Ադրբեջանի ենթակայության տակ անցած ՀԷԿ–երի ճակատագիրը դեռ կճշգրտվի. ՄԱԿ–ի ազգային փորձագետ

328
(Թարմացված է 13:58 04.12.2020)
Հայաստանի էներգետիկայի գծով ՄԱԿ–ի ազգային փորձագետ Արա Մարջանյանը Sputnik Արմենիայի հետ զրույցի ընթացքում խոսել է Արցախի էներգետիկ անվտանգության հարցերի մասին։

Արցախյան պատերազմի և նոյեմբերի 9–ին կնքված հրադադարի հայտարարության արդյունքում Արցախը կորցրել է իր էլեկտրաէներգետիկ ռեսուրսների ավելի քան 80 տոկոսը։

Արա Մարջանյանի դիտարկմամբ` կորուստն, ինչ խոսք, ցավոտ է, մանավանդ, եթե հաշվի առնենք, որ անցած տարիներին Արցախում ուղղակի աննախադեպ հաջողությամբ զարգանում էր փոքր հիդրոէներգետիկան, որոշակի աշխատանքներ էին տարվում վերականգնվող էներգետիկայի զարգացման ուղղությամբ։ Նրա փոխանցմամբ` Արցախում վերջին տարիներին կառուցվեցին մոտ 12-13 փոքր ՀԷԿ–եր, որոնց զգալի մասն այժմ անցնում է ադրբեջանական վերահսկողության տակ։

«Կարծում եմ, որ Ադրբեջանի ենթակայության տակ անցած ՀԷԿ–երի ճակատագիրը դեռ կճշգրտվի։ Բոլոր դեպքերում պետք է արձանագրել, որ Արցախն այս հանգրվանին եկավ զարգացող հիդրոէներգետիկայով, 2014 թվականից ԱՀ–ն այդ առումով ինքնաբավ էր, մինչդեռ դրանից առաջ էլեկտաէներգիա էր ներկրում Հայաստանից։ Վերջին տարիների մակարդակը պետք է ուղենիշ լինի թե՛ Հայաստանի, թե՛ Ադրբեջանի համար»,– նշեց փորձագետը։

Հակառակորդը սկսել է լայնամասշտաբ հարձակում Արաքսի հովտի և Մատաղիս-Թալիշ հատվածներում

Արա Մարջանյանն առանձնացրեց պատերազմի կապը հիդրոէներգետիկայի հետ, հանգամանք, որն, ըստ նրա, չեն գիտակցում մեզանում ինչպես հարկն է, քանի որ դեռևս 2016 թվականի քառօրյայի ժամանակ հատկապես իրանցիներին անչափ հետաքրքրում էր, թե ով է իրականում վերահսկելու Արաքսի ձախ ափը և ով է լինելու գործընկեր Խուդաֆերինի ՀԷԿ–ի և Քիսքալասիի կառուցվող հիդրոիրիգացիոն հանգույցի պարագայում։

Ըստ փորձագետի` ապրիլյան քառօրյան, լինելով այս պատերազմի նախերգանքը, կարծես թե առաջին սթափեցնող ահազանգն էր, որպեսզի գիտակցեինք, թե ինչ վճռորոշ դեր են խաղում էներգետիկ ու ենթակառուցվածքային օբյեկտները, ինչպես նաև դրանց նկատմամբ վերահսկողությունը խաղաղության կամ պատերազմի ընթացքում։       

Նշենք, որ մամուլում շրջանառվող տեղեկատվության համաձայն` Արցախում գործող 32 ՀԷԿ–երից 26-ն արդեն իսկ դադարեցրել են իրենց գործունեությունը։ 2019 թվականի ընթացքում ՀԷԿ–եր շահագործող ընկերություններն Արցախի պետական բյուջե են փոխանցել շուրջ 1,7 մլրդ դրամի հարկեր և աշխատանքով են ապահովել հազարավոր արցախցիների։

Թուրք–ադրբեջանական ուժերն ու ահաբեկիչները փորձում են տիրել Իրանի ջրամբարին. Բաբայան

328
թեգերը:
Արցախ, Հիդրոէլեկտրակայան (ՀԷԿ), Ադրբեջան, Արա Մարջանյան
թեմա:
Sputnik զրույց (264)
Ըստ թեմայի
Հայաստանի տարածքից Մինգեչաուրի ուղղությամբ հարձակում չի եղել. ՊՆ
Չնայած ԱՄՆ պատժամիջոցներին` Իրանը կշարունակի էներգետիկ համագործակցությունը ՀՀ–ի հետ. Զարիֆ
Ադրբեջանցիները շատ ցավագին են տանում Խուդաֆերինի ջրամբարի տարածքից զրկվելու փաստը

«Վստահ եղեք` բոլորս մտածում ենք ձեր մասին». Սարգսյանն այցելել է Խնածախի սահմանային բնագիծ

79
(Թարմացված է 19:37 19.04.2021)
ՀՀ նախագահը գերազանց ծառայության համար մի խումբ զինծառայողների պարգևատրել է անվանական ժամացույցներով։

Հիշեք ձեր ընտանիքը, ծառայեք հայրենիքին և աջակցեք իրար. ՀՀ նախագահ Արմեն Սարգսյանն այցելել է Սյունիքի Խնածախ համայնքի սահմանային բնագիծ և նման կոչով դիմել զինվորներին։ Տեղեկությունը հայտնում է նախագահի մամուլի ծառայությունը։

Սարգսյանը Սյունիքի մարզ է մեկնել Մարդու իրավունքների պաշտպան Արման Թաթոյանի հետ, եղել է ՀՀ պաշտպանության նախարարության N զորամասի մարտական դիրքերում, ծանոթացել սահմանային բնագծին, զրուցել զինծառայողների հետ:

«Դուք ձեր պարտականությունները լավագույնս եք կատարում: Իրար կողքի եղեք, իրար լավ նայեք, աչալուրջ եղեք, օգնեք իրար և հետևեք ձեր առողջությանը»,–ասել է նախագահը։

Նա նաև զրուցել է հրամանատարի հետ, վերջինս շատ բարձր կարծիք է հայտնել զինվորների մասին։ Սարգսյանն այդ գովեստի խոսքերն ընդունել է որպես գնահատական։

«Վստահ եղեք, որ մենք բոլորս մտածում ենք ձեր մասին, տղաներ։ Պինդ եղեք»,–ասել է նախագահը։

Կան քննարկումներ Սյունիքում ռուսական ռազմաբազայի հենակետ ստեղծելու մասին. Փաշինյան

Սարգսյանը գերազանց ծառայության համար մի խումբ զինծառայողների պարգևատրել է անվանական ժամացույցներով։

Մարդու իրավունքների պաշտպան Արման Թաթոյանն էլ նշել է, որ մի քանի անգամ եղել է այս հատվածում, որտեղ տղաները դժվարին պայմաններում իսկապես հերոսական ծառայություն են իրականացնում։

Հայաստանն Ադրբեջանին ճանապարհ կտա ճանապարհի դիմաց. Փաշինյան

79
թեգերը:
Արմեն Սարգսյան, Սյունիքի մարզ, Հայաստան

ՀՀ ոստիկանապետը պարգևատրել է ՌԴ ՆԳՆ մի շարք վետերանների. տեսանյութ

19
(Թարմացված է 18:59 19.04.2021)
Գեներալ-գնդապետը Շիլովը նշել է, որ սա իրենց համար կարևոր իրադարձություն է և ընդգծել է, որ հայերը հրաշալի ժողովուրդ են։

Ռուսաստանի Դաշնությունում օրերս նշվում էր ներքին գործերի նախարարության վետերանների օրը։ Տոնի առիթով ՌԴ ներքին գործերի նախարարությունում տեղի ունեցավ պարգևատրման հանդիսավոր արարողություն։ ՀՀ ոստիկանության մամուլի ծառայությունը հայտնում է, որ ոստիկանապետ Վահե Ղազարյանի հրամանով՝ Ռուսաստանի ՆԳՆ մի խումբ վետերաններ պարգևատրվեցին մեդալներով։

«Պարգևները հանձնեցին կազմակերպված հանցավորության դեմ պայքարի կոորդինացման բյուրոյի տնօրենի տեղակալ, գեներալ-մայոր Գարի Զախարովը և Ռուսաստանի Դաշնությունում Հայաստանի Հանրապետության ոստիկանության ներկայացուցիչ, ՀՀ դեսպանության խորհրդական Էդգար Արևշատյանը»,- նշված է հաղորդագրության մեջ։

ՌԴ ՆԳՆ վետերանների խորհրդի նախագահ, ներքին գործերի նախարարի օգնական, գեներալ-գնդապետ Իվան Շիլովը պարգևատրվել է «Իրավակարգի ամրապնդման համար» մեդալով։

«Ես հայ ժողովրդի հետ եմ եղել դժվար իրավիճակներում՝ հրաշալի ժողովուրդ, հրաշալի բնություն և մի լիճ կա այնտեղ՝ կապուտակ Սևանը։ Սա մեզ համար մեծ իրադարձություն է»,- նշեց Շիլովը։

Մի քանի վետերաններ պարգևատրվել են «Համագործակցության ամրապնդման համար» մեդալներով։

ՀՀ ոստիկանապետը հրաժարականի դիմում չի գրել

19
թեգերը:
Հայաստան, Ռուսաստան, Ներքին գործերի նախարարություն, պարգևատրում
Ըստ թեմայի
Արցախի նախագահը հետմահու պարգևատրել է ՀՀ ոստիկանության 70 ծառայողի․ տեսանյութ
Դեդ Հասանի «ժառանգորդի» սպանության համար կասկածվող տղամարդը ձերբակալված է․ տեսանյութ
Կոտայքի ոստիկանները շուրջ 2 կգ թմրանյութ են հայտնաբերել
Բորիս Ավագյան

Կարծիք հայտնելու գինը․ Բորիս Ավագյանը հրավիրվել է ԱԱԾ

0
(Թարմացված է 21:47 19.04.2021)
Նա նաև սրճարանում հանդիպել է ԱԻՊԾ ներկայացուցչի հետ ու նրան հանձնել իր հաշվարկային զենքը, վկայականն ու համազգեստը։

ԵՐԵՎԱՆ, 19 ապրիլի – Sputnik․ Արցախի Հանրապետության ԱԻ պետական ծառայության արդեն նախկին փոխտնօրեն Բորիս Ավագյանը հրավիրվել է ԱԱԾ։ Տեղեկությունը նա հաստատել է News.am-ի հետ զրույցում։

«Հրավիրվել եմ, կայցելեմ, չգիտեմ, դեռևս չեմ եղել, ոչ մի բան չեմ ենթադրում»,- նշեց Ավագյանը՝ մեկնաբանելով այն լուրերը, թե իրեն կարող են ձերբակալել։

Ավագյանի խոսքով՝ քիչ առաջ սրճարանում ԱԻՊԾ ներկայացուցիչը ներքին գործերի նախարար Կարեն Սարգսյանի հրամանով վերցրել է իր հաշվարկային զենքը, ծառայողական վկայականն ու համազգեստը։ Թե ինչու է, այսպես ասած, «հանձնում-ընդունումը» կատարվում սրճարանում, այլ ոչ թե Հայաստանում Արցախի մշտական ներկայացուցչությունում, Ավագյանը չգիտի։ Ասում է՝ «երևի իրենց այդպես է հարմար»։

Նշում է, որ դեռևս չի ստացել իր պաշտոնանկության վերաբերյալ Արցախի նախագահի հրամանը։ Երբ ստանա, ծանոթանա՝ կարձագանքի։

Ընդգծում է՝ այն, ինչ այսօր տեղի ունեցավ ԱԺ-ում, ասուլիս չէր, հանդիպում էր մի խումբ պատգամավորների հետ։

«Իրենք ուզել են խորհուրդներ հարցնել իրենց գործունեության վերաբերյալ, ես իմ կողմից նրանց տվել եմ խորհուրդներ։ Ես շեշտել եմ, որ այդ քննադատությունները հնչեցրել եմ որպես ՀՀ քաղաքացի, հայ և ծնող։ Քանի որ ես իմ աշխատանքը դիտարկում էի որպես ծառայություն, եթե Արցախի Հանրապետության նախագահը հաշվում է, որ իմ ծառայության կարիքն արդեն չունի հանրապետությունը, ես հաշվում եմ՝ ոչ մի խնդիր չկա դրանում»,- նշեց Ավագյանը։

Հավելում է՝ իր խոսքերի համար չի զղջում։

Նշենք, որ Ավագյանն այսօր Երևանում մասնակցել էր հայ ռազմագերիների վերադարձի խնդրին վերաբերող քննարկմանը։

Նա մասնավորապես հայտնել էր, որ չի ընդունում ՀՀ ԱԺ իշխող «Իմ քայլը» խմբակցության որոշ պատգամավորների այն դիրքորոշումը, թե գերիների վերադարձի համար պատասխանատու է ռուսական կողմը։

Նա նաև հայտնել էր, որ իր համար զարմանալի չի եղել, երբ Բաքու մեկնած ինքնաթիռը վերադարձել է դատարկ։ Ըստ նրա` այդ այցը եղել է աշխատանքային և կապ չի ունեցել գերիների վերադարձի հետ։

Դրանից անմիջապես հետո ԱՀ արտակարգ իրավիճակների պետական ծառայությունը հաղորդագրություն է տարածեց, որ Բորիս Ավագյանն աշխատանքից ազատվել է հնչեցրած կարծիքների համար։

Նշվում էր, որ նա «իր ասուլիսի և ծառայության անունից հանդես գալու մասին տեղյակ չի պահել վերադաս ղեկավարությանը և խոսել է իր լիազորությունների շրջանակներից դուրս թեմաներից։ Հաշվի առնելով ծառայողին ոչ հարիր պահվածքը և պաշտոնական դիրքի չարաշահումը` Կարեն Սարգսյանի հրամանով Բորիս Ավագյանն ազատվել է զբաղեցրած պաշտոնից։

0
թեգերը:
ազատում, Արցախ, Բորիս Ավագյան
Ըստ թեմայի
Արցախում առաջիկայում նոր հենակետեր կբացվեն միջպետական ու ներպետական բոլոր ճանապարհներին
Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը
Մենք խաղաղության մեջ չենք, մենք ունենք թշնամական պետություն մեր առջև. արցախցի պաշտոնյա