Ընտրությունների առաջարկով Փաշինյանը փորձում էր շեղել օրակարգն իր հրաժարականի պահանջից

114
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է ներքաղաքական զարգացումներին, Ռոբերտ Քոչարյանի` մեծ քաղաքականություն վերադառնալուն, արտահերթ ընտրությունների հեռանկարին և Հայրենիքի փրկության շարժման մարտավարությանը։

Վիգեն Հակոբյանի դիտարկմամբ` արտահերթ ընտրություններ անցկացնելու առաջարկը Նիկոլ Փաշինյանի հակաքայլն էր ընդդեմ այն ալիքի ու պահանջների, որոնք հնչում էին թե՛ քաղաքական էլիտայի, թե զանգվածների կողմից։ Այսինքն` Փաշինյանի հրաժարականի պահանջը շատ հստակ էր, ու երբ տեղի ունեցավ Փաշինյանի և նախագահ Սարգսյանի հանդիպումը, դրանից հետո վարչապետը հանդես եկավ հակաքայլով` արտահերթ ընտրություններ ու քաղաքական խորհրդակցություններ անցկացնելու նախաձեռնությամբ։ 

«Դա ընդամենը փորձ էր քաղաքական օրակարգը շեղել հրաժարականի պահանջից, այսինքն` ձևավորել նոր օրակարգ, որպեսզի քաղաքական դաշտը, հասարակության ակտիվ զանգվածը, որոշում ընդունող խմբերը զբաղվեն այդ հարցով։ Գուցե նա հույս ուներ, որ ընդդիմության ներսում կառաջանան տարաձայնություններ խնդրո առարկայի շուրջ, բայց ամենակարևորը` օրակարգն իր հրաժարականի պահանջից շեղելն էր»,– նշեց քաղտեխնոլոգը։ 

Հակոբյանի կարծիքով` եթե նույնիսկ համարենք, որ ընդդիմությանը չի հաջողվում զանգվածին ինչ–ինչ պատճառներով հանել փողոց, դա դեռ չի նշանակում, որ Նիկոլ Փաշինյանն ունի բավականին լուրջ զանգված։ Նրա խոսքով` վարչապետը ժամանակի հետ սկսեց հասկանալ, որ վարչական ռեսուրսը, նույնիսկ իր ղեկավարած կուսակցությունը չի ծածկում ամբողջ հանրապետությունը։ 

ՄԻՊ ներկայացուցիչներն առանձնազրույցներ են ունեցել Հայաստան վերադարձած 5 գերիների հետ

Քաղտեխնոլոգի գնահատմամբ` արտահերթ ընտրություններից հրաժարվելու Փաշինյանի վերջնական որոշումը ծագեց այն ժամանակ, երբ ՀՀ երկրորդ նախագահ Ռոբերտ Քոչարյանն իր համար անսպասելի կերպով հայտարարեց, որ մասնակցելու է այդ ընտրություններին և հաղթելու է վարչապետին։ Ըստ Հակոբյանի` նշված հանգամանքը դուրս էր Նիկոլ Փաշինյանի հաշվարկներից։  

114
թեգերը:
Ազգային ժողովի ընտրություններ, Ռոբերտ Քոչարյան, Հրաժարական, Նիկոլ Փաշինյան, Իշխանություն, ընդդիմություն, Հայաստան
թեմա:
Sputnik զրույց (240)

Առանց Նիկոլի՞, թե՞ նրա հետ. Փաշինյանի կողմնակիցներն ու հակառակորդները լապտերներ վառեցին

0
Երևանի կենտրոնում կազմակերպված երկու հանրահավաքի մասնակիցները միացրին հեռախոսների լապտերները, բայց տարբեր նպատակներով:

Հայաստանի վարչապետ Նիկոլ Փաշինյանի հրաժարականի պահանջով Բաղրամյան պողոտայում հավաքվածները միացրին հեռախոսների լապտերները։ Այդ խնդրանքով նրանց դիմեց Հայրենիքի փրկության շարժման համակարգող Գեղամ Մանուկյանը։

«Քանի որ մութ է, և շատերը չեն պատկերացնում` որքան մարդ կա այստեղ, միացնենք հեռախոսների լույսերը, որպեսզի երևա, թե որքան ենք մենք», - ասաց Մանուկյանը։

Դրանից անմիջապես հետո բոլորը միացրին հեռախոսների լապտերները և սկսեցին վանկարկել. «Առանց Նիկոլ Հայաստան»։

Իսկ Հանրապետության հրապարակում հավաքվածները, որոնց եկել էին ՀՀ վարչապետի կազմակերպած հանրահավաքին, նույն գործողությունն արեցին` այդկերպ հարգանքի տուրք մատուցելով Մարտի 1-ի զոհերի հիշատակին։

Հիշեցնենք` այսօր Երևանում միանգամից երկու հանրահավաք էր կազմակերպվել։ Փաշինյանն իր կողմնակիցներին Հանրապետության հրապարակ է հրավիրել 18։30–ին, իսկ ընդդիմադիր Հայրենիքի փրկության շարժումը 18։30-ին հանրահավաք է կազմակերպել Բաղրամյան պողոտայում։

0

Փաշինյանի կազմակերպած հանրահավաքի մասնակիցները երթով անցնում են Ամիրյան փողոցով. տեսանյութ

20
(Թարմացված է 20:16 01.03.2021)
Հանրապետության հավաքվածներից ոմանք առաջարկեցին գնալ Բաղրամյան պողոտա, որտեղ հանրահավաք է կազմակերպել ընդդիմությունը։

Հանրապետության հրապարակում ավարտվեց ՀՀ վարչապետ Նիկոլ Փաշինյանի հրավիրած հանրահավաքը։ Դրանից հետո նա առաջարկեց իրենց հավաքը եզրափակել երթով։ Հավաքված բազմության միջից լսվեցին Բաղրամյան պողոտա գնալու կոչեր, ինչին ի պատասխան Փաշինյանը հայտարարեց, որ թեև այնտեղ հավաքվածները վատ բաներ են ասում իրենց մասին, բայց իրենց քույրերն ու եղբայրներն են։

«Ես շատ եմ մտածել, թե որտեղ ենք մենք սխալվել». Նիկոլ Փաշինյանը ներողություն խնդրեց

Հրապարակում հավաքվածները երթով շարժվեցին դեպի Մյասնիկյանի արձան՝ հարգանքի տուրք մատուցելու Մարտի 1–ի զոհերի հիշատակին։

Երթը կանցնի Մաշտոցի պողոտայով, Կորյունի, ապա Աբովյան փողոցներով։ Նրանք Մյասնիկյանի արձանի մոտ ծաղիկներ կխոնարհեն։

Sputnik Արմենիայի կադրերում երևում է, թե ինչպես են երթի մասնակիցներն անցնում Ամիրյան փողոցով։

2021թ.–ի հոկտեմբերին Հայաստանում կանցկացվի սահմանադրական հանրաքվե. Փաշինյան

 

20
թեգերը:
երթ, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Մեր թիկունքում հայկական ողջ բանակն է կանգնած. Յուրի Խաչատուրով
Մենք պետք է սահմանադրական ճանապարհով իշխանափոխության հասնենք. Մելքումյան
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը