Ռազմական բժիշկներն ավարտել են Լեռնային Ղարաբաղում խաղաղապահ զորախմբի անձնակազմի պատվաստումը «Սպուտնիկ- V» պատվաստանյութի առաջին բաղադրիչով («Գամ-ԿՈՎԻԴ-Վակ»)։
Ռուսաստանի պաշտպանության նախարարության մամուլի ծառայությունը հայտնում է, որ ավելի քան 1,9 հազար ռուս զինծառայող է պատվաստվել։
Պատվաստումն անցկացվել է կամավորական սկզբունքով, ինչպես շարժական դաշտային հոսպիտալում, այնպես էլ խաղաղապահ զորախմբի բոլոր դիտորդական կետերում՝ բժիշկների բրիգադի կողմից։ Պատվաստանյութը դիտորդական կետեր է հասցվել հատուկ ջերմային տարաներով, ինչը երաշխավորում է դրա անվտանգությունը փոխադրման ընթացքում:
Երկրորդ բաղադրիչով պատվաստումը նախատեսվում է ավարտել մինչ փետրվարի 28-ը։
Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են