Եթե ճանապարհներ չենք փակել, դեռ չի նշանակում, որ մեր խնդիրները լուծվել են. Սարգսյան

117
(Թարմացված է 21:37 20.02.2021)
Հայաստանի խաղողագործների միության նախագահ Արտակ Սարգսյանը Sputnik Արմենիայի հետ զրույցի ընթացքում անդրադարձել է խաղողագործների առջև ծառացած խնդիրներին, որոնք եղել են նախորդ տարի և չլուծվելու պատճառով կարող են կրկին գլուխ բարձրացնել ընթացիկ տարում։ 

Արտակ Սարգսյանի դիտարկմամբ` եթե խաղողագործներն անցյալ տարի մթերման սեզոնին իրենց խնդիրները բարձրաձայնելու նպատակով ճանապարհներ չեն փակել, դա դեռ չի նշանակում, թե տարին չի եղել խնդրահարույց խաղողի մթերման, գնագոյացման, սուբսիդավորումների ու վարկերի, գյուղատնտեսական աշխատանքների իրականացման առումով։

ՀՀ կառավարության փետրվարի 18–ի նիստի ժամանակ Էկոմոնիկայի նախարար Վահան Քերոբյանը հայտարարեց, որ արդեն երկու տարի է, ինչ խաղողագործները ճանապարհ չեն փակում, խաղող չեն թափում։

«Ինձ համար նույնպես անակնկալ էին կառավարության նիստի ընթացքում հնչած հարցադրումները` կապված խողողագործության ոլորտի հետ։ Մենք դեռ 2015 թվականից պայքարում ենք, որ խողողագործների ու կառավարության միջև առաջացած հարցերը փոխշահավետորեն լուծվեն, մինչդեռ այսօր նրանք, ովքեր բնագավառից չեն հասկանում, հարցերին մոտենում են ծաղրանքով»,– նշեց Հայաստանի խաղողագործների միության նախագահը։

Երկու տարի է` խաղողագործները ճանապարհ չեն փակում, խաղող չեն թափում. Վահան Քերոբյան

Սարգսյանի գնահատմամբ` նախորդ տարին խողողագործների համար բարդ էր ու դժվար, նրանք հայտնվել էին անճար վիճակում, թեև Աստծո կամոք ունեին բերք, սակայն մթերման սեզոնին բախվեցին արդեն ավանդական դարձած դժվարությունների հետ`կապված մթերման քանակների ու խաղողի մթերման գնի հետ, որն իջեցվեց մինչև 70 դրամ մեկ կիլոգրամի դիմաց։

Ըստ նրա` մարդիկ դարձյալ չունեին պայմանագիր, ինչից օգտվում էին մթերողները, իսկ գյուղացիները կրկին հայտնվում էին գնային վայրիվերումների ու կամայական մոտեցումների հորձանուտում։ 

Հայաստանում հնարավո՞ր է ապրել խաղողագործությամբ. փորձագետների կարծիքները տարբեր են

117
թեգերը:
Հայաստան, Ճանապարհ, մթերք, Խաղող
թեմա:
Sputnik զրույց (240)
Ըստ թեմայի
«Կարևորը՝ բերքը չփչանա». խաղողագործները դժգոհ են փոխմարզպետի պատասխանից և մթերման գներից
Կարմիր խաղողի պահանջարկը մեծ է, կամ ինչպես հայերը սիրեցին սպիտակ և վարդագույն գինիները
Խաղողագործները խախտում են հերթերն ու խնդիրներ ստեղծում. նախարարը հետևել է մթերման ընթացքին
Հայաստանում հնարավո՞ր է ապրել խաղողագործությամբ. փորձագետների կարծիքները տարբեր են

«Ցավի և պայքարի մարտի 8». ընդդիմությունը գնում է Եռաբլուր. տեսանյութ

97
(Թարմացված է 18:19 08.03.2021)
Մարտի 8-ը ընդդիմադիրները որոշել են անցկացնել այն որդեկորույս կանանց հետ, որոնք կլինեն զինվորական պանթեոնում։

Հայրենիքի փրկության շարժումը Բաղրամյան պողոտայից միկրոավտոբուսներով շարժվեց Եռաբլուր։ «Ցավի և պայքարի մարտի 8» ակցիայի շրջանակում ընդդիմադիրներն այս օրը կանցկացնեն որդեկորույս կանանց հետ։

«Մենք պարտք ենք մեր հերոսներին, նրանց մայրերին, կանանց, դուստրերին ու քույրերին։ Մեր ուխտի ճանապարհն անցնում է Եռաբլուրով: Եռաբլուրը մեր խոստումների ու ապագա Հայաստանի անկյունաքարն է», – ասել են շարժման անդամները։

Մեկ տասնյակի հասնող միկրոավտոբուսների վրա «Նիկոլ, հեռացիր» գրությամբ պաստառներ են։

Հիշեցնենք` «Հայրենիքի փրկության շարժումը» մարտի 1-ից փակել է Բաղրամյան պողոտան, վրաններ տեղադրել այնտեղ և շարունակական հանրահավաքներով պահանջում է վարչապետ Նիկոլ Փաշինյանի հրաժարականը։

97
թեգերը:
Մարտի 8, Եռաբլուր պանթեոն, ընդդիմություն, երթ, Հայրենիքի փրկության շարժում, Երևան
Ըստ թեմայի
Փաշինյան vs Գլխավոր շտաբ, կամ ինչ է պակասում ընդդիմությանը հաջողության հասնելու համար
«Հասնելու ենք հաղթանակի». Բաղրամյան պողոտայում մեկնարկել է ընդդիմության հանրահավաքը
«Նիկո՛լ, արի տես ժողովուրդն ինչ է ուզում». ընդդիմության երթն ավարտվեց

Աշոտ Ղազարյանի թոռնուհին հիացրեց «Ну-ка все вместе!» շոուի ժյուրիին. տեսանյութ

500
(Թարմացված է 10:42 08.03.2021)
Անահիտ Ադամյանն արդեն այնքան է մեծացել, որ մասնակցում է մեծերի համար նախատեսված նախագծին։

Ճանաչված դերասան Աշոտ Ղազարյանի թոռնուհին` Անահիտ Ադամյանը, երեկ մասնակցեց «Ну-ка все вместе!» երգի մրցույթին, երգեց TLC խմբի «No Scrubs» երգն ու հիացրեց ժյուրիի անդամներին։

Ելույթից առաջ նա խոստովանեց, որ առաջին անգամ է մասնակցում մեծերի համար նախատեսված նախագծի և շատ է հուզվում։
Նրա ելույթը դուր եկավ ժյուրիի 100 անդամներից 88–ին։ Անահիտի կատարումից հետո երգիչ Նիկոլայ Բասկովն ասաց. «Աստված իմ, 17 տարեկանում եկար ու նվաճեցիր Մոսկվան»։

Անահիտն ապրում է Սոչիում, երգում է փոքրուց։ Ելույթից առաջ նա պատմեց, որ իր տաղանդը նկատել է հոր ընկերը և հորդորել, որ լրջորեն զբաղվեն աղջնակով։ 

Հիշեցնենք` պրոֆեսիոնալ վոկալով զբաղվող Անահիտը 2016 թվականին հայտնվեց «Մանկական Եվրատեսիլում»։ Նա Մերի Վարդանյանի հետ երգեց Նիկ Եգիբյանի և Ավետ Բարսեղյանի հեղինակած «Տարբեր» կոչվող ստեղծագործությունը, և նրանց կատարման շնորհիվ Հայաստանը զբաղեցրեց երկրորդ տեղը։

2017 թվականին աղջնակը Հայաստանը ներկայացրեց մանկական «Նոր ալիք» մրցույթում և առաջին տեղը կիսեց ռուսաստանցի Արինա Պետրովայի հետ։

Աշոտ Ղազարյանի թոռնուհին անցած տարի եղբոր` Բորիսի հետ մասնակցեց մանկական «Ну-ка все вместе!» նախածին, և հենց նրանք էլ դարձան նախագծի հաղթողները։

500
թեգերը:
Անահիտ Ադամյան, տեսանյութ, երգ, մրցույթ
Ըստ թեմայի
Սերժ Թանկյանի Recognize Artsakh երգը ռուսերեն են թարգմանել. տեսանյութ
Հայ տարեց տղամարդը Լիբանանի «The Voice»-ում երգում է «Թռչեի մտքով տուն». տեսանյութ
16–ամյա երգիչ Գարիկ Զաբելյանը փայլեց «Ну-ка все вместе» վոկալային շոուի ժամանակ
Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները
Աշոտ Մինասյան

Կողոպտել են «Սիսական» ջոկատի հրամանատար Աշոտ Մինասյանի տունը և գողացել նրա շքանշանները

238
(Թարմացված է 23:17 08.03.2021)
Այդ տանը ոչ ոք հիմա չի ապրում։ Այն, որպես հայրական օջախ, վերածվել էր Աշոտ Մինասյանի` Արցախյան պատերազմում զոհված եղբոր` Աղվան Մինասյանի թանգարանի։

ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։

Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։

Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։

«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։

Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։

Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։

238
թեգերը:
Սիսիան, շքանշան, տուն, գողություն, կողոպուտ, Աշոտ Մինասյան