Եթե անվտանգության երաշխիքներ լինեն, կվերադառնանք Բերձոր. դպրոցի նախկին տնօրեն

47
(Թարմացված է 20:37 19.02.2021)
Բերձորի հանրակրթական դպրոցի նախկին տնօրեն Արմեն Մովսիսյանը Sputnik Արմենիայի «Օրացույց» հաղորդման շրջանակում անդրադարձել է Արցախին հարակից տարածքներում ժամանակին իրականացված բնակեցման աշխատանքներին։ 

Արմեն Մովսիսյանը գործընթացը բաժանեց մի քանի փուլի։ Ըստ նրա` եղել են ժամանակաշրջաններ, երբ բնակեցման աշխատանքներն իրականացվել են անբավարար չափով, եղել են նաև ժամանակներ, երբ կատարվել է բավականին լավ, երբեմն նույնիսկ գերազանց աշխատանք։ Մովսիսյանի գնահատմամբ` գործընթացն ընդհանուր առմամբ կախված է եղել երկրի ընդհանուր տնտեսական ու քաղաքական իրավիճակից։ 

«20-25 տարվա ընթացքում միայն Բերձորի շրջանում կառուցվել է 58 հանրակրթական դպրոց։ Երբ նշանակվեցի տնօրեն, իմ առաջին խնդիրն աշխատանքների կանոնակարգումն էր։ Դպրոցը կառուցվեց երկու տարում, և դրան զուգահեռ սկսվեց դպրոցաշինությունն ամբողջ տարածքում։ Շրջանի ղեկավար Ալեքսան Հակոբյանը քաջ գիտակցում էր թե՛ ուսուցչի դերը, թե՛ կրթության դերը, բայց ամեն ինչ արվում էր դժվարությամբ. խնդիրը հիմնականում վերաբերում էր աշխատանքների ծավալների բավարարությանը»,– նշեց Բերձորի հանրակրթական դպրոցի նախկին տնօրենը։

Մովսիսյանի փոխանցմամբ` վաղ շրջանում իրականացվում էր մի քանի ծրագիր, մարդկանց հատկացվում էին մեծ հողատարածքներ, բնակության համար ստեղծվում էին փոքրիշատե նորմալ պայմաններ, խրախուսվում էին հատկապես ուսուցիչները, որոնք կազմում էին պետաշխատողների զգալի մասը։ Կար մեծ ոգևորություն, ինչh օգնում էր հաղթահարել բոլոր դժվարությունները։

Մովսիսյանի տեղեկացմամբ` պատերազմից հետո այդ տարածքներն անցել են Ադրբեջանի վերահսկողության տակ, և իրենց բնականաբար թույլ չեն տալիս վերադառնալ Բերձոր։ Մովսիսյանը Հայաստանում ստեղծել է հասարակական կազմակերպություն և աջակիցների հետ փորձում է օգնել բերձորցիներն, ովքեր թողել են իրենց տունն ու ունեցվածքը և եկել Հայաստան։ Ըստ նրա` եթե լինեն անվտանգության երաշխիքներ, ապա իրենք կվերադառնան Բերձոր։

«Հայրիկն ինձ ուզում էր հարսի շորով տեսնել` չհասցրեց». հետպատերազմյան հարսանիքներն Արցախում

47
թեգերը:
տեղահանված, Արցախ, Բերձոր
թեմա:
Իրականում / Օրացույց (672)
Ըստ թեմայի
Արցախը ծանր վիրավոր է, բայց ողջ է. Բաբայանն ասել է` որն է իշխանության գերակա ուղղությունը
Ծրագրեր են սկսվել Արցախի վերահսկողությունից դուրս մնացած համայնքների բնակիչների համար
«Լաչինի միջանցքը» Վանաձորում, կամ շուկայում ամեն սանտիմետրի համար այլևս ոչ ոք չի պայքարում

«Մեր անունն է հայկական բանակ». ընդդիմության երթը՝ Երևանի կենտրոնական փողոցներով

157
(Թարմացված է 22:22 27.02.2021)
Հանրապետության հրապարակում ընդդիմության երթի մասնակիցները կանգ չառան։ Իշխան Սաղաթելյանը հայտարարեց, որ կառավարության այս շենք գալու են մեկ անգամ և վերջնական։

Հայրենիքի փրկության շարժման մասնակիցները երթով անցնում են Երևանի կենտրոնական փողոցներով։ Բաղրամյան պողոտայում անցկացված հանրահավաքից հետո դրա կազմակերպիչներն ու մասնակիցներն անցան Բաղրամյան–Սայաթ Նովա– Նալբանդյան փողոցներով, հասան Հանրապետության հրապարակ։ Այստեղ, ի դեպ, կանգ չառան կառավարության շենքի դիմաց, անցան որևէ հայտարարության ու կանգառի։

«Երեկ մենք պայմանավորվել ենք, որ այս շենքում նստած մեկին մենք ասելիք չունենք։ Գալու ենք, այսպես անտարբեր անցնելու ենք, որովհետև մենք այս շենք գալու ենք մեկ անգամ և վերջնական»,– կառավարության շենքի մոտով անցնելիս ասաց ՀՅԴ Հայաստանի ԳՄ ներկայացուցիչ Իշխան Սաղաթելյանը։

Նա նաև հիշեցրեց, որ այսօր ՀՀ նախագահը մերժել է ստորագրել Նիկոլ Փաշինյանի առաջարկը՝ ԳՇ պետի ազատման վերաբերյալ և առարկություններով վերադարձրել գործադրի ղեկավարին։ Նրա խոսքով, սա վարչապետի պաշտոնանկության ճանապարհին առաջին մեծ քայլն է։ Նշենք, որ իրավական ընթացակարգը նախատեսում է, որ վարչապետը կարող է 5 օրվա ընթացքում դարձյալ նույն առաջարկով դիմել ՀՀ նախագահին։ Նախագահը դրանից հետո և 3 օր կունենա որոշում ընդունելու` կամ ստորագրել վարչապետի առաջարկը, կամ դիմել ՍԴ։

Հանրապետության հրապարակից հետո երթն անցավ Ամիրյան փողոցով, Մաշտոցի պողոտայով ու վերադարձավ Բաղրամյան պողոտա։

Պատերազմն ավարտվեց, հոգեբանական խնդիրները մնացին. ո՞ւմ դիմել

Նշենք, որ Վազգեն Մանուկյանն այսօր հանրահավաքի ավարտին՝ երթից առաջ հայտարարել էր, որ վաղը ընդդիմությունը բեմը տրամադրում են մշակույթի գործիչներին ու մտավորականներին։

157
թեգերը:
երթ, ընդդիմություն
Ըստ թեմայի
Դիվանագետները կարո՞ղ են միանալ բանակին. ԱԳՆ–ից պատասխան չունենք
Վարչապետի աշխատակազմն անհիմն է համարում նախագահի առարկությունները
Վարչապետը դատախազին չի՞ հրավիրել. դատախազությունը պարզաբանում է

ՀՀ նախագահը կանգնեց բանակի կողքին. Վազգեն Մանուկյանը կոչով դիմեց ուժային կառույցներին

258
(Թարմացված է 20:47 27.02.2021)
Մանուկյանի հայտարարությանը հավաքված բազմությունը ծափողջույններով ու ոգևորության բացականչություններով արձագանքեց։

Հայրենիքի փրկության շարժման միասնական թեկնածու Վազգեն Մանուկյնը քիչ առաջ Բաղրամյան պողոտայի հանրահավաքում հայտարարեց, որ ՀՀ նախագահ Արմեն Սարգսյանը չի ստորագրել Նիկոլ Փաշինյանի առաջարկած հրամանագիրը ՀՀ ԳՇ պետ Օնիկ Գասպարյանին աշխատանքից ազատելու մասին։

Վահե Ղազարյան
© Photo / official site of the Prime minister of RA

«Մենք դա էինք պահանջում, նույն կարծիքը ունեցավ Արմեն Սարգսյանը։ Ես շնորհավորում եմ ձեզ։ Հաղթանակ։ Եկեք ողջունենք հանրապետության նախագահին։ Մեր ժողովուրդը կանգնած է բանակի կողքին։ Բանակը կանգնած է ժողովրդի կողքին։ Հիմա արդեն նախագահն էլ կանգնեց ժողովրդի ու բանակի կողքին»,– ասաց Մանուկյանը։

Մանուկյանի այս հայտարարությանը հավաքված բազմությունը ծափողջույններով ու ոգևորության բացականչություններով արձագանքեց։

Վազգեն Սարգսյանը նաև հայտարարեց, որ ընդդիմությունն այժմ սպասում է մյուս ուժային կառույցների հայտարարություններին։

«Թող մնացած բլոր կառույցները հայտարարեն իրենց կարծիքը։ Ես դիմում եմ բոլոր ուժային կառույցներին` հայտարարությամբ հանդես եկեք, որ դուք կանգնած եք բանակի կողքին։ Հակառակ դեպքում` դուք բանակին դեմ եք»,– ասաց նա։

Մանուկյանը նաև մեկնաբանեց, որ իրավական ընթացակարգը նախատեսում է, որ վարչապետը կարող է 5 օրվա ընթացքում դարձյալ նույն առաջարկով դիմել ՀՀ նախագահին։ Նախագահը դրանից հետո ևս 3 օր կունենա որոշում ընդունելու` կամ ստորագրել վարապետի առաջարկը, կամ դիմել ՍԴ։

Նշենք, որ ՍԴ–ն «Սահմանադրական դատարանի մասին» օրենքով նույնպես 5 օր ունի նախագահի դիմումը քննարկելու ու դրա մասին որոշում կայացնելու համար։

Վարչապետի աշխատակազմն անհիմն է համարում նախագահի առարկությունները

Այսքանով ընդդիմության այսօրվա հանրահավաքն ավարտվեց։ Վազգեն Մանուկյանը հայտարարեց, որ վաղը ընդդիմությունը բեմը տրամադրում է մշակույթի գործիչներին ու մտավորականներին։ «Վաղն այստեղ լինելու է ուրախության հավաք»,– հայտարարեց Մանուկյանը։

Մանուկյանի ելույթից հետ Բաղրամյան պողոտայից մեկնարկեց երթը Երևանի կենտրոնական փողոցներով։

258
թեգերը:
հանրահավաք, Բանակ, Վազգեն Մանուկյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Ընդդիմության հանրահավաքը մեկնարկեց. Կապանում ևս հանրահավաք է
Նախագահն ու Օնիկ Գասպարյանը դարձյալ հանդիպել են
Նախագահը չի ստորագրել Օնիկ Գասպարյանին ազատելու միջնորդությունն ու այն հետ է ուղարկել
Հիվանդանոց

265 նոր դեպք, 2 մահ` մեկ օրում. կորոնավիրուսային հիվանդության ընթացքը Հայաստանում

37
(Թարմացված է 11:03 28.02.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 28 փետրվարի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 265–ով և դարձել 172058։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4657 (+176) մարդ, կատարվել է 729267 թեստավորում (+4661), առողջացել են վարակվածներից 163394-ը (+85)։ Գրանցվել է մահվան 3192 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 815-ի։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

37
թեգերը:
վարակ, հիվանդ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հայաստանում հնարավոր է կորոնավիրուսի երրորդ ալիքը. Ռոմելա Աբովյան
ԱՀԿ-ն հայտնել է կորոնավիրուսի համավարակի ավարտի ժամկետները
Հավատա՞լ Հայաստանի կորոնավիրուսի պաշտոնական վիճակագրությանը, և ինչ կապ ունի ԱՄՆ–ի ՊՆ–ն