Ոստիկանը պատերազմի դաշտից զենքեր է բերել ու փորձել իրացնել. ԱԱԾ բացահայտումը

71
(Թարմացված է 16:10 19.02.2021)
Ոստիկանը մի մեծ ծրագիր է ունեցել ինչպես զենքերը վաճառելու, այնպես էլ դրանք վստահելի անձանց միջոցով ոստիկանություն հանձնել տալու վերաբերյալ։ Սակայն ԱԱԾ–ն կանխել է նրա մտադրությունները։

ԱԱԾ-ն բացահայտել է զենք-զինամթերքն Արցախի մարտի դաշտից ապօրինի ձեռք բերած և Հայաստան տեղափոխած ևս մեկ անձի ինքնությունը: Տեղեկությունը հայտնում է կառույցի մամուլի ծառայությունը։

Արցախի ոստիկանության Քաշաթաղի շրջանային բաժնի պետի ծառայության գծով տեղակալ Ա.Բ.-ն, որպես ոստիկանության ծառայող մասնակցելով պատերազմին, մարտական տարբեր խնդիրներ լուծելու համար բազմիցս մեկնելով Ջրականի (Ջաբրայիլի) տարածք, ապօրինի ձեռք է բերել փամփշտատուփ` 8 հատ 9 մմ տրամաչափի փամփուշտներով։ Բացի այդ, նա գնել է նաև 32 հատ փոքր տրամաչափի փամփուշտներ, զենք մաքրելու համար նախատեսված պարագաներ, օպտիկական սարքավորումներ, որսորդական հրացաններ, 227 հատ 7,62 մմ տրամաչափի փամփուշտներ, 1033 հատ 5,45 մմ տրամաչափի փամփուշտներ, 1 հատ նռնակ, հրազեն հանդիսացող ընդհանուր թվով 45 հատ «ԱԿ» տեսակի տարբեր մոդելների ինքնաձիգներ:

Ռազմամթերքը 2020 թվականի սեպտեմբերի 27-ից մինչև նոյեմբերն ընկած ժամանակահատվածում մաս-մաս փոխադրել և պահել է իր ծանոթ Ս.Գ.-ի՝ Սյունիքի Տեղ գյուղում գտնվող բնակարանի օժանդակ կառույցներում՝ դրանց մի մասը հետագայում իրացնելու նպատակով:

Արմավիրի համայնքների ղեկավարներն օժանդակել են, որ տղամարդիկ չմասնակցեն զորավարժանքին. ԱԱԾ

Իսկ դրանց մյուս մասը ցանկացել է պատերազմի ավարտից հետո փոխանցել իր համար վստահելի քաղաքացիների, որպեսզի դրանք ինքնակամ ներկայացնեն ոստիկանություն՝ այն ձևակերպելով որպես բացատրական աշխատանքների արդյունքում ինքնակամ հանձնված զենք-զինամթերք` ցանկանալով ուռճացնել տվյալ բաժնի աշխատանքի ցուցանիշները:

Ա.Բ.-ն, սակայն, այդ գործողություններն ավարտին չի կարողացել հասցնել իր կամքից անկախ հանգամանքներում. ապօրինի ձեռք բերած և պահած մեծածավալ զենքերը հայտնաբերվել և վերցվել են ՀՀ ԱԱԾ աշխատակիցների կողմից:

Ընդ որում, Ա.Բ.-ն իր կողմից ապօրինի ձեռք բերած «ԱԿ» տեսակի ինքնաձիգներից երկուսը որոշակի գումարի դիմաց ապօրինի իրացրել է իր ծանոթ Ս.Բ.-ին։

Սա էլ, իր հերթին, հրազեն հանդիսացող նշված ինքնաձիգները պահել է իր բնակարանում, որից հետո՝ 2020-ի նոյեմբերի 3-ին, յուրաքանչյուր ինքնաձիգը 500-600 դոլարով իրացնելու վերաբերյալ պայմանավորվածություն է ձեռք բերել այլ անձի հետ:

«Պատրոն Դավիթը» բերման է ենթարկվել ԱԱԾ. նրա մատակարարած արկերը չեն կրակել. տեսանյութ

Ա.Բ.-ն հանցանքի կատարման մեջ ծագած անմիջական կասկածանքի հիման վրա ձերբակալվել է։ Նրան մեղադրանք է առաջադրվել ՀՀ քրեական օրենսգրքի 235-րդ հոդվածի 2-րդ մասով (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) և ՀՀ քրեական օրենսգրքի 309-րդ հոդվածի 1-ին մասով (պաշտոնեական լիազորություններն անցնելը)։

Միջնորդություն է ներկայացվել դատարան նրա կալանավորելու վերաբերյալ։

71
թեգերը:
Արցախ, Պատերազմ, ՀՀ ազգային անվտանգության ծառայություն. ԱԱԾ, Զենք, ոստիկան
Ըստ թեմայի
Արցախի պատերազմին կամավոր մեկնածները յուրացրել ու փորձել են վաճառել զենքեր. տեսանյութ
Տղամարդն անհետ կորած զինվորի հորից խոշոր կաշառք է ուզել. ԱԱԾ–ն տեսանյութ է հրապարակել
Իշխանությունը մեղավորներ է նշանակում. ով և ինչու է հիշել «Պատրոն Դավիթի» անորակ զենքերը

Թողեք էթանք, հո զզվանք չեք. ավտոբուսները Փաշինյանի հանրահավաքի մասնակիցներին տարան տուն

778
(Թարմացված է 22:48 01.03.2021)
Այս տեսարանը Մյասնիկյանի արձանի հարակից տարածքում արձանագրել է Sputnik Արմենիայի տեսախցիկը։

Երևանի կենտրոնում այսօր ՀՀ վարչապետ Նիկոլ Փաշինյանի անցկացրած հանրահավաքից ու երթից հետո դրանց մասնակցած մարզերի բնակիչներին ավտոբուսներով ու միկրոավտոբուսներով տանում են իրենց բնակավայրեր։

Այս տեսարանը Մյասնիկյանի արձանի հարակից տարածքում արձանագրել է Sputnik Արմենիայի տեսախցիկը։

Գործընթացի կազմակերպիչները թույլ չեն տալիս տուրիստական ավտոբուսներում նստած քաղաքացիներին պատասխանել լրագրողների հարցերին։

Լրագրողի հարցին, թե որտեղից են նրանք եկել Երևան, արդյո՞ք Մարտունիից, ավտոբուսում նստած տղամարդն արձագանքեց. «Թողեք էթանք, հո դուք զզվանք չեք»։

Հիշեցնենք` Հանրապետության հրապարակում մեկնարկած հանրահավաքն այսօր ավարտվեց Երևանի կենտրոնական փողոցներով անցկացված երթով ու Մյանիկյանի արձանի հարակից տարածքում Մարտի 1-ի զոհերի հիշատակը հարգելով։

778
թեգերը:
ավտոբուս, հանրահավաք, Նիկոլ Փաշինյան
Ըստ թեմայի
Առանց Նիկոլի՞, թե՞ նրա հետ. Փաշինյանի կողմնակիցներն ու հակառակորդները լապտերներ վառեցին
Օնիկ Գասպարյանի դուստրը պատասխանել է Նիկոլ Փաշինյանին
Իշխանությունը ծաղիկներ խոնարհեց Մարտի 1-ի իրադարձությունների զոհերի հիշատակին

Առանց Նիկոլի՞, թե՞ նրա հետ. Փաշինյանի կողմնակիցներն ու հակառակորդները լապտերներ վառեցին

70
(Թարմացված է 20:36 01.03.2021)
Երևանի կենտրոնում կազմակերպված երկու հանրահավաքի մասնակիցները միացրին հեռախոսների լապտերները, բայց տարբեր նպատակներով:

Հայաստանի վարչապետ Նիկոլ Փաշինյանի հրաժարականի պահանջով Բաղրամյան պողոտայում հավաքվածները միացրին հեռախոսների լապտերները։ Այդ խնդրանքով նրանց դիմեց Հայրենիքի փրկության շարժման համակարգող Գեղամ Մանուկյանը։

«Քանի որ մութ է, և շատերը չեն պատկերացնում` որքան մարդ կա այստեղ, միացնենք հեռախոսների լույսերը, որպեսզի երևա, թե որքան ենք մենք», - ասաց Մանուկյանը։

Դրանից անմիջապես հետո բոլորը միացրին հեռախոսների լապտերները և սկսեցին վանկարկել. «Առանց Նիկոլ Հայաստան»։

Փաշինյանի կազմակերպած հանրահավաքի մասնակիցները երթով անցնում են Ամիրյան փողոցով. տեսանյութ

Իսկ Հանրապետության հրապարակում հավաքվածները, որոնց եկել էին ՀՀ վարչապետի կազմակերպած հանրահավաքին, նույն գործողությունն արեցին` այդկերպ հարգանքի տուրք մատուցելով Մարտի 1-ի զոհերի հիշատակին։

Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը

Հիշեցնենք` այսօր Երևանում միանգամից երկու հանրահավաք էր կազմակերպվել։ Փաշինյանն իր կողմնակիցներին Հանրապետության հրապարակ է հրավիրել 18։30–ին, իսկ ընդդիմադիր Հայրենիքի փրկության շարժումը 18։30-ին հանրահավաք է կազմակերպել Բաղրամյան պողոտայում։

2021թ.–ի հոկտեմբերին Հայաստանում կանցկացվի սահմանադրական հանրաքվե. Փաշինյան

70
թեգերը:
Գեղամ Մանուկյան, ընդդիմություն, Նիկոլ Փաշինյան, Հայաստան
Ըստ թեմայի
Մենք պետք է սահմանադրական ճանապարհով իշխանափոխության հասնենք. Մելքումյան
Նիկոլ Փաշինյանն ու Արմեն Սարգսյանը հանդիպել են. ՀՀ նախագահը վատառողջ է
Ես ոչ մեկի կողքին կանգնած չեմ. Խաչատուր Սուքիասյանը մասնակցում է իշխանության հանրահավաքին
Զինվորական արտահագուստ

Ստեփանակերտը պահանջում է Բաքվից կատարել եռակողմ հայտարարության՝ գերիներին վերաբերող կետերը

0
Ադրբեջանի կողմից 2020 թ. դեկտեմբերին գերեվարված 64 հայ զինծառայողները տեղակայված են եղել Արցախի Հանրապետության Հադրութի շրջանի Խծաբերդ և Հին Թաղեր գյուղերում, որոնք եռակողմ հայտարարության ստորագրման պահին գտնվում էին Արցախի ՊԲ վերահսկողության տակ:

ԵՐԵՎԱՆ, 1 մարտի - Sputnik. Արցախի Հանրապետության ԱԳ նախարարությունը հայտարարությամբ միջազգային մարդասիրական իրավունքով Ադրբեջանի ստանձնած պարտավորությունների կոպտագույն խախտում է համարել Ադրբեջանի հրաժարումը՝ ռազմագերու կարգավիճակ տրամադրել իր կողմից գերեվարված հայ զինծառայողներին և իրականացնել նրանց հայրենադարձությունը, ինչպես նաև ազատ արձակել քաղաքացիական անձանց, ինչի մասին հայտարարվել է փետրվարի 26-ին օտարերկրյա լրագրողների հետ Ադրբեջանի նախագահի հարցազրույցում և Ադրբեջանի ԱԳՆ փետրվարի 27-ի հայտարարությունում: Այս մասին նշված է Արցախի Հանրապետության արտգործնախարարության հայտարարության մեջ:

«Պաշտոնական Բաքվի մոգոնած դիրքորոշումն առ այն, որ իր կողմից պահվող հայ զինծառայողները ռազմագերիներ չեն, քանի որ գերեվարվել են Հայաստանի, Ադրբեջանի և Ռուսաստանի ղեկավարների կողմից եռակողմ հայտարարության ստորագրումից հետո, Ադրբեջանին չի ազատում Ռազմագերիների հետ վարվելակերպի մասին Ժնևի կոնվենցիայով ստանձնված պարտավորություններից:

Որպես Ժնևի կոնվենցիաների կողմ՝ Ադրբեջանը չի կարող կամայականորեն փոխել տվյալ անձանց կարգավիճակը՝ խուսափելու միջազգային մարդասիրական իրավունքով նախատեսված միջազգային պարտավորություններից։ Միջազգային մարդասիրական իրավունքը (jus in bello) պահպանելու և դրա պահպանումն ապահովելու Ադրբեջանի պարտավորության վրա չեն ազդում ուժ կիրառելու կանոններին (jus ad bellum) վերաբերող փաստարկները, որոնք կարգավորվում են այլ միջազգային պայմանագրերով, մասնավորապես՝ ՄԱԿ Կանոնադրությամբ: Պետությունների՝ միջազգային մարդասիրական իրավունքի սկզբունքները պահպանելու պարտավորությունը բացարձակ է և որևէ կերպ կախված չէ ուժի կիրառման օրինականության մեկնաբանումից:

Իր փաստարկներում առ այն, որ գերեվարված զինծառայողները ռազմագերիներ չեն, Ադրբեջանը բացահայտ կերպով խեղաթյուրում է փաստերը և ցուցաբերում աղաղակող անպատժելիություն։ Ադրբեջանի կողմից 2020 թ. դեկտեմբերին գերեվարված 64 հայ զինծառայողները տեղակայված են եղել Արցախի Հանրապետության Հադրութի շրջանի Խծաբերդ և Հին Թաղեր գյուղերում, որոնք եռակողմ հայտարարության ստորագրման պահին գտնվում էին Արցախի ՊԲ վերահսկողության տակ: Նրանք  իրենց դիրքերում էին՝ համաձայն Եռակողմ հայտարարության առաջին կետի պահանջի։ Այդ 64 զինծառայողների գերեվարումն Ադրբեջանի կողմից եռակողմ հայտարարության՝  ռազմական գործողությունների լիակատար դադարեցնելու հստակ պահանջի խախտման ուղղակի հետևանքն է»,- ասվում է հայտարարության մեջ։

Բաքուն մեր գերիներին չպետք է գործարքի մաս դարձնի. անհետ կորածների ծնողները՝ նախագահականում

Նշվում է նաև, որ միջազգային մարդասիրական իրավունքով սահմանված պարտավորություններից խուսափելու  նպատակով ռազմագերիների կարգավիճակը փոխելու Ադրբեջանի փորձը բառային լարախաղացություն է, որը ակնհայտ է դառնում հենց այն փաստով, որ 2020 թ․ դեկտեմբերին գերեվարված զինծառայողներից բացի, Ադրբեջանն առ այսօր հրաժարվում է նաև հայրենիք վերադարձնել 2020 թ. սեպտեմբերի 27-ին Արցախի Հանրապետության դեմ սանձազերծված ռազմական ագրեսիայի ընթացքում գերեվարված ռազմագերիներին և քաղաքացիական անձանց:

«Ադրբեջանի դիրքորոշումը բացարձակապես անհիմն է ինչպես իրավական, այնպես էլ փաստագրական առումներով»,- շեշտում է ԱՀ ԱԳՆ-ն՝ նկատելով, որ Ադրբեջանի բացահայտ խուսափումը հայ զինծառայողներին և քաղաքացիական անձանց վերաբերող միջազգային մարդասիրական իրավունքով նախատեսված իր պարտավորություններից ոչ միայն հակասում է Ռազմագերիների հետ վարվելակերպի մասին Ժնևի կոնվենցիայի և Պատերազմի ժամանակ քաղաքացիական բնակչության պաշտպանության մասին Ժնևի կոնվենցիայի պահանջներին, այլ նաև գերիների կարգավիճակը հավասարեցնում է պատանդների կարգավիճակին:

Արցախի ԱԳՆ-ն ակնհայտ է համարում, որ Ադրբեջանը վերոհիշյալ անձանց պահում է՝ օգտագործելու նրանց որպես լծակ՝ Արցախի Հանրապետության և Հայաստանի Հանրապետության դեմ իր ռազմավարական նպատակների իրագործման համար։  

Արցախի Հանրապետության արտաքին գործերի նախարարը նամակներ է հղել ՄԱԿ և ԵԽ մասնագիտացված մարմիններ՝ Ադրբեջանի կողմից գերեվարված անձանց նկատմամբ միջազգային մարդասիրական իրավունքի կիրառման շարունակման վերաբերյալ մանրամասն վերլուծությամբ: Նամակներում հանգամանորեն բացատրվում է, թե ինչու այլ պետության հետ վեճ ունեցող պետության զինված ուժերի զինծառայողները հակառակորդի կողմից գերեվարվելու դեպքում իրավունք ունեն ստանալ ռազմագերու կարգավիճակ՝ անկախ այն բանից, թե այդ պետությունների միջև լայնամասշտաբ ռազմական գործողություններ ընթանում են, թե ոչ:

ԱՀ ԱԳՆ-ի համաձայն՝ նման կարծիքի են նաև միջազգային մասնագիտացված կառույցները, որոնք կոչված են հետևելու Ադրբեջանի կողմից միջազգային մարդասիրական իրավունքով և մարդու իրավունքների բնագավառում միջազգային իրավունքով նախատեսված իր պարտավորությունների կատարմանը: 

Համաձայն Եռակողմ հայտարարության և Ժնևի կոնվենցիաների դրույթների՝ Արցախի ԱԳՆ-ն պահանջում է Ադրբեջանի իշխանություններից սեփական խախտումներն ապօրինի հայտարարություններով արդարացնելու փոխարեն կատարել միջազգային մարդասիրական իրավունքով ստանձնած պարտավորությունները։ Նաև կոչ է արվում միջազգային հանրությանը՝ համաձայն Ժնևի բոլոր կոնվենցիաների առաջին հոդվածի, Ադրբեջանին պարտադրել անհապաղ և լիարժեք կերպով կատարել Կոնվենցիաներով սահմանված իր պարտավորությունները:

0
թեգերը:
գերի, Ադրբեջան, Արցախ
Ըստ թեմայի
Արցախի կարգավիճակ, գերիների վերադարձ. էլ ինչ են քննարկել Հայաստանի և Արցախի ԱԳ նախարարները
Ադրբեջանը փորձում է գերիների հարցը սակարկել. ՀՀ փոխվարչապետի խոսնակ
Ադրբեջանական կողմը մանիպուլյացիայի է ենթարկում հայ գերիների ցուցակը. ՀՀ արտգործնախարար