Միգրացիայի խոցելի կողմը. ինչով կարող է խնդրին օգնել «միասնական պատուհանը» ԵԱՏՄ երկրներում

125
(Թարմացված է 17:56 08.02.2021)
Հայաստանի գործատուների հանրապետական միության նախագահ Գագիկ Մակարյանը Sputnik Արմենիայի հետ զրույցում անդրադարձել է ԵԱՏՄ–ում «միասնական պատուհան» ստեղծելու առաջարկին, ըստ որի` թվայնացումը կարող է օգնել Եվրասիական տնտեսական միության տարածքում աշխատուժի ազատ տեղաշարժին։

Գագիկ Մակարյանի դիտարկմամբ`  ընդհանրապես աշխատանքային միգրացիայի հետ կապված խնդիրներն այնքան էլ լավ կանոնակարգված չեն ԵԱՏՄ երկրներում, որովհետև աշխատանքային միգրացիայի ամենախոցելի կողմերից մեկն այն է, որ հաճախ կարող է լինել ստվերային։ Այդ հանգամանքը բերում է նրան, որ մարդիկ ենթարկվում են թրաֆիկինգի, չեն օգտվում սոցիալական պաշտպանության ծրագրերից կամ այլ հնարավորություններից, եթե պաշտոնապես ձևակերպված չեն։ Ըստ նրա` նման պայմաններում պետությունները չեն կարողանում վերահսկել իրենց քաղաքացիների ճակատագիրը։

«Քանի որ ԵԱՏՄ–ն ամենասկզբից սահմանել էր համագործակցության երեք կարևոր ուղղություն, որոնցից մեկը կապիտալի ազատ տեղաշարժի գաղափարն էր, ուստի այժմ մոտեցել ենք նրան, որ կապիտալի ազատ տեղաշարժը պիտի ինչ–որ ձևակերպում ու գործնական կիրառություն ստանա։ Հենց այդ պատճառով էլ համապատասխան հարթակների ստեղծումը, որոնց միջոցով կիրականացվի արդյունավետ վերահսկողություն, ողջունելի է»,– նշեց Հայաստանի գործատուների հանրապետական միության նախագահը։

Մակարյանի տեսանկյունից «մեկ պատուհանի» գաղափարը, ըստ որի` թվայնացումը կարող է օգնել Եվրասիական տնտեսական միության տարածքում աշխատուժի ազատ տեղաշարժին, բխում է հենց քաղաքացիների շահերից։ Նրանք պետք է տեղյակ լինեն այն ռիսկերից, որոնք կարող են առաջ գալ իրենց աշխատանքային գործունեության ընթացքում։ Մակարյանի գնահատմամբ` առաջարկն իսկապես լավն է, քանզի հարթակները թույլ կտան քաղաքացուն գրանցվել, գտնել ազատ աշխատատեղ ԵԱՏՄ–ի տարածքում, գործատուն էլ իր հերթին կարող է տեսնել, թե ովքեր են դիմել, ըստ այդմ էլ կլինի նաև ընտրության հնարավորություն։

ԵԱՏՄ-ում թվային ընդհանուր հարթակ կստեղծվի

Նշենք, որ ԵԱՏՄ տարածքում աշխատատեղերի «միասնական պատուհանի» մասին խոսել էր ՀՀ վարչապետ Նիկոլ Փաշինյանը փետրվարի 5–ին Ալմաթիում կայացած Almaty Digital Forum 2021-ի ժամանակ։

125
թեգերը:
Թրաֆիքինգ, միգրացիա, աշխատատեղ, Հայաստան, Եվրասիական տնտեսական միություն (ԵԱՏՄ)
թեմա:
Sputnik զրույց (240)
Ըստ թեմայի
Ադրբեջանն ունի բոլոր հնարավորությունները ԵԱՏՄ մտնելու համար, ՀՀ–ն չի առարկում ոչ մի քայլի
Թվային տեխնոլոգիաներ և տարիֆային առավելություններ. Փաշինյանի խոսքը ԵԱՏՄ նիստի ժամանակ
ԵԱՏՄ-ում կվերանայվեն մաքսային արտոնությունները

«Մեր անունն է հայկական բանակ». ընդդիմության երթը՝ Երևանի կենտրոնական փողոցներով

153
(Թարմացված է 22:22 27.02.2021)
Հանրապետության հրապարակում ընդդիմության երթի մասնակիցները կանգ չառան։ Իշխան Սաղաթելյանը հայտարարեց, որ կառավարության այս շենք գալու են մեկ անգամ և վերջնական։

Հայրենիքի փրկության շարժման մասնակիցները երթով անցնում են Երևանի կենտրոնական փողոցներով։ Բաղրամյան պողոտայում անցկացված հանրահավաքից հետո դրա կազմակերպիչներն ու մասնակիցներն անցան Բաղրամյան–Սայաթ Նովա– Նալբանդյան փողոցներով, հասան Հանրապետության հրապարակ։ Այստեղ, ի դեպ, կանգ չառան կառավարության շենքի դիմաց, անցան որևէ հայտարարության ու կանգառի։

«Երեկ մենք պայմանավորվել ենք, որ այս շենքում նստած մեկին մենք ասելիք չունենք։ Գալու ենք, այսպես անտարբեր անցնելու ենք, որովհետև մենք այս շենք գալու ենք մեկ անգամ և վերջնական»,– կառավարության շենքի մոտով անցնելիս ասաց ՀՅԴ Հայաստանի ԳՄ ներկայացուցիչ Իշխան Սաղաթելյանը։

Նա նաև հիշեցրեց, որ այսօր ՀՀ նախագահը մերժել է ստորագրել Նիկոլ Փաշինյանի առաջարկը՝ ԳՇ պետի ազատման վերաբերյալ և առարկություններով վերադարձրել գործադրի ղեկավարին։ Նրա խոսքով, սա վարչապետի պաշտոնանկության ճանապարհին առաջին մեծ քայլն է։ Նշենք, որ իրավական ընթացակարգը նախատեսում է, որ վարչապետը կարող է 5 օրվա ընթացքում դարձյալ նույն առաջարկով դիմել ՀՀ նախագահին։ Նախագահը դրանից հետո և 3 օր կունենա որոշում ընդունելու` կամ ստորագրել վարչապետի առաջարկը, կամ դիմել ՍԴ։

Հանրապետության հրապարակից հետո երթն անցավ Ամիրյան փողոցով, Մաշտոցի պողոտայով ու վերադարձավ Բաղրամյան պողոտա։

Պատերազմն ավարտվեց, հոգեբանական խնդիրները մնացին. ո՞ւմ դիմել

Նշենք, որ Վազգեն Մանուկյանն այսօր հանրահավաքի ավարտին՝ երթից առաջ հայտարարել էր, որ վաղը ընդդիմությունը բեմը տրամադրում են մշակույթի գործիչներին ու մտավորականներին։

153
թեգերը:
երթ, ընդդիմություն
Ըստ թեմայի
Դիվանագետները կարո՞ղ են միանալ բանակին. ԱԳՆ–ից պատասխան չունենք
Վարչապետի աշխատակազմն անհիմն է համարում նախագահի առարկությունները
Վարչապետը դատախազին չի՞ հրավիրել. դատախազությունը պարզաբանում է

ՀՀ նախագահը կանգնեց բանակի կողքին. Վազգեն Մանուկյանը կոչով դիմեց ուժային կառույցներին

255
(Թարմացված է 20:47 27.02.2021)
Մանուկյանի հայտարարությանը հավաքված բազմությունը ծափողջույններով ու ոգևորության բացականչություններով արձագանքեց։

Հայրենիքի փրկության շարժման միասնական թեկնածու Վազգեն Մանուկյնը քիչ առաջ Բաղրամյան պողոտայի հանրահավաքում հայտարարեց, որ ՀՀ նախագահ Արմեն Սարգսյանը չի ստորագրել Նիկոլ Փաշինյանի առաջարկած հրամանագիրը ՀՀ ԳՇ պետ Օնիկ Գասպարյանին աշխատանքից ազատելու մասին։

Վահե Ղազարյան
© Photo / official site of the Prime minister of RA

«Մենք դա էինք պահանջում, նույն կարծիքը ունեցավ Արմեն Սարգսյանը։ Ես շնորհավորում եմ ձեզ։ Հաղթանակ։ Եկեք ողջունենք հանրապետության նախագահին։ Մեր ժողովուրդը կանգնած է բանակի կողքին։ Բանակը կանգնած է ժողովրդի կողքին։ Հիմա արդեն նախագահն էլ կանգնեց ժողովրդի ու բանակի կողքին»,– ասաց Մանուկյանը։

Մանուկյանի այս հայտարարությանը հավաքված բազմությունը ծափողջույններով ու ոգևորության բացականչություններով արձագանքեց։

Վազգեն Սարգսյանը նաև հայտարարեց, որ ընդդիմությունն այժմ սպասում է մյուս ուժային կառույցների հայտարարություններին։

«Թող մնացած բլոր կառույցները հայտարարեն իրենց կարծիքը։ Ես դիմում եմ բոլոր ուժային կառույցներին` հայտարարությամբ հանդես եկեք, որ դուք կանգնած եք բանակի կողքին։ Հակառակ դեպքում` դուք բանակին դեմ եք»,– ասաց նա։

Մանուկյանը նաև մեկնաբանեց, որ իրավական ընթացակարգը նախատեսում է, որ վարչապետը կարող է 5 օրվա ընթացքում դարձյալ նույն առաջարկով դիմել ՀՀ նախագահին։ Նախագահը դրանից հետո ևս 3 օր կունենա որոշում ընդունելու` կամ ստորագրել վարապետի առաջարկը, կամ դիմել ՍԴ։

Նշենք, որ ՍԴ–ն «Սահմանադրական դատարանի մասին» օրենքով նույնպես 5 օր ունի նախագահի դիմումը քննարկելու ու դրա մասին որոշում կայացնելու համար։

Վարչապետի աշխատակազմն անհիմն է համարում նախագահի առարկությունները

Այսքանով ընդդիմության այսօրվա հանրահավաքն ավարտվեց։ Վազգեն Մանուկյանը հայտարարեց, որ վաղը ընդդիմությունը բեմը տրամադրում է մշակույթի գործիչներին ու մտավորականներին։ «Վաղն այստեղ լինելու է ուրախության հավաք»,– հայտարարեց Մանուկյանը։

Մանուկյանի ելույթից հետ Բաղրամյան պողոտայից մեկնարկեց երթը Երևանի կենտրոնական փողոցներով։

255
թեգերը:
հանրահավաք, Բանակ, Վազգեն Մանուկյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Ընդդիմության հանրահավաքը մեկնարկեց. Կապանում ևս հանրահավաք է
Նախագահն ու Օնիկ Գասպարյանը դարձյալ հանդիպել են
Նախագահը չի ստորագրել Օնիկ Գասպարյանին ազատելու միջնորդությունն ու այն հետ է ուղարկել
Արմեն Սարգսյանի անունից հարգանքի տուրք է մատուցվել Սումգայիթի ջարդերի զոհերի հիշատակին

Արմեն Սարգսյանի անունից հարգանքի տուրք է մատուցվել Սումգայիթի ջարդերի զոհերի հիշատակին

3
(Թարմացված է 10:36 28.02.2021)
Արյունալի դեպքերից 33 տարի է անցել։ Ոչ պաշտոնական տվյալներով՝ Սումգայիթյան ջարդերի զոհերի թիվը մի քանի հարյուր է։

ԵՐԵՎԱՆ, 28 փետրվարի - Sputnik. Փետրվարի 28-ը Ադրբեջանական ԽՍՀ-ում կազմակերպված ջարդերի զոհերի հիշատակի և բռնագաղթված հայ բնակչության իրավունքների պաշտպանության օրն է: ՀՀ նախագահ Արմեն Սարգսյանի անունից հարգանքի տուրք է մատուցվել Սումգայիթի զոհերի հիշատակին։ Տեղեկությունը հայտնում է նախագահի մամուլի ծառայությունը։

«Հանրապետության նախագահ Արմեն Սարգսյանի անունից այսօր Ծիծեռնակաբերդի բարձունքում հարգանքի տուրք է մատուցվել և ծաղկեպսակ դրվել անմեղ զոհերի հիշատակը հավերժացնող խաչքարի մոտ»,- նշված է հաղորդագրության մեջ։

Մեր իշխանությունները սումգայիթյան ցեղասպանությունից այդպես էլ դասեր չեն քաղել. Ուլուբաբյան

Հիշեցնենք, որ 1988թ. փետրվարի 26-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանությունները սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի զանգվածային թալանով և ոչնչացմամբ:

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։

Սումգայիթում մարդասպանների հերոսացումն իր արտացոլումը ստացավ Արցախյան պատերազմում. ԱԳՆ

3
թեգերը:
Արմեն Սարգսյան, Սումգայիթ, Հայաստան
Ըստ թեմայի
Այլ տարբերակ, քան մեր ապրելու իրավունքի հետ հաշվի նստելն է, գոյություն չունի. Միրզոյան
Արցախն Աստծունն է. ինչպես հայ ուսուցչին հաջողվեց փրկվել ադրբեջանական գերությունից
Ինչո՞ւ են Արցախում դադարեցվել որոնողափրկարարական աշխատանքները