Մեծ ծախս և մեծ գլխացավանք. Արթուր Խաչատրյանը` պատերազմի բերած պարենային խնդիրների մասին

213
(Թարմացված է 18:37 14.01.2021)
ՀՅԴ Գերագույն մարմնի անդամ, ՀՀ գյուղատնտեսության նախկին նախարար Արթուր Խաչատրյանը Sputnik Արմենիայի հետ զրույցում խոսել է գյուղատնտեսական ու ենթակառուցվածքային այն կորուստների մասին, որոնք ունեցավ հայկական կողմն արցախյան պատերազմի արդյունքում։

Արթուր Խաչատրյանի դիտարկմամբ` որքան էլ խոսենք Հայաստանի կամ Արցախի մասին, պետք է ասել, որ դա մեկ ընդհանուր տարածք էր, և պատերազմի արդյունքում կորցրեցինք մեր ընդհանուր հայկական տնտեսական տարածքի շուրջ 25 տոկոսը, ընդ որում` կորցրեցինք տարածքներ, որտեղ զարգացած էր դաշտավարությունը, և այնտեղից ներկրումների զգալի մասը կազմում էր հացահատիկը` մոտ 100 հազար տոննա։ 

«Այն ինչ ստանում էինք համեմատաբար էժան գնով, հիմա ստիպված ենք լինելու գնել արտերկրից արժույթով, ինչը ծախս է ու մեծ գլխացավանք։ Բացի դրանից ունենք նաև անասունների գլխաքանակի կորուստ, արատովայրերի հետ կապված խնդիր, որովհետև անասուններն արածում էին Քաշաթաղի շրջանում, Զոդի սարերում, ուստի առկա է նաև մսամթերքի ու կաթնամթերքի պաշարների զգալի կրճատում։ Ու հիմա պարենային անվտանգության հետ կապված ունենք շատ լուրջ խնդիր»,– նշեց ՀՅԴ Գերագույն մարմնի անդամը։

Խաչատրյանի կարծիքով` ՀՀ կառավարությունը նույնիսկ չկարողացավ կենդանիների գլխաքանակի էվակուացիա ապահովել։ Խաչատրյանն ընդգծում է, որ կորուստներ եղան նաև էներգետիկայի ու հանքարդյունաբերության ոլորտներում, քանի որ բազմաթիվ ՀԷԿ–եր ու հանքեր նույնպես անցան Ադրբեջանի ենթակայության ներքո։ Խաչատրյանի պնդմամբ` որքան էլ հիմա որոշ վայ քաղաքական գործիչներ ասեն, որ խաղաղության ու բարեկեցության ժամանակահատված է մեզ սպասում, այդուհանդերձ մենք կանգնած ենք ավելի մեծ պատերազմի սպառնալիքի առջև։    

213
թեգերը:
գյուղատնտեսություն, Արցախյան պատերազմ, Արթուր Խաչատրյան
թեմա:
Sputnik զրույց (224)
Ըստ թեմայի
ԼՂ հակամարտության կարգավորումը ԵԱՀԿ առաջնահերթությունների շարքում է
Բոլոր գործընկեր երկրները պետք է ջանքեր գործադրեն գերիների վերադարձի համար․ Միրզոյան
2020-ին Հայաստանի և Ղազախստանի միջև առևտրաշրջանառությունն ավելացել է 50 տոկոսով

«Վրիժառու տիկինը» «ռուսական հետք» է փնտրում

41
ԱՄՆ-ում նորից ռուսական հետք են փնտրում։ Այս անգամ` Կապիտոլիումի գրոհի մեջ։ ԱՄՆ նախկին պետքարտուղար Հիլարի Քլինթոնը հայտարարել է՝ իբր Ռուսաստանը կապ ունի դրա հետ։

Ըստ լեգենդի` Դոնալդ Թրամփն այդ օրը հեռախոսով խոսել է Վլադիմիր Պուտինի հետ։

Քլինթոնն ապացույց ունի՞։ Ինչո՞ւ է ԱՄՆ-ն նորից փորձում սեփական խնդիրների արդարացումը դրսում գտնել։ Ու ինչի՞ համար են ամերիկյան միլիարդատիրոջ նախկին քաղաքական հակառակորդին «վրիժառու տիկին» անվանում։

«Չի կարելի ժամանակ կորցնել». Բայդենն առաջին գրառումն է արել ԱՄՆ նախագահի Twitter-յան էջում

2016 թվականին ԱՄՆ-ն արդեն նման հայտարարություններ արել է ու առանց ապացույցի Ռուսաստանին մեղադրել  նախագահական ընտրություններին միջամտելու մեջ:

Վաշինգտոնը իր ներքին խնդիրները պարբերաբար գցում է գոյություն չունեցող, դրսից եկող ազդեցության վրա:

«Գաղտնազերծել են շրջանները»․ ո՞ր կողմ է ուղղված ԱՄՆ ռազմական նավատորմի զենքը

41
թեգերը:
Հիլարի Քլինթոն, Վլադիմիր Պուտին, Դոնալդ Թրամփ, ԱՄՆ
Ըստ թեմայի
Ինչ տեսք ուներ ԱՄՆ կապիտոլիումը բողոքի ակցիայի մասնակիցների ներխուժումից հետո. տեսանյութ
Ռեյգանից մինչև Թրամփ. ԱՄՆ նախագահների երդմնակալությունը` լուսանկարներով
«Հյուսիսային հոսք – 2»․ ԱՄՆ-ը եվրոպական ընկերություններին սպառնում է նոր պատժամիջոցներով

Բաղդադի կենտրոնում 2 մահապարտ ահաբեկչություն են իրականացրել. զոհերի թիվն անցնում է 30–ը

61
(Թարմացված է 16:17 21.01.2021)
Ոչ մի ահաբեկչական կազմակերպություն դեռ չի ստանձնել ահաբեկչության պատասխանատվությունը։

Իրաքի մայրաքաղաք Բաղդադի կենտրոնում երկու մահապարտներ ահաբեկչություն են իրականացրել, որի հետևանքով կան տասնյակ զոհեր և վիրավորներ։ Նախնական տվյալներով ՝ զոհվել է ավելի քան 30 մարդ։ Տեղեկությունը հայտնում է ՌԻԱ Նովոստին։

Հրապարակված տեսանյութերում երևում է, որ պայթյունը տեղի է ունեցել Թայարան հրապարակի շուկայում , որտեղ մեծ թվով մարդիկ են հավաքված։ Զոհերի և վիրավորների մասին տվյալները տարբեր են։

Al-Sumaria հեռուստաալիքը, վկայակոչելով երկրի անվտանգության ծառայություններին, հայտնել է առնվազն 8 զոհվածների և 15 տուժածների մասին:

Al Arabiya հեռուստաալիքը, վկայակոչելով անվտանգության ոլորտում իր աղբյուրները, հայտնել է 12 զոհի և 20 վիրավորի մասին: Rudaw հեռուստաալիքը տեղեկացնում է 17 զոհվածների և 25 տուժածների մասին:

Ոչ մի կազմակերպություն դեռ չի ստանձնել ահաբեկչության պատասխանատվությունը։

Մադրիդում տեղի ունեցած պայթյունի հետևանքով զոհվածների և տուժածների մեջ հայեր չկան

61
թեգերը:
Իրաք, տեսանյութ, Զոհ, Ահաբեկչություն
Ըստ թեմայի
«Եվրոպան մարտահրավերի առաջ է կանգնած». Կուրցը կոչ է արել պայքարել ահաբեկչության դեմ
Խոշոր ահաբեկչություն Սիրիայում. կան զոհեր
ԱԴԾ–ն ահաբեկչական գործողություն է կանխել. տեսանյութ
Շուշիի արդեն նախկին քաղաքապետ Արծվիկ Սարգսյան

Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին

0
Շուշիի արդեն նախկին քաղաքապետ Արծվիկ Սարգսյանի հետ Sputnik Արմենիայի եթերում զրուցել ենք նախօրեին ՀՀ վարչապետ Նիկոլ Փաշինյանի՝ Շուշիի հայկական լինել-չլինելու վերաբերյալ դիրքորոշման շուրջ։ 
Ինչո՞ւ Փաշինյանն այդքան չի սիրում Շուշին. Շուշիի արդեն նախկին քաղաքապետը` վարչապետի աղմկոտ հայտարարության մասին

ԱԺ բարձր ամբիոնից Շուշիի մասին հայտարարությունը բարկացրել է հայոց հինավուրց բերդաքաղաքի նախկին քաղաքապետ Արծվիկ Սարգսյանին։ Թշնամու ջրաղացին ջուր լցնելը նա առնվազն մեծագույն սխալ է համարում։ Ո՞վ չգիտի, որ սովետական տարիներին Շուշիում շատ ադրբեջանցիներ են բնակվել։ 

«Եթե Շուշին ադրբեջանցիներով բնակեցված է եղել, ապա Քարին Տակում, Հադրութում, Ավետարանոցում, Սղնախում ադրբեջանցի չի եղել։ Ինչո՞ւ այդ հարցերը չեն բարձրաձայնում, ինչո՞ւ չեն ասում, որ դրանք հայկական են եղել, իսկ հիմա ադրբեջանցիներն են այնտեղ»,- Sputnik Արմենիայի հետ զրույցում ասաց նա։

Նախկին քաղաքապետն ասում է` պետք չի Ալիևին հաճոյանալու համար նոր դեպրեսիայի մեջ գցել առանց այն էլ ճնշված ու ընկճված հայ ժողովրդին։ Փոխարենն առաջարկում է նույն ոգևորությամբ ու պատրաստակամությամբ հիշել ու հիշեցնել հայկական Նախիջևանի, Գետաշենի, Շահումյանի ու Արծվաշենի մասին։

«Չէ՞ որ 1920 թ-ի կոտորածից հետո սկսել են Շուշին հայաթափել։ Ինչու՞ վարչապետը չի խոսում Նախիջևանի, Գետաշենի, Շահումյանի մասին, թող դրանց մասին էլ բարձրաձայնի, որ Ալիևն իմանա, որ դա էլ մերն է, մենք էլ պահանջատեր ենք դրանց համար»,- նշեց Սարգսյանը։

Նրա խոսքով` թե՛ ադրբեջանցիներով բնակեցված, թե՛ դժբախտ ու դժգույն քաղաք լինելու Փաշինյանի հայտարարությունները նպատակաուղղված են և չեն կարող պատմության չիմացության հետևանք լինել։ Իսկ այդ հայտարարություններից հետո նախկին համայնքապետին այլ բան չի մնում, քան մտածել, որ Շուշիի անկումն էլ մտացածին է եղել։

«Կարծում եմ, որ Շուշին հանձնել են։ Երբ կռվում էինք, չէի մտածում, որ այդպիսի բան կարող է լինել, չնայած մարդիկ ասում էին, որ Շուշին հանձնված է, բայց ես չէի ընդունում դա, բայց այսօր արդեն փաստ է դառնում, որ այն պլանավորված է եղել»,- հավելեց նախկին քաղաքապետը։

Հիշեցնենք` հունվարի 20-ին վարչապետ ՀՀ Նիկոլ Փաշինյանը ԱԺ-ում կառավարության անդամների հետ հարցուպատասխանի ժամանակ, պատասխանելով ԲՀԿ–ական պատգամավոր Նաիրա Զոհրաբյանին, հայտարարեց, որ Շուշին հակամարտությունից և ազատագրումից առաջ ունեցել է 90 և ավելի տոկոս ադրբեջանական բնակչություն, ապա հռետորական հարց հնչեցրեց`ուզում եք ասել, որ 90 և ավելի տոկոս ադրբեջանական բնակչություն ունեցող Շուշին հայկակա՞ն է իր այդ կարգավիճակով։ 

0
թեգերը:
Արցախյան պատերազմ, Նիկոլ Փաշինյան, Շուշի
Ըստ թեմայի
Արցախի Ասկերանի, Մարտունու, Մարտակերտի և Շուշիի շրջաններում բնակելի տներ կտրամադրվեն
«Շուշին ծախածն ընդդեմ Շուշին ազատագրածների». բողոքի ակցիա` Քոչարյանի դատական նիստից առաջ
Ալիևը կնոջ հետ Շուշի է այցելել. նա սկիզբ է դրել Ֆիզուլիի օդանավակայանի շինարարությանը