ընտրել վարչապետ, ժողովուրդն էլ կարող է իրեն պաշտոնանկ անել։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

0
թեգերը:
ընդդիմություն, Ընտրություններ, Հայաստան, Վարչապետ, Նիկոլ Փաշինյան
Ըստ թեմայի
2021թ.–ի հոկտեմբերին Հայաստանում կանցկացվի սահմանադրական հանրաքվե. Փաշինյան
Մեր թիկունքում հայկական ողջ բանակն է կանգնած. Յուրի Խաչատուրով
Փաշինյանի կազմակերպած հանրահավաքի մասնակիցները երթով անցնում են Ամիրյան փողոցով. տեսանյութ