Սերոբ Անտինյանի բնորոշմամբ` երկրում իսկապես խորը քաղաքական ճգնաժամ է, ինչը միանշանակ պայմանավորված է ղարաբաղյան խնդրում պատերազմի արդյունքներով, Հայաստանի ընդունած պարտությամբ։ Ըստ նրա` արցախյան հիմնահարցն այն խնդիրը չէ, որ լինի մեր շարքային, օրակարգային խնդիրներից որևէ մեկը և հպանցիկ ազդեցություն ունենա մեր քաղաքական ու հասարակական համակարգի վրա։ 

© Sputnik / Asatur Yesayants

Կառավարությունը չի կարողանալու վճարել թոշակները. Հայաստանին սպասվում է էներգետիկ ճգնաժամ

«Պետք է փաստենք, որ պատերազմի արդյունքները թե՛ մարդկային զոհերի թվաքանակի առումով, թե՛ հասարակության բարոյահոգեբանական մթնոլորտի առումով խիստ բացասական են և բնական է, որ այս պարագայում պետք է լիներ քաղաքական ճգնաժամ, որն իր հերթին պետք է հակադարձ ազդեցություն ունենար պետական կառավարման համակարգի վրա։ Վերջինս պետության հիմնական ինստիտուտն է, որի միջոցով իրականացվում է կառավարումը»,– նշեց կառավարման մասնագետը։ 

Անտինյանի կարծիքով` կառավարությունում կադրային փոփոխություններից հետո ճգնաժամը չվերացավ, որովհետև գործ ունենք ոչ թե ոլորտային, այլ՝ ավելի մեծ ճգնաժամի հետ, որը պայմանավորված է քաղաքական իշխանության գլոբալ ձախողմամբ։

Ըստ նրա` թեև պետական մարմիններն աշխատում են, պարալիզացված չեն, սակայն այդ աշխատանքը չունի բավարար հիմք, ինչի շնորհիվ հնարավոր կլիներ ասել, որ պետության առջև ծառացած խնդիրները լուծվում են։

Ընդդիմությունը պահանջում է վարչապետի հրաժարականից հետո միայն անցկացնել ընտրություններ

Վերլուծաբանի համոզմամբ` քաղաքական ճգնաժամի հանգուցալուծմամբ միայն կարող ենք ունենալ պետական կառավարման համակարգի արդյունավետ աշխատանք։

ԵՐԵՎԱՆ, 25 հունվարի – Sputnik. 222 արցախցիներ խաղաղապահների ուղեկցությամբ Հայաստանից վերադարձել են Արցախ։ Տեղեկությունը հաղորդում է Ռուսաստանի պաշտպանության նախարարության մամուլի ծառայությունը։

«Ռուսական խաղաղապահ զորախմբի զինծառայողների կողմից ապահովվում է քաղաքացիների անվտանգ վերադարձն իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական ենթակառուցվածքի օբյեկտները», - ասված է հաղորդագրությունում։

Минобороны РФ

Ռուս խաղաղապահներն Արցախում հակաահաբեկչական վարժանքներ են անցկացնում. տեսանյութ

Ընդհանուր առմամբ, ռուսական պաշտպանական գերատեսչության տվյալներով, Լեռնային Ղարաբաղում մշտական բնակության վայրեր են վերադարձել 51065 փախստականներ:

ՌԴ պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։ 2020 թ. նոյեմբերի 23-ից ի վեր չպայթած զինամթերքից մաքրվել է 672,3 հա տարածք, 225,8 կմ ճանապարհ, 883 բնակելի շինություն, այդ թվում՝ 25 հանրային նշանակության օբյեկտ, հայտնաբերվել և վնասազերծվել է 23 813 պայթյունավտանգ առարկա։

Նշվում է, որ խաղաղապահներն իրավիճակի շուրջօրյա մոնիթորինգ և հրադադարի ռեժիմի պահպանման վերահսկողություն են իրականացնում 27 դիտակետերում, վերականգնում են քաղաքացիական ենթակառուցվածքները:

Ռուս խաղաղապահ զորախմբի պատասխանատվության գոտում հնարավոր միջադեպերի կանխմանն ուղղված ջանքերը համակարգելու նպատակով շարունակական գործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Մարտակերտում խաղաղապահները մշակում են հրադադարի խախտման դեպքում իրենց գործողությունները

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են