Ռուսաստանի նախագահ Վլադիմիր Պուտինի ամենամյա ասուլիսի ժամանակ լրագրողներից մեկը հարցրեց նրան՝ արդյո՞ք պատվաստվել է COVID-19-ի դեմ ռուսական պատվաստանյութով։
«Իմ նմաններին պատվաստանյութը դեռ չի հասել, բայց անպայման կպատվաստվեմ, հենց հնարավոր լինի», - նշեց Պուտինը։
Նրա խոսքով՝ համընդհանուր պատվաստումը պետք է։ Հենց այն պետք է համազգային իմունիտետ ստեղծի։ Ռուսական պատվաստանյութը լավն է, չպատվաստվելու պատճառ չկա։ Սակայն մինչ այժմ դրա արտադրման գործարանները քչություն են անում, բայց ՌԴ նախագահը նշել է, որ դրանց ծավալն աճելու է։
«Ռուսաստանն աշխարհում առաջինն է հայտնաբերել ու սկսել պատվաստանյութ արտադրել, դա արել է և՛ Գամալեայի անվան գիտական կենտրոնը, և՛ Նովոսիբիրսկի «Վեկտոր» կենտրոնը։ Ընդ որում՝ լավ պատվաստանյութ է, արդեն բազմիցս խոսել եմ այդ մասին, այն անվտանգ է ու արդյունավետ է գործում` ավելի քան 95% արդյունավետությամբ, մասնագետներն ասում են` պաշտպանության մակարդակն արդեն 96-97% է։ Կողմնակի երևույթների ոչ մի լուրջ դեպք չկա», - ասաց Պուտինը։
ՌԴ առողջապահության նախարարը Թորոսյանին փոխանցեց ռուսական պատվաստանյութի առաջին նմուշները
Նա խոստացավ, որ արդեն եկող տարում Ռուսաստանում կլինեն կորոնավիրուսի դեմ պատվաստանյութերի միլիոնավոր չափաբաժիններ։
Միաժամանակ Պուտինը չպատասխանեց հարցին՝ արդյո՞ք հատուկ ծառայություններին հանձնարարել է պարզել՝ որտեղից է հայտնվել կորոնավիրուսը։ Նա ավելացրեց, որ երևի սա այն տեղը չէ, որտեղ պետք է դա քննարկել։
Հիշեցնենք, որ օգոստոսին Ռուսաստանն առաջինն աշխարհում գրանցեց COVID-19–ի դեմ պատվաստանյութ, որը ստեղծել են Գամալեայի կենտրոնն ու Ուղիղ ներդրումների ռուսական հիմնադրամը։ «Սպուտնիկ V» անվանումը ստացած պատվաստանյութի առաջին խմբաքանակն արդեն իսկ շրջանառության մեջ է դրվել և Ռուսաստանի մարզեր է մատակարարվում։
Ո՞ր երկրներն են ուզում ձեռք բերել կորոնավիրուսի դեմ ռուսական պատվաստանյութը
