Հունվարի 3-ին ԱՄՆ Վայնոնա քաղաքի (Տեխասի նահանգ) Սթարվիլ մեթոդական եկեղեցում տղամարդը գնդակահարել է պաստորին։ Եվս 2 մարդ վիրավորվել է։ Այդ մասին ճեպազրույցի ժամանակ հայտնել է շերիֆ Լարի Սմիթը։ Տեսանյութում երևում է, թե ինչպես են իրավապահները սպանվածի մարմինը դուրս բերում եկեղեցուց։
Պաստոր Մարկ Մակվիլյամսը հայտնաբերել է 21-ամյա հարձակվողին՝ Միթրեզ Դոյնթ Վուլենին, եկեղեցու արտաքնոցում։ Տեղի լրատվամիջոցների փոխանցմամբ՝ երիտասարդը թաքնվում էր ոստիկանությունից։
Շերիֆը հայտնել է, որ պաստորը զինված է եղել ու ատրճանակն ուղղել է երիտասարդի վրա, սակայն վերջինս խլել է հրազենն ու գնդակահարել հոգևորականին։ Վուլենն անկանոն կրակոցներով ևս 2 մարդու է վիրավորել ու գողացված ավտոմեքենայով փախել դեպքի վայրից։ Ոստիկաններին, սակայն, հաջողվել է նրան հասնել, զինաթափել ու ձերբակալել։
Ընթանում է հետաքննություն՝ ծանրացուցիչ հանգամանքներում կատարված սպանության մեղադրանքով, որի համար մահապատիժ է հասնում։
Գավառում կրակոցների ու հիվանդանոցի վրա հարձակվելու գործով մեղադրանք է առաջադրվել 19 անձ
