Հենրիխ Մխիթարյանը կրկին փայլում է. Իտալիայի առաջնությունում նա հերթական գոլն է խփել

208
(Թարմացված է 21:21 06.01.2021)
Դեկտեմբերի 25-ին Մխիթարյանն արդեն տասներորդ անգամ ճանաչվել է Հայաստանի լավագույն ֆուտբոլիստ։

ԵՐԵՎԱՆ, 6 հունվարի - Sputnik. Հայաստանի հավաքականի ավագ և իտալական «Ռոմայի» կիսապաշտպան Հենրիխ Մխիթարյանը հերթական գոլն է խփել և գոլային փոխանցում կատարել իտալական Ա Սերիայի 16-րդ տուրի շրջանակում։

Նշենք, որ «Ռոման» հունվարի 6-ին հյուրընկալվել էր «Կրոտոնեին»:

Հանդիպման 8-րդ րոպեին Հենրիխ Մխիթարյանի փոխանցումից հետո գոլի հեղինակ դարձավ Բորխա Մայորալը: 29-րդ րոպեին Մայորալն իր երկրորդ գոլը խփեց։

35-րդ րոպեին Մխիթարյանն ինքը գոլի հեղինակ դարձավ` անվրեպ իրացնելով 11 մետրանոցը։

Առաջին խաղակեսն ավարտվեց «Ռոմայի» հաղթանակով՝ 3-0:

Հանդիպման 63-րդ րոպեին Մխիթարյանը փոխարինվեց:

Երկրորդ խաղակեսում՝ 71-րդ րոպեին, տանտերերին հաջողվեց մեկ գոլ խփել։  Խաղն ավարտվեց 3-1 հաշվով՝ հօգուտ «Ռոմայի»։

Հռոմեական ակումբը վաստակեց 33 միավոր և շարունակում է զբաղեցնել երրորդ հորիզոնականը:

Հավելենք, որ հունվարի 3–ին Մխիթարյանը հաղթող է ճանաչվել «Լավագույն անհատական ելույթ» անվանակարգում: Նա մրցանակը ստացել է «Ջենոայի» դարպասի մոտ իր կատարած հեթ-տրիկի շնորհիվ։

Հենրիխ Մխիթարյանը հերթական մրցանակն է ստացել իտալական «Ռոմայում»

Ավելի վաղ Մխիթարյանը ճանաչվել էր «Ռոմայի» դեկտեմբեր ամսվա լավագույն ֆուտբոլիստ:

Դեկտեմբերին Հենրիխ Մխիթարյանն իտալական ակումբի կազմում անցկացրել է յոթ հանդիպում, դարձել երկու գոլի հեղինակ, ինչպես նաև կատարել է երկու արդյունավետ փոխանցումներ:

Դեկտեմբերի 25-ին Մխիթարյանն արդեն տասներորդ անգամ ճանաչվել է Հայաստանի լավագույն ֆուտբոլիստ։

208
թեգերը:
ֆուտբոլ, Հենրիխ Մխիթարյան
Ըստ թեմայի
«Սա իմ բոլոր թիմակիցների վաստակն է»․ Մխիթարյանը՝ լավագույն ֆուտբոլիստ ճանաչվելու մասին
Մխիթարյանը «Ռոմայի» դեկտեմբեր ամսվա լավագույն ֆուտբոլիստն է. տեսանյութ
«Միայն կոմիքսներում այսպիսի բան կտեսնես»․ ՖԻՖԱ-ն շնորհավորել է Հենրիխ Մխիթարյանին

Երևանում 51 միավոր հատուկ տեխնիկա ողջ գիշեր ձնամաքրման աշխատանքներ են իրականացրել

52
(Թարմացված է 16:22 20.01.2021)
Փողոցում հարցմանը մասնակցող վարորդներից մեկը նշում է, որ գոհ է փողոցների մաքրման աշխատանքներից, իսկ մյուսը դժգոհում է, նշելով, որ փոքր, երկրորդային նշանակություն ունեցող փողոցները չեն մաքրվում։

«Երևանի աղբահանության և սանիտարական մաքրում» համայնքային հիմնարկի 51 հատուկ տեխնիկան և շուրջ 300 աշխատակից ողջ գիշեր ներգրավված են եղել ձնամաքրման աշխատանքներում։ Այս մասին հայտնում է Երևանի քաղաքապետարանի մամուլի ծառայությունը։

Հրապարակված տեսանյութում երևում է, թե ինչպես է ձնամաքրման աշխատանքներ իրականացվում։

Փողոցում հարցմանը մասնակցող վարորդներից մեկը նշում է, որ գոհ է փողոցների մաքրման աշխատանքներից, իսկ մյուսը դժգոհում է, նշելով, որ փոքր, երկրորդային նշանակություն ունեցող փողոցները չեն մաքրվում։

Ձնամաքրման աշխատանքներում ներգրավված վարորդներից մեկն էլ նշում է, որ կան փողոցներ, որոնց մայթերին կայանած մեքենաներն ուղղակի խանգարում են իրենց աշխատանքին։

Ձյունը ե՞րբ կդադարի. եղանակի տեսություն

52
թեգերը:
փողոց, ձյուն, Երևան
Ըստ թեմայի
«Ձնամաքրումը որոշ հատվածներում էֆեկտիվ չէ». քաղաքապետարանում բողոքում են վարորդներից
Ձյան փաթիլների պարն ու մարդկանց գոհ և դժգոհ դեմքերը. մայրաքաղաքի ճերմակ լուսանկարները
Երևան - Մեղրի ճանապարհին արգելափակվել է մոտ 100 ավտոմեքենա, 12–ը`բախվել. ԱԻՆ

Ոստիկանները թմրանյութ պահելու կասկածանքով Երևանի մետրոյից բերման են ենթարկել 2 երիտասարդի

32
Երիտասարդների խուզարկության ընթացքում հայտնաբերվել են փայլաթիթեղով փաթեթավորված դեղնականաչավուն զանգված ու նմանատիպ զանգվածներով կաթուցիչներ։

Ոստիկանության մետրոպոլիտենի պահպանության բաժնի քրեական հետախույզներն ու անչափահասների գործերով ծառայողները, իրացնելով օպերատիվ տվյալները, մետրոյի կայարաններից մեկում հայտնաբերել ու, թմրամիջոց պահելու կասկածանքով,  բերման են ենթարկել մայրաքաղաքի բնակիչ երկու երիտասարդի։ Տեղեկությունը հայտնում է ոստիկանության մամուլի ծառայությունը։

Երիտասարդների խուզարկության ընթացքում հայտնաբերվել են փայլաթիթեղով փաթեթավորված դեղնականաչավուն զանգված ու նմանատիպ զանգվածներով կաթուցիչներ։ Նախնական տվյալներով՝ հայտնաբերվածը շոկո անվամբ հայտնի թմրամիջոց է, որը սփայսի տարատեսակներից է։ Նշանակվել է փորձաքննություն։ Հանգամանքները պարզվում են։ 

32
թեգերը:
Երիտասարդ, մետրո, թմրանյութ, ՀՀ Ոստիկանություն, Հայաստան
Ըստ թեմայի
Սերժ Սարգսյանի եղբորորդին ընդունեց զենք պահելու և թմրանյութեր շրջանառելու մեղադրանքը
Թմրանյութ՝ Գերմանիայից Հայաստան ուղարկված փոստային առաքանիում
Գավառի բնակիչն անչափահասներին թմրանյութ էր վաճառել. ոստիկանները բացահայտել են նրան
Զինծառայող

Տիգրան Ավինյանը հայտնեց` որ քարտեզի հիման վրա են Սյունիքում սահմանապահներ տեղակայում

0
Փոխվարչապետի խոսքով` սահմանագծումն ու սահմանազատումը քննարկման այլ առարկա են, որը դեռ հայտնվելու է իրենց օրակարգում։

ԵՐԵՎԱՆ, 20 հունվարի – Sputnik. Սահմանապահ զորքերը կամ հայկական/ադրբեջանական զինված ուժերի ստորաբաժանումները Սյունիքում տեղակայվում են 1975-76թթ. ռազմական քարտեզների հիման վրա։ Ազգային ժողովում կառավարության անդամների հետ հարցուպատասխանի ժամանակ տեղեկությունը հայտնեց փոխվարչապետ Տիգրան Ավինյանը։

«Սահմանապահ զորքերի տեղակայման համար, որը չի նշանակում դեմարկացիա կամ դելիմիտացիա, այլ ինչ–որ ձևով անվտանգության ապահովում է ենթադրում, պետք է նույնական մեխանիզմ ընտրվի։ Մեր դեպքում ընտրվել է 1975-76 թթ. քարտեզը` 50 000 մասշտաբով»,–ասաց նա։

Փոխվարչապետը հայտնեց նաև, որ այդ քարտեզը նույնական է 2010 թվականին ընդունված «Վարչատարածքային բաժանման մասին» օրենքով նախատեսված սահմաններին։ Ավինյանը նշեց, որ դեմարկացիան և դելիմիտացիան քննարկման այլ առարկա են, և դրանք իրենց քննարկման օրակարգում լինելու են, ինչպես որ կա Հայաստանի ու Վրաստանի հետ սահմանազատման օրակարգը։

«Այն, որ ասում են, թե այս պրոցեսը տեղի է ունենում Google map–ի քարտեզներով կամ երբ մատնանշվում է, որ GPS է օգտագործվում, պետք է նշենք, որ GPS համակարգը ցույց է տալիս միայն, թե որտեղ ես դու գտնվում քարտեզի վրա։ Ինչ վերաբերում է Սյունիքը միացնող հատվածի հետ կապված անվտանգության հարցին, ապա այստեղ մենք վտանգ չունենք»,–ասաց Ավինյանը։

Նա վստահեցրեց, որ Սյունիքն այժմ անվտանգ է։

0
թեգերը:
Տիգրան Ավինյան, սահմանապահ, Սյունիք, Հայաստան