ՌԴ–ն ու Իրանը շահագրգռված են ԼՂ–ի շուրջ երկխոսությամբ. ի՞նչ են քննարկել Լավրովն ու Զարիֆը

63
(Թարմացված է 17:54 26.01.2021)
Ռուսաստանի և Իրանի արտգործնախարարները պատրաստ են խորացնել երկու երկրների երկխոսությունը մի շարք միջազգային խնդիրների, այդ թվում՝ Լեռնային Ղարաբաղի խնդրի շուրջ։

ՌԴ արտգործնախարար Սերգեյ Լավրովը իրանցի գործընկերոջ՝ Մոհամմադ Ջավադ Զարիֆի հետ հանդիպման ընթացքում հայտարարել է, որ Ռուսաստանը շահագրգռված է Լեռնային Ղարաբաղի հարցով իրանական կողմի հետ երկխոսության խորացմամբ։

«Հաշվի առնելով մեր երկրների դերը մեզ շրջապատող տարածաշրջանում` մենք շահագրգռված ենք խորացնել երկխոսությունն այնպիսի հարցերի շուրջ, ինչպիսիք են անվտանգությունը Պարսից ծոցում, աֆղանական կարգավորման խնդիրները, և իհարկե կարելի է քննարկել այն իրավիճակը, որը ստեղծվել է Լեռնային Ղարաբաղի շուրջ Ռուսաստանի, Ադրբեջանի և Հայաստանի նախագահների միջև ձեռք բերված պայմանավորվածություններից հետո»,-ասել է Ռուսաստանի արտաքին քաղաքական գերատեսչության ղեկավարը։

Զարիֆը Սերգեյ Լավրովին և Ռուսաստանի նախագահ Վլադիմիր Պուտինին շնորհավորել է հակամարտությանը վերջ դնելու կապակցությամբ։

«Մեր ընդհանուր մտահոգությունն այն էր, որ հակամարտությունը տեղի էր ունենում մեր և ձեր հարևանությամբ, սրում էր իրավիճակը, և այնտեղ մարդիկ էին զոհվում։ Ես կարծում եմ, որ այդ հակամարտությունը մեզ համար ինչ-որ ընդհանուր հնարավորության վերածելու հնարավորություն կա։ Իմ շրջագայության նպատակներից մեկն է մշակել հնարավորություններ, որոնք բխում են Ռուսաստանի նախագահի ղեկավարությամբ Ադրբեջանի և Հայաստանի ղեկավարների ձեռք բերված պայմանավորվածություններից», - ասել է Զարիֆը։

Իրանի արտգործնախարարը ռուս գործընկերոջ հետ բանակցություններից հետո ասել է, որ Իրանն աշխարհագրորեն մյուսներից ավելի մոտ է հակամարտության վայրին և այդ ընթացքում անկայունություն է եղել նաև իր սահմաններին:

«Մեզ համար այս հակամարտության կարգավորումը շատ կարևոր է ազգային անվտանգության տեսանկյունից»,-ասել է նա:

Զարիֆի խոսքով՝ Թեհրանը «հսկայական ջանքեր է գործադրել» հակամարտության տարածաշրջանային լուծում առաջարկելու համար։

«Մենք շատ ուրախ ենք, որ Ռուսաստանի ջանքերի շնորհիվ լուծում գտնվեց՝ շատ նման այն լուծմանը, որը մենք էինք առաջարկում։ Եվ որ այն բերվեց գործնական հարթություն»,-ավելացրել է Զարիֆը։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

63
թեգերը:
Մոհամմադ Ջավադ Զարիֆ, Սերգեյ Լավրով, Լեռնային Ղարաբաղ, Իրանի Իսլամական Հանրապետություն, Ռուսաստան

Աշոտ Ղազարյանի թոռնուհին հիացրեց «Ну-ка все вместе!» շոուի ժյուրիին. տեսանյութ

268
(Թարմացված է 10:42 08.03.2021)
Անահիտ Ադամյանն արդեն այնքան է մեծացել, որ մասնակցում է մեծերի համար նախատեսված նախագծին։

Ճանաչված դերասան Աշոտ Ղազարյանի թոռնուհին` Անահիտ Ադամյանը, երեկ մասնակցեց «Ну-ка все вместе!» երգի մրցույթին, երգեց TLC խմբի «No Scrubs» երգն ու հիացրեց ժյուրիի անդամներին։

Ելույթից առաջ նա խոստովանեց, որ առաջին անգամ է մասնակցում մեծերի համար նախատեսված նախագծի և շատ է հուզվում։
Նրա ելույթը դուր եկավ ժյուրիի 100 անդամներից 88–ին։ Անահիտի կատարումից հետո երգիչ Նիկոլայ Բասկովն ասաց. «Աստված իմ, 17 տարեկանում եկար ու նվաճեցիր Մոսկվան»։

Անահիտն ապրում է Սոչիում, երգում է փոքրուց։ Ելույթից առաջ նա պատմեց, որ իր տաղանդը նկատել է հոր ընկերը և հորդորել, որ լրջորեն զբաղվեն աղջնակով։ 

Հիշեցնենք` պրոֆեսիոնալ վոկալով զբաղվող Անահիտը 2016 թվականին հայտնվեց «Մանկական Եվրատեսիլում»։ Նա Մերի Վարդանյանի հետ երգեց Նիկ Եգիբյանի և Ավետ Բարսեղյանի հեղինակած «Տարբեր» կոչվող ստեղծագործությունը, և նրանց կատարման շնորհիվ Հայաստանը զբաղեցրեց երկրորդ տեղը։

2017 թվականին աղջնակը Հայաստանը ներկայացրեց մանկական «Նոր ալիք» մրցույթում և առաջին տեղը կիսեց ռուսաստանցի Արինա Պետրովայի հետ։

Աշոտ Ղազարյանի թոռնուհին անցած տարի եղբոր` Բորիսի հետ մասնակցեց մանկական «Ну-ка все вместе!» նախածին, և հենց նրանք էլ դարձան նախագծի հաղթողները։

268
թեգերը:
Անահիտ Ադամյան, տեսանյութ, երգ, մրցույթ
Ըստ թեմայի
Սերժ Թանկյանի Recognize Artsakh երգը ռուսերեն են թարգմանել. տեսանյութ
Հայ տարեց տղամարդը Լիբանանի «The Voice»-ում երգում է «Թռչեի մտքով տուն». տեսանյութ
16–ամյա երգիչ Գարիկ Զաբելյանը փայլեց «Ну-ка все вместе» վոկալային շոուի ժամանակ
Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները

Սյունիք չի կարող թուրքի ոտք մտնել. Շուռնուխի սահմանին մեծ եռագույնն է ծածանվում․ տեսանյութ

283
(Թարմացված է 00:40 08.03.2021)
Շուռնուխի ամենաբարձր կետում տեղադրված 8 մետր երկարությամբ ու 4 մետր բարձրությամբ դրոշն այսուհետ ուժ ու կորով կհաղորդի շուռնուխցիներին ու այստեղով անցուդարձ անողներին։

Թշնամու քթի տակ` Սյունիքի մարզի սահմանամերձ Շուռնուխում, մեծ հանդիսավորությամբ վեր է խոյացել հայկական եռագույնը։ Այն Հայաստանի հավերժության խորհրդանիշն է և գտնվում է ուղիղ ադրբեջանցիների տեսադաշտում։

«Սյունեցիները դարեր ի վեր իրենց մեսիջները թշնամուն հղել են սեփական բազկի հզորությունը ցուցադրելով։ Ժամանակը կգա և այս պահին եղած սահմանների մասին կհիշենք անցյալով»,- Sputnik Արմենիայի հետ զրույցում ասաց Գորիսի քաղաքապետ Առուշ Առուշանյանը։

Բանավոր պայմանավորվածությունների հիման վրա և GPS-ով սահմանազատված Շունուխի ճանապարհին տեղ-տեղ նկատելի են նաև ադրբեջանական դրոշներ։

«Մեր ժողովուրդը հենց այնպես չի հայտնվել այս տարածաշրջանում։ Սա մեր պատմական հայրենիքն է, մենք պիտի պահենք, պարտավոր ենք պահել։ Որևէ մեկը չմտածի, որ Սյունիքում կարող է թուրքի ոտք մտնել»,- շեշտեց Սյունիքի Հարթաշեն գյուղի ղեկավարը։

Շուռնուխի ղեկավարն ասում է` գյուղի ամենաբարձր կետում տեղադրված 8 մետր երկարությամբ ու 4 մետր բարձրությամբ դրոշն այսուհետ ուժ ու կորով կհաղորդի շուռնուխցիներին ու այստեղով անցուդարձ անողներին։

«Հայաստանի բնակիչները ինչքան այս մայրուղով պիտի անցնեն ու ադրբեջանական այդ փոքր դրոշակները տեսնելով տհաճություն զգան, սրանից հետո այս դրոշն ամեն ինչ տեղը կգցի»,- նշեց Շուռնուխ գյուղի ղեկավար Հակոբ Արշակյանը։

Դրոշի բարձրացումն ուղեկցվել է հանդիսավոր միջոցառումներով։  Նաև Երևանից հյուրեր կային՝ պատգամավներ, հայտնի մարդիկ։

Ուղիղ ադրբեջանցիների դիմաց․ Շուռնուխում 30 մետրանոց մեծ եռագույն բարձրացվեց

«Այս տարածաշրջանի և հատկապես Շուռնուխ գյուղի բնակիչները, որոնք ընդամենը մետրերի հեռավորության վրա են բնակվում ադրբբեջանցիների հետ, հասկանան, որ սա հայկական է, հայկական մնալու է, և բոլորս պետք է ամեն ինչ անենք, որ նրանց մտքով ուրիշ ոչ մի բան չանցնի»,- Sputnik Արմենիայի հետ զրույցում ասաց միջոցառմանը մասնակցող ՀՀ 2-րդ նախագահի որդին՝ Լևոն Քոչարյանը։

Նենք, որ 30 մետր բարձրության վրա ծածանվող եռագույնը թվով երկրորդն է Սյունիքի մարզում։ Ավելի վաղ, դարձյալ 30 մետր բարձրության վրա, նմանատիպ մի դրոշ էլ բարձրացվել է Ճակատեն գյուղ տանող ճանապարհին։ Սյունեցիներն ասում են, որ պատրաստվում են հայկական եռագույնը ծածանել մարզի բոլոր սահմանամերձ համայնքների ամենաբարձր հատվածներում։

283
թեգերը:
Լևոն Քոչարյան, Սահման, Հայաստան, դրոշ, Շուռնուխ, Սյունիք
Արմեն Սարգսյանն ու Նիկոլ Փաշինյանը

ՀՀ նախագահը հայտնվել է ծուղակում, նրա համար հեշտ չէ հստակ քաղաքական քայլ անել

26
(Թարմացված է 14:00 08.03.2021)
Քաղաքագետ Նորայր Դունամալյանը Sputnik Արմենիայի եթերում անդրադարձել է ՀՀ նախագահի վարքագծին և գործունեությանը ներքաղաքական զարգացումների համատեքստում, մասնավորապես իշխանության և ընդդիմության հետ նրա հարաբերություններին։
Դունամալյան. «ՀՀ նախագահը հայտնվել է ծուղակում, նրա համար հեշտ չէ հստակ քաղաքաական քայլ անել»

ՀՀ նախագահի լիազորությունները մի կողմից ձևական են ու խիստ սահմանափակ` ըստ Սահմանադրության, իսկ մյուս կողմից ժամանակի ընթացքում ընդունվեցին նոր օրենքներ, որոնք նույնպես սահմանափակեցին նախագահի լիազորությունները։ Քաղաքագետ Նորայր Դունամալյանը Sputnik Արմենիայի հետ զրույցում նշեց`երբ խոսվում է, թե ՀՀ նախագահը պետք է լինի Սահմանադրության երաշխավորը, ապա պետք է ուշադրություն դարձնել այն հանգամանքին, թե այդ հարցում ինչ միջոցներ ունի նախագահը։

«Միջոցներ գրեթե չկան։ Եթե անդրադառնանք կոնկրետ Արմեն Սարգսյանի անձին, ապա նա 2018–ից ի վեր փորձում էր ավելի չեզոք դիրքորոշում ունենալ և չմտնել քաղաքական խաղերի մեջ` վեր մնալով դրանցից։ Այսօր քաղաքական դաշտում նրա մանևրելու միջոցները շատ քիչ են, նա չի կարող ԳՇ պետի հետ կապված հստակ պատասխան տալ։ Եթե ստորագրի նրա հրաժարականի հրամանագիրը, դա կբերի նրան, որ կենթարկվի խիստ քննադատության, իսկ հակառակ դեպքում դա կբերի կոնֆլիկտի վարչապետի հետ»,– ասաց քաղաքագետը։

Դունամալյանի կարծիքով` Արմեն Սարգսյանը ձգտում է իրեն հեռու պահել այդ հարցին առնչվող որոշումներից և պատասխանատվությունը փոխանցել ուրիշ ինստիտուտների։ Ըստ նրա`Սահմանադրությունն այնպիսին է, որ նախագահն արդեն իսկ չի կարող ազդել քաղաքական գործընթացների վրա։ Ստորագրել–չստորագրելով որևէ օրենք կամ ուղարկելով ՍԴ` այն դեպքում, երբ Սահմանադրական դատարանը փաստացի գտնվում է գործադիր իշխանության վերահսկողության ներքո, Արմեն Սարգսյանի համար ամենակարևորն իր դիրքը պահելն է։

Քաղաքագետի գնահատմամբ` Արմեն Սարգսյանը հայտնվել է ծուղակում, նրա համար հեշտ չէ հստակ քաղաքական քայլ անել և նրա դեմ նորից կարող են օգտագործվել կոմպրոմատներ, քանի որ, ըստ Դունամալյանի, հավանաբար արդեն իսկ օգտագործվել են, որովհետև նախագահը համաձայնվեց օրենքն ուղարկել ՍԴ և չստորագրել ԳՇ պետի պաշտոնանկության հրամանագիրը։

Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ 

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը  առաջարկությունը կրկին ուղարկեց ՀՀ նախագահին։

ՀՀ նախագահի մամուլի ծառայությունը մարտի 2-ին հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։

26
թեգերը:
Օնիկ Գասպարյան, Արմեն Սարգսյան, Հայաստան
Ըստ թեմայի
Մարուքյանը գիտի ճգնաժամից դուրս գալու տարբերակը. այդ դեպքում ի՞նչն է նրան նյարդայնացնում
Վերջնաժամկետում կլսենք արձագանքը․ Բաղդասարյանը պատմել է ՀՀ նախագահի հետ հանդիպման մասին
Ինչո՞ւ չի հեռանում ներկայիս իշխանությունը, կամ ո՞վ մեզ պետք է փրկեր, ըստ Նաիրա Զոհրաբյանի