«Բարձրագույն կրթության և գիտության մասին» աղմկահարույց օրենքն ունի բազմաթիվ խութեր

158
(Թարմացված է 11:13 11.12.2020)
Կրթական հարցերով փորձագետ Ատոմ Մխիթարյանը Sputnik Արմենիայի հետ զրույցում խոսել է «Բարձրագույն կրթության և գիտության մասին» օրենքի աղմկահարույց նախագծի մասին, որը մասնագիտական շրջանակների կողմից արժանացել է սուր քննադատության։

Ատոմ Մխիթարյանի դիտարկմամբ` վերջին օրերին նախագծի նկատմամբ վերստին ցուցաբերվող հետաքրքրության համատեքստում ավելի շատ ուշադրության արժանացան երկու դրույթներ`քաղաքական ազդեցությունը բուհերի վրա և այն, որ լիազոր մարմնի ղեկավարը, տվյալ դեպքում նախարարը իրավունք է ստանում հինգ տարի ժամկետով նշանակել բուհի ռեկտոր կամ գիտական կազմակերպության տնօրեն, մինչդեռ օրենքի նախագիծն ունի երկար պատմություն և բազմաթիվ խութեր։

«Յուրաքանչյուր օրենքի նախագիծ, որն անցնում է համապատասխան փուլերով և հետո ընդունվում ԱԺ–ի կողմից, պետք է մշակման փուլերում լայնորեն ներգրավի այն մարդկանց, ովքեր հետագայում պետք է իրականացնեն այդ օրենքը։ Եթե այդ մարդիկ չհասկանան կամ չլինեն գործընթացների մեջ, ապա բնականաբար կընդդիմանան դրա կիրարկմանը։ Սա է հիմնական մտահոգությունը, ու թեև օրենքի նախագիծը որոշակիորեն քննարկվել է, բայցևայնպես շահագրգիռ կողմերի` բուհերի, մասնագիտական կազմակերպությունների, փորձագետների առաջարկությունների զգալի մասն ուղղակի հաշվի չի առնվել»,– նշեց փորձագետը։

Մխիթարյանի խոսքով` մեկ տարի շարունակ օրենքի նախագիծը քնեցվել է, իսկ հետո, չգիտես ինչու, միանգամից մտել է կառավարության օրակարգ` ճանաչվելով անհետաձգելի, առանց քննարկման, ինչը զայրույթի տեղիք է տալիս` հանգեցնելով նույնիսկ ուսանողական դասադուլների ու պրոֆեսորադասախոսական անձնակազմի գործադուլների։

«Բուհը չի կարող անորոշության մեջ ապրել». ՀՊՏՀ–ն բողոքի ակցիա է անում կառավարության դիմաց

Նշենք, որ թեև նախագծի փոփոխության վերաբերյալ բազմաթիվ առաջարկներ են հնչել, այդուհանդերձ 2020 թ. դեկտեմբերի 3-ին այն որպես անհետաձգելի և չզեկուցվող հարց ընդգրկվել է ՀՀ կառավարության օրակարգում և հավանության արժանացել, մինչդեռ մի շարք բուհեր` ներառյալ Երևանի պետական համալսարանը և Երևանի պետական բժշկական համալսարանը, պահանջել էին հետ կանչել օրենքի նախագիծը` դրա որոշ կետեր անընդունելի համարելով։

158
թեգերը:
Օրենք, բուհ, Ատոմ Մխիթարյան
թեմա:
Sputnik զրույց (259)
Ըստ թեմայի
«Հայոց լեզուն» շատ տեղերում չկա ընդունելության քննությունների ցանկում. ԵՊՀ–ում վրդովված են
Որն է բարձրագույն կրթության մասին օրենքի ամենաաղմկահարույց կետը. մեկնաբանում է փորձագետը
Բժշկական համալսարանը կոչ է անում հետ կանչել բարձրագույն կրթության մասին օրենքի նախագիծը

Հայ մասնակիցը ցնցել է ռուսական հաղորդման ժյուրիին. 100-ից 99-ը ոտքի են կանգնել

121
(Թարմացված է 21:46 12.04.2021)
Ոտքի չկանգնեց միայն Մոլդավան ներկայացնող հայտնի երգչուհի Օլգա Վարվուսը։

Ռուսական «Ну-ка, все вместе!» հաղորդման ժյուրիին հերթական հայ մասնակիցն է ցնցել։

Երգչուհի Սյուզաննա Մելքոնյանը կատարել է «Roxette» խմբի «It Must Have Been Love» երգը: Նրա կատարումը ոտքի է հանել ժյուրիի 100-ից 99 անդամին:

Ոտքի չկանգնեց միայն Մոլդավան ներկայացնող հայտնի երգչուհի Օլգա Վարվուսը, որը վերջում խոստովանեց` հիանալի կատարում էր, սակայն երգը շատ ինտիմ է, իսկ կատարման մեջ դա չտեսավ նա։

Մելքոնյանն ասում է, որ մասնակցում է մրցույթին հաղթելու նպատակով։

Սյուզաննա Մելքոնյանը 2017-ին մասնակցել էր «Նոր ալիք» մրցույթին և զբաղեցրել 2-րդ տեղը։ Նա այդ ժամանակ զրուցել էր Sputnik Արմենիայի հետ ու հայտնել` ուրախանում են, երբ ելույթներին հետևող մարդիկ քաջալերող հաղորդագրություններ են գրում։

121
թեգերը:
երգ, մրցույթ
Ըստ թեմայի
Աշոտ Ղազարյանի թոռնուհին հիացրեց «Ну-ка все вместе!» շոուի ժյուրիին. տեսանյութ
Ֆրանսահայ երգչուհու կատարումը հիացրեց ու հուզեց «The Voice»-ի ժյուրիին
ՆՏՎ-ն հայտարարում է` «Ты супер!» երաժշտական մրցույթի շրջանակում նոր նախագիծ է մեկնարկում

Գյումրեցիները դհոլ-զուռնայով են դիմավորել ծանրամարտիկներին. տեսանյութ

174
(Թարմացված է 19:23 12.04.2021)
Մոսկվայում կայացած մրցաշարում գյումրեցի 5 մարզիկներ նվաճել են 2 ոսկե, 5 արծաթե և 5 բրոնզե մեդալներ։

Գյումրիում  դիմավորել են Մոսկվայից մեդալներով վերադարձած իրենց համաքաղաքացի ծանրամարտիկներին։

Չնայած անձրևին, քաղաքի մուտքը մարդաշատ էր: Գյումրեցիները դհոլ-զուռնայով էին եկել դիմավորելու   ծանրամարտի Եվրոպայի առաջնությունում լավագույն արդյունքներ գրանցած մարզիկներին։ Մոսկվայում ընթացող մրցաշարում գյումրեցի 5 մարզիկներ նվաճել են 2 ոսկե, 5 արծաթե և 5 բրոնզե մեդալներ։

Քաղաքի մուտքի մոտ բոլոր մարզիկները հայտարարեցին՝  իրենց հաղթանակը նվիրում են պատերազմում զոհված տղաներին:

Ոսկի նվաճած Սամվել Գասպարյանն անկեղծանում է` հաղթանակի զգացողությունն աննկարագրելի է, հակառակորդ երկրին ստիպել են լսել Հայաստանի հիմնը: «Հատկապես, երբ պատվո հարթակին առաջին ու երկրորդ տեղում ես ու ընկերս էինք՝ Արսենը Մարտիրոսյանը, իսկ մեզանից ներքև հակառակորդ երկրի ներկայացուցիչը»,-լրագրողների հետ զրույցում ասում է Սամվելն` իր ու բոլոր ընկերների հաղթանակը նվիրելով Արցախում զոհված տղաների հիշատակին:

Նա պատմում է, որ իր բոլոր հաղթանակներն առաջ նվիրում էր մայրիկին, քեռուն, Յուրի Վարդանյանին, որի տեխնիկան երբեմն օգտագործում է, բայց այս անգամ, միանշանակ, նվիրում է մեր երկրի սահմաններն իրենց կյանքի գնով պահած տղաների հիշատակին:

Հիշեցնենք, 102 կգ քաշային կարգում երկամարտի 390 կգ արդյունքով Սամվել Գասպարյանը Եվրոպայի չեմպիոն է, իսկ փոխչեմպիոն՝ 380 կգ արդյունքով՝ Արսեն Մարտիրոսյանը: Երրորդը ադրբեջանցի Դադաշբայլին էր:

Գոռ Մինասյանն էլ լրագրողներին խոստացավ՝ առաջին իսկ հնարավորության դեպքում հաղթելու է վրացի ծանրորդին:«Օրերից մի օր կստացվի հաղթել: Ամեն մի մրցույթից հետո նոր կիլոգրամներ, անձնական արդյունքների գերազանցում՝ քիչ- քիչ կրճատում ենք տարբերությունը, և օրերից մի օր կգա այն պահը, որ կհասնենք ու կանցնենք»,-նշեց Գոռ Մինասյանը: Գերծանր քաշայինների պայքարում Գոռ Մինասյանը երկամարտի 464 կգ արդյունքով երկրորդն էր` հետ մնալով միայն Լաշա Տալախաձեից:

Գյումրեցի Գոռ Մինասյան (+109 կգ) Մոսկվայից երեք արծաթ է մեդալ է բերել, Վարազդատ Լալայան(+109 կգ)`երեք բրոնզե,  Սամվել Գասպարյանը (102 կգ) ոսկե մեդալակիր է, նա միանգամից երկու ոսկի է նվաճել։ Մեկ արծաթե մեդալ է բերել Հակոբ Մկրտչյան (96 կգ) և մեկ բրոնզե` Ռաֆիկ Հարությունյան (81 կգ)։

Հիշեցնենք` ապրիլի 3-11-ը Ռուսաստանի Դաշնության մայրաքաղաք Մոսկվայում կայացավ Եվրոպայի ծանրամարտի տղամարդկանց 99-րդ և կանանց 33-րդ առաջնությունը, որը, կորոնավիրուսի համավարակով պայմանավորված, հետաձգվել էր նախորդ տարվանից: Հայաստանն առաջնությունում ներկայացրին 14 մարզիկ-մարզուհիներ։

174
թեգերը:
մեդալ, Մոսկվա, մարզիկ, ծանրամարտ, Գյումրի
Գազատար

Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները

0
(Թարմացված է 00:14 13.04.2021)

Ցուրտ ու ձգձգված ձմեռը դատարկեց Եվրոպայի գազային պահեստարանները։ Մնացել է պաշարների մեկ երրորդը։ Ամերիկացիները որոշել են օգտվել դրանից ու մեծ ծավալի հեղուկ գազ առաջարկել։ Սակայն կորոնավիրուսային ճգնաժամը թույլ չի տա, որ Եվրոպան գումար ծախսի անդրօվկիանոսյան թանկ էներգառեսուրսների վրա։ Ստիպված կլինեն ռուսական հումք գնել։ ՌԻԱ Նովոստին պարզել է՝ «Գազպրոմն» ու պետբյուջեն որքան գումար կվաստակեն արտահանումից:

Իրինա Բադմաևա, ՌԻԱ Նովոստի

Եվրոպայի համար անոմալ սառնամանիքներ

Աշնանն ու ձմռանը եվրոպացիներն ավելի քան 65 մլրդ խորանարդ մետր գազ են ծախսել. տասը տարվա կտրվածքով սա ամենաբարձր ցուցանիշն է։ Տեղեկությունը հայտնում է «Գազպրոմը»՝ հղում անելով GasInfrastructureEurope-ին։ Նախորդ «ռեկորդը» եղել էր 2018-ին, երբ փետրվար-մարտին Եվրոպայում անոմալ սառնամանիք էր ու ձյան առատ տեղումներ:

Եղանակը չար կատակ խաղաց նաև ջեռուցման այս սեզոնին։ «Գազպրոմը» ստիպված եղավ հունվարին շտապ մեծացնել սառցակալած Եվրոպայի մատակարարումները։ Գերմանիա ուղարկվեց սովորականից 32,4 տոկոսով շատ գազ, Ֆրանսիա ուղարկված գազի ծավալն ավելացվեց 77,3 տոկոսով, Նիդեռլանդներինը՝ 21,2 տոկոսով, իսկ Իտալիայինը՝ 100 տոկոսով։

Բացի այդ, ավելացվեց Ասիայի ուղղությամբ արտահանումը. այնտեղ նույնպես սառնամանիքներ էին։ Արդյունքում շուկայում պակասուրդ առաջացավ, որը սպոտային գների կտրում աճ հրահրեց (ապրանքները, արժեթղթերը կամ արժույթը սպոտային գներով են վաճառվում անհապաղ առաքման պայմաններով)։

Օրինակ` Ասիայում եղավ մի պահ, երբ գնանշումները գերազանցեցին հազար խորանարդի դիմաց հազար դոլար։ Որոշ գործարքներ կնքվեցին 1400-ով։ Եվրոպայում գները հատեցին 300 դոլարի սահմանը։ Դա այն դեպքում, երբ «Գազպրոմի» 2021 թվականի պահպանողական բյուջեում 170-ն է դրված։

Արդյունքում ռուսական արտահանումը դեպի հեռավոր արտերկիր աճեց մինչև 19,5 մլրդ խորանարդ մետր։ Դա գրեթե 46 տոկոսով շատ է նախորդ տարվա ցուցանիշից։

Փետրվարին եղանակն առանձնապես չլավացավ։ Այդ ամսվա ընթացքում երեք օր շարունակ եվրոպական պահեստարանները տվեցին առավելագույնը՝ օրական ավելի քան մեկ միլիարդ խորանարդ մետր:

Մինչև մարտի 25-ը, երբ ցուրտ սեզոնն ավարտվեց, Հին աշխարհի պահեստարանների միջին զբաղվածությունը նվազեց մինչև 29 տոկոս: Մասնավորապես Գերմանիայում ու Ավստրիայում հասավ 26 տոկոսի, Նիդեռլանդներում՝ 23–ի, Ֆրանսիայում՝ 17–ի։

«Գազպրոմում» արդեն հաշվել են, որ եկող ձմռանը չմրսելու համար եվրոպացիները պետք է 57,3 տոկոսով (գրեթե 24 մլրդ խմ-ով) ավելացնեն պաշարները անցած տարվա համեմատ: Դա համադրելի է 2020 թվականին դեպի Ֆրանսիա ու Նիդեռլանդներ ընդհանուր արտահանման հետ։ Պահեստարանները լցնելու արշավը խոստանում է ամենազանգվածայիններից մեկը դառնալ 2011 թվականից ի վեր։

Ռուսական գազի այլընտրանքը

«Գազպրոմ էքսպորտի» գլխավոր տնօրեն Ելենա Բուրմիստրովան հայտնել է, որ 2020 թվականին գազի եվրոպական շուկայում ռուսական հումքի բաժինը շուրջ 33 տոկոս է կազմել: Նրա խոսքով՝ արդեն երրորդ եռամսյակից արտահանման ծավալները հասել են նախաճգնաժամային ցուցանիշներին, իսկ առանձին դեպքերում նույնիսկ գերազանցել են: Ներկրողների հանդեպ բոլոր պարտավորությունները կատարվել են։

Ռուսաստանից բացի, ԵՄ կապույտ վառելիք է մատակարարվում Նորվեգիայից, Կատարից, Ալժիրից, ԱՄՆ-ից ու Նիգերիայից: Գլխավոր սպառողներն են Գերմանիան, Մեծ Բրիտանիան և Իտալիան։ Ընդ որում` գերմանացիներն ու բրիտանացիները ռուսական գազը ստանում են «Հյուսիսային հոսքով»։ Այլ տարբերակ չկա։ Իհարկե, կարելի է անցնել հեղուկ բնական գազի, բայց այն ավելի թանկ է: Բացի այդ, դրա համար անհրաժեշտ են հատուկ տերմինալներ, որոնք Գերմանիան, օրինակ, չունի։ Հեղուկացված բնական գազն այնտեղ են հասցնում Բելգիայով ու Նիդեռլանդներով:

Իտալիայում և Մեծ Բրիտանիայում տերմինալներ կան, բայց այնտեղ էլ չեն շտապում հրաժարվել խողովակաշարային գազից։ Ուստի ռուսական էներգառեսուրսների գլխավոր գնորդները չեն սատարում «Հյուսիսային հոսք-2»-ի դեմ ամերիկյան պայքարը։ Ավելին` Գերմանիան ամերիկացիներին առաջարկում էր ֆինանսավորել տերմինալների կառուցումը իրենց հեղուկացված բնական գազն ընդունելու համար, միայն թե նրանք հանգիստ թողնեն «Հյուսիսային հոսք-2»-ը: Անցյալ տարվա ամռանը Բեռլինը պատրաստ էր 1 միլիարդ եվրո վճարել դրա համար։ Բայց Վաշինգտոնն իրենն է պնդում։

ԵՄ-ում ռուսական նախագծի հակառակորդների պակաս չկա՝ Չեխիա, Լեհաստան, Հունգարիա, Սլովակիա, Ռումինիա, Խորվաթիա։ Այս տարանցիկ երկրները գազի շնորհիվ լավ գումարներ են վաստակում։

Ռուսաստանը պարզում է, թե որքանով է Արևմուտքը պատրաստ կրկին «հրդեհել» Դոնբասը

Ի դեպ, Վարշավան արդեն հայտարարել է, որ մտադիր է 2022 թվականից հրաժարվել ռուսական գազից։ Լեհերը հույսները դրել են Հյուսիսային ծովի նորվեգական շելֆում կառուցվող Baltic Pipe խողովակաշարի վրա։ Մնացածը կլինի ամերիկյան հեղուկացված բնական գազը։

Ամերիկացիները, իհարկե, ուրախությամբ կլրացնեին եվրոպական պահեստարանները, հատկապես հիմա, երբ Ասիայում մարել է աժիոտաժային պահանջարկը։ Մարտին Հին աշխարհը նրանցից գնել է 11 միլիարդ խորանարդ մետր՝ երկու անգամ ավելի շատ, քան հունվարին ու փետրվարին ։ ԱՄՆ-ն ապահովել է Արևմտյան Եվրոպայի ուղղությամբ մատակարարումների 30 տոկոսը։ Ավելին` այժմ ծովերում և օվկիանոսներում ամերիկյան հեղուկացված բնական գազով 70 լցանավ կա։

Ո՞վ կլցնի եվրոպական պահեստարանները

Ճգնաժամը դեռ չի անցել, իսկ հեղուկացված բնական գազն առաջվա պես թանկ է խողովակաշարային գազից։ Բացի այդ, «Գազպրոմը», ի տարբերություն մրցակիցների, կարող է արագ մեծացնել արդյունահանումն ու օրական մատակարարումները։ Ընկերությունը սեփական պահեստարաններն ունի Եվրոպայում։

Գ.Վ. Պլեխանովի անվան տնտեսագիտական համալսարանի դոցենտ Ալեքսանդր Տիմոֆեևը նշում է, որ արևմտաեվրոպական ուղղությունը գերակա է, քանի որ «Հյուսիսային հոսքի» փոխհատուցելիությունը դեռ հարցականի տակ է։

«Ցուրտ ու ձգձգված ձմեռը լավ պահանջարկ ապահովեց, որը կարող է ավելի արագ աճել, քան պահեստարանների հզորությունները, ինչն էլ իր հերթին արդեն աշնանը գների բարձրացման կհանգեցնի», — ասում է նա։

VYGONConsulting–ի՝ Ռուսաստանի վառելիքային-էներգետիկ համալիրի զարգացման հարցերով անկախ խորհրդատուի կարծիքով՝ «Գազպրոմն» այս տարի կարող է գազի արտահանումը դեպի հեռավոր արտերկիր հասցնել մինչև 210 միլիարդ խորանարդ մետրի: Դա 17 տոկոսով շատ է, քան 2020-ի ցուցանիշը, և գրեթե հինգուկես տոկոսով շատ, քան «մինչկորոնավիրուսային» 2019-ի ցուցանիշը։

Օրինակ` առաջին եռամսյակում «Գազպրոմի» արտահանումն աճել է 30,7 տոկոսով։ «Ընդ որում՝ նախկինում մատակարարն իր տարեկան բյուջեն հաշվարկում էր` ելնելով 170 դոլար/հազ խմ սակագնից։ Բայց հետո ծրագրերը վերանայվեցին։ Հիմա տարեկան 200 դոլար է նախատեսվում։ Բանն այն է, որ երկարաժամկետ պայմանագրերը հիմնականում կապված են եվրոպական սպոտային գների հետ։ Բացի այդ, բարձրացել են նավթային գնանշումները, որոնցից կախված են գազի գները։ Ուստի լիովին իրատեսական է, որ «Գազպրոմը» սպառողներին համոզի իր ծրագրերի հիմնավորված լինելը»,– ասում է TeleTrade տեղեկատվական-վերլուծական կենտրոնի գլխավոր տնտեսագետ Մարկ Գոյխմանը:

ԱՄՆ-ն որոշել է անտեսանելի վրեժ լուծել Ռուսաստանից

Ի դեպ, գազը շարունակում է թանկանալ նաև ջեռուցման սեզոնի ավարտից հետո։ Հիմա TTF–ի (Title Transfer Facility Natural Gas Price Index) նիդեռլանդական հանգույցում սպոտային գինը 252 դոլար է (1000 խմ-ի համար), որը 2018-ից ի վեր առավելագույն ցուցանիշն է։

VYGON Consulting-ում նշում են, որ արդյունքում հեռավոր երկրներ մատակարարվող գազի շնորհիվ «Գազպրոմի» հասույթն այս տարի կավելանա 1,7 անգամ՝ հասնելով 42 մլրդ դոլարի: Ինչը շատ տեղին է պետբյուջեի համար։

0
թեգերը:
Եվրոպա, ԱՄՆ, գազ, Ռուսաստան