«Նիկոլ, դավաճան». ակցիայի մասնակիցները կոչ են անում փակել Երևանի փողոցները

96
(Թարմացված է 16:11 08.12.2020)
Ոստիկանական ուժերը փորձում են կանխել Երևանի փողոցների աշխատանքի պարալիզացումը։

Երևանում շարունակվում են Նիկոլ Փաշինյանի հրաժարականը պահանջողների անհնազանդության ակցիանները։ Արշակունյաց պողոտայում բողոքի ակցիա իրականացնողները վանկարկում են. «Նիկոլ, դավաճան» և փորձում կաթվածահար անել պողոտայի աշխատանքը։

Ոստիկանական ուժերը փորձում են կանխել պողոտայի աշխատանքի պարալիզացումը։ Ակցիայի մասնակիցներն անցորդներին կոչ են անում միանալ իրենց և փակել փողոցները։

Արդեն կան բերման ենթարկվածներ։

Նշենք, որ Նիկոլ Փաշինյանի հրաժարականը պահանջող ընդդիմադիր ուժերի տված վերջնաժամկետն ավարտվել է այսօր, ժամը 12։00–ին։ ՀՅԴ ԳՄ ներկայացուցիչ Իշխան Սաղաթելյանը քիր առաջ ուղիղ եթերում հայտնեց, որ Հայրենիքի փրկություն շարժումը սկսում է խաղաղ անհնազանդության ակցիաններ իրականացնել։

96
թեգերը:
Բողոքի ակցիա, Երևան, ընդդիմություն, Հրաժարական, Նիկոլ Փաշինյան
թեմա:
Իրադրությունը Հայաստանում և Արցախում հայտարարության ստորագրումից հետո (814)
Ըստ թեմայի
Արամ Ա Կաթողիկոսը պահանջում է Նիկոլ Փաշինյանի հրաժարականը
Կաթողիկոսը հանդիպել է Փաշինյանին ու հորդորել, որ վայր դնի վարչապետի լիազորությունները
Քաղաքացիները կաթվածահար են արել Երևանի մետրոպոլիտենի երթևեկությունը. տեսանյութ

Բանալի բառը «բոլորի վարչապետ լինելն է»․ հանդիպել են Նիկոլ Փաշինյանն ու Արամ Սարգսյանը

76
(Թարմացված է 16:18 22.06.2021)
«Հանրապետություն» կուսակցության ղեկավարը ծիծաղելի է համարել ընտրությունների արդյունքները ՍԴ-ում վիճարկելը՝ հիմք ընդունելով սոցիոլոգիական հարցումները կամ բազմամարդ հանրահավաքները։

ՀՀ վարչապետի պաշտոնակատար Նիկոլ Փաշինյանը քաղաքական խորհրդակցությունների շրջանակում հանդիպել է «Հանրապետություն» կուսակցության ղեկավար Արամ Սարգսյանի հետ։ Տեղեկությունը հայտնում է վարչապետի մամուլի ծառայությունը։ Արամ Սարգսյանը շնորհավորել է «Քաղաքացիական պայմանագիր» կուսակցության առաջնորդին, նրա թիմի հաղթանակը «շատ համոզիչ» անվանել ու բեղմնավոր աշխատանք մաղթել։

Փաշինյանը նշել է, որ հետևում էր «Հանրապետություն» կուսակցության քարոզարշավին և շատ լավ տպավորություն է ստացել։ Նաև անկեղծացել է․ կարծում էր՝ Արամ Սարգսյանի գլխավորած կուսակցությունը կհաղթահարի 5 տոկոսի շեմը, բայց ընտրությունները անկանխատեսելիության գործոն ունեն։

«Կուզեի լսել ձեր պատկերացումները ներքաղաքական կյանքի հետագա զարգացումների, ձեր կուսակցության և անձամբ ձեր պատկերացումները ձեր անելիքների վերաբերյալ, թե ինչպես եք տեսնում «Հանրապետություն» և կառավարության, խորհրդարանական մեծամասնության հարաբերությունները»,- նշել է Փաշինյանը։

Նա մանրամասնել է՝ այս ամենի նպատակն այն է, որ կառավարությունն ու արտախորհրդարանական ուժերը փոխադարձաբար ավելի լսելի լինեն։ Փաշինյանը նկատել է, որ կան գաղափարներ, առաջարկներ, որոնք աղմուկի մեջ կորչում են և չեն լսվում։

Արամ Սարգսյանը նախ շեշտել է, որ ընտրություններն «ամեն ինչ դրեցին իրենց տեղը»։

Նրա կարծիքով՝ ընդհանուր գործընթացների համար լավագույն տարբերակը կլինի այն, որ քննարկումները տեղափոխվեն ԱԺ հարթակ, և այնտեղ առաջին հերթին ԱԺ անցած խորհրդարանական ուժերի հետ «փորձվի գտնել մարդավարի լեզվով խոսելու, հին հռետորաբանությունից դուրս գալու, երկիրն այսս իրավիճակից հանելու հիմնական բանաձևը»։

«Հանրապետություն» կուսակցության ղեկավարի խոսքով՝ արտախորհրդարանական ուժերի խնդիրը հիմա շատ ավելի հեշտ է, ազդեցություններն էլ շատ ավելի փոքր։

«Այստեղ հիմնական բանալի բառը ձեր՝ «բոլորի վարչապետ լինելն է», անկախ նրանից, թե նրանք որ թիմից են։ Իհարկե, հասկանում եմ, որ էն թիմերում 20 տոկոսն է մոլորյալ, որոնց վարչապետն իսկապես արժի լինել, մյուսներն այլևայլ նպատակներ ունեն՝ իրենց նախկին ազդեցությունները վերականգնելու, հովանավորչությամբ զբաղվելու կամ որոշակի նյութական իրավիճակներից ելնելով՝ շտաբներում աշխատելով էդ քվեները ձևավորվել են»,- նշել է Սարգսյանը։

Նա նաև ծիծաղելի է համարել ընտրությունների արդյունքները Սահմանադրական դատարանում վիճարկելը՝ որպես հիմք ընդունելով սոցիոլոգիական հարցումները կամ բազմամարդ հանրահավաքները։

Ինչ վերաբերում է իրենց քաղաքական ուժին, ապա անկախ ընտրությունների արդյունքներից՝ մշտապես լինելու են պետության ու պետականության կողքին։

«Մեզ համար գերկարևոր է ՀՀ անկախությունը, էդ անկախության գիծն անընդհատ պահելու գործընթացը, որը մենք պահում ենք արևմտյան մոտեցումներ ներկայացնելով, արտաքին քաղաքական դաշտը բալանսավորելով»,- նշել է Արամ Սարգսյանը։

Նա ընդգծել է, որ իրենց թիմն այդ մոտեցումներով կարող է օգնել թե՛ պետությանը, թե՛ արտաքին քաղաքականությամբ զբաղվող գործիչներին։ Նշել է նաև, որ իրենք տնտեսական ոլորտում էլ առաջարկներ կներկայացնեն կառավարությանը, հետամուտ կլինեն, որ դրանք իրականություն դառնան կամ էլ «հիմնավոր մերժվեն», որ հնարավոր լինի չնեղացնել բիզնեսին։

Արմեն Սարգսյանը շնորհավորել է Նիկոլ Փաշինյանին

Հիշեցնենք` հունիսի 20–ին Հայաստանում ԱԺ արտահերթ ընտրություն անցկացվեց։ Ընտրողների ցուցակներում ընդգրկված 2 593 572 քաղաքացիներից քվեարկությանը մասնակցեցին 1 281 174–ը կամ 49.4 տոկոսը։

Հունիսի 21-ին ԿԸՀ–ն ամփոփեց բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

76
թեգերը:
Արամ Սարգսյան, Նիկոլ Փաշինյան, Հայաստան

Քաղաքացին List.am-ով ապօրինի կերպով ծխախոտ է վաճառել. ՊԵԿ

51
(Թարմացված է 14:48 22.06.2021)
ՊԵԿ աշխատակիցները հետախուզության շրջանակներում գնել են արտասահմանյան արտադրության ծխախոտ և տեսել, որ դրանք դրոշմավորված չեն։

Պետական եկամուտների կոմիտեն բացահայտել է List.am-ի միջոցով ապօրինի կերպով ծխախոտի վաճառքի դեպք։ Այս մասին տեղեկանում ենք ՊԵԿ պաշտոնական կայքից։

Մասնավորապես, List.am կայքում «Suren» օգտատիրոջ դրսևորած վարքագիծը կասկած է հարուցել վարչության ոլորտի աշխատակիցների մոտ: Նրանք հետախուզական միջոցառման շրջանակում գնել են 98 000 դրամի տարբեր տեսակի արտասահմանյան արտադրության ծխախոտ:

«Պարզվել է, որ «Suren»-ը քաղաքացի Ս.Գ.-ն է, և առանց օրենքով սահմանված պետական գրանցման կամ առանց հարկային մարմնում հաշվառման` զբաղվել է չդրոշմավորված ապրանքների, այս դեպքում՝ ծխախոտի իրացմամբ»,–նշված է ՊԵԿ-ի հաղորդագրության մեջ։

Կոմիտեն հորդորում է զերծ մնալ առանց պետական գրանցման կամ առանց հարկային մարմնում հաշվառման ձեռնարկատիրական գործունեության իրականացնելուց։

Կլինի երկնիշ աճ, թե ոչ` ժամանակը ցույց կտա. ՊԵԿ նախագահը հորդորում է սպասել

Հիշեցնենք, որ վարչական իրավախախտումների մասին օրենսգրքի 170.8 հոդվածի համաձայն` ակցիզային դրոշմանիշերով և (կամ) դրոշմապիտակներով դրոշմավորման ենթակա չդրոշմավորված ապրանքներ օտարելը, եթե դրանց ընդհանուր արժեքը վաճառողի մոտ նշված գներով կազմում է 50 000-200 000 դրամ` առաջացնում է տուգանքի նշանակում` սահմանված նվազագույն աշխատավարձի երեքհարյուրապատիկի չափով։

ՊԵԿ–ը հագուստի բեռնափոխադրմամբ զբաղվողների հետ պայմանավորվածություն է ձեռք բերել

51
թեգերը:
վաճառք, Ապօրինի, ծխախոտ, Պետական եկամուտների կոմիտե (ՊԵԿ)
Ըստ թեմայի
2 ընկերություն` մեկ տանիքի տակ. Բջնիում օղի թորողները հայտնվել են ՊԵԿ–ի ուշադրության տակ
Փորձել են Հայաստանից Վրաստան թմրանյութ ուղարկել փոստով. ՊԵԿ-ը հայտնաբերել է
Արագածոտնում ապօրինի շահագործել են տուֆի հանքավայրը. ՊԵԿ-ի բացահայտումը
Արմեն Սարգսյան, Արթուր Վանեցյան. արխիվային լուսանկար

Արմեն Սարգսյանը հեռախոսազրույց է ունեցել Արթուր Վանեցյանի հետ

5
(Թարմացված է 17:03 22.06.2021)
Նախագահ Սարգսյանը «Պատիվ ունեմ» դաշինքին մաղթել է արդյունավետ աշխատանք՝ ի շահ Հայաստանի Հանրապետության:

ԵՐԵՎԱՆ, 22 հունիսի - Sputnik․ Հայաստանի Հանրապետության նախագահ Արմեն Սարգսյանը հեռախոսազրույց է ունեցել «Պատիվ ունեմ» դաշինքի ղեկավար Արթուր Վանեցյանի հետ: Տեղեկությունը հայտնում են նախագահի մամուլի ծառայությունից։

Նախագահ Սարգսյանը շնորհավորել է Արթուր Վանեցյանին՝ խորհրդարանական արտահերթ ընտրություններում նրա ղեկավարած դաշինքի՝ խորհրդարան անցնելու առթիվ, մաղթել արդյունավետ աշխատանք՝ ի շահ Հայաստանի Հանրապետության:

Նշենք, որ ԱԱԾ նախկին տնօրեն Արթուր Վանեցյանի ղեկավարած դաշինքը խորհրդարան անցած 3–րդ ուժն է։ Նրանք հավաքել են 5.23% ձայն։

Հիշեցնենք` հունիսի 20–ին, ժամը 08։00–20։00–ը Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

«Քաղաքագետները չարաչար սխալվում են». ԲՀԿ–ն գնահատական կտա ընտրությունների վերաբերյալ

ԿԸՀ–ն արդեն ամփոփել է բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

5
թեգերը:
Ազգային ժողովի ընտրություններ, Հայաստան, Արթուր Վանեցյան, «Պատիվ ունեմ» դաշինք, Արմեն Սարգսյան
Ըստ թեմայի
Քաղաքական կայունությունը կարևոր է․ Լիտվայի նախագահը շնորհավորել է Փաշինյանին
Բանալի բառը «բոլորի վարչապետ լինելն է»․ հանդիպել են Նիկոլ Փաշինյանն ու Արամ Սարգսյանը
Պատգամավորի թեկնածուն կալանավորվել է ընտրակաշառք տալու համար․ ՀՔԾ