Արցախում ռուս խաղաղապահների համար երկու բլոկ-մոդուլային ավան է կառուցվել

367
(Թարմացված է 19:04 31.12.2020)
ՌԴ պաշտպանության նախարարի տեղակալ, բանակի գեներալ Դմիտրի Բուլգակովին զեկուցել են նոր մոդուլային ավաններում ավելի քան 300 մարդու բնակեցնելու մասին:

Ռուսաստանի պաշտպանության նախարարության նյութատեխնիկական ապահովման մասնագետները սեղմ ժամկետում Ստեփանակերտում և Գետավանում երկու բլոկամոդուլային ավան են կառուցել՝ խաղաղապահ զորակազմի զինծառայողներին կեցության հարմարավետ պայմաններով ապահովելու համար:

Ինչպես հաղորդում է ՌԴ ՊՆ մամուլի ծառայությունը, նոր մոդուլային ավաններում ավելի քան 300 մարդու բնակեցնելու մասին զեկուցել են ՌԴ պաշտպանության նախարարի տեղակալ, բանակի գեներալ Դմիտրի Բուլգակովին:

Եվս մեկ նմանատիպ ավան՝ 60 մարդու համար, նախատեսվում է բնակեցնել հաջորդ տարվծ հունվարին՝ Քարաքենդ բնակավայրում։

Բլոկ-մոդուլային ավանները լիարժեք ինքնավար օբյեկտներ են, որոնք համալրված են կենսաապահովման բոլոր անհրաժեշտ բաղադրիչներով (էլեկտրամատակարարում, ինքնավար ջեռուցում, սանհանգույցներ, ջրամատակարարում, ջրահեռացում): Բնակավայրը կահավորված է (մահճակալ, զգեստապահարան, խոհանոցային իրեր, սեղաններ, աթոռներ, լոգախցիկ), ինչպես նաև կենցաղային տեխնիկայով (Էլեկտրական վառարան, սառնարան, լվացքի մեքենա, միկրոալիքային վառարան, հեռուստացույց, օդորակիչ, ջրատաքացուցիչ)։

Նշվում է, որ յուրաքանչյուր ավանի տարածքում առկա է մարզադահլիճ, բաղնիք, բժշկական կետ, չորանոց, հագուստի մաքրման սենյակ, ժամանցի սենյակ, գրասենյակ, գույքի պահեստ, ճաշարան, ինչպես նաև մթերային պահեստ:

Բլոկ-մոդուլային ավանները կառուցվել են մասնագիտացված արդյունաբերական ձեռնարկությունների կողմից՝ ГОСТ-ի պահանջներին և տեխնիկական պայմաններին համապատասխան, համապատասխանում են զորքերի տեղակայման անմիջական վայրում զինծառայողների հարմարավետ բնակության համար սահմանված բոլոր նորմերին և պահանջներին:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

367
թեգերը:
Արցախ, խաղաղապահ
թեմա:
Իրադրությունը Հայաստանում և Արցախում հայտարարության ստորագրումից հետո (799)
Ըստ թեմայի
Դադիվանքի հոգևորականներին ու խաղաղապահներին նվերներ կուղարկեն Մոսկվայից
Հարսանիք Դադիվանքում` ռուս խաղաղապահների օժանդակությամբ
Արցախում ռուս խաղաղապահները մարտական պատրաստվածության վարժանքներ են անցկացրել. ՌԴ ՊՆ

Տարեմուտին գողացել են Երևանի դպրոցներից մեկի ջեռուցման մարտկոցները. ովքե՞ր են «քաջերը»

36
(Թարմացված է 20:16 25.01.2021)
Գողություն կատարողներից մեկը կաթսայատան աշխատակիցն էր, մյուսը՝ շինարարներից մեկը։

Ամանորի գիշերը Երևանի Աջափնյակ վարչական շրջանի թիվ 22 դպրոցից խոշոր գողություն է կատարվել։ Ոստիկանության մամուլի ծառայությունը տեսանյութ է հրապարակել դեպքի մանրամասներով։

Ըստ հաղորդագրության՝ դպրոցից գողացվել էր երեք լվացարան և 2140 ջեռուցման մարտկոց։ Ընդհանուր առմամբ, դպրոցին պատճառվել էր մոտ 13 միլիոն 500 հազար դրամի նյութական վնաս։

Կատարվածի վերաբերյալ ոստիկանություն ահազանգ է ստացվել արդեն հունվարի 1-ին։

«Դպրոց մեկնած իրավապահները ուսումնասիրեցին դեպքի վայրը` պարզելու, թե որտեղից և ինչ հանգամանքներում է կատարվել գողությունը:
Դեպքի վայրի զննությունը ցույց էր տալիս, որ մարտկոցների մի մասը դեռ տեղադրված չէին: Այդ քայլին գնացողը հավանաբար տեղյակ էր եղել, որ դպրոցում ներքին հարդարման աշխատանքներ են կատարվում, նաև՝ թե մարտկոցները որտեղ են պահեստավորված։ Չէր բացառվում` ներսի մարդ լիներ։ Վարկած, որը բացահայտման բանալին էր դառնալու»,- նշված է տեսանյութին կից հաղորդագրության մեջ։

Խոշոր գողություն Արտաշատում. կասկածյալներից մեկի ոտքերը կոտրվել են փախուստի ժամանակ

Քրեական հետախույզները պարզել են, որ գողությունը կատարել էր դպրոցում շինարարական աշխատանք կատարող մի բանվոր՝ կաթսայատան աշխատողի հետ։ Նրանցից մեկը Գյումրու բնակիչ է, մյուսը` Քասախ գյուղի։

Բացի դրանից Քասախ գյուղի 35-ամյա բնակչի անձնական խուզարկությամբ հայտնաբերվել է նաև դեղնականաչավուն զանգված։

Ըստ նրա՝ դա եղել է անձնական օգտագործման թմրանյութ։

Տղամարդիկ ձերբակալված են։

Ձեռնարկվում են միջոցառումներ՝ գողոնը հայտնաբերելու ուղղությամբ:

Նախաքննությունը շարունակվում է։

Երկաթուղում հաճախակի են դարձել գողության դեպքերը. ՀԿԵ

36
թեգերը:
տեսանյութ, ջեռուցում, գողություն, դպրոց
Ըստ թեմայի
«Զվարթնոցից» ՔԿՀ տանելու ճանապարհին օպերլիազորը Իրանի քաղաքացուց գումար է հափշտակել
Զարմանալի դեպք «Զվարթնոցում». դիվանագիտական համարանիշները հանել, թղթե համարներ են տեղադրել
Երևանում գողություն կատարած 56-ամյա կինը բերման է ենթարկվել

Գազի և նավթի միասնական շուկայի դեպքում Հայաստանի համար կստեղծվի ձեռնտու իրավիճակ

47
(Թարմացված է 15:14 25.01.2021)
Էներգետիկայի գծով ՄԱԿ–ում Հայաստանի ազգային փորձագետ Արա Մարջանյանը Sputnik Արմենիայի հետ զրույցի ընթացքում անդրադարձել է ԵԱՏՄ անդամ երկրներում գազի և նավթամթերքի միասնական շուկա ձևավորելու հեռանկարին, ինչպես նաև էներգետիկ ոլորտին առնչվող մի շարք հարցերի։

Արա Մարջանյանի դիտարկմամբ`նախաձեռնությունն իսկապես կարևոր է և տարբեր ոլորտներում ընդհանուր շուկաներ  ձևավորելու գաղափարն ընկած է ԵԱՏՄ թե՛ ռազմավարության, թե՛ աշխարհաքաղաքականության հիմքում, թեև ճանապարհը շատ բարդ է ընթանում և նախորդ տարվա առցանց ձևաչափով կայացած գագաթնաժողովում հայտարարվեց, որ մինչև 2025 թվականը վերոհիշյալ միասնական շուկան արդեն պետք է ձևավորված լինի։    

«Միասնական շուկային պարագայում Հայաստանի համար հասկանալի կդառնան գազի գնագոյացման հարցերը, կգտնվեն բարենպաստ և ճիշտ լուծումներ սպառող երկրների համար, կստեղծվի ձեռնտու իրավիճակ։ Օրինակ` Հայաստան, Ղրղզստանը և Բելառուսը կողպված երկրներ են` առանց ելքի դեպի բաց ծով, չունեն սեփական գազի և նավթի պաշարներ, ներկրող երկրներ են, ինչը նրանց դարձնում է խոցելի ներկրվող էներգակիրների տեսանկյունից, հետևաբար այս և նման այլ հանգամանքները, կարծում եմ, հաշվի կառնվեն միասնական շուկա ձևավորելու ընթացքում»,– նշեց Հայաստանի էներգետիկայի գծով ՄԱԿ–ի ազգային փորձագետը։

Մարջանյանը հատուկ անդրադարձավ նաև Ադրբեջանի և Թուրքմենստանի միջև ձեռք բերված պայմանավորվածությանը` Քյափազ– Սերդար նավթագազային դաշտի համատեղ շահագործման վերաբերյալ, որը կարող է հաշվեկշիռ փոխել տարածաշրջանային առումով և ազդել էներգետիկ աշխարհաքաղաքականության վրա։

Գազի շուրջ բանակցությունները ՀՀ–ի և ՌԴ-ի միջև կշարունակվեն մինչև 2021թ․-ի 2-րդ եռամսյակը

Ըստ նրա` նաև այս հանգամանքով է պայմանավորված ԵԱՏՄ շրջանակներում գազի ու նավթամթերքների միասնական շուկան հնարավորինս արագ ձևավորելու հրամայականը, հետևաբար` Հայաստանը պետք է շատ շրջահայաց գտնվի` հաշվի առնելով իր էներգետիկ ու անվտանգային համակարգերի անխափան աշխատանքը երկարաժամկետ կտրվածքով։ 

Վրաստանն ադրբեջանական գազի համար հատուկ զեղչ է ստացել

47
թեգերը:
գին, նավթ, Հայաստան, գազ
թեմա:
Sputnik զրույց
Ըստ թեմայի
Երկրորդը ԵԱՏՄ-ում. Հայաստանում մանրածախ առևտրի շրջանառության ցուցանիշը նվազել է
Տնտեսական դիվանագիտությունը Հայաստանում չի կայացել. ԵԱՏՄ–ի հետ համագործակցության մասին
ԵԱՏՄ տարածքում նավթի ու գազի ընդհանուր շուկաներ են ձևավորվում. Պուտին
Մերկասառույց

10 մեքենաներ արգելափակվել էին ձյան մեջ․ փրկարարներն օգնություն են ցուցաբերել

0
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։

ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։

«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։

Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։

Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։

0
թեգերը:
ավտոմեքենա, ձյուն, Ճանապարհ
թեմա:
Վթար, պատահար, սպանություն, գողություն
Ըստ թեմայի
Գորիս-Տաթև ճանապարհը բքի պատճառով փակ է
Մի քանի օր շարունակ ձյուն չի տեղա. եղանակի տեսություն
Առատ ձյուն, ավտոերթ, դատ, հերոս-եղբայրներ. շաբաթվա տպավորիչ լուսանկարները