Երևանի քաղաքապետ Հայկ Մարությանը մայրաքաղաքի փողոցներում շրջայց է անցկացրել՝ ծանոթանալով ձնամաքրման աշխատանքների իրականացման որակին ու տնտեսվարողների պարտավորությունների իրականացմանը: Այդ նպատակով նա խոսել է այդ աշխատանքներում ներգրավված տնտեսվարողների հետ:

«Ձեր տարածքով մեկ դուք չեք մաքրել մայթերը ձնից: Ինձ համար դա զարմանալի է: Պիտի խնդրեմ` ուշադիր լինեք: Նաև ասեմ, իմանաք, որ արդեն սկսելու ենք տուգանել»,- իր այցելած կազմակերպություններից մեկի աշխատակցի զրույցում ասել է Մարությանը:

Քաղաքապետարանի տարածած տեսանյութում երևում է, որ Մարությանը բահով մաքրում է մայթերի ձյունը և նույնը անելու հրահանգներ տալիս բանկերի, ռեստորանների ու այլ կազմակերպությունների աշխատակիցներին:

24 միլիոն դրամ՝ գազելներին «պլյոնկա» փակցնելու համար. հետպատերազմական երկրի շքեղ ծախսերը

«Ամեն տնտեսվարող սուբյեկտ իր տարածքը մինչև եզրաքարը, մինչև մայթի ավարտը պետք է մաքրի: Ձմեռը՝ ձնից ու սառույցից: Իսկ ամռանը պետք է կանաչապատում իրականացնի: Սա չի արվում միայն Երևանում, սա արվում է աշխարհի բոլոր քաղաքակիրթ քաղաքներում»,- ասել է Մարությանը:

Երևանի քաղաքապետը շրջայցի ընթացքում զրուցել է նաև երևանցիների հետ, լսել նրանց կարծիքները կատարվող ու չկատարվող աշխատանքների մասին:

Երևանի քաղաքապետարանը 2021-ին ոչ թե 100 նոր վերելակ կտեղադրի, այլ 300

ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։

Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։

Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։

© Sputnik / Asatur Yesayants

Աշոտ Մինասյանի որդին հարյուրավոր ցուցարարների հետ դատարանի բակում է. տեսանյութ

«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։

Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։

Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։