Պետք է հետևակը պատրաստել գրոհների` ընդգրկելով և՛ պայմանագրայիններին, և՛ ժամկետայիններին

185
(Թարմացված է 20:44 11.02.2021)
Հետախույզ, ազատամարտիկ Վովա Վարդանովը Sputnik Արմենիայի հետ զրույցում անդրադարձավ բանակաշինության հարցերին, մասնավորապես ԱԺ ԼՀԿ խմբակցության նախաձեռնությանը, որով առաջարկվում է պայմանագրային զինվորական ծառայության սահմանային տարիքը բարձրացնել մինչև 63 տարեկան։

Վովա Վարդանովի դիտարկմամբ` պետք է հաշվի առանել այն հանգամանքը, որ պայմանագրային զինծառայողները հավաքագրվում են կամավորական հիմունքներով` անցնելով պարտադիր բուժզննում։ «Լուսավոր Հայաստան» կուսակցության առաջարկի մեջ սարսափելի որևէ բան չկա, որովհետև կան մարդիկ, որոնք ավելի պատկառելի տարիքի են, բայց միանշանակ կարող են օգտակար լինել։   

«Մեր կազմակերպությունում համապատասխան պատրաստություն է անցել նույնիսկ 74 տարեկան անձը և եղել է նորմալ վիճակում, ունեցել ենք 62-63 տարեկան կուրսանտներ։ Երկու հոգի ներգրավվեցին մեր կամավորական գումարտակում և մասնակցեցին պատերազմական գործողություններին»,– նշեց ռազմական գործիչը։ 

Վարդանովի կարծիքով` մեզ անհարժեշտ են նախևառաջ լեռնահրաձիգային մարտունակ, մոբիլ ստորաբաժանումներ։ Ըստ նրա` առաջին հերթին պետք է հետևակը պատրաստել գրոհող գործողությունների` ընդգրկելով և՛ պայմանագրայիններին, և՛ ժամկետայիններին, և՛ կամավորականներին, որովհետև մեր բանակն, ըստ Վարդանովի, լայնամասշտաբ պատերազմական գործողությունների պարագայում կարող է կասեցնել կամ հասցնել առաջին հարվածը` ժամանակ ընձեռելով մոբիլիզացիայի համար։

«Հաղթող լինելով` մենք մնացել ենք 1992-94 թվականների մեջ։ Մենք տեղում դոփել ենք, առաջ չենք շարժվել ընդհանրապես, բանակաշինության մեջ նոր քայլ չենք արել։ Ժողովուրդն իրեն մանկամտորեն խաբում է, եթե կարծում է, որ խաղաղությունը նորմալ է։ Ո՛չ, պատերազմն է նորմալ։ Չկա մի երկիր, որը խաղաղ տարիները չի օգտագործում պատերազմի պատրաստվելու համար։ Եթե ուզում ենք լինել անպարտելի, պետք է այնքան մարտունակ լինենք, որ վախենան մեր սահմանների ուղղությամբ թարս նայել»,– նշեց ազատամարտիկ հետախույզը։

Արցախի ՊԲ-ն չի կազմալուծվելու․ անցում է արվում պրոֆեսիոնալ բանակի․ Վահրամ Պողոսյան

Վարդանովի խոսքով` մենք պետք է ռազմական տեսակետից լավ պատրաստված հասարակություն, ժամանակակից մեթոդաբանության ու շինարարության մեջ արդիական զինված ուժեր ունենանք, որպեսզի թշնամին հազար անգամ չափի ու ձևի մեր վրա հարձակվելուց առաջ։  

185
թեգերը:
հաղթանակ, Հայաստան, պայմանագրային ծառայություն, Բանակ, Վովա Վարդանով
թեմա:
Sputnik զրույց (240)

«Մեր անունն է հայկական բանակ». ընդդիմության երթը՝ Երևանի կենտրոնական փողոցներով

171
(Թարմացված է 22:22 27.02.2021)
Հանրապետության հրապարակում ընդդիմության երթի մասնակիցները կանգ չառան։ Իշխան Սաղաթելյանը հայտարարեց, որ կառավարության այս շենք գալու են մեկ անգամ և վերջնական։

Հայրենիքի փրկության շարժման մասնակիցները երթով անցնում են Երևանի կենտրոնական փողոցներով։ Բաղրամյան պողոտայում անցկացված հանրահավաքից հետո դրա կազմակերպիչներն ու մասնակիցներն անցան Բաղրամյան–Սայաթ Նովա– Նալբանդյան փողոցներով, հասան Հանրապետության հրապարակ։ Այստեղ, ի դեպ, կանգ չառան կառավարության շենքի դիմաց, անցան որևէ հայտարարության ու կանգառի։

«Երեկ մենք պայմանավորվել ենք, որ այս շենքում նստած մեկին մենք ասելիք չունենք։ Գալու ենք, այսպես անտարբեր անցնելու ենք, որովհետև մենք այս շենք գալու ենք մեկ անգամ և վերջնական»,– կառավարության շենքի մոտով անցնելիս ասաց ՀՅԴ Հայաստանի ԳՄ ներկայացուցիչ Իշխան Սաղաթելյանը։

Նա նաև հիշեցրեց, որ այսօր ՀՀ նախագահը մերժել է ստորագրել Նիկոլ Փաշինյանի առաջարկը՝ ԳՇ պետի ազատման վերաբերյալ և առարկություններով վերադարձրել գործադրի ղեկավարին։ Նրա խոսքով, սա վարչապետի պաշտոնանկության ճանապարհին առաջին մեծ քայլն է։ Նշենք, որ իրավական ընթացակարգը նախատեսում է, որ վարչապետը կարող է 5 օրվա ընթացքում դարձյալ նույն առաջարկով դիմել ՀՀ նախագահին։ Նախագահը դրանից հետո և 3 օր կունենա որոշում ընդունելու` կամ ստորագրել վարչապետի առաջարկը, կամ դիմել ՍԴ։

Հանրապետության հրապարակից հետո երթն անցավ Ամիրյան փողոցով, Մաշտոցի պողոտայով ու վերադարձավ Բաղրամյան պողոտա։

Պատերազմն ավարտվեց, հոգեբանական խնդիրները մնացին. ո՞ւմ դիմել

Նշենք, որ Վազգեն Մանուկյանն այսօր հանրահավաքի ավարտին՝ երթից առաջ հայտարարել էր, որ վաղը ընդդիմությունը բեմը տրամադրում են մշակույթի գործիչներին ու մտավորականներին։

171
թեգերը:
երթ, ընդդիմություն
Ըստ թեմայի
Դիվանագետները կարո՞ղ են միանալ բանակին. ԱԳՆ–ից պատասխան չունենք
Վարչապետի աշխատակազմն անհիմն է համարում նախագահի առարկությունները
Վարչապետը դատախազին չի՞ հրավիրել. դատախազությունը պարզաբանում է

ՀՀ նախագահը կանգնեց բանակի կողքին. Վազգեն Մանուկյանը կոչով դիմեց ուժային կառույցներին

271
(Թարմացված է 20:47 27.02.2021)
Մանուկյանի հայտարարությանը հավաքված բազմությունը ծափողջույններով ու ոգևորության բացականչություններով արձագանքեց։

Հայրենիքի փրկության շարժման միասնական թեկնածու Վազգեն Մանուկյնը քիչ առաջ Բաղրամյան պողոտայի հանրահավաքում հայտարարեց, որ ՀՀ նախագահ Արմեն Սարգսյանը չի ստորագրել Նիկոլ Փաշինյանի առաջարկած հրամանագիրը ՀՀ ԳՇ պետ Օնիկ Գասպարյանին աշխատանքից ազատելու մասին։

Վահե Ղազարյան
© Photo / official site of the Prime minister of RA

«Մենք դա էինք պահանջում, նույն կարծիքը ունեցավ Արմեն Սարգսյանը։ Ես շնորհավորում եմ ձեզ։ Հաղթանակ։ Եկեք ողջունենք հանրապետության նախագահին։ Մեր ժողովուրդը կանգնած է բանակի կողքին։ Բանակը կանգնած է ժողովրդի կողքին։ Հիմա արդեն նախագահն էլ կանգնեց ժողովրդի ու բանակի կողքին»,– ասաց Մանուկյանը։

Մանուկյանի այս հայտարարությանը հավաքված բազմությունը ծափողջույններով ու ոգևորության բացականչություններով արձագանքեց։

Վազգեն Սարգսյանը նաև հայտարարեց, որ ընդդիմությունն այժմ սպասում է մյուս ուժային կառույցների հայտարարություններին։

«Թող մնացած բլոր կառույցները հայտարարեն իրենց կարծիքը։ Ես դիմում եմ բոլոր ուժային կառույցներին` հայտարարությամբ հանդես եկեք, որ դուք կանգնած եք բանակի կողքին։ Հակառակ դեպքում` դուք բանակին դեմ եք»,– ասաց նա։

Մանուկյանը նաև մեկնաբանեց, որ իրավական ընթացակարգը նախատեսում է, որ վարչապետը կարող է 5 օրվա ընթացքում դարձյալ նույն առաջարկով դիմել ՀՀ նախագահին։ Նախագահը դրանից հետո ևս 3 օր կունենա որոշում ընդունելու` կամ ստորագրել վարապետի առաջարկը, կամ դիմել ՍԴ։

Նշենք, որ ՍԴ–ն «Սահմանադրական դատարանի մասին» օրենքով նույնպես 5 օր ունի նախագահի դիմումը քննարկելու ու դրա մասին որոշում կայացնելու համար։

Վարչապետի աշխատակազմն անհիմն է համարում նախագահի առարկությունները

Այսքանով ընդդիմության այսօրվա հանրահավաքն ավարտվեց։ Վազգեն Մանուկյանը հայտարարեց, որ վաղը ընդդիմությունը բեմը տրամադրում է մշակույթի գործիչներին ու մտավորականներին։ «Վաղն այստեղ լինելու է ուրախության հավաք»,– հայտարարեց Մանուկյանը։

Մանուկյանի ելույթից հետ Բաղրամյան պողոտայից մեկնարկեց երթը Երևանի կենտրոնական փողոցներով։

271
թեգերը:
հանրահավաք, Բանակ, Վազգեն Մանուկյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Ընդդիմության հանրահավաքը մեկնարկեց. Կապանում ևս հանրահավաք է
Նախագահն ու Օնիկ Գասպարյանը դարձյալ հանդիպել են
Նախագահը չի ստորագրել Օնիկ Գասպարյանին ազատելու միջնորդությունն ու այն հետ է ուղարկել
Руководитель аппарата парламента Армении Ара Сагателян на заседании правительства (8 июня 2018). Еревaн

Արա Սաղաթելյանին ազատ արձակելու պահանջով ստորագրահավաք է սկսվել Բաղրամյան պողոտայում

0
(Թարմացված է 17:38 28.02.2021)
Նախաձեռնության կազմակերպիչների խոսքով՝ Արա Սաղաթելյանը հետպատերազմյան Հայաստանի Հանրապետության առաջին քաղբանտարկյալն է։

ԵՐԵՎԱՆ, 28 փետրվարի – Sputnik. Ազգային ժողովի աշխատակազմի նախկին ղեկավար-գլխավոր քարտուղար, «Պառլամենտարիզմի զարգացման միջազգային կենտրոն» հասարակական կազմակերպության նախագահ, համահիմնադիր Արա Սաղաթելյանին ազատ արձակելու պահանջով ստորագրահավաք է սկսվել Բաղրամյան պողոտայում։ Տեղեկությունը հայտնում է Պառլամենտարիզմի զարգացման միջազգային կենտրոնի գործադիր տնօրեն, իրավագետ Գոհար Մելոյանը։

«Առաջադրված մեղադրանքի թե’ փաստական կողմը և թե’ իրավաբանական որակումը մտացածին են և չեն դիմանում որևէ քննադատության, ինչը հիմնավոր փաստարկել են ինչպես իրավական համայնքի, այնպես էլ՝ տեղեկատվական տեխնոլոգիաների ոլորտի բազմաթիվ հարգված ներկայացուցիչներ»,- նշել է Մելոյանը։

Ըստ Ազգային անվտանգության ծառայության հաղորդագրության՝  Սաղաթելյանը մեղադրվում է Facebook-ի կեղծ օգտատիրոջ հետ կապի մեջ, ինչը հիմնավորվում է նրանով, որ 2021 թվականի փետրվարի կեսերին Արա Սաղաթելյանը հեռախոսը միացել է այն նույն VPN հավելվածի IP հասցեին, որին 2020 թվականի հոկտեմբերի կեսերին համակցվել է նշված օգտատիրոջ ֆեյսբուքյան հաշիվը։

Մելոյանը մատնանշում է, որ նույն ժամանակահատ․վածում մի քանի տասնյակ մարդկանց հեռախոսներ միացել են վերոնշյալ IP հասցեին։ Նրա համոզմամբ՝ Արա Սաղաթելյանի անձի ընտրությունը և նրա կալանավորումն ընդգծում են իրականացվող գործընթացի առերեւույթ կողմնակալ և սուբյեկտիվ լինելու հանգամանքը և քաղաքական հետապնդման նպատակը։

Իրավագետն անդրադարձել է առաջադրված մեղադրանքի իրավական կողմին՝ այն անվանելով «աբսուրդի ժանրից»։ Նա շեշտել է նաև այն հանգամանքը, որ ԱԱԾ-ն որոշում է կայացրել սահմանափակելու Արա Սաղաթելյանի՝ տեսակցություններ ունենալու իրավունքը՝ այդ սահմանափակումը տարածելով նրա ընտանիքի, այդ թվում՝ անչափահաս երեխայի վրա՝ որևէ կերպ չպատճառաբանելով այդ որոշումը։

«Ամփոփելով վերոգրյալը և հաշվի առնելով Եվրոպայի խորհրդի խորհրդարանական վեհաժողովի 1900-րդ բանաձևում ամրագրված «քաղաքական բանտարկյալ» եզրույթի սահմանումը՝ փաստում ենք, որ Արա Սաղաթելյանը հետպատերազմյան Հայաստանի Հանրապետության առաջին քաղբանտարկյալն է»,- եզրափակել է Մելոյանը։

 

0
թեգերը:
ստորագրահավաք, Արա Սաղաթելյան, Հայաստան