«Վառվում» է Ղրիմի պատճառով․ ՆԱՏՕ-ում երազում են արգելել ռուսական բանակի ներկայությունը
(Թարմացված է 17:52 07.12.2020)
Յենս Ստոլտենբերգը հայտարարել է, որ ՆԱՏՕ-ն Սև ծովում ռազմական ներկայությունն ընդլայնում է իբր ի պատասխան Ռուսաստանի նույնատիպ գործողությունների։ Հյուսիսատլանտյան դաշինքի գլխավոր քարտուղար Յենս Ստոլտենբերգը հայտարարություն է արել, բայց չի բացատրել, թե ռազմական միության ուժերն առհասարակ ինչ գործ ունեն ռուսական սահմանների մոտ և թե ինչու Ռուսաստանն իրավունք չունի իր տարածքում կառուցելու այնպիսի պաշտպանություն, որը համաչափ է ՆԱՏՕ-ի սպառնալիքների թվին։
Հոբելյան` մեռած ուղեղով. արդյո՞ք Ռուսաստանը կշահի ՆԱՏՕ–ի խժդժություններից
Վերջին ժամանակաշրջանում ռուսական սահմանների մոտակայքում նկատելիորեն ավելացել է դաշինքի ագրեսիվ գործողությունների թիվը, ուստի Ռուսաստանը ստիպված է ապահովել իր անվտանգությունը։
ՆԱՏՕ–ն նոր տարին կսկսի Ռուսաստան ներխուժելու փորձի «բեմադրությունից»
Ակնհայտ է, որ հենց դաշինքի գործողություններն են լարվածություն ստեղծում տարածաշրջանում: Օրինակ՝ Վրաստանում և Ռումինիայում անցկացված վերջին զորավարժությունները կամ հենց նույն Վրաստանում լիարժեք ռազմակայան կառուցելու ամերիկյան կպչուն ցանկությունը, ինչպես նաև մշտական սադրանքները, որոնք ԱՄՆ-ն ու ՆԱՏՕ–ն կազմակերպում են Ռուսաստանի սահմանների մոտակայքում՝ մե՛կ միջուկային սպառազինություն կրելու ընդունակ ռմբակոծիչներն են ավիահարվածներ ձևացնում, մե՛կ ֆրանսիական նավը ռադիոտեխնիկական հարձակումներ է իրականացնում Ղրիմում՝ Ս-400 ՀՕՊ համակարգերի վրա
ՆԱՏՕ-ն մի կարևոր բան չի հասկանում` նման սադրանքները վաղ թե ուշ կարող են սպառնալիքի տակ դնել սեփական անվտանգությունը:
«Այնտեղ ամեն ինչ լուրջ է». ինչո՞ւ է ՆԱՏՕ-ն «պատերազմում» Ռուսաստանի սահմանների մոտ
թեգերը:
Աշոտ Ղազարյանի թոռնուհին հիացրեց «Ну-ка все вместе!» շոուի ժյուրիին. տեսանյութ
(Թարմացված է 10:42 08.03.2021)
Անահիտ Ադամյանն արդեն այնքան է մեծացել, որ մասնակցում է մեծերի համար նախատեսված նախագծին։ Ճանաչված դերասան Աշոտ Ղազարյանի թոռնուհին` Անահիտ Ադամյանը, երեկ մասնակցեց «Ну-ка все вместе!» երգի մրցույթին, երգեց TLC խմբի «No Scrubs» երգն ու հիացրեց ժյուրիի անդամներին։
Ելույթից առաջ նա խոստովանեց, որ առաջին անգամ է մասնակցում մեծերի համար նախատեսված նախագծի և շատ է հուզվում։
Նրա ելույթը դուր եկավ ժյուրիի 100 անդամներից 88–ին։ Անահիտի կատարումից հետո երգիչ Նիկոլայ Բասկովն ասաց. «Աստված իմ, 17 տարեկանում եկար ու նվաճեցիր Մոսկվան»։
Անահիտն ապրում է Սոչիում, երգում է փոքրուց։ Ելույթից առաջ նա պատմեց, որ իր տաղանդը նկատել է հոր ընկերը և հորդորել, որ լրջորեն զբաղվեն աղջնակով։
Հիշեցնենք` պրոֆեսիոնալ վոկալով զբաղվող Անահիտը 2016 թվականին հայտնվեց «Մանկական Եվրատեսիլում»։ Նա Մերի Վարդանյանի հետ երգեց Նիկ Եգիբյանի և Ավետ Բարսեղյանի հեղինակած «Տարբեր» կոչվող ստեղծագործությունը, և նրանց կատարման շնորհիվ Հայաստանը զբաղեցրեց երկրորդ տեղը։
2017 թվականին աղջնակը Հայաստանը ներկայացրեց մանկական «Նոր ալիք» մրցույթում և առաջին տեղը կիսեց ռուսաստանցի Արինա Պետրովայի հետ։
Աշոտ Ղազարյանի թոռնուհին անցած տարի եղբոր` Բորիսի հետ մասնակցեց մանկական «Ну-ка все вместе!» նախածին, և հենց նրանք էլ դարձան նախագծի հաղթողները։
թեգերը:
Սյունիք չի կարող թուրքի ոտք մտնել. Շուռնուխի սահմանին մեծ եռագույնն է ծածանվում․ տեսանյութ
(Թարմացված է 00:40 08.03.2021)
Շուռնուխի ամենաբարձր կետում տեղադրված 8 մետր երկարությամբ ու 4 մետր բարձրությամբ դրոշն այսուհետ ուժ ու կորով կհաղորդի շուռնուխցիներին ու այստեղով անցուդարձ անողներին։Թշնամու քթի տակ` Սյունիքի մարզի սահմանամերձ Շուռնուխում, մեծ հանդիսավորությամբ վեր է խոյացել հայկական եռագույնը։ Այն Հայաստանի հավերժության խորհրդանիշն է և գտնվում է ուղիղ ադրբեջանցիների տեսադաշտում։
«Սյունեցիները դարեր ի վեր իրենց մեսիջները թշնամուն հղել են սեփական բազկի հզորությունը ցուցադրելով։ Ժամանակը կգա և այս պահին եղած սահմանների մասին կհիշենք անցյալով»,- Sputnik Արմենիայի հետ զրույցում ասաց Գորիսի քաղաքապետ Առուշ Առուշանյանը։
©
Photo : press office of the NSS of RA
Բանավոր պայմանավորվածությունների հիման վրա և GPS-ով սահմանազատված Շունուխի ճանապարհին տեղ-տեղ նկատելի են նաև ադրբեջանական դրոշներ։
«Մեր ժողովուրդը հենց այնպես չի հայտնվել այս տարածաշրջանում։ Սա մեր պատմական հայրենիքն է, մենք պիտի պահենք, պարտավոր ենք պահել։ Որևէ մեկը չմտածի, որ Սյունիքում կարող է թուրքի ոտք մտնել»,- շեշտեց Սյունիքի Հարթաշեն գյուղի ղեկավարը։
Շուռնուխի ղեկավարն ասում է` գյուղի ամենաբարձր կետում տեղադրված 8 մետր երկարությամբ ու 4 մետր բարձրությամբ դրոշն այսուհետ ուժ ու կորով կհաղորդի շուռնուխցիներին ու այստեղով անցուդարձ անողներին։
«Հայաստանի բնակիչները ինչքան այս մայրուղով պիտի անցնեն ու ադրբեջանական այդ փոքր դրոշակները տեսնելով տհաճություն զգան, սրանից հետո այս դրոշն ամեն ինչ տեղը կգցի»,- նշեց Շուռնուխ գյուղի ղեկավար Հակոբ Արշակյանը։
Դրոշի բարձրացումն ուղեկցվել է հանդիսավոր միջոցառումներով։ Նաև Երևանից հյուրեր կային՝ պատգամավներ, հայտնի մարդիկ։
Ուղիղ ադրբեջանցիների դիմաց․ Շուռնուխում 30 մետրանոց մեծ եռագույն բարձրացվեց
«Այս տարածաշրջանի և հատկապես Շուռնուխ գյուղի բնակիչները, որոնք ընդամենը մետրերի հեռավորության վրա են բնակվում ադրբբեջանցիների հետ, հասկանան, որ սա հայկական է, հայկական մնալու է, և բոլորս պետք է ամեն ինչ անենք, որ նրանց մտքով ուրիշ ոչ մի բան չանցնի»,- Sputnik Արմենիայի հետ զրույցում ասաց միջոցառմանը մասնակցող ՀՀ 2-րդ նախագահի որդին՝ Լևոն Քոչարյանը։
Նենք, որ 30 մետր բարձրության վրա ծածանվող եռագույնը թվով երկրորդն է Սյունիքի մարզում։ Ավելի վաղ, դարձյալ 30 մետր բարձրության վրա, նմանատիպ մի դրոշ էլ բարձրացվել է Ճակատեն գյուղ տանող ճանապարհին։ Սյունեցիներն ասում են, որ պատրաստվում են հայկական եռագույնը ծածանել մարզի բոլոր սահմանամերձ համայնքների ամենաբարձր հատվածներում։
թեգերը:
Ուղղաթիռի կործանման հետևանքով մահացել է ֆրանսիացի միլիարդատեր Օլիվիե Դասսոն
(Թարմացված է 13:23 08.03.2021)
Օլիվիե Դասսոն հայտնի ավիաարդյունաբերողների ընտանիքից էր։ Նրա հետ մահացել է նաև ուղղաթիռի օդաչուն։ ԵՐԵՎԱՆ, 8 մարտի – Sputnik. Ֆրանսիացի քաղաքական գործիչ և միլիարդատեր Օլիվիե Դասսոն մահացել է Նորմանդիայում՝ Ֆրանսիայի հյուսիս-արևմուտքում, մասնավոր ուղղաթիռի կործանման պատճառով։ Տեղեկությունը հայտնում է ՌԻԱ Նովոստին։
Նշվում է, որ երեկ ուղղաթիռն ընկել է Նորմանդիայի Տուկ կոմունայում։ Բացի «Հանրապետականներ» կուսակցության ներկայացուցչից, կործանման պատճառով մահացել է նաև օդաչուն։
Խոշոր վթար Սամարայի մոտակայքում. 7 մարդ է մահացել, հայտնի են դեպքի մանրամասները
Քաղաքական գործչի մահվանն արդեն արձագանքել է Ֆրանսիայի նախագահ Էմանուել Մակրոնը, որը գրառում է արել Twitter-ում։
«Օլիվիե Դասսոն սիրում էր Ֆրանսիան։ Խոշոր գործարար, տարածքային պատգամավոր, Ռազմաօդային ուժերի պահեստային հրամանատար․ ամբողջ կյանքի ընթացքում նա չի դադարել ծառայել մեր երկրին»,-գրել է Մակրոնը։
Olivier Dassault aimait la France. Capitaine d’industrie, député, élu local, commandant de réserve dans l’armée de l’air : sa vie durant, il ne cessa de servir notre pays, d’en valoriser les atouts. Son décès brutal est une grande perte. Pensées à sa famille et à ses proches.
— Emmanuel Macron (@EmmanuelMacron) March 7, 2021
Դասսոն 69 տարեկան էր։ Նա հայտնի ավիաարդյունաբերողների ընտանիքից էր` «Dassault Group»-ի՝ 2018թ․-ի մայիսին մահացած ղեկավար Սերժ Դասոյին որդին։ Նրա կարողությունը գնահատվում է 5 միլիարդ եվրո։
թեգերը: