Հայաստանն ու Ադրբեջանը ՄԻԵԴ-ում միմյանց նկատմամբ դրամական պահանջ առայժմ չեն ներկայացրել

127
(Թարմացված է 22:08 22.02.2021)
Նման գործերի քննությունը, որպես կանոն, ՄԻԵԴ-ում շուրջ 5-6 տարի է տևում, բայց Կիրակոսյանը հույս ունի, որ հարցի հրատապությունը հաշվի առնելով, ՄԻԵԴ-ը որոշ չափով կկրճատի այդ ժամկետը:

Հետաքրքական է, որ չնայած ադրբեջանական կողմից պարբերաբար հնչող հայտարարություններին, ո՛չ Ադրբեջանը, և ո՛չ էլ Հայաստանը Մարդու իրավունքների եվրոպական դատարանին միմյանց նկատմամբ դրամական պահանջ առայժմ չեն ներկայացրել: Այս մասին Sputnik Արմենիայի հետ զրույցում նշեց ՄԻԵԴ-ում ՀՀ կառավարության ներկայացուցիչ Եղիշե Կիրակոսյանը:

«Դա, կարծում եմ, բնական է, որովհետև այս փուլում հազիվ թե կողմերից մեկը կարողանար հասցնել դա անել: Սա դատավարական այն փուլը չէ նաև, որտեղ դրա մասին արժե խոսել: Դրա համար առանձին ընթացակարգ կլինի, հնարավորություն կլինի և պարզ է, որ մենք կներկայացնենք»,- ասաց նա։

Ներկա պահին Հայաստանի կողմից ՄԻԵԴ են ներկայացվել տասնյակ հազարավոր հայերի սեփականության խախտման դեպքերի մասին փաստեր, ինչպես նաև իրավաբանական անձանց գույքին վերաբերող փաստեր:

«Խոսքը ոչ միայն անշարժ, այլև շարժական գույքի, նաև՝ արվեստի գործերի մասին է: Դրանք մենք նաև հետագայում կավելացնենք գանգատին՝ առանձին խմբերով ու առանձին գործերով»,- ասաց Կիրակոսյանը՝ հավելելով, որ գանգատի համալրման գործընթացն այսօր էլ շարունակվում է:

«Այս պահին էլ մեր գրասենյակի թիմն ամենօրյա ռեժիմով աշխատում է այդ ուղղությամբ, մենք դեռևս շարունակում ենք ապացույցների ամբողջականացման պրոցեսը, որովհետև ներկայացրել ենք մեծաքանակ ապացույցներ՝ գանգատի հետ, բայց դեռևս շարունակում ենք լրացնել այդ ապացույցները»,- ասաց Կիրակոսյանը:

Նշենք, որ Հայաստանի կողմից ամբողջական միջպետական գանգատը ՄԻԵԴ ներկայացվել է 2021թ-ի փետրվարի 4-ին: Ադրբեջանը միջպետական գանգատ էր ներկայացրել հունվարի 15-ին: ՄԻԵԴ-ը պաշտոնապես հաստատել է երկու երկրներից ստացված հայցերը: Հայաստանյան հայցը վերաբերում է պատերազմի հետևանքներին, պատերազմական հանցագործություններին, ինչպես նաև պատերազմին հաջորդած ժամանակահատվածում կատարված հանցանքներին:

Հայաստանը միջպետական գանգատ է ներկայացրել ՄԻԵԴ ընդդեմ Ադրբեջանի

Ինչ վերաբերում է գերիներին, Կիրակոսյանը հայտնեց, որ ներկա պահին ՄԻԵԴ-ի հարցումներից հայ գերիներին է առնչվում 228-ը: Այս թիվը, Եղիշե Կիրակոսյանի համոզմամբ, դեռ աճման միտում ունի:

«Ավելացման տեմպը միգուցե այդքան բարձր չլինի, ինչպես նախկինում էր, բայց չեմ բացառում, որ էլի կլինեն դեպքեր, կամ տեսագրություններ, որտեղ ի հայտ կգան նոր անձինք: Ինչ-որ մի փուլում, երբ տեսագրությունների ու նմանատիպ ձայնագրությունների առատություն կար, հատկապես պատերազմի ընթացքում ու հաջորդող ժամանակահատվածում, կարծեմ դա հատուկ նպատակով էր արվում ադրբեջանական կողմից՝ վախի մթնոլորտ, սարսափ տարածելու նպատակով»,- ասաց Կիրակոսյանը:

Միաժամանակ, գերիների հարցով ՄԻԵԴ են դիմում նաև անհատ փաստաբանները, որոնք առավել մանրամասն ներկայացնում են գերիների նկատմամբ խախտումների փաստերը: Այս գործերը, Կիրակոսյանի դիտարկմամբ, ի վերջո լրացնելու են Հայաստանի կողմից ներկայացված գանգատը, հետևաբար, պետական գրասենյակը սերտորեն համագործակցում է ՄԻԵԴ դիմող բոլոր փաստաբանների հետ:

Սովորաբար նման գործերի քննությունը, որպես կանոն, ՄԻԵԴ-ում շուրջ 5-6 տարի է տևում, բայց Կիրակոսյանը հույս ունի, որ հարցի հրատապությունը հաշվի առնելով, ՄԻԵԴ-ը որոշ չափով կկրճատի այդ ժամկետը:

Օրինակ՝ ՌԴ- Վրաստան 2008թ-ի պատերազմի մասին գործի քննությունն, ըստ Կիրակոսյանի, ավարտվել է միայն ս.թ. հունվար ամսին՝ 13 տարի անց:

Լիբանանահայ կինը գնացել է Շուշիից իրերը վերցնելու, նրան գերի են վերցրել. ՄԻԵԴ–ը հաստատել է

127
թեգերը:
ադրբեջանցի, հայ, գերի, Եղիշե Կիրակոսյան, Մարդու Իրավունքների Եվրոպական դատարան (ՄԻԵԴ)
Ըստ թեմայի
Ադրբեջանում հայտնված 13 հայ գերիների պաշտպանության համար ՄԻԵԴ–ը հրատապ միջոց կկիրառի
Գերիների հետ Ադրբեջանի գործողությունների վերաբերյալ նոր փաստեր են ներկայացվում ՄԻԵԴ
ՄԻԵԴ-ը պարտավորեցրել է Ադրբեջանին տեղեկատվություն տրամադրել առևանգված 10 քաղաքացու մասին

Թողեք էթանք, հո զզվանք չեք. ավտոբուսները Փաշինյանի հանրահավաքի մասնակիցներին տարան տուն

507
(Թարմացված է 22:48 01.03.2021)
Այս տեսարանը Մյասնիկյանի արձանի հարակից տարածքում արձանագրել է Sputnik Արմենիայի տեսախցիկը։

Երևանի կենտրոնում այսօր ՀՀ վարչապետ Նիկոլ Փաշինյանի անցկացրած հանրահավաքից ու երթից հետո դրանց մասնակցած մարզերի բնակիչներին ավտոբուսներով ու միկրոավտոբուսներով տանում են իրենց բնակավայրեր։

Այս տեսարանը Մյասնիկյանի արձանի հարակից տարածքում արձանագրել է Sputnik Արմենիայի տեսախցիկը։

Գործընթացի կազմակերպիչները թույլ չեն տալիս տուրիստական ավտոբուսներում նստած քաղաքացիներին պատասխանել լրագրողների հարցերին։

Լրագրողի հարցին, թե որտեղից են նրանք եկել Երևան, արդյո՞ք Մարտունիից, ավտոբուսում նստած տղամարդն արձագանքեց. «Թողեք էթանք, հո դուք զզվանք չեք»։

Հիշեցնենք` Հանրապետության հրապարակում մեկնարկած հանրահավաքն այսօր ավարտվեց Երևանի կենտրոնական փողոցներով անցկացված երթով ու Մյանիկյանի արձանի հարակից տարածքում Մարտի 1-ի զոհերի հիշատակը հարգելով։

507
թեգերը:
ավտոբուս, հանրահավաք, Նիկոլ Փաշինյան
Ըստ թեմայի
Առանց Նիկոլի՞, թե՞ նրա հետ. Փաշինյանի կողմնակիցներն ու հակառակորդները լապտերներ վառեցին
Օնիկ Գասպարյանի դուստրը պատասխանել է Նիկոլ Փաշինյանին
Իշխանությունը ծաղիկներ խոնարհեց Մարտի 1-ի իրադարձությունների զոհերի հիշատակին

Առանց Նիկոլի՞, թե՞ նրա հետ. Փաշինյանի կողմնակիցներն ու հակառակորդները լապտերներ վառեցին

60
(Թարմացված է 20:36 01.03.2021)
Երևանի կենտրոնում կազմակերպված երկու հանրահավաքի մասնակիցները միացրին հեռախոսների լապտերները, բայց տարբեր նպատակներով:

Հայաստանի վարչապետ Նիկոլ Փաշինյանի հրաժարականի պահանջով Բաղրամյան պողոտայում հավաքվածները միացրին հեռախոսների լապտերները։ Այդ խնդրանքով նրանց դիմեց Հայրենիքի փրկության շարժման համակարգող Գեղամ Մանուկյանը։

«Քանի որ մութ է, և շատերը չեն պատկերացնում` որքան մարդ կա այստեղ, միացնենք հեռախոսների լույսերը, որպեսզի երևա, թե որքան ենք մենք», - ասաց Մանուկյանը։

Դրանից անմիջապես հետո բոլորը միացրին հեռախոսների լապտերները և սկսեցին վանկարկել. «Առանց Նիկոլ Հայաստան»։

Փաշինյանի կազմակերպած հանրահավաքի մասնակիցները երթով անցնում են Ամիրյան փողոցով. տեսանյութ

Իսկ Հանրապետության հրապարակում հավաքվածները, որոնց եկել էին ՀՀ վարչապետի կազմակերպած հանրահավաքին, նույն գործողությունն արեցին` այդկերպ հարգանքի տուրք մատուցելով Մարտի 1-ի զոհերի հիշատակին։

Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը

Հիշեցնենք` այսօր Երևանում միանգամից երկու հանրահավաք էր կազմակերպվել։ Փաշինյանն իր կողմնակիցներին Հանրապետության հրապարակ է հրավիրել 18։30–ին, իսկ ընդդիմադիր Հայրենիքի փրկության շարժումը 18։30-ին հանրահավաք է կազմակերպել Բաղրամյան պողոտայում։

2021թ.–ի հոկտեմբերին Հայաստանում կանցկացվի սահմանադրական հանրաքվե. Փաշինյան

60
թեգերը:
Գեղամ Մանուկյան, ընդդիմություն, Նիկոլ Փաշինյան, Հայաստան
Ըստ թեմայի
Մենք պետք է սահմանադրական ճանապարհով իշխանափոխության հասնենք. Մելքումյան
Նիկոլ Փաշինյանն ու Արմեն Սարգսյանը հանդիպել են. ՀՀ նախագահը վատառողջ է
Ես ոչ մեկի կողքին կանգնած չեմ. Խաչատուր Սուքիասյանը մասնակցում է իշխանության հանրահավաքին
Արխիվային լուսանկար

Երևանի թիվ 20 պոլիկլինիկայի մոտ ավտոմեքենաներ են բախվել. վարորդներից մեկի վիճակը ծանր է

0
(Թարմացված է 23:02 01.03.2021)
Դավիթաշեն 4-րդ թաղամասում բախվել են «Opel Vectra G» և «Volkswagen Touareg» մակնիշների ավտոմեքենաները։

ԵՐԵՎԱՆ, 1 մարտի - Sputnik. Մարտի 1-ին, ժամը 19:57-ին Ճգնաժամային կառավարման ազգային կենտրոն ահազանգ է ստացվել, որ Երևանի Դավիթաշեն 4-րդ թաղամասի պոլիլինիկայի մոտակաքում տեղի է ունեցել ՃՏՊ՝ բախվել են ավտոմեքենաներ, կա տուժած, տեղեկացնում են ՀՀ արտակարգ իրավիճակների նախարարությունից։

Դեպքի վայր է մեկնել ԱԻՆ ՓԾ Երևանի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Դավիթաշեն 4-րդ թաղամասի թիվ 20 պոլիկլինիկայի մոտակաքում բախվել են «Opel Vectra G» (վարորդ՝ Կ․ Ս․) և «Volkswagen Touareg» մակնիշների (վարորդ՝ Ա․ Վ․) ավտոմեքենաները։

Փրկարարները փակել են «Opel Vectra G» մակնիշի ավտոմեքենայի գազի բալոնի փականը և վարորդ Կ․ Ս․-ին մոտեցրել շտապօգնության ավտոմեքենային․ տուժածը հոսպիտալացվել է «Արմենիա» ՀԲԿ, որտեղ բժիշկները նրա առողջական վիճակը գնահատել են ծանր։

0
թեգերը:
Դավթաշեն, Տուժածներ, ավտովթար
Ըստ թեմայի
Ողբերգական վթար Արարատի մարզում. 28-ամյա վարորդը տեղում մահացել է
Երևանում գրանցվել է 70 վթար, որի պատճառով քաղաքում երթևեկությունը կաթվածահար է եղել
Վթար Երևանում. տուժածներից երկուսի վիճակը ծանր է