Փետրվարի 13-ի երկրաշարժը բացահայտեց 1988-ից հետո չլուծված բազմաթիվ խնդիրներ. Փամբուխչյան

155
(Թարմացված է 19:42 15.02.2021)
Փետրվարի 13-ին տեղի ունեցած երկրաշարժը բացահայտեց, որ 1988թ–ին հզոր երկրաշարժ վերապրած պետությունը ավելի քան 30 տարի անց էլ դեռ իրազեկված ու պաշտպանված չէ։ ԱԻՆ փոխնարարարը Sputnik Արմենիայի եթերում ներկայացրել է բացահայտված խնդիրներն ու դրանց հնարավոր լուծումները։

ԵՐԵՎԱՆ, 15 փետրվարի - Sputnik. Հայաստանում առաջիկայում կարող է ստեղծվել այլընտրանքային կապի տարբերակ` նախատեսված հատուկ արտակարգ իրավիճակների համար։

Sputnik Արմենիայի հետ զրույցում այս մասին հայտնեց Արտակարգ իրավիճակների նախարարի առաջին տեղակալ Արմեն Փամբուխչյանը` մեկնաբանելով փետրվարի 13-ի երկրաշարժից Հայաստանի բջջային ու ֆիքսված կապի համակարգերում առաջացած խափանումը։

«Կառավարությունում այսօր տեղի է ունեցել նման քննարկում կապի մեր 3 օպերատորների հետ։ Մանրամասների ու պայանավորվածությունների մասին առայժմ տեղեկություն չունեմ։ Բայց, այո, այդ խնդիրը մենք էլ երկրաշարժի օրը զգացինք, և արդեն մտածում ենք ստեղծել ինչ–որ այլընտրանքային կապ, որը կկարողանա ապահովել կապ այդպիսի իրավիճակներում գոնե այնպիսի կարևոր համակարգերի հետ, ինչպիսին է, օրինակ, շտապօգնությունը և այլն»,– ասաց նա։

Փետրվարի 13-ին տեղի ունեցած երկրաշարժը, Արմեն Փամբուխչյանի դիտարկմամբ, բացահայտեց մեկ այլ իրողություն ևս. 1988թ–ին հզոր երկրաշարժ վերապրած պետությունը ավելի քան 30 տարի անց էլ դեռ իրազեկված ու պատրաստ չէ երկրաշարժերի դեպքում իր անելիքներին։

Բացը լրացնելու համար, Արմեն Փաբուխչյանի խոսքով, ԱԻՆ–ում արդեն քննարկվում է կրթական ծրագրերում քաղպաշտպանության դասաժամեր ավելացնելու ծրագիրը։ Իսկ մինչ դպրոցական ծրագրերը ցանկալի արդյունք կտան, ԱԻՆ–ը մտադիր է նաև իրազեկման այլ արշավներ ևս իրականացնել։

«Նախարարությունը հետռուստատեսությամբ, նախարարության կայքում լայն իրազեկումներ պետք է իրականացնի փոքր տեսաշարերի, անիմացիոն հոլովակների տեսքով, որոնք մատչելի, ընկալելի կերպով կներկայացնեն բնակչության անելիքները` երկրաշարժի կամ այլ արտակարգ իրավիճակների դեպքում»,– ասա Փամբուխչյանը։

Երևանում ուժեղ երկրաշարժ չի սպասվում. ԱԻՆ–ը կրկին հերքում է լուրերը

Անդրադառնալով համացանցում այս օրերին լայնորեն տարածվող երկրաշարժ կանխորոշող տագնապալի գրառումներին` ԱԻ փոխնախարարը բնակչությանը հորդորում է չավատալ նմանօրինակ լուրերի ու սպասել պաշտոնական տեղեկատվությանը։

Հարցին, թե որքանով էր Արարատի մարզի տարածքում փետրվարի 13-ին գրանցված երկրաշարժը կապված փետրվարի 5-ին Գեղարքունիքում տեղի ունեցած երկրաշարժի հետ, Փամբուխչյանը պատասխանեց. «Մասնագետները դեռ ուսումնասիրում են։ Որքանով ես տեղյակ եմ` որշակի փոխկապակցվածություն կա։ Ամեն դեպքում ցանկացած երկրաշարժ, որ տեղի է ունենում ՀՀ տարածքում կամ դրանից դուրս, մեր սեյսմիկ ծառայությունը դա պարտադիր ուսումնասիրում է, որովհետև իրենք նախկինում տեղի ունեցած երկրաշարժերի համեմատության արդյունքում որոշակի վերլուծություններ են անում ու կարողանոմ են ինչ–որ պատկեր ստեղծել ապագայում սպասվող երկրաշարժերի հավանականության մասին։ Բայց դե, երկրաշարժը միանշանակ չի լինում կանխատեսել 100 տոկոսով կամ բացառել 100 տոկոսով»։

Հիշեցնենք` փետրվարի 13-ին` ժամը 15:29-ին, Երևան քաղաքից 8 կմ հարավ-արևելք, օջախի 10 կմ խորությամբ, 4.7 մագնիտուդով երկրաշարժ էր գրանցվել: Էպիկենտրոնային գոտում ստորգետնյա ցնցման ուժգնությունը կազմել էր 6-7 բալ:
Երկրաշարժը 5-6 բալ ուժգնությամբ զգացվել էր Երևանում, 3-4 բալ ուժգնությամբ` Արագածոտնի, Արարատի, Շիրակի, Արմավիրի, Վայոց Ձորի մարզերում:

ԱԻՆ Ճգնաժամային կառավարման ազգային կենտրոնն ավելի քան 3000 տարաբնույթ ահազանգ է ստացել։ Երկրաշարժից հետո փլուզումների վերաբերյալ ստացված և հաստատված ահազանգերից համեմատաբար զգալի վնասներ են գրանցվել Երևանի Այվազովսկու փողոցում, որտեղ մեկհարկանի շինության պատից՝ 9 քմ, տանիքից՝ 7 քմ հատված է փլուզվել, Սմբատ Զորավարի փողոցում շենքի պատից 2 քմ է փլուզվել:

Երկրաշարժից անմիջապես հետո Երևանում ու որոշ մարզերում խափանվել էր բջջային ու ֆիքսված կապը։ Խուճապի մատնված քաղաքացիները շուրջ 2-3 ժամ անընդմեջ չէին կարողանում կապ հաստատել միմյանց ու պետական կառույցների հետ։

155
թեգերը:
ՀՀ արտակարգ իրավիճակների նախարարություն (ԱԻՆ), Արմեն Փամբուխչյան, Երկրաշարժ
Ըստ թեմայի
Նոր տվյալներ երկրաշարժի հետևանքների մասին. կոտրվածքներով հիվանդանոց է դիմել 2 քաղաքացի
Ինչ վիճակում են երկրաշարժի օրը հոսպիտալացված հղի կանայք
Երկրաշարժի հետքերը Երևանի դպրոցներում և մանկապարտեզներում. ծնողները կարող են հանգիստ լինել

«Մեր անունն է հայկական բանակ». ընդդիմության երթը՝ Երևանի կենտրոնական փողոցներով

170
(Թարմացված է 22:22 27.02.2021)
Հանրապետության հրապարակում ընդդիմության երթի մասնակիցները կանգ չառան։ Իշխան Սաղաթելյանը հայտարարեց, որ կառավարության այս շենք գալու են մեկ անգամ և վերջնական։

Հայրենիքի փրկության շարժման մասնակիցները երթով անցնում են Երևանի կենտրոնական փողոցներով։ Բաղրամյան պողոտայում անցկացված հանրահավաքից հետո դրա կազմակերպիչներն ու մասնակիցներն անցան Բաղրամյան–Սայաթ Նովա– Նալբանդյան փողոցներով, հասան Հանրապետության հրապարակ։ Այստեղ, ի դեպ, կանգ չառան կառավարության շենքի դիմաց, անցան որևէ հայտարարության ու կանգառի։

«Երեկ մենք պայմանավորվել ենք, որ այս շենքում նստած մեկին մենք ասելիք չունենք։ Գալու ենք, այսպես անտարբեր անցնելու ենք, որովհետև մենք այս շենք գալու ենք մեկ անգամ և վերջնական»,– կառավարության շենքի մոտով անցնելիս ասաց ՀՅԴ Հայաստանի ԳՄ ներկայացուցիչ Իշխան Սաղաթելյանը։

Նա նաև հիշեցրեց, որ այսօր ՀՀ նախագահը մերժել է ստորագրել Նիկոլ Փաշինյանի առաջարկը՝ ԳՇ պետի ազատման վերաբերյալ և առարկություններով վերադարձրել գործադրի ղեկավարին։ Նրա խոսքով, սա վարչապետի պաշտոնանկության ճանապարհին առաջին մեծ քայլն է։ Նշենք, որ իրավական ընթացակարգը նախատեսում է, որ վարչապետը կարող է 5 օրվա ընթացքում դարձյալ նույն առաջարկով դիմել ՀՀ նախագահին։ Նախագահը դրանից հետո և 3 օր կունենա որոշում ընդունելու` կամ ստորագրել վարչապետի առաջարկը, կամ դիմել ՍԴ։

Հանրապետության հրապարակից հետո երթն անցավ Ամիրյան փողոցով, Մաշտոցի պողոտայով ու վերադարձավ Բաղրամյան պողոտա։

Պատերազմն ավարտվեց, հոգեբանական խնդիրները մնացին. ո՞ւմ դիմել

Նշենք, որ Վազգեն Մանուկյանն այսօր հանրահավաքի ավարտին՝ երթից առաջ հայտարարել էր, որ վաղը ընդդիմությունը բեմը տրամադրում են մշակույթի գործիչներին ու մտավորականներին։

170
թեգերը:
երթ, ընդդիմություն
Ըստ թեմայի
Դիվանագետները կարո՞ղ են միանալ բանակին. ԱԳՆ–ից պատասխան չունենք
Վարչապետի աշխատակազմն անհիմն է համարում նախագահի առարկությունները
Վարչապետը դատախազին չի՞ հրավիրել. դատախազությունը պարզաբանում է

ՀՀ նախագահը կանգնեց բանակի կողքին. Վազգեն Մանուկյանը կոչով դիմեց ուժային կառույցներին

269
(Թարմացված է 20:47 27.02.2021)
Մանուկյանի հայտարարությանը հավաքված բազմությունը ծափողջույններով ու ոգևորության բացականչություններով արձագանքեց։

Հայրենիքի փրկության շարժման միասնական թեկնածու Վազգեն Մանուկյնը քիչ առաջ Բաղրամյան պողոտայի հանրահավաքում հայտարարեց, որ ՀՀ նախագահ Արմեն Սարգսյանը չի ստորագրել Նիկոլ Փաշինյանի առաջարկած հրամանագիրը ՀՀ ԳՇ պետ Օնիկ Գասպարյանին աշխատանքից ազատելու մասին։

Վահե Ղազարյան
© Photo / official site of the Prime minister of RA

«Մենք դա էինք պահանջում, նույն կարծիքը ունեցավ Արմեն Սարգսյանը։ Ես շնորհավորում եմ ձեզ։ Հաղթանակ։ Եկեք ողջունենք հանրապետության նախագահին։ Մեր ժողովուրդը կանգնած է բանակի կողքին։ Բանակը կանգնած է ժողովրդի կողքին։ Հիմա արդեն նախագահն էլ կանգնեց ժողովրդի ու բանակի կողքին»,– ասաց Մանուկյանը։

Մանուկյանի այս հայտարարությանը հավաքված բազմությունը ծափողջույններով ու ոգևորության բացականչություններով արձագանքեց։

Վազգեն Սարգսյանը նաև հայտարարեց, որ ընդդիմությունն այժմ սպասում է մյուս ուժային կառույցների հայտարարություններին։

«Թող մնացած բլոր կառույցները հայտարարեն իրենց կարծիքը։ Ես դիմում եմ բոլոր ուժային կառույցներին` հայտարարությամբ հանդես եկեք, որ դուք կանգնած եք բանակի կողքին։ Հակառակ դեպքում` դուք բանակին դեմ եք»,– ասաց նա։

Մանուկյանը նաև մեկնաբանեց, որ իրավական ընթացակարգը նախատեսում է, որ վարչապետը կարող է 5 օրվա ընթացքում դարձյալ նույն առաջարկով դիմել ՀՀ նախագահին։ Նախագահը դրանից հետո ևս 3 օր կունենա որոշում ընդունելու` կամ ստորագրել վարապետի առաջարկը, կամ դիմել ՍԴ։

Նշենք, որ ՍԴ–ն «Սահմանադրական դատարանի մասին» օրենքով նույնպես 5 օր ունի նախագահի դիմումը քննարկելու ու դրա մասին որոշում կայացնելու համար։

Վարչապետի աշխատակազմն անհիմն է համարում նախագահի առարկությունները

Այսքանով ընդդիմության այսօրվա հանրահավաքն ավարտվեց։ Վազգեն Մանուկյանը հայտարարեց, որ վաղը ընդդիմությունը բեմը տրամադրում է մշակույթի գործիչներին ու մտավորականներին։ «Վաղն այստեղ լինելու է ուրախության հավաք»,– հայտարարեց Մանուկյանը։

Մանուկյանի ելույթից հետ Բաղրամյան պողոտայից մեկնարկեց երթը Երևանի կենտրոնական փողոցներով։

269
թեգերը:
հանրահավաք, Բանակ, Վազգեն Մանուկյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Ընդդիմության հանրահավաքը մեկնարկեց. Կապանում ևս հանրահավաք է
Նախագահն ու Օնիկ Գասպարյանը դարձյալ հանդիպել են
Նախագահը չի ստորագրել Օնիկ Գասպարյանին ազատելու միջնորդությունն ու այն հետ է ուղարկել
Родственники 54 военнослужащих из Ширака, захваченных в Хцаберде, во время пресс-конференции в администрации Ширакской области (28 февраля 2021). Гюмри

«Թո՛ղ տղաներին բերի, նոր խոսի». Վանեցյանի ասածը զայրացրել է գերիների հարազատներին

0
(Թարմացված է 16:49 28.02.2021)
Գերեվարված շիրակցիների հարազատները հորդորում են տղաների անունները քաղաքական նպատակներով չշոշափել։

ԵՐԵՎԱՆ, 28 փետրվարի – Sputnik. Ադրբեջանում հայտնված տղաների հարազատները բոլոր ուժերին կոչ են անում գերիների հարցը չքաղաքականացնել: Խծաբերդում գերեվարված շիրակցի 54 տղաների հարազատներն այսօր հրավիրված ասուլիսի ժամանակ հանդես եկան հայտարարությամբ։

«Քաղաքական և ոչ քաղաքական ուժերը շոշափում են մեր տղաներին գերությունից ազատելու հարցը: Եթե կա ինչ–որ անձնավորություն, որը կարող է իր լուման ներդնել մեր տղաներին վերադարձնելու հարցում, խնդրում ենք` թող կատարի այդ քայլերը, նոր խոսի: Մենք առաջին օրվանից տեսել ենք այն մարդկանց, որոնք պատրաստ են մեր կողքին լինելու ու մեզ համար քայլեր կատարելու, գիտենք նաև այն մարդկանց, որոնք իրենց նպատակների համար շոշափում են մեր տղաների հարցը, թող նրանք զերծ մնան իրենց հայտարարություններում գերիների ու անհետ կորածների խնդիրը շոշափելուց ու չխանգարեն մնացած աշխատանքներին, որոնք կատարվում են ու պետք է կատարվեն»,-նշեցին հարազատները։

Նրանք շեշտեցին, որ իրենք ոչ մի քաղաքական ուժի չեն պաշտպանում ու չեն կանգնում ոչ մի քաղաքական ուժի կողքին, և անդրադարձան նաև ԱԱԾ նախկին ղեկավար Արթուր Վանեցյանի հայտարարությունը:

«Մենք նրան էլ ենք հորդորում՝ ունես այդ հնարավորությունը, արա, նոր խոսիր: Եթե կարող ես 3 օրում գերիներին բերել, բեր թեկուզ 1 շաբաթում, բայց երեխաներին մի դարձրեք առևտրի թեմա ձեր աթոռի համար։ Կա՛մ ինքը պետք է բերի մեր երեխաներին, կա՛մ ինքը ստախոս է, եթե աթոռ է ուզում, թող գա Գյումրի, մենք իրեն աթոռ կտանք, բայց ոչ մեր երեխաների հաշվին»,-նշեցին հարազատները՝ կարևորելով գերիների վերադարձի հետ կապված գործընթացը:

Նրանք շեշտեցին` փակագծեր չեն բացում, բայց լավ գիտեն` այդ գործընթացում ով է ներգրավված, ով ինչ քայլ է կատարում:

«Այսօրվա դրությամբ այն 70 տոկոս գործընթացը, որ մինչ այս կատարվել էր տղաների վերադարձի ուղղությամբ, իրենք նորից դարձրեցին զրո։ Եթե գերիներին բերելու հնարավորություն ունեցող անձը չի համագործակցում պատկան մարմինների հետ, մենք մտածում ենք, որ դրա նպատակը ուրիշ է, իսկ հետևանքի մասին մենք չպետք է դատենք, այլ դրա համար կան համապատասխան մարմիններ: Խոսքը ոչ միայն Շիրակի մարզի այն 62 տղաների մասին է, որոնցից 8 վերադարձել են, այլ բոլորի»,- նշեցին հարազատները։

Նրանք պահանջեցին, որ իրենց հետ հանդիպման գան Հայաստանի ու Արցախի նախագահները։

«Թող գան Գյումրի ու մեր տղաներին չդարձնեն քաղաքական դաշտ: Մեզ շահարկում պետք չեն, մեզ պետք են հստակ քայլեր»,- եզրափակեցին գերեվարվածների հարազատները:

Հիշեցնենք` Ազգային անվտանգության ծառայության նախկին տնօրեն Արթուր Վանեցյանն օրերս հայտարարել էր, որ եթե ինքը իշխանության գա, ապա կկարողանա գերիների հարցը մի քանի օրում լուծել։

0