Բողոքի ակցիա՝ կառավարության շենքի մոտ. կան տուժածներ ու բերման ենթարկվածներ

92
(Թարմացված է 14:56 24.12.2020)
Շտապօգնության աշխատակիցները տեղում օգնություն են ցուցաբերել մեկ ոստիկանի և բողոքի ակցիայի մեկ մասնակցի: Ոչ ոք չի հոսպիտալացվել։

Հայրենիքի փրկության շարժումն այսօր՝ դեկտեմբերի 24-ին, ժամը 10-ից շրջափակել էր կառավարության գլխավոր մասնաշենքը՝ թույլ չտալու համար վարչապետ Նիկոլ Փաշինյանի մուտքը շենք։

Սակայն դա նրանց չհաջողվեց, ու ժամը 11-ին կառավարությունում Փաշինյանի գլխավորությամբ մեկնարկեց կառավարության նիստը։

Չնայած դրան՝ ցուցարարները շարունակեցին բողոքի ակցիան կառավարության գլխավոր մասնաշենքի շրջակայքում։

Ոստիկանության հետ մերթ ընդ մերթ բախումներ են տեղի ունեցել։ Այս պահի դրությամբ բերման է ենթարկվել 69 մարդ, այդ թվում  ՀՀ գլխավոր շտաբի նախկին պետ Յուրի Խաչատուրովի որդին ՝ Իգոր Խաչատուրովն ու Ղարաբաղյան առաջին պատերազմի լեգենդար հրամանատար Շահեն Մեղրյանի որդին՝ Զինավոր Մեղրյանը։

Կան տուժածներ։

Ընդդիմությունը կառավարությունից պահանջում է պաշտոնանկ անել վարչապետին

Շտապօգնություն ՓԲԸ-ի տնօրեն Թագուհի Ստեփանյանը Sputnik Արմենիային հայտնել է, որ շտապօգնության աշխատակիցները տեղում օգնություն են ցուցաբերել մեկ ոստիկանի և բողոքի ակցիայի մեկ մասնակցի: Ոչ ոք չի հոսպիտալացվել։

Հավելենք, որ Հայաստանում բողոքի ակցիաները՝ վարչապետի հրաժարականի պահանջով, սկսվել են նոյեմբերի 9-ին Արցախում հրադադար հաստատելու վերաբերյալ եռակողմ հայտարարության ստորագրումից հետո։

Եթե շուտ վերջացնեինք այս գործը, Սյունիքը պահպանած կլինեինք. Վազգեն Մանուկյան

Ընդդիմադիր կուսակցությունների նախաձեռնությամբ ստեղծվել է Հայրենիքի փրկության շարժում, որը վարչապետի միասնական թեկնածու ունի` Հանրային խորհրդի նախկին նախագահ Վազգեն Մանուկյանը։

Դեկտեմբերի 22–ից ընդդիմադիրները նստացույց են հայտարարել ու գիշերում են Հանրապետության հրապարակում տեղադրված վրաններում։

92
թեգերը:
ոստիկան, ընդդիմություն, կառավարություն, Բողոքի ակցիա
թեմա:
Իրադրությունը Հայաստանում և Արցախում հայտարարության ստորագրումից հետո (798)
Ըստ թեմայի
Ոստիկանությունը պատնեշ է կազմել կառավարության շենքի շուրջ. ընդդիմությունը «կօգնի» նրանց
Կառավարական ավտոմեքենաները ճեղքում են ցուցարարների շղթան. տեսանյութ
Եթե շուտ վերջացնեինք այս գործը, Սյունիքը պահպանած կլինեինք. Վազգեն Մանուկյան

«Վրիժառու տիկինը» «ռուսական հետք» է փնտրում

42
ԱՄՆ-ում նորից ռուսական հետք են փնտրում։ Այս անգամ` Կապիտոլիումի գրոհի մեջ։ ԱՄՆ նախկին պետքարտուղար Հիլարի Քլինթոնը հայտարարել է՝ իբր Ռուսաստանը կապ ունի դրա հետ։

Ըստ լեգենդի` Դոնալդ Թրամփն այդ օրը հեռախոսով խոսել է Վլադիմիր Պուտինի հետ։

Քլինթոնն ապացույց ունի՞։ Ինչո՞ւ է ԱՄՆ-ն նորից փորձում սեփական խնդիրների արդարացումը դրսում գտնել։ Ու ինչի՞ համար են ամերիկյան միլիարդատիրոջ նախկին քաղաքական հակառակորդին «վրիժառու տիկին» անվանում։

«Չի կարելի ժամանակ կորցնել». Բայդենն առաջին գրառումն է արել ԱՄՆ նախագահի Twitter-յան էջում

2016 թվականին ԱՄՆ-ն արդեն նման հայտարարություններ արել է ու առանց ապացույցի Ռուսաստանին մեղադրել  նախագահական ընտրություններին միջամտելու մեջ:

Վաշինգտոնը իր ներքին խնդիրները պարբերաբար գցում է գոյություն չունեցող, դրսից եկող ազդեցության վրա:

«Գաղտնազերծել են շրջանները»․ ո՞ր կողմ է ուղղված ԱՄՆ ռազմական նավատորմի զենքը

42
թեգերը:
Հիլարի Քլինթոն, Վլադիմիր Պուտին, Դոնալդ Թրամփ, ԱՄՆ
Ըստ թեմայի
Ինչ տեսք ուներ ԱՄՆ կապիտոլիումը բողոքի ակցիայի մասնակիցների ներխուժումից հետո. տեսանյութ
Ռեյգանից մինչև Թրամփ. ԱՄՆ նախագահների երդմնակալությունը` լուսանկարներով
«Հյուսիսային հոսք – 2»․ ԱՄՆ-ը եվրոպական ընկերություններին սպառնում է նոր պատժամիջոցներով

Բաղդադի կենտրոնում 2 մահապարտ ահաբեկչություն են իրականացրել. զոհերի թիվն անցնում է 30–ը

64
(Թարմացված է 16:17 21.01.2021)
Ոչ մի ահաբեկչական կազմակերպություն դեռ չի ստանձնել ահաբեկչության պատասխանատվությունը։

Իրաքի մայրաքաղաք Բաղդադի կենտրոնում երկու մահապարտներ ահաբեկչություն են իրականացրել, որի հետևանքով կան տասնյակ զոհեր և վիրավորներ։ Նախնական տվյալներով ՝ զոհվել է ավելի քան 30 մարդ։ Տեղեկությունը հայտնում է ՌԻԱ Նովոստին։

Հրապարակված տեսանյութերում երևում է, որ պայթյունը տեղի է ունեցել Թայարան հրապարակի շուկայում , որտեղ մեծ թվով մարդիկ են հավաքված։ Զոհերի և վիրավորների մասին տվյալները տարբեր են։

Al-Sumaria հեռուստաալիքը, վկայակոչելով երկրի անվտանգության ծառայություններին, հայտնել է առնվազն 8 զոհվածների և 15 տուժածների մասին:

Al Arabiya հեռուստաալիքը, վկայակոչելով անվտանգության ոլորտում իր աղբյուրները, հայտնել է 12 զոհի և 20 վիրավորի մասին: Rudaw հեռուստաալիքը տեղեկացնում է 17 զոհվածների և 25 տուժածների մասին:

Ոչ մի կազմակերպություն դեռ չի ստանձնել ահաբեկչության պատասխանատվությունը։

Մադրիդում տեղի ունեցած պայթյունի հետևանքով զոհվածների և տուժածների մեջ հայեր չկան

64
թեգերը:
Իրաք, տեսանյութ, Զոհ, Ահաբեկչություն
Ըստ թեմայի
«Եվրոպան մարտահրավերի առաջ է կանգնած». Կուրցը կոչ է արել պայքարել ահաբեկչության դեմ
Խոշոր ահաբեկչություն Սիրիայում. կան զոհեր
ԱԴԾ–ն ահաբեկչական գործողություն է կանխել. տեսանյութ
Նաիրա Զոհրաբյան

Նաիրա Զոհրաբյանը ԵԽԽՎ նիստում խոսել է հայ ռազմագերիների անհապաղ վերադարձի մասին

0
(Թարմացված է 18:58 21.01.2021)
Պատգամավորի խոսքով` Ադրբեջանի և Թուրքիայի պատվիրակները հերթական անգամ փորձել են խեղաթյուրել իրենց իսկ կողմից սանձազերծված պատերազմի բնույթն ու բովանդակությունը` այն ներկայացնելով որպես հայերի կողմից 90-ականներին սկսված ցեղասպանության շարունակություն։

ԵՐԵՎԱՆ, 21 հունվարի - Sputnik. ՀՀ Ազգային ժողովի ԲՀԿ խմբակցության պատգամավոր Նաիրա Զոհրաբյանը ԵԽԽՎ միգրացիայի, փախստականների և տեղահանված անձանց հանձնաժողովի նիստում խոսել է հայ ռազմագերիների անհապաղ վերադարձի մասին։ Տեղեկությունը նա հայտել է Facebook-ի իր էջում։

Նշենք, որ այսօր ԵԽԽՎ միգրացիայի, փախստականների և  տեղահանված անձանց հանձնաժողովի նիստում քննարկվել է  հումանիտար ճգնաժամի հարցը Հայաստանի և  Ադրբեջանի միջև, որն առաջիկայում պիտի դառնա ԵԽԽՎ զեկույց։ 

Զեկույցի հեղինակը կլինի Հայաստանում, Ադրբեջանում և հայկական կողմի առաջարկով կփորձի լինել Արցախում։

Զոհրաբյանը տեղեկացրել է, որ քննարկման ընթացքում Ադրբեջանի պատվիրակը մի քանի անգամ հատուկ շեշտեց, որ զեկուցողն Արցախ գնալու համար անպայման պիտի ստանա Ադրբեջանի իշխանությունների թույլտվությունը։

«Քանի որ զեկույցը վերաբերելու է բացառապես պատերազմի հումանիտար ասպեկտին, ես խոսել եմ երկու կարևոր խնդրի մասին, ինչը համարում եմ անհետաձգելի լուծման հիմնախնդիրներ։ Առաջինը, ռազմագերիների հարցն է, ովքեր պատերազմի ավարտից անմիջապես հետո պետք է վերադարձվեին հայկական կողմին, ինչը մինչ օրս չի արվել և զեկուցողի ուշադրությունն եմ հրավիրել, որ Ադրբեջանը ոչ միայն հրաժարվում է վերադարձնել հայ ռազմագերիներին և գերի ընկած քաղաքացիական անձանց, այլև նրանց հայտարարում է դիվերսանտներ, ինչը միջազգային բոլոր իրավակարգավորումների կոպտագույն խախտում է։ Երկրորդ խնդիրը, որին անդրադարձել եմ, Արցախից տեղահանված և  իրենց բնակավայրն ու տունը կորցրած արցախցիների հարցն է, որը ևս այս աղետալի պատերազմի հումանիտար հետևանքներից  է, ինչը անպայմանորեն պիտի լինի միջազգային հանրության ուշադրության կենտրոնում»,–գրել է Զոհրաբյանը։

Վաղարշակ Հարությունյանն ու Սերգեյ Շոյգուն քննարկել են գերիների հարցն ու Ղարաբաղի թեման

Պատգամավորի խոսքով` Ադրբեջանի և Թուրքիայի պատվիրակները հերթական անգամ փորձել են խեղաթյուրել իրենց իսկ կողմից սանձազերծված պատերազմի բնույթն ու բովանդակությունը, այն փորձելով ներկայացնել որպես հայերի կողմից 90-ականներին սկսված ցեղասպանության շարունակություն։

Դավիթ Բաբայանը գերիների հարցով դիմել է միջազգային կառույցներին

Զոհրաբյանը ասում է, որ ինքն իր ելույթում նշել է նման հայտարարությունների կատարյալ տխմարություն լինելը` պնդելով, որ Թուրքիան և Ադրբեջանը պատերազմի հանցագործներ են և միջազգային իրավունքի առաջ պիտի ենթարկվեն պատասխանատվության։

0
թեգերը:
Արցախյան պատերազմ, Ադրբեջան, ռազմագերի, գերի, Եվրախորհրդի խորհրդարանական վեհաժողով (ԵԽԽՎ), Նաիրա Զոհրաբյան
Ըստ թեմայի
Այվազյանը գերիների հարցով խոսել է Ֆրանսիայի արտգործնախարարի հետ
Վաղարշակ Հարությունյանն ու Սերգեյ Շոյգուն քննարկել են գերիների հարցն ու Ղարաբաղի թեման
Թաթոյանը գերիների անհապաղ վերադարձի հարցը քննարկել է Հայաստանում Ֆրանսիայի դեսպանի հետ