«Սպուտնիկ V»-ն հասել է Աֆրիկա. ինչո՞ւ են վստահում ռուսական պատվաստանյութին

80
«Սպուտնիկ V»–ն ընդլայնում է աշխարհագրությունը։ Այժմ կորոնավիրուսի դեմ ռուսական պատվաստանյութը գրանցել են Ալժիրում, ընդ որում դա արել են արագացված ընթացակարգով։

 

Ո՞ր երկրներում են ռուսական դեղամիջոցը նույնքան արագ գրանցել։ Ինչպես է «Սպուտնիկ V»–ը գնահատել Bloomberg–ի վերլուծաբանը։ Եվ կկարողանա՞ն արդյոք ռուսական պատվաստանյութերը պաշտպանել կորոնավիրուսի բրիտանական շտամից։

Ռուսական «Սպուտնիկ V» պատվաստանյութը հավանության է արժանացել Bloomberg–ի դեղագործական վերլուծաբան Սեմ Ֆազելի կողմից։ Նրա խոսքով` կորոնավիրուսի դեմ տվյալ դեղամիջոցը կասկածներ չի ծնում։

 «Ենթադրվում է, որ առողջապահության ռուսական մարմինները «Սպուտնիկ V»–ին հավանություն են տվել արդյունավետության և անվտանգության վերաբերյալ լավ տվյալների հիման վրա։ Այն, ինչ մենք գիտենք «Սպուտնիկ V»–ի և դրա կառուցվածքի մասին, մեզ որոշակի վստահություն է ներշնչում»,–ասել է Սեմ Ֆազելին։

Ռուսական պատվաստանյութը փորձարկել է շուրջ 23 հազար մարդ։ Դրա արդյունավետությունն ավելի քան 90 % է կազմել

Վերջերս «Սպուտնիկ V»–ն գրանցել են Ալժիրում, այդ մասին պատվաստանյութի ստեղծողները հայտնել են Twitter–ում։

«Ուղիղ ներդրումների ռուսական հիմնադրամը հայտարարում է Աֆրիկայում «Սպուտնիկ V»–ի առաջին գրանցման մասին»,–ասված է թվիթի առաջին ամսում։

Գրանցումն իրականացվել է արագացված ընթացակարգով, ինչպես ավելի վաղ արել էին Արգենտինայում, Բոլիվիայում և Սերբիայում։

Ռոսպոտրեբնադզորի ղեկավարը հայտարարել է, որ «Սպուտնիկ V»–ն ու ռուսական մյուս պատվաստանյութերը արդյունավետ են կորոնավիրուսի բրիտանական շտամի դեմ։

«Մեր տվյալներով` թեստ–համակարգերը, որոնք գործում են ՌԴ–ում ՊՇՌ ախտորոշման համար, հայտնաբերում են այդ վիրուսը, և այն պատվաստանյութերը, որոնք այսօր գրանցված են ՌԴ–ում, լիովին պաշտպանում են այդ վիրուսից»,–ասել է Ռոսպոտրեբնադզորի ղեկավար Աննա Պոպովան։

«Սպուտնիկ V»–ով արդեն ավելի քան 1.5 մլն մարդ է պատվաստվել։

Շուտով հավանաբար կսկսեն պատվաստվել նաև «Սպուտնիկ Լայթ» ռուսական նոր պատվաստանյութով։

Առողջապահության նախարարությունը Գամալեայի անվան կենտրոնին արդեն կլինիկական փորձարկումների թույլտվություն է տվել։

80
թեգերը:
Սպուտնիկ V, Աֆրիկա, Ռուսաստան, կորոնավիրուս, պատվաստանյութ, փոխպատվաստում
Ըստ թեմայի
Նախագահն անձամբ կհայտնի․ Պեսկովը հերքել է Պուտինի՝ կորոնավիրուսի դեմ պատվաստվելու լուրը
Ինչպես են իրենց զգում «Սպուտնիկ V» պատվաստանյութ ստացած քաղաքացիները․ ՀՀ ԱՆ պատասխանը
ՀՀ-ն բանակցություններ է վարում. կորոնավիրուսի պատվաստանյութերից որն առաջինը տեղ կհասնի

Տարեմուտին գողացել են Երևանի դպրոցներից մեկի ջեռուցման մարտկոցները. ովքե՞ր են «քաջերը»

36
(Թարմացված է 20:16 25.01.2021)
Գողություն կատարողներից մեկը կաթսայատան աշխատակիցն էր, մյուսը՝ շինարարներից մեկը։

Ամանորի գիշերը Երևանի Աջափնյակ վարչական շրջանի թիվ 22 դպրոցից խոշոր գողություն է կատարվել։ Ոստիկանության մամուլի ծառայությունը տեսանյութ է հրապարակել դեպքի մանրամասներով։

Ըստ հաղորդագրության՝ դպրոցից գողացվել էր երեք լվացարան և 2140 ջեռուցման մարտկոց։ Ընդհանուր առմամբ, դպրոցին պատճառվել էր մոտ 13 միլիոն 500 հազար դրամի նյութական վնաս։

Կատարվածի վերաբերյալ ոստիկանություն ահազանգ է ստացվել արդեն հունվարի 1-ին։

«Դպրոց մեկնած իրավապահները ուսումնասիրեցին դեպքի վայրը` պարզելու, թե որտեղից և ինչ հանգամանքներում է կատարվել գողությունը:
Դեպքի վայրի զննությունը ցույց էր տալիս, որ մարտկոցների մի մասը դեռ տեղադրված չէին: Այդ քայլին գնացողը հավանաբար տեղյակ էր եղել, որ դպրոցում ներքին հարդարման աշխատանքներ են կատարվում, նաև՝ թե մարտկոցները որտեղ են պահեստավորված։ Չէր բացառվում` ներսի մարդ լիներ։ Վարկած, որը բացահայտման բանալին էր դառնալու»,- նշված է տեսանյութին կից հաղորդագրության մեջ։

Խոշոր գողություն Արտաշատում. կասկածյալներից մեկի ոտքերը կոտրվել են փախուստի ժամանակ

Քրեական հետախույզները պարզել են, որ գողությունը կատարել էր դպրոցում շինարարական աշխատանք կատարող մի բանվոր՝ կաթսայատան աշխատողի հետ։ Նրանցից մեկը Գյումրու բնակիչ է, մյուսը` Քասախ գյուղի։

Բացի դրանից Քասախ գյուղի 35-ամյա բնակչի անձնական խուզարկությամբ հայտնաբերվել է նաև դեղնականաչավուն զանգված։

Ըստ նրա՝ դա եղել է անձնական օգտագործման թմրանյութ։

Տղամարդիկ ձերբակալված են։

Ձեռնարկվում են միջոցառումներ՝ գողոնը հայտնաբերելու ուղղությամբ:

Նախաքննությունը շարունակվում է։

Երկաթուղում հաճախակի են դարձել գողության դեպքերը. ՀԿԵ

36
թեգերը:
տեսանյութ, ջեռուցում, գողություն, դպրոց
Ըստ թեմայի
«Զվարթնոցից» ՔԿՀ տանելու ճանապարհին օպերլիազորը Իրանի քաղաքացուց գումար է հափշտակել
Զարմանալի դեպք «Զվարթնոցում». դիվանագիտական համարանիշները հանել, թղթե համարներ են տեղադրել
Երևանում գողություն կատարած 56-ամյա կինը բերման է ենթարկվել

Գազի և նավթի միասնական շուկայի դեպքում Հայաստանի համար կստեղծվի ձեռնտու իրավիճակ

46
(Թարմացված է 15:14 25.01.2021)
Էներգետիկայի գծով ՄԱԿ–ում Հայաստանի ազգային փորձագետ Արա Մարջանյանը Sputnik Արմենիայի հետ զրույցի ընթացքում անդրադարձել է ԵԱՏՄ անդամ երկրներում գազի և նավթամթերքի միասնական շուկա ձևավորելու հեռանկարին, ինչպես նաև էներգետիկ ոլորտին առնչվող մի շարք հարցերի։

Արա Մարջանյանի դիտարկմամբ`նախաձեռնությունն իսկապես կարևոր է և տարբեր ոլորտներում ընդհանուր շուկաներ  ձևավորելու գաղափարն ընկած է ԵԱՏՄ թե՛ ռազմավարության, թե՛ աշխարհաքաղաքականության հիմքում, թեև ճանապարհը շատ բարդ է ընթանում և նախորդ տարվա առցանց ձևաչափով կայացած գագաթնաժողովում հայտարարվեց, որ մինչև 2025 թվականը վերոհիշյալ միասնական շուկան արդեն պետք է ձևավորված լինի։    

«Միասնական շուկային պարագայում Հայաստանի համար հասկանալի կդառնան գազի գնագոյացման հարցերը, կգտնվեն բարենպաստ և ճիշտ լուծումներ սպառող երկրների համար, կստեղծվի ձեռնտու իրավիճակ։ Օրինակ` Հայաստան, Ղրղզստանը և Բելառուսը կողպված երկրներ են` առանց ելքի դեպի բաց ծով, չունեն սեփական գազի և նավթի պաշարներ, ներկրող երկրներ են, ինչը նրանց դարձնում է խոցելի ներկրվող էներգակիրների տեսանկյունից, հետևաբար այս և նման այլ հանգամանքները, կարծում եմ, հաշվի կառնվեն միասնական շուկա ձևավորելու ընթացքում»,– նշեց Հայաստանի էներգետիկայի գծով ՄԱԿ–ի ազգային փորձագետը։

Մարջանյանը հատուկ անդրադարձավ նաև Ադրբեջանի և Թուրքմենստանի միջև ձեռք բերված պայմանավորվածությանը` Քյափազ– Սերդար նավթագազային դաշտի համատեղ շահագործման վերաբերյալ, որը կարող է հաշվեկշիռ փոխել տարածաշրջանային առումով և ազդել էներգետիկ աշխարհաքաղաքականության վրա։

Գազի շուրջ բանակցությունները ՀՀ–ի և ՌԴ-ի միջև կշարունակվեն մինչև 2021թ․-ի 2-րդ եռամսյակը

Ըստ նրա` նաև այս հանգամանքով է պայմանավորված ԵԱՏՄ շրջանակներում գազի ու նավթամթերքների միասնական շուկան հնարավորինս արագ ձևավորելու հրամայականը, հետևաբար` Հայաստանը պետք է շատ շրջահայաց գտնվի` հաշվի առնելով իր էներգետիկ ու անվտանգային համակարգերի անխափան աշխատանքը երկարաժամկետ կտրվածքով։ 

Վրաստանն ադրբեջանական գազի համար հատուկ զեղչ է ստացել

46
թեգերը:
գին, նավթ, Հայաստան, գազ
թեմա:
Sputnik զրույց
Ըստ թեմայի
Երկրորդը ԵԱՏՄ-ում. Հայաստանում մանրածախ առևտրի շրջանառության ցուցանիշը նվազել է
Տնտեսական դիվանագիտությունը Հայաստանում չի կայացել. ԵԱՏՄ–ի հետ համագործակցության մասին
ԵԱՏՄ տարածքում նավթի ու գազի ընդհանուր շուկաներ են ձևավորվում. Պուտին
Մերկասառույց

10 մեքենաներ արգելափակվել էին ձյան մեջ․ փրկարարներն օգնություն են ցուցաբերել

0
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։

ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։

«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։

Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։

Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։

0
թեգերը:
ավտոմեքենա, ձյուն, Ճանապարհ
թեմա:
Վթար, պատահար, սպանություն, գողություն
Ըստ թեմայի
Գորիս-Տաթև ճանապարհը բքի պատճառով փակ է
Մի քանի օր շարունակ ձյուն չի տեղա. եղանակի տեսություն
Առատ ձյուն, ավտոերթ, դատ, հերոս-եղբայրներ. շաբաթվա տպավորիչ լուսանկարները