Նիդեռլանդներում ցուցարարները ջարդում են ցուցափեղկերն ու շրջում մեքենաներ. տեսանյութ
(Թարմացված է 19:17 26.01.2021)
Իշխանությունների սահմանած պարետային ժամի դեմ բողոքի ակցիաներին մասնակցում են հիմնականում երիտասարդներ։
Նիդեռլանդների կառավարությունը մտադիր չէ չեղարկել պարետային ժամը, չնայած երկրի տարբեր քաղաքներում տեղի ունեցած անկարգություններին:
©
AFP 2020 / Rob Engelaar/ Various sources
Նիդեռլանդներում անկարգություններ են սկսվել հունվարի 23-ին՝ ժամը 21:00-ից մինչեւ 04:30-ը պարետային ժամ սահմանելու ֆոնին: Նման միջոցառումն ուժի մեջ է մտել ի լրումն լիարժեք կարանտինի, որը երկրում գործում է 2020 թվականի դեկտեմբերի կեսերից COVID-19-ի հետ կապված իրադրության պատճառով:
Բողոքի ակցիաներին հիմնականում մասնակցում են երիտասարդները։ Պարետային ժամը սկսվելուն պես նրանք փողոց են դուրս գալիս, հրաժարվում են կատարել ոստիկանության պահանջները և առճակատման են գնում ուժայինների հետ:
Բողոքի ակցիաների մասնակիցները ջարդում են խանութների ցուցափեղկերը, շրջում մեքենաներ, քարեր նետում ոստիկանության աշխատակիցների ուղղությամբ:
Հին կարանտին, նոր պայմաններ. ինչ է փոխվել կանոններում
Իրենց հերթին ոստիկանները ցույցերը ցրելու համար կիրառում են մահակներ, ջրցան մեքենաներ և արցունքաբեր գազ։
Հունվարի 25-ին անկարգություններն ընդգրկել են շուրջ 10 քաղաք, առավել լարված իրավիճակ է ստեղծվել Ռոտերդամում և Հերտոգենբոսում:
Ոստիկանությունը ձերբակալել է ավելի քան 180 մարդու։
Ինչպես է Նիկոլ Փաշինյանը կառավարությունից մեկնում Ազգային ժողով. տեսանյութ
Ո՞ւր են հույզերդ․ Էթերի Տուտբերիձեն նախատել է Ադելիա Պետրոսյանին
(Թարմացված է 14:42 03.03.2021)
Ռուսաստանի գեղասահքի գավաթի խաղարկության եզրափակիչում գեղասահորդուհի Ադելիա Պետրոսյանը երրորդ տեղն է գրավել:Ադելիան ազատ ծրագիր է ներկայացրել` սահելով Արա Գևորգյանի «Արցախ» ստեղծագործության տակ։ Ընդհանուր 204,22 միավորով նա երրորդ տեղն է զբաղեցրել։ Ելույթից հետո Ադելիայի մարզիչը` Էթերի Տուտբերիձեն, խոսել է թերությունների մասին։
©
Photo : YouTube / Screenshot / Первый канал
«Վերջին մասում պետք էր հույզեր ցույց տալ։ Ո՞ւր էր այդ ծրագիրը։ Չի կարելի մի կողմ դնել այն», - ասել է Տուտբերիձեն։
Նա նշել է, որ Ադելիան սկսել է ուղղել կոշիկը, ինչը չի կարելի անել շարժման ժամանակ։ Տուտբերիձեն նախատել է նաև «ժամանակից շուտ նետած քայլերի» համար:
«Ապագա թագուհի». Ադելիա Պետրոսյանին շատ քիչ էր մնացել ոսկի նվաճելու համար
Հիշեցնենք` Պետրոսյանը փետրվարին Կրասնոյարսկում պատանեկան առաջնության արծաթե մեդալ էր նվաճել:
Գեղասահորդուհի Ադելիա Պետրոսյանը հաղթական ելույթ է ունեցել «Արցախ» ստեղծագործության ներքո