«Օրենքը բարեխիղճ տնտեսվարողների համար նախատեսում է բազմաթիվ բարելավումներ»․ Կարապետյան

28
(Թարմացված է 21:31 11.02.2021)
Տնտեսական մրցակցության պաշտպանության պետական հանձնաժողովի անդամ Հայկ Կարապետյանը Sputnik Արմենիայի եթերում անդրադարձել է ԱԺ–ում առաջին ընթարցմամբ անցած «Տնտեսական մրցակցության պաշտպանության մասին» օրենքի փոփոխություններին։

Հայկ Կարապետյանի տեղեկացմամբ` նշված օրենքն ընդունվել է 2000 թվականի դեկտեմբերին, որից հետո օրենքում կատարվել են մի շարք փոփոխություններ, առավել խոշոր փոփոխությունները եղել են 2007-08 և 2011թվականներին, իսկ վերջինը` 2018 թվականին։ Այնուամենայնիվ հանձնաժողովի դիտարկմամբ` օրենսդրական ներկա կարգավորումներն ունեն բարելավման անհրաժեշտություն։ Հանձնաժողովի անդամներն ԱԺ–ում նշեցին, որ ընտրվելու դեպքում պարտավորվում են նախաձեռնել օրենսդրական փոփոխություններ։

«Օրենքի բարելավման հիմքում ընկած են վերջին տասը տարիների ընթացքում միջազգային տարբեր կառույցների կողմից ներկայացված առաջարկները, որոնք ինչ–ինչ պատճառներով տեղ չեն գտել նախկին փոփոխություններում, ինչպես նաև պրակտիկայում հայտնաբերված խնդիրները, բարձրաձայնված հարցերը և այլ բարելավումներ, որոնք ավելի արդյունավետ կդարձնեն տնտեսական մրցակցության պաշտպանությունը Հայաստանում։ Օրենքը բարեխիղճ տնտեսվարողների համար նախատեսում է բազմաթիվ բարելավումներ»,– նշեց ՏՄՊՊՀ անդամը։ 

Կարապետյանի խոսքով`փոփոխությունների նախագիծը մշակվել է անցյալ տարվա սկզբին և ներկայացվել լայն քննարկման։ Հանձնաժողովը նախապես դիմել էր բոլոր բուհերին գործող կարգավորումների վերաբերյալ մասնագիտական կարծիք տալու խնդրանքով, որպեսզի ներառվի նախագծում։ Բացի դրանից, նախագիծը շրջանառվել է պետական բոլոր մարմիններում ու ներկայացվել առևտրաարդյունաբերական պալատին, գործարարների միություններին ու ՀԿ–ներին, այլ կազմակերպություններին, զետեղվել համացանցում։ 

28
թեգերը:
տնտեսություն, կրթություն, Օրենք, բուհ, Հայաստան

«Մեր անունն է հայկական բանակ». ընդդիմության երթը՝ Երևանի կենտրոնական փողոցներով

153
(Թարմացված է 22:22 27.02.2021)
Հանրապետության հրապարակում ընդդիմության երթի մասնակիցները կանգ չառան։ Իշխան Սաղաթելյանը հայտարարեց, որ կառավարության այս շենք գալու են մեկ անգամ և վերջնական։

Հայրենիքի փրկության շարժման մասնակիցները երթով անցնում են Երևանի կենտրոնական փողոցներով։ Բաղրամյան պողոտայում անցկացված հանրահավաքից հետո դրա կազմակերպիչներն ու մասնակիցներն անցան Բաղրամյան–Սայաթ Նովա– Նալբանդյան փողոցներով, հասան Հանրապետության հրապարակ։ Այստեղ, ի դեպ, կանգ չառան կառավարության շենքի դիմաց, անցան որևէ հայտարարության ու կանգառի։

«Երեկ մենք պայմանավորվել ենք, որ այս շենքում նստած մեկին մենք ասելիք չունենք։ Գալու ենք, այսպես անտարբեր անցնելու ենք, որովհետև մենք այս շենք գալու ենք մեկ անգամ և վերջնական»,– կառավարության շենքի մոտով անցնելիս ասաց ՀՅԴ Հայաստանի ԳՄ ներկայացուցիչ Իշխան Սաղաթելյանը։

Նա նաև հիշեցրեց, որ այսօր ՀՀ նախագահը մերժել է ստորագրել Նիկոլ Փաշինյանի առաջարկը՝ ԳՇ պետի ազատման վերաբերյալ և առարկություններով վերադարձրել գործադրի ղեկավարին։ Նրա խոսքով, սա վարչապետի պաշտոնանկության ճանապարհին առաջին մեծ քայլն է։ Նշենք, որ իրավական ընթացակարգը նախատեսում է, որ վարչապետը կարող է 5 օրվա ընթացքում դարձյալ նույն առաջարկով դիմել ՀՀ նախագահին։ Նախագահը դրանից հետո և 3 օր կունենա որոշում ընդունելու` կամ ստորագրել վարչապետի առաջարկը, կամ դիմել ՍԴ։

Հանրապետության հրապարակից հետո երթն անցավ Ամիրյան փողոցով, Մաշտոցի պողոտայով ու վերադարձավ Բաղրամյան պողոտա։

Պատերազմն ավարտվեց, հոգեբանական խնդիրները մնացին. ո՞ւմ դիմել

Նշենք, որ Վազգեն Մանուկյանն այսօր հանրահավաքի ավարտին՝ երթից առաջ հայտարարել էր, որ վաղը ընդդիմությունը բեմը տրամադրում են մշակույթի գործիչներին ու մտավորականներին։

153
թեգերը:
երթ, ընդդիմություն
Ըստ թեմայի
Դիվանագետները կարո՞ղ են միանալ բանակին. ԱԳՆ–ից պատասխան չունենք
Վարչապետի աշխատակազմն անհիմն է համարում նախագահի առարկությունները
Վարչապետը դատախազին չի՞ հրավիրել. դատախազությունը պարզաբանում է

ՀՀ նախագահը կանգնեց բանակի կողքին. Վազգեն Մանուկյանը կոչով դիմեց ուժային կառույցներին

255
(Թարմացված է 20:47 27.02.2021)
Մանուկյանի հայտարարությանը հավաքված բազմությունը ծափողջույններով ու ոգևորության բացականչություններով արձագանքեց։

Հայրենիքի փրկության շարժման միասնական թեկնածու Վազգեն Մանուկյնը քիչ առաջ Բաղրամյան պողոտայի հանրահավաքում հայտարարեց, որ ՀՀ նախագահ Արմեն Սարգսյանը չի ստորագրել Նիկոլ Փաշինյանի առաջարկած հրամանագիրը ՀՀ ԳՇ պետ Օնիկ Գասպարյանին աշխատանքից ազատելու մասին։

Վահե Ղազարյան
© Photo / official site of the Prime minister of RA

«Մենք դա էինք պահանջում, նույն կարծիքը ունեցավ Արմեն Սարգսյանը։ Ես շնորհավորում եմ ձեզ։ Հաղթանակ։ Եկեք ողջունենք հանրապետության նախագահին։ Մեր ժողովուրդը կանգնած է բանակի կողքին։ Բանակը կանգնած է ժողովրդի կողքին։ Հիմա արդեն նախագահն էլ կանգնեց ժողովրդի ու բանակի կողքին»,– ասաց Մանուկյանը։

Մանուկյանի այս հայտարարությանը հավաքված բազմությունը ծափողջույններով ու ոգևորության բացականչություններով արձագանքեց։

Վազգեն Սարգսյանը նաև հայտարարեց, որ ընդդիմությունն այժմ սպասում է մյուս ուժային կառույցների հայտարարություններին։

«Թող մնացած բլոր կառույցները հայտարարեն իրենց կարծիքը։ Ես դիմում եմ բոլոր ուժային կառույցներին` հայտարարությամբ հանդես եկեք, որ դուք կանգնած եք բանակի կողքին։ Հակառակ դեպքում` դուք բանակին դեմ եք»,– ասաց նա։

Մանուկյանը նաև մեկնաբանեց, որ իրավական ընթացակարգը նախատեսում է, որ վարչապետը կարող է 5 օրվա ընթացքում դարձյալ նույն առաջարկով դիմել ՀՀ նախագահին։ Նախագահը դրանից հետո ևս 3 օր կունենա որոշում ընդունելու` կամ ստորագրել վարապետի առաջարկը, կամ դիմել ՍԴ։

Նշենք, որ ՍԴ–ն «Սահմանադրական դատարանի մասին» օրենքով նույնպես 5 օր ունի նախագահի դիմումը քննարկելու ու դրա մասին որոշում կայացնելու համար։

Վարչապետի աշխատակազմն անհիմն է համարում նախագահի առարկությունները

Այսքանով ընդդիմության այսօրվա հանրահավաքն ավարտվեց։ Վազգեն Մանուկյանը հայտարարեց, որ վաղը ընդդիմությունը բեմը տրամադրում է մշակույթի գործիչներին ու մտավորականներին։ «Վաղն այստեղ լինելու է ուրախության հավաք»,– հայտարարեց Մանուկյանը։

Մանուկյանի ելույթից հետ Բաղրամյան պողոտայից մեկնարկեց երթը Երևանի կենտրոնական փողոցներով։

255
թեգերը:
հանրահավաք, Բանակ, Վազգեն Մանուկյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Ընդդիմության հանրահավաքը մեկնարկեց. Կապանում ևս հանրահավաք է
Նախագահն ու Օնիկ Գասպարյանը դարձյալ հանդիպել են
Նախագահը չի ստորագրել Օնիկ Գասպարյանին ազատելու միջնորդությունն ու այն հետ է ուղարկել
Արմեն Սարգսյանի անունից հարգանքի տուրք է մատուցվել Սումգայիթի ջարդերի զոհերի հիշատակին

Արմեն Սարգսյանի անունից հարգանքի տուրք է մատուցվել Սումգայիթի ջարդերի զոհերի հիշատակին

3
(Թարմացված է 10:36 28.02.2021)
Արյունալի դեպքերից 33 տարի է անցել։ Ոչ պաշտոնական տվյալներով՝ Սումգայիթյան ջարդերի զոհերի թիվը մի քանի հարյուր է։

ԵՐԵՎԱՆ, 28 փետրվարի - Sputnik. Փետրվարի 28-ը Ադրբեջանական ԽՍՀ-ում կազմակերպված ջարդերի զոհերի հիշատակի և բռնագաղթված հայ բնակչության իրավունքների պաշտպանության օրն է: ՀՀ նախագահ Արմեն Սարգսյանի անունից հարգանքի տուրք է մատուցվել Սումգայիթի զոհերի հիշատակին։ Տեղեկությունը հայտնում է նախագահի մամուլի ծառայությունը։

«Հանրապետության նախագահ Արմեն Սարգսյանի անունից այսօր Ծիծեռնակաբերդի բարձունքում հարգանքի տուրք է մատուցվել և ծաղկեպսակ դրվել անմեղ զոհերի հիշատակը հավերժացնող խաչքարի մոտ»,- նշված է հաղորդագրության մեջ։

Մեր իշխանությունները սումգայիթյան ցեղասպանությունից այդպես էլ դասեր չեն քաղել. Ուլուբաբյան

Հիշեցնենք, որ 1988թ. փետրվարի 26-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանությունները սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի զանգվածային թալանով և ոչնչացմամբ:

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։

Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ

3
թեգերը:
Արմեն Սարգսյան, Սումգայիթ, Հայաստան
Ըստ թեմայի
Այլ տարբերակ, քան մեր ապրելու իրավունքի հետ հաշվի նստելն է, գոյություն չունի. Միրզոյան
Արցախն Աստծունն է. ինչպես հայ ուսուցչին հաջողվեց փրկվել ադրբեջանական գերությունից
Ինչո՞ւ են Արցախում դադարեցվել որոնողափրկարարական աշխատանքները