Անհետ կորածների հարազատների ակցիայի մասնակիցներից մեկը շշով հարվածեց ոստիկանին

201
(Թարմացված է 18:23 11.02.2021)
Կառավարության առջև կազմակերպված բողոքի ակցիան վերածվեց ոստիկանների ու քաղաքացիների միջև հրմշտոցի և քաշքշուկի։

ԵՐԵՎԱՆ, 11 փետրվարի - Sputnik. Անհետ կորած զինծառայողների հարազատների բողոքի ակցիայի ավարտին իրարանցում ու քաշքշուկ սկսվեց ակցիայի մասնակիցների ու ոստիկանների միջև։ Ինչպես տեղից հայտնում է Sputnik Արմենիայի թղթակիցը, իրարանցումն առաջացավ, երբ ակցիայի մասնակիցներից մեկը շշով հարվածեց Հանրապետության հրապարակի տարածքում ծառայություն իրականացնող ոստիկաններից մեկին։

Միջադեպը տեղի ունեցավ այն բանից հետո, երբ ակցիայի մասնակիցները հայտարարեցին ակցիայի ավարտի մասին ու բացեցին Երևանի Տիգրան Մեծից Հանրապետության հրապարակ տանող հատվածը։

Դրանից հետո ոստիկանները փորձեցին բերման ենթարկել ոստիկանի ուղղությամբ շիշ նետած քաղաքացուն, ինչին բուռն արձագանքեցին նաև ակցիայի այլ մասնակիցները։ Արդյունքում քաշքշուկ ու հրմշտոց սկսվեց քաղաքացիների և ոստիկանության միջև։

Ավելի վաղ հայտնել էինք, որ տեղում մեծ թվով ոստիկանական ուժեր են կուտակված։ Վերոհիշյալ տարածքում երթևեկությունը աստիճանաբար վերականգնվում է։

Հիշեցնենք, որ անհետ կորածների հարազատներն այսօր առավոտից բողոքի ակցիա էին անում կառավարության շենքի դիմաց, նրանք իրենց հետ էին բերել նաև զինծառայողների երեխաներին։

201
թեգերը:
տեսանյութ, անհետ կորած, ոստիկան, Հանրապետության հրապարակ, Հայաստան
Ըստ թեմայի
Անհետ կորած զինվորի ծնողներից 1.5 մլն դրամ են յուրացրել` խոստանալով վերադարձնել տղային
Նախարարն ընդունել է անհետ կորած զինծառայողների ծնողներին և ներկայացրել, թե ինչ է արվում
Տղամարդն անհետ կորած զինվորի հորից խոշոր կաշառք է ուզել. ԱԱԾ–ն տեսանյութ է հրապարակել

Արմավիրցի հանդուգն գողերը․ կողոպտել են համագյուղացիների մեքենաներն ու տները․ տեսանյութ

60
(Թարմացված է 23:37 05.03.2021)
Գողության պահին տներում մարդիկ են եղել, բայց երիտասարդներն այնքան ճարպկորեն են իրենց գործն արել, որ աննկատ են մնացել։

ԵՐԵՎԱՆ, 5 մարտի – Sputnik․ Արմավիրում իրավապահները բնակարանային գողություններ են բացահայտել։ Ոստիկանության մամուլի ծառայությունը հայտնում է, որ Հացիկ գյուղի երկու երիտասարդներ վերջին շրջանում միայն իրենց գյուղում մտել էին մի քանի տուն ու գողացել տարբեր չափի գումարներ։

«Ընդ որում, գողության պահին տանը մարդիկ էին եղել, սակայն նրանք կա՛մ այգում, կա՛մ տան այլ հատվածում զբաղված էին եղել ինչ-որ աշխատանքով, ուստի չէին նկատել, որ տուն մարդ է մտել»,- նշված է հաղորդագրության մեջ։

Պարզվել է նաև, որ երիտասարդները միայն բնակարանային գողություններով չեն սահմանափակվել։ Ոստիկանները բացահայտել են նաև 7 մեքենայից կատարված գողություն, որոնցից վեցը համագյուղացիների մեքենաներն էին, իսկ մեկը կայանված էր եղել հարևան՝ Լուկաշին գյուղի սկզբնամասում։ Մեքենաներից ևս տարբեր չափի գումարներ էին հափշտակել։

Երիտասարդների «աշխատանքային գործունեությունն» այսքանով էլ չի սահմանափակվել։ Պարզվել է, որ նրանք այլ գողություններ էլ են կատարել։

Դեպքերի առթիվ ոստիկանության Արմավիրի բաժնում ՀՀ քրեական օրենսգրքի համապատասխան հոդվածներով հարուցվել է քրեական գործ։ Այն ուղարկվել է Քննչական կոմիտե։ Նախաքննությունը շարունակվում է․ իրավապահները խոստանում են՝ կպարզվեն ոչ միայն դեպքերի հանգամանքները, այլև յուրաքանչյուր դրվագում երիտասարդներից յուրաքանչյուրի դերակատարությունը։

Երկու անգամ նույն տունն է մտել գողության համար, Սևանի ոստիկանները բռնել են դեպքի վայրում

60
թեգերը:
Արմավիր, գողություն
Ըստ թեմայի
Մոսկվայում խեղդամահ արված 2 երեխայի են գտել. սպանության մեջ կասկածվում է նրանց մայրը
Գյումրիում դանակահարել են շտապօգնության վարորդի. վիճակը ծանր է
Գլխավոր դատախազն իր ենթականերին քաղաքական զսպվածության և չեզոքության կոչ է արել

«Միայն թե դա էլ ինձ չվերագրեք». Պուտինը կատակել է «դղյակի» թեմայով. տեսանյութ

89
(Թարմացված է 19:42 05.03.2021)
«Մենք միասին ենք» համառուսաստանյան փոխօգնության ակցիայի մասնակիցների հետ հանդիպման ժամանակ զվարճալի դեպք է տեղի ունեցել։

Ակցիայի մասնակիցներից մեկը ՌԴ նախագահ Վլադիմիր Պուտինին առաջարկել է ներկա լինել վերականգնողական-ժամանցային կենտրոնի բացմանը, որը գտնվում է Ստրելնայից 2 կմ հեռավորության վրա:

«Կարծես ևս մի դղյակ լինի, միայն թե ինձ չվերագրեք»,– կատակել է Ռուսաստանի առաջնորդը և խոստացել, որ կգնա այնտեղ։

Հիշեցնենք, որ վերջերս Գելենջիկում կառուցվող մի շինություն էին վերագրել էին ՌԴ նախագահ Վլադիմիր Պուտինին։ Նա էլ իր հերթին հայտարարել էր, որ չի նայել Գելենջիկի «պալատի» մասին ֆիլմը, քանի որ ժամանակ չունի, բայց դիտել է այն տեսագրությունները, որոնք ցույց են տվել օգնականները։ ՌԴ նախագահը վստահեցրել էր, որ «հետաքննության» մեջ նշվող ունեցվածքից ոչինչ իրեն կամ իր բարեկամներին չի պատկանում և չի պատկանել։

Նախագահի մամուլի քարտուղար Դմիտրի Պեսկովն էլ ասել էր, որ Գելենջիկի պալատի սեփականատերերը մեկ կամ մի քանի գործարարներ են, իսկ Կրեմլն անուններ չի հրապարակի, որովհետև դա կոռեկտ չի լինի։

Mash Telegram-ալիքն անդրադարձել էր այդ թեմային։ Լրագրողներն այցելել էին տարածք, նկարահանել շինության ներսը։ Ավելի ուշ հայտնի դարձավ, որ շինության սեփականատերը գործարար Արկադի Ռոտենբերգն է։

89
թեգերը:
Վլադիմիր Պուտին, Ռուսաստան
Ըստ թեմայի
Տասը «մորուքավոր» անեկդոտ Վլադիմիր Պուտինից
«Հրեաները ֆինանսական խնդիր ունե՞ն. դա միայն Ղրիմում է հնարավոր». Պուտինի կատակը
«Դուք ձեզ անհամեստ եք պահում». Պուտինը կատակել է «Ռուսաստան–Աֆրիկա» գագաթնաժողովում
Արխիվային լուսանկար

508 նոր դեպք, 4 մահ` մեկ օրում. կորոնավիրուսային հիվանդության ընթացքը Հայաստանում

39
(Թարմացված է 11:00 06.03.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 6 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 508–ով և դարձել 174 257։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 5560 (+311) մարդ, կատարվել է 747879 (+3016) թեստավորում, առողջացել են վարակվածներից 164654 (+191)-ը։ Գրանցվել է մահվան 3219 դեպք (+4)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 824-ի։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

39
թեգերը:
Մահ, հիվանդություն, համավարակ, կորոնավիրուս
Ըստ թեմայի
Նոր հիվանդություն. հնարավոր է` երեխաները մահացած են ծնվել կորոնավիրուսի պատճառով
Կորոնավիրուսի դինամիկան հասել է 16 տոկոսի. վերահսկողությունը կխստացվի
Դիմակներն իզուր եք պահել. «կորոնավիրուսային տուգանքները» կվերադառնան