Նորիլսկի ձնահոսքի վայրում քննիչներ են աշխատում. քրեական գործը կփոխվի

40
Նորիլսկ քաղաքի լեռնադահուկային համալիրի տարածքում տեղի է ունեցել ձնահոսքի հետևանքով ձյան տակ են մնացել մի քանի շինություն։ Դեպքի առթիվ հարուցվել է քրեական գործ։ Տեսանյութում երևում է, թե ինչպես են քննիչներն աշխատում ձնահոսքի վայրում։

Նորիլսկում ձնահոսքի հետևանքով զոհերի թիվը երեքի հասնելու կապակցությամբ քննիչները քրեական գործի հոդվածի մի մասը փոխարինել են ավելի ծանրով։ Ինչպես հաղորդում է ՌԻԱ Նովոստին՝ այդ մասին լրագրողներին հայտնել է ՌԴ Քննչական կոմիտեի Կրասնոդարսկի երկրամասի գլխավոր քննչական վարչությունից։

Նոյեմբերի 9-ին` Մոսկվայի ժամանակով մոտ 20։30–ին, Նորիլսկի «Гора отдельная» լեռնադահուկային համալիրի տարածքում տեղի է ունեցել ձնահոսք, ինչի հետևանքով մի քանի շինություն ձյունով է լցվել: ՌԴ ԱԻՆ-ի տարածաշրջանային վարչությունից հայտնել  են, որ դեպքի վայր են ժամանել Սիբիրյան տարածաշրջանային որոնողափրկարարական ջոկատի ուժերը:

Ավելի վաղ ԱԻՆ-ն ու քննչական կոմիտեն հայտնել էին, որ ձնահոսքի պատճառով երեք մարդ է զոհվել՝ մեկ տղամարդ, մեկ կին և նրանց փոքր երեխան։ Մեկ դեռահաս էլ ծանր վիճակում տեղափոխվել է հիվանդանոց։ Քննչական կոմիտեի տարածաշրջանային գլխամասում հայտնել են, որ դեպքի առթիվ հարուցվել է քրեական գործ` ոչ բավարար անվտանգության պահանջներով ծառայություններ մատուցելու համար։

«Քննչական մարմինների կողմից դեպքի սկզբնական հանգամանքները պարզելուց հետո․․․ քրեական գործ է հարուցվել ՌԴ ՔՕ 238 հոդվածի 2-րդ մասի «գ» կետով նախատեսված հանցագործության հատկանիշներով (անվտանգության պահանջներին չհամապատասխանող ծառայությունների մատուցումը, որն անզգուշությամբ առաջացրել է մարդու մահ), որն ավելի ուշ վերաորակավորվել է ՌԴ ՔՕ 238 հոդվածի 3-րդ մասի (անվտանգության պահանջներին չհամապատասխանող ծառայությունների մատուցումը, որն անզգուշությամբ առաջացրել է երկու և ավելի անձանց մահ)՝ զոհվածների թվի ավելացման կապակցությամբ»,-մանրամասնել են տարածաշրջանային գլխամասում։

Քրեական գործի քննության շրջանակներում հարցաքննվում են վկաներ և ականատեսներ, առգրավվում են քննությանը հետաքրքրող փաստաթղթերը: Սահմանվում է շինությունների պատկանելությունը, կգնահատվի նշված վայրում դրանց գտնվելու իրավաչափությունն ու օգտագործման օրինականությունը:

Նորիլսկում հանգստյան տնակները ձնահոսքի տակ են մնացել․ տեսանյութ

40
թեգերը:
Քրեական գործ, Մահ, Ռուսաստան, ձնահոսք
թեմա:
Վթար, պատահար, սպանություն, գողություն (2881)
Ըստ թեմայի
«Ուժասպառ էի». հայուհին հրաշքով փրկվել է Վրաստանում ձնահոսքի տակ մնալուց
Աղվերանում ձնահոսքի տակ մնացած քաղաքացին մահացել է
Վերին Լարս տանող ճանապարհին ձնահոսքի վտանգ կա. տեսանյութ

Տարեմուտին գողացել են Երևանի դպրոցներից մեկի ջեռուցման մարտկոցները. ովքե՞ր են «քաջերը»

35
(Թարմացված է 20:16 25.01.2021)
Գողություն կատարողներից մեկը կաթսայատան աշխատակիցն էր, մյուսը՝ շինարարներից մեկը։

Ամանորի գիշերը Երևանի Աջափնյակ վարչական շրջանի թիվ 22 դպրոցից խոշոր գողություն է կատարվել։ Ոստիկանության մամուլի ծառայությունը տեսանյութ է հրապարակել դեպքի մանրամասներով։

Ըստ հաղորդագրության՝ դպրոցից գողացվել էր երեք լվացարան և 2140 ջեռուցման մարտկոց։ Ընդհանուր առմամբ, դպրոցին պատճառվել էր մոտ 13 միլիոն 500 հազար դրամի նյութական վնաս։

Կատարվածի վերաբերյալ ոստիկանություն ահազանգ է ստացվել արդեն հունվարի 1-ին։

«Դպրոց մեկնած իրավապահները ուսումնասիրեցին դեպքի վայրը` պարզելու, թե որտեղից և ինչ հանգամանքներում է կատարվել գողությունը:
Դեպքի վայրի զննությունը ցույց էր տալիս, որ մարտկոցների մի մասը դեռ տեղադրված չէին: Այդ քայլին գնացողը հավանաբար տեղյակ էր եղել, որ դպրոցում ներքին հարդարման աշխատանքներ են կատարվում, նաև՝ թե մարտկոցները որտեղ են պահեստավորված։ Չէր բացառվում` ներսի մարդ լիներ։ Վարկած, որը բացահայտման բանալին էր դառնալու»,- նշված է տեսանյութին կից հաղորդագրության մեջ։

Խոշոր գողություն Արտաշատում. կասկածյալներից մեկի ոտքերը կոտրվել են փախուստի ժամանակ

Քրեական հետախույզները պարզել են, որ գողությունը կատարել էր դպրոցում շինարարական աշխատանք կատարող մի բանվոր՝ կաթսայատան աշխատողի հետ։ Նրանցից մեկը Գյումրու բնակիչ է, մյուսը` Քասախ գյուղի։

Բացի դրանից Քասախ գյուղի 35-ամյա բնակչի անձնական խուզարկությամբ հայտնաբերվել է նաև դեղնականաչավուն զանգված։

Ըստ նրա՝ դա եղել է անձնական օգտագործման թմրանյութ։

Տղամարդիկ ձերբակալված են։

Ձեռնարկվում են միջոցառումներ՝ գողոնը հայտնաբերելու ուղղությամբ:

Նախաքննությունը շարունակվում է։

Երկաթուղում հաճախակի են դարձել գողության դեպքերը. ՀԿԵ

35
թեգերը:
տեսանյութ, ջեռուցում, գողություն, դպրոց
Ըստ թեմայի
«Զվարթնոցից» ՔԿՀ տանելու ճանապարհին օպերլիազորը Իրանի քաղաքացուց գումար է հափշտակել
Զարմանալի դեպք «Զվարթնոցում». դիվանագիտական համարանիշները հանել, թղթե համարներ են տեղադրել
Երևանում գողություն կատարած 56-ամյա կինը բերման է ենթարկվել

Գազի և նավթի միասնական շուկայի դեպքում Հայաստանի համար կստեղծվի ձեռնտու իրավիճակ

45
(Թարմացված է 15:14 25.01.2021)
Էներգետիկայի գծով ՄԱԿ–ում Հայաստանի ազգային փորձագետ Արա Մարջանյանը Sputnik Արմենիայի հետ զրույցի ընթացքում անդրադարձել է ԵԱՏՄ անդամ երկրներում գազի և նավթամթերքի միասնական շուկա ձևավորելու հեռանկարին, ինչպես նաև էներգետիկ ոլորտին առնչվող մի շարք հարցերի։

Արա Մարջանյանի դիտարկմամբ`նախաձեռնությունն իսկապես կարևոր է և տարբեր ոլորտներում ընդհանուր շուկաներ  ձևավորելու գաղափարն ընկած է ԵԱՏՄ թե՛ ռազմավարության, թե՛ աշխարհաքաղաքականության հիմքում, թեև ճանապարհը շատ բարդ է ընթանում և նախորդ տարվա առցանց ձևաչափով կայացած գագաթնաժողովում հայտարարվեց, որ մինչև 2025 թվականը վերոհիշյալ միասնական շուկան արդեն պետք է ձևավորված լինի։    

«Միասնական շուկային պարագայում Հայաստանի համար հասկանալի կդառնան գազի գնագոյացման հարցերը, կգտնվեն բարենպաստ և ճիշտ լուծումներ սպառող երկրների համար, կստեղծվի ձեռնտու իրավիճակ։ Օրինակ` Հայաստան, Ղրղզստանը և Բելառուսը կողպված երկրներ են` առանց ելքի դեպի բաց ծով, չունեն սեփական գազի և նավթի պաշարներ, ներկրող երկրներ են, ինչը նրանց դարձնում է խոցելի ներկրվող էներգակիրների տեսանկյունից, հետևաբար այս և նման այլ հանգամանքները, կարծում եմ, հաշվի կառնվեն միասնական շուկա ձևավորելու ընթացքում»,– նշեց Հայաստանի էներգետիկայի գծով ՄԱԿ–ի ազգային փորձագետը։

Մարջանյանը հատուկ անդրադարձավ նաև Ադրբեջանի և Թուրքմենստանի միջև ձեռք բերված պայմանավորվածությանը` Քյափազ– Սերդար նավթագազային դաշտի համատեղ շահագործման վերաբերյալ, որը կարող է հաշվեկշիռ փոխել տարածաշրջանային առումով և ազդել էներգետիկ աշխարհաքաղաքականության վրա։

Գազի շուրջ բանակցությունները ՀՀ–ի և ՌԴ-ի միջև կշարունակվեն մինչև 2021թ․-ի 2-րդ եռամսյակը

Ըստ նրա` նաև այս հանգամանքով է պայմանավորված ԵԱՏՄ շրջանակներում գազի ու նավթամթերքների միասնական շուկան հնարավորինս արագ ձևավորելու հրամայականը, հետևաբար` Հայաստանը պետք է շատ շրջահայաց գտնվի` հաշվի առնելով իր էներգետիկ ու անվտանգային համակարգերի անխափան աշխատանքը երկարաժամկետ կտրվածքով։ 

Վրաստանն ադրբեջանական գազի համար հատուկ զեղչ է ստացել

45
թեգերը:
գին, նավթ, Հայաստան, գազ
թեմա:
Sputnik զրույց
Ըստ թեմայի
Երկրորդը ԵԱՏՄ-ում. Հայաստանում մանրածախ առևտրի շրջանառության ցուցանիշը նվազել է
Տնտեսական դիվանագիտությունը Հայաստանում չի կայացել. ԵԱՏՄ–ի հետ համագործակցության մասին
ԵԱՏՄ տարածքում նավթի ու գազի ընդհանուր շուկաներ են ձևավորվում. Պուտին
Մերկասառույց

10 մեքենաներ արգելափակվել էին ձյան մեջ․ փրկարարներն օգնություն են ցուցաբերել

0
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։

ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։

«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։

Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։

Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։

0
թեգերը:
ավտոմեքենա, ձյուն, Ճանապարհ
թեմա:
Վթար, պատահար, սպանություն, գողություն (2881)
Ըստ թեմայի
Գորիս-Տաթև ճանապարհը բքի պատճառով փակ է
Մի քանի օր շարունակ ձյուն չի տեղա. եղանակի տեսություն
Առատ ձյուն, ավտոերթ, դատ, հերոս-եղբայրներ. շաբաթվա տպավորիչ լուսանկարները