Երևանում բողոքի ակցիայի ժամանակ կոտրվել է ոստիկանի ոտքը, ցուցարարը ձերբակալվել է

93
(Թարմացված է 13:41 26.12.2020)
Երևանի 32-ամյա բնակիչը կասկածվում է իշխանության ներկայացուցչի նկատմամբ բռնություն գործադրելու մեջ։

Երեկ` դեկտեմբերի 25-ին Երևանում տեղի ունեցած բողոքի ակցիայի ժամանակ ոստիկանության ծառայողներից մեկը կոտրել է ոտքը։ ՀՀ ոստիկանությունը հայտնում է, որ դեպքը տեղի է ունեցել ժամը 19-ի սահմանում Մյասնիկյան պողոտայում, երբ ոստիկանները քաղաքացիներից պահանջել են բացել ճանապարհի երթևեկելի հատվածը։

«Ճանապարհը փակած անձանցից մեկը հրել է ոստիկաններին, ինչի հետևանքով ոստիկաններից մեկը ընկնել է և ձախ սրունքի ոսկորների կոտրվածքով տեղափոխվել հիվանդանոց»,– ասված է ոստիկանության տարածած հաղորդագրության մեջ։

Ավելի ուշ Մյասնիկյան պողոտայից բերման է ենթարկվել և ձերբակալվել Երևանի 32-ամյա մի բնակիչ` իշխանության ներկայացուցչի նկատմամբ բռնություն գործադրելու կասկածանքով։

Հիշեցնենք`Հայրենիքի փրկության շարժման ակտիվիստները դեկտեմբերի 25-ին, ժամը 18։00-ից փակել էին Երևանի մի շարք փողոցներ՝ պահանջելով Փաշինյանի անհապաղ հրաժարականը: Երևանի տարբեր հատվածներում տեղի ունեցած ակցիաների հետևանքով կաթվածահար էր եղել Երևանի մի շարք կարևոր տրանսպորտային հանգույցների երթևեկությունը, մասնավորապես` Բաղրամյան պողոտայի, Սարալանջի խճուղու, Աբովյան փողոցի ու Մյասնիկյան պողոտայի։

Բողոքի ակցիաներն ավարտվեցին Հանրապետության հրապարակում` քաղաքի տարբեր վայրերից դեպի հրապարակ կազմակերպված երթերից հետո։

Հայրենիքի փրկության շարժման ու ոստիկանության թվերը տարբեր են. քանի մարդ է բերման ենթարկվել

93
թեգերը:
ոստիկան, Բողոքի ակցիա, Երևան, Հայաստան
Ըստ թեմայի
Քաշքշուկ Սայաթ-Նովա փողոցում. ընդդիմությունը փակել է Սարալանջի ճանապարհը
Թվում է` Փաշինյանին է ուղղված, բայց հռետորաբանությունն ավելի խորքային է. Հովակիմյան
Պատրաստ եմ ժողովրդի որոշման արդյունքում թողնել վարչապետի պաշտոնը. Փաշինյան

Աշոտ Ղազարյանի թոռնուհին հիացրեց «Ну-ка все вместе!» շոուի ժյուրիին. տեսանյութ

294
(Թարմացված է 10:42 08.03.2021)
Անահիտ Ադամյանն արդեն այնքան է մեծացել, որ մասնակցում է մեծերի համար նախատեսված նախագծին։

Ճանաչված դերասան Աշոտ Ղազարյանի թոռնուհին` Անահիտ Ադամյանը, երեկ մասնակցեց «Ну-ка все вместе!» երգի մրցույթին, երգեց TLC խմբի «No Scrubs» երգն ու հիացրեց ժյուրիի անդամներին։

Ելույթից առաջ նա խոստովանեց, որ առաջին անգամ է մասնակցում մեծերի համար նախատեսված նախագծի և շատ է հուզվում։
Նրա ելույթը դուր եկավ ժյուրիի 100 անդամներից 88–ին։ Անահիտի կատարումից հետո երգիչ Նիկոլայ Բասկովն ասաց. «Աստված իմ, 17 տարեկանում եկար ու նվաճեցիր Մոսկվան»։

Անահիտն ապրում է Սոչիում, երգում է փոքրուց։ Ելույթից առաջ նա պատմեց, որ իր տաղանդը նկատել է հոր ընկերը և հորդորել, որ լրջորեն զբաղվեն աղջնակով։ 

Հիշեցնենք` պրոֆեսիոնալ վոկալով զբաղվող Անահիտը 2016 թվականին հայտնվեց «Մանկական Եվրատեսիլում»։ Նա Մերի Վարդանյանի հետ երգեց Նիկ Եգիբյանի և Ավետ Բարսեղյանի հեղինակած «Տարբեր» կոչվող ստեղծագործությունը, և նրանց կատարման շնորհիվ Հայաստանը զբաղեցրեց երկրորդ տեղը։

2017 թվականին աղջնակը Հայաստանը ներկայացրեց մանկական «Նոր ալիք» մրցույթում և առաջին տեղը կիսեց ռուսաստանցի Արինա Պետրովայի հետ։

Աշոտ Ղազարյանի թոռնուհին անցած տարի եղբոր` Բորիսի հետ մասնակցեց մանկական «Ну-ка все вместе!» նախածին, և հենց նրանք էլ դարձան նախագծի հաղթողները։

294
թեգերը:
Անահիտ Ադամյան, տեսանյութ, երգ, մրցույթ
Ըստ թեմայի
Սերժ Թանկյանի Recognize Artsakh երգը ռուսերեն են թարգմանել. տեսանյութ
Հայ տարեց տղամարդը Լիբանանի «The Voice»-ում երգում է «Թռչեի մտքով տուն». տեսանյութ
16–ամյա երգիչ Գարիկ Զաբելյանը փայլեց «Ну-ка все вместе» վոկալային շոուի ժամանակ
Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները

Սյունիք չի կարող թուրքի ոտք մտնել. Շուռնուխի սահմանին մեծ եռագույնն է ծածանվում․ տեսանյութ

287
(Թարմացված է 00:40 08.03.2021)
Շուռնուխի ամենաբարձր կետում տեղադրված 8 մետր երկարությամբ ու 4 մետր բարձրությամբ դրոշն այսուհետ ուժ ու կորով կհաղորդի շուռնուխցիներին ու այստեղով անցուդարձ անողներին։

Թշնամու քթի տակ` Սյունիքի մարզի սահմանամերձ Շուռնուխում, մեծ հանդիսավորությամբ վեր է խոյացել հայկական եռագույնը։ Այն Հայաստանի հավերժության խորհրդանիշն է և գտնվում է ուղիղ ադրբեջանցիների տեսադաշտում։

«Սյունեցիները դարեր ի վեր իրենց մեսիջները թշնամուն հղել են սեփական բազկի հզորությունը ցուցադրելով։ Ժամանակը կգա և այս պահին եղած սահմանների մասին կհիշենք անցյալով»,- Sputnik Արմենիայի հետ զրույցում ասաց Գորիսի քաղաքապետ Առուշ Առուշանյանը։

Բանավոր պայմանավորվածությունների հիման վրա և GPS-ով սահմանազատված Շունուխի ճանապարհին տեղ-տեղ նկատելի են նաև ադրբեջանական դրոշներ։

«Մեր ժողովուրդը հենց այնպես չի հայտնվել այս տարածաշրջանում։ Սա մեր պատմական հայրենիքն է, մենք պիտի պահենք, պարտավոր ենք պահել։ Որևէ մեկը չմտածի, որ Սյունիքում կարող է թուրքի ոտք մտնել»,- շեշտեց Սյունիքի Հարթաշեն գյուղի ղեկավարը։

Շուռնուխի ղեկավարն ասում է` գյուղի ամենաբարձր կետում տեղադրված 8 մետր երկարությամբ ու 4 մետր բարձրությամբ դրոշն այսուհետ ուժ ու կորով կհաղորդի շուռնուխցիներին ու այստեղով անցուդարձ անողներին։

«Հայաստանի բնակիչները ինչքան այս մայրուղով պիտի անցնեն ու ադրբեջանական այդ փոքր դրոշակները տեսնելով տհաճություն զգան, սրանից հետո այս դրոշն ամեն ինչ տեղը կգցի»,- նշեց Շուռնուխ գյուղի ղեկավար Հակոբ Արշակյանը։

Դրոշի բարձրացումն ուղեկցվել է հանդիսավոր միջոցառումներով։  Նաև Երևանից հյուրեր կային՝ պատգամավներ, հայտնի մարդիկ։

Ուղիղ ադրբեջանցիների դիմաց․ Շուռնուխում 30 մետրանոց մեծ եռագույն բարձրացվեց

«Այս տարածաշրջանի և հատկապես Շուռնուխ գյուղի բնակիչները, որոնք ընդամենը մետրերի հեռավորության վրա են բնակվում ադրբբեջանցիների հետ, հասկանան, որ սա հայկական է, հայկական մնալու է, և բոլորս պետք է ամեն ինչ անենք, որ նրանց մտքով ուրիշ ոչ մի բան չանցնի»,- Sputnik Արմենիայի հետ զրույցում ասաց միջոցառմանը մասնակցող ՀՀ 2-րդ նախագահի որդին՝ Լևոն Քոչարյանը։

Նենք, որ 30 մետր բարձրության վրա ծածանվող եռագույնը թվով երկրորդն է Սյունիքի մարզում։ Ավելի վաղ, դարձյալ 30 մետր բարձրության վրա, նմանատիպ մի դրոշ էլ բարձրացվել է Ճակատեն գյուղ տանող ճանապարհին։ Սյունեցիներն ասում են, որ պատրաստվում են հայկական եռագույնը ծածանել մարզի բոլոր սահմանամերձ համայնքների ամենաբարձր հատվածներում։

287
թեգերը:
Լևոն Քոչարյան, Սահման, Հայաստան, դրոշ, Շուռնուխ, Սյունիք
Կարինե Թովմասյան

Ծաղկավաճառ կնոջը երբեք ծաղիկ չեն նվիրում. «կիսահայաֆիկացված» վարդերը գրավել են շուկան

0
(Թարմացված է 14:52 08.03.2021)
Մարտի 8-ին ծաղկավաճառների գործը բավական ակտիվ է լինում` այդ օրը գերակշիռ մասը հենց տղամարդիկ են ծաղիկ գնում։ Sputnik Արմենիան զրուցել է ծաղկավաճառ մի կնոջ հետ, որը պատմել է ծաղկի շուկայի, ինչպես նաև ծաղիկների առումով հայերի նախընտրությունների վերաբերյալ։

ԵՐԵՎԱՆ, 8 մարտի - Sputnik. Արարատի մարզի Գեղանիստ գյուղում ծաղկավաճառ Կարինե Թովմասյանին շատերն են ճանաչում. նա 13 տարի է, ինչ ընտանեկան բիզնես է հիմնել ու ծաղիկների վաճառքով է զբաղվում։

Цветочница Карине Товмасян в теплице
© Sputnik / Andranik Ghazaryan
Կարինե Թովմասյան

33-ամյա Կարինեն պատմում է, որ ամեն ինչ սկսվել է ծաղիկների հանդեպ մեծ սիրուց, որի միջոցով էլ հաղթահարել է բոլոր դժվարությունները։

Готовый букет в цветочном магазине Карине Товмасян
© Sputnik / Andranik Ghazaryan
Կարինե Թովմասյանի աճեցրած ծաղիկները

«Ծաղիկների վաճառքով զբաղվելու համար պետք է սեփական ջերմոց ունենայի։ Երբ ընտանիքիս ասացի, որ ուզում եմ ջերմոց հիմնել, հայրս դեմ էր, քանի որ կարծում էր` ծաղիկները շուտ են փչանում, «տակ կտամ»։ Բայց ես արդեն որոշել էի ու գործի անցա։ Առաջին իսկ տարին ճիշտ է` քիչ, բայց շահույթ ունեցա»,–պատմում է Կարինեն։

Бутоны роз в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած վարդերը

Ծաղկի գործը թվում է, թե շատ հեշտ է, սակայն իրականում բավականին նրբություններ ու համբերատարություն է պահանջում. Կարինեն ասում է` երկար ճանապարհ ես անցնում` մինչև սածիլը դարձնում ես ծաղիկ։ Ճիշտ վայր է պետք ընտրել սածիլների ներմուծման համար, հետո անհրաժեշտ է ջերմոցը լավ ջեռուցել, որպեսզի դրանք «կպչեն»։

Декоративные листья в теплице Карине Товмасян
© Sputnik / Andranik Ghazaryan
Կարինե Թովմասյանի ջերմոցը

Դրան պետք է հաջորդի ծաղիկներն էտելը, հետո քաղն ու նոր միայն փունջ պատրաստելը։ Այս ամենը Կարինեն ինքն է անում, դրա համար էլ ձեռքերը հաճախ են վնասվում, սակայն հաճախորդները տեսնում են միայն խանութում դրված գեղեցիկ փնջերը։

След от порезов розовых шипов на руке Карине Товмасян
© Sputnik / Andranik Ghazaryan
Կարինե Թովմասյանի վնասված ձեռքը

Նրա խանութում, որն, ի դեպ, անուն չունի, կարելի է գտնել ոչ միայն ծաղիկներ, այլև տնային բույսեր։ Կարինեն ասում է` վերջին տարիներին տնային բուսեր գնելու մշակույթ է ձևավորվել։ Պահանջարկ ունեն հատկապես արդեն ծաղկածները։

Комнатные растения в теплице Карине Товмасян
© Sputnik / Andranik Ghazaryan
Տնային բույսեր

Իսկ առհասարակ` հայերս ամենաշատը վարդ ենք գնում։ Մուգ կարմիր։ Կարինեն ինքն էլ վարդ է սիրում ու վաճառում է «կիսահայաֆիկացված» հոլանդական վարդեր։ Դրանց տարբերությունն այն է, որ գլուխներն ավելի փոքր և նուրբ են լինում` մեր եղանակային պայմաններից ելնելով։

Бутон розы в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած վարդերից

Իսկ թե ինչու են հատկապես վարդ գնում` Կարինեն կարծում է, որ գաղտնիք չէ` վարդը ծաղիկների թագուհին է և առանձնանում է մյուսներից։

Бутоны роз в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած վարդերից

Սակայն վարդից բացի, շատ են գնում նաև սեզոնային ծաղիկներ, հատկապես կակաչներ։ Կարինեն հիշում է` մեկ դեպք էլ եղել է, որ նշանադրության համար մեծ փունջ մեխակներ են գնել` ասելով, որ աղջիկը հենց մեխակ է սիրում։

Цветочница Карине Товмасян собирает букет в магазине при теплице
© Sputnik / Andranik Ghazaryan
Կարինե Թովմասյան

«Ճիշտ է, տոնական օրերին ավելի շատ են ծաղիկ գնում, սակայն մեզ մոտ անառիթ էլ ծաղիկ նվիրելու սովորություն կա։ Ես հաճախորդ ունեմ, որ ամեն շաբաթ իր կնոջ համար ծաղիկներ է գնում։ Ճիշտ է, կանայք էլ են իրար ծաղիկներ նվիրում, բայց, միևնույն է, ամենաշատը հենց տղամարդիկ են ծաղիկ գնում»,–ասում է Կարինեն ու հավելում` կանայք դաժան են ծաղիկ գնելիս, քանի որ շատ են «գին գցում»։

Гиацинты в теплице Карине Товмасян
© Sputnik / Andranik Ghazaryan
Կարինե Թովմասյանի ծաղկի խանութում

Տղամարդիկ, հատկապես այս` տոնական օրերին, բավական առատաձեռն են` երբեմն մանրն էլ չեն վերցնում։

Цветы Цинерарии в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած ծաղիկներից

Կարինեն Մարտի 8-ի տոնին 2 օր առաջ է պատրաստվում` փնջեր կապելով։ Փնջերի դիզայնն ինքն է ընտրում, սակայն այս տարի ավելի շատ մանուշակագույնի մեջ է պատրաստում` «դա է մոդա»։ Միշտ չէ, որ պատրաստած բոլոր փնջերը գնում են հենց մարտի 8-ին, սակայն Կարինեն սիրում է, որ խանութը լիքն է լինում` մարդիկ ընտրելու հնարավորություն են ունենում։

Цветы Антуриум Андре в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած ծաղիկներից

Իսկ մարտի 8-ին հաճախորդների մեծ մասը հենց տղամարդիկ են լինում, որոնք հիմնականում վարդեր են գնում։ Կարինեն ասում է` այդ օրը որոշակի թանկացում լինում է, սակայն ոչ այնքան, որ մարդիկ չկարողանան ծաղիկ գնել։ Բացի դրանից, յուրաքանչյուրին անհատական մոտեցում է ցուցաբերում. զինվորների ծնողներին, օրինակ, միշտ զեղչեր է անում, ծնողներն էլ Կարինեին հաճախ են քաղցրավենիք նվիրում։

«Մա՛յր իմ, արևս կուզեի քեզ տալ». հայ զինվորների շնորհավորանքները մարտի 8–ի առթիվ

Персидский лютик в теплице Карине Товмасян
© Sputnik / Andranik Ghazaryan
Կարինե Թովմասյանի ջերմոցը

Չնայած Կարինեն ծաղիկներ շատ է սիրում, սակայն ծաղիկ երբեք նվեր չի ստանում, քանի որ բոլորը նույնն են կարծում` ծաղկի գործի մեջ է Կարինեն, ծաղիկն ի՞նչ է անում։

Цветы Космея в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած ծաղիկներից

«Մի անգամ փողոցում ինձ մանուշակներ նվիրեցին` փոքր փունջ էր։ Այնքան էի ուրախացել` աշխարհն իմն էր։ Ճիշտ է, ծաղիկ նվեր չեմ ստանում, սակայն նաև շատ եմ ուրախանում, երբ տեսնում եմ մարդկանց երջանկությունը ծաղիկ գնելիս»,–ասում է նա։

Бутон розы в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած վարդերից

Կարինեն, ի դեպ, խորհուրդ է տալիս չմոռանալ խնամել ծաղիկները` դրանց ջուրն օրական երկու անգամ փոխելով։

Персидский лютик в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած վարդերից

Չափավոր ապրելու խնդիր ունենք. ի՞նչ է առաջարկում գյումրեցի գործարարը Մարտի 8–ի հետ կապված

0
թեգերը:
Կին, Շուկա, Ծաղիկ, Մարտի 8
Ըստ թեմայի
Դուք ազգապահպան առաքելություն ունեք. Արմեն Սարգսյանը շնորհավորել է Մարտի 8-ի կապակցությամբ
Ինչ օր է Մարտի 8-ը, և ինչ նվեր չեն ուզում ստանալ կանայք. հարցախույզ Երևանում
Ինչպես ծաղկեփնջի օգնությամբ Մարտի 8-ին աղջկան սեր խոստովանել
Ծաղիկներ` մարտի 8-ին ընդառաջ․ խաղաղապահները շնորհավորել են արցախցի կանանց տոնը․ տեսանյութ