Հանրահայտ ակորդեոնահար Պիետրոդարկին Արցախին նվիրված ստեղծագործություն է կատարել

151
(Թարմացված է 10:36 23.11.2020)
Մարիո Ստեֆանո Պիետրոդարկին խոստովանել է, որ շատ է սիրում Հայաստանը և հայ ժողովրդին։ Պատերազմի ժամանակ նա հատուկ կոչով էր դիմել միջազգային հանրությանը` խնդրելով աղոթել Հայաստանի համար։

Հանրահայտ իտալացի ակորդեոնահար և բանդոնեոնահար Մարիո Ստեֆանո Պիետրոդարկին Արցախին նվիրված ստեղծագործություն է կատարել, որը հեղինակել է հայ կոմպոզիտոր և կլառնետահար Մարտին Ուլիխանյանը։ Վերջինս տեղադրել է կատարման տեսանյութը Facebook-ի իր էջում։

«Իմ հեղինակած վոկալիզը (առանց բառերի, ձայնավոր հնչյունով երգվող ստեղծագործություն, - խմբ.) Արցախի պատերազմի զոհերի հիշատակին։ Շնորհակալություն Մարիո Ստեֆանո Պիետրոդարկիին գեղեցիկ կատարման համար», – գրել է Ուլիխանյանը։

Մարիո Ստեֆանո Պիետրոդարկին պարբերաբար ելույթներ է ունեցել Երևանում և խոստովանել է, որ շատ է սիրել Հայաստանը և հայ ժողովրդին։
Պատերազմի ժամանակ նա հատուկ կոչով էր դիմել միջազգային հանրությանը` խնդրելով աղոթել Հայաստանի համար։

«Հայաստանը հրաշալի երկիր է՝ հրաշալի մարդկանցով, ովքեր արժանի չեն նման վերաբերմունքի։ Միջազգային հանրությունը պետք է ինչ-որ բան անի, որովհետև ժամանակ ձգելը ճակատագրական կարող է դառնալ։ Հուսամ, որ Լեռնային Ղարաբաղում ամեն ինչ արագ կկարգավորվի։ Սիրում եմ քեզ, Հայաստան» - գրել էր նա։

Հիշեցնենք` Սեպտեմբերի 27-ին Ադրբեջանը լայնածավալ ռազմական հարձակում էր սկսել արցախա–ադրբեջանական սահմանի ողջ երկայնքով։ Պատերազմը տևեց մինչև նոյեմբերի 10-ը, երբ ուժի մեջ մտավ ԼՂ շուրջ եռակողմ հայտարարությունը, որով Ադրբեջանին են անցնում Արցախի 7 շրջանները, Շուշին և Հադրութը, գյուղեր՝ Ասկերանի ու Մարտունու շրջաններից, ինչպես նաև Մարտակերտի շրջանի Թալիշ և Մատաղիս գյուղերը։

Հայերը Շուշին կորցրել են ոչ թե ռազմական, այլ քաղաքական ճանապարհով. Սեմյոն Պեգով

151
թեգերը:
Մարիո Ստեֆանո Պիետրոդարկի, տեսահոլովակ, Արցախ
Ըստ թեմայի
Դադիվանքից դուրս են բերել զանգերն ու սրբապատկերները. տեսանյութ
Դա ինձ համար բացահայտում էր. Դադիվանքին հարակից դիտակետի խաղաղապահը հաճելիորեն զարմացած է
«Ամեն ինչն եմ կարոտելու, շատ մեծ ցավ է». Նոր Մարաղայի բնակիչը լքում է տունը. տեսանյութ

Նոր սահման, նոր խրամատներ. զինծառայողները նոր դիրքեր են կառուցում

380
ՀՀ ՊՆ-ն Օմարի բարձունքում նկարահանված տեսանյութ է հրապարակել, որի հերոսները՝ ժամկետային զինծառայողները, ովքեր այսօր նոր դիրքեր են կառուցում, շուրջ 45 օր անառիկ են պահել Օմարի սահմանը:

Հայկական զինուժը նոր սահմանային բնագծերում ինժեներական աշխատանքներ է իրականացնում: Ինչպես հայտնում է ՀՀ ՊՆ-ն, կառուցվում են նոր դիրքեր, փորվում նոր խրամատներ:

Տեսանյութը, որ հրապարակել է պաշտպանական գերատեսչությունը, նկարահանվել է Օմարի բարձունքում. ժամկետային զինծառայողները շուրջ 45 օր անառիկ են պահել այն:

Նրանք «Զինուժ» մեդիայի լրագրողներին պատմել են պատերազմի ընթացքում իրենց տեսածն ու զգացածը: Պատմել են, թե ինչպես են հետ մղել թշնամու մի քանի հարձակումները, որոնցից հետո հակառակորդն այս ուղղությամբ այլևս չի համարձակվել գրոհել:

380
թեգերը:
Բանակ, ՀՀ Պաշտպանության նախարարություն (ՊՆ), դիրքեր
Ըստ թեմայի
Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը
Իրանը հարված է հասցրել հյուսիսարևմտյան սահմանի մոտ գտնվող գրոհայինների դիրքերին
Անմիջապես Սոթքի հանքի մոտ հայկական կողմը դիրք ունի, Ադրբեջանն էլ արդեն 3 դիրք է տեղադրել

Ինչպես են ռուս ռազմական բժիշկները ժամանում Ստեփանակերտ․ տեսանյութ

113
Ստորաբաժանումները Խաբարովսկից Երևան են ժամանել «Իլ -76» ռազմական տրանսպորտային ինքնաթիռով: Այնուհետև մեկնել են Ստեփանակերտ՝ ռուսական խաղաղապահ զորախմբի պարեկների և ռազմական ոստիկանության ուղեկցությամբ։

ՌԴ Արևելյան ռազմական օկրուգի հատուկ նշանակության բժշկական ջոկատի առաջին ստորաբաժանումները ժամանել են Ստեփանակերտ ՝ տեղի բնակչությանը օգնություն ցուցաբերելու համար։ Ստորաբաժանումը բաղկացած է ավելի քան 60 ռուս ռազմական բժշկից, որոնց շարքում կան ռազմական վիրաբույժներ, անեսթեզիոլոգներ, թերապևտներ և համաճարակաբաններ:

Ստորաբաժանումները Խաբարովսկից Երևան են ժամանել «Իլ -76» ռազմական տրանսպորտային ինքնաթիռով: Այնուհետև մեկնել են Ստեփանակերտ՝ ռուսական խաղաղապահ զորախմբի պարեկների և ռազմական ոստիկանության ուղեկցությամբ։

Նշենք, որ ռուսական խաղաղապահ զորակազմի շնորհիվ արդեն Ստեփանակերտում վերականգնվել է հանրային տրանսպորտի աշխատանքը, կատարվում են ականազերծման ակտիվ աշխատանքներ, Արցախ է վերադարձել ավելի քան 23 հազար փախստական։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

113
թեգերը:
բժիշկ, Ռուսաստան, Ստեփանակերտ, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
«Մեր ժողովուրդը նրանց լավ է ընդունում». Արցախի բնակիչները` ռուս խաղաղապահների մասին
Ղարաբաղում խաղաղապահների տեղակայումը դժվար թե սահմանափակվի հինգ տարի ժամկետով. Փաշինյան
Պուտինը Ղարաբաղում տեղակայված խաղաղապահների թեման քննարկել է ՌԴ ԱԽ–ի հետ
Կորոնավիրուսից մահացածի թաղում Թեհրանի մոտակա գերեզմանատանը

Իրանը նոր հակառեկորդ է գրանցել. 13 000 դեպք՝ մեկ օրում 

0
(Թարմացված է 17:49 29.11.2020)
2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք:

ԵՐԵՎԱՆ, 29 նոյեմբերի, Sputnik. Իրանը նոր հակառեկորդ է սահմանել. վերջին 1 օրում հայտնաբերվել է կորոնավիրուսով վարակվելու շուրջ 13 000 նոր դեպք:

Ինչպես հաղորդում է ՌԻԱ Նովոստին, այս մասին հայտարարել է ԻԻՀ առողջապահության նախարարության պաշտոնական ներկայացուցիչ Սիմա Սադաթ Լարին:

Նրա խոսքով ՝ անցած 24 ժամվա ընթացքում գրանցվել է կորոնավիրուսով վարակման 12 950 նոր դեպք, մահացել է 389 մարդ:

2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք: Ապաքինվածների թիվը 658 292 է։

Իրանի առողջապահության նախարարության ներկայացուցիչը նաև արձանագրել է, որ դեպքերի աճին հակառակ, երկրում նվազել է կորոնավիրուսից մահացության ցուցա նիշը, ինչը, սակայն, ըստ նրա, չի կարելի ընկալել որպես COVID-19-ի իրադրության լավացում:
Համաճարակաբանական իրավիճակն Իրանում լրջորեն վատացել է վերջին ժամանակներում։ Երկիրը բազմիցս հակառեկորդ է սահմանե, և, եթե սեպտեմբերին վատթարագույն ցուցանիշը օրական 3,5 հազար վարակի դեպքեր էին, ապա նոյեմբերի՝ արդեն՝ 13 000-ը:

0