Վերջին սեպտեմբերը... նոր տեսահոլովակ` նվիրված արցախյան պատերազմի մասնակիցներին

284
(Թարմացված է 16:26 22.11.2020)
Ուկրաինական «Ձայնը» և հայաստանյան «Դեպի Եվրատեսիլ» նախագծերից հայտնի երգչուհի Հասմիկ Շիրոյանը նոր տեսահոլովակ է ներկայացրել, որը նկարահանվել է «Վերջին սեպտեմբեր» երգի հիման վրա։

Անգլալեզու երգը նվիրված է Արցախյան պատերազմում նահատակված հերոսների հիշատակին։ Instagram-ի իր էջում երգչուհին հրապարակել է իր նոր երգը։

«Այս լեռները քո սիրտն ամեն օր ավելի ուժեղ են դարձնում, անկախ ամեն ինչից՝ դու չես նահանջի... Ամուր պահեք ձեր խաչերը փամփուշտների անցքերը կարկատելու համար, պարզապես պահեք դրանք։ Տղաները գնում են մեր կյանքի համար պայքարելու...»։

Տեսահոլովակին կից Հասմիկ Շիրոյանը նաև գրառում է կատարել։ Խոստովանում է՝ երգը մոտ մեկ ամիս առաջ է գրել։ Իրեն ժամանակ էր անհրաժեշտ կատարվածի հետ համակերպվելու, իր զգացմունքները թղթին հանձնելու համար։

«Միայն այն ժամանակ, երբ ցավն ինձ համար սովորական դարձավ, ես կարողացա ավարտել այն գրել, արտաբերել ու երգել։ 2020թ. սեպտեմբերի 27-ին հայերն արթնացան պատերազմով։ Վերջին երկու ամիսների ընթացքում դա միակ բանն էր, ինչի մասին կարող էի մտածել»,- գրել է երգչուհին։

Նա նշում է՝ մեծ թվով հայեր այս պատերազմում ինչ-որ մեկին կորցրել են։

«Ես չեմ կարող բառերով արտահայտել, թե ինչպես եմ ցավում այն մայրերի համար, որոնք կորցրել են իրենց որդիներին կամ այն ընտանիքների համար, որոնք կորցրել են իրենց ամուսիններին կամ եղբայրներին»,- նշում է Հասմիկը։

Նորօրյա հերոսների մեջ մեծ թիվ են կազմում բուժծառայողները. նրանք կպարգևատրվեն

Նա պնդում է՝ պատերազմն ամենավատ բանն է, որ կարող է պատահել մեզանից յուրաքանչյուրի հետ։ Երգչուհին դիմում է իր հետևորդներին ու խնդրում գնահատել յուրաքանչյուր ապրած օրը և բոլոր սիրելի մարդկանց, քանի որ ոչ ոք չգիտի` վաղն ինքն ինչից է արթնանալու։

Վիրավոր վիճակում ժամկետային զինվոր-բուժակը մոտ 20 ծառայակցի է փրկել. արցախյան հերոսապատում

284
թեգերը:
Հասմիկ Շիրոյան, Արցախյան պատերազմ, տեսահոլովակ, երգ
Ըստ թեմայի
«Արցախի հերոս» բարձրագույն կոչում շնորհվեց «Եղնիկների» հրամանատարին
Տասներկու զինվորականներ պարգևատրվել են «Մարտական խաչ» շքանշաններով
Արցախի նախագահը մի շարք ոստիկանների հետմահու պարգևատրել է «Արիության համար» մեդալով

Մի շարք առումներով Մանուկյանի թեկնածությունը լավագույնը չէ. Արմեն Բաղդասարյան

54
(Թարմացված է 19:57 04.12.2020)
Քաղաքագետ Արմեն Բաղդասարյանը Sputnik Արմենիայի հետ զրույցի ընթացքում խոսել է ներքաղաքական զարգացումների և ընդդիմադիր քաղաքական ուժերի կողմից անցումային շրջանում միասնական վարչապետ ընտրելու որոշման մասին։ 

16 կուսակցությունների խորհուրդը որոշել է ընդլայնել իր ձևաչափը՝ ձևավորելով Հայրենիքի փրկության շարժում և որպես անցումային կառավարության ղեկավար՝ Հայաստանի Հանրապետության վարչապետ, առաջադրել է Վազգեն Մանուկյանի թեկնածությունը։ 

Արմեն Բաղդասարյանի դիտարկմամբ` Վազգեն Մանուկյանի ընտրությունը կապված էր այն հանգամանքի հետ, որ ավելի հարմար թեկնածու չեն ունեցել, քանզի մի շարք առումներով Մանուկյանի թեկնածությունը, ըստ նրա, լավագույնը չէր։ Քաղաքագետի գնահատմամբ` նախ պետք է հասկանալ, որ խոսքն անցումային կառավարության մասին է, և Մանուկյանը պայմանավորվածության համաձայն` չպետք է մասնակցի հաջորդ ընտրություններին, բայց որքան էլ անցումային շրջանը կարճ տևի, կարևոր է, քանզի իրադարձությունները զարգանում են ժամ առ ժամ, և կան բազմաթիվ այսրոպեական լուծվելիք խնդիրներ։ 

«Այդ խնդիրները լուծելու համար անհրաժեշտ էր առաջադրել այնպիսի քաղաքական գործչի, ով վայելում է հանրության առնվազն մեծամասնության վստահությունը, բայց այդ առումով չեմ կարծում, որ Վազգեն Մանուկյանն ամենահարմար թեկնածուն էր։ Նույնը վերաբերում է նաև ընտրությունների կազմակերպմանը, որովհետև Մանուկյանն է լինելու դրանց անցկացման պատասխանատուն, հետևաբար հանրային վստահությունը չափազանց կարևոր է»,– նշեց քաղաքագետը։

Բաղդասարյանի կարծիքով` կա նաև այլ խնդիր. Մանուկյանի թեկնածության առաջադրումը ցույց է տալիս, որ մենք այս պատերազմից դասեր չենք քաղել, շուրջ 25 տարի ապրել ենք պատրանքներով, իրականությունից կտրված, կեղծ պաթոսի մեջ, մինչդեռ անհրաժեշտ էր իրատեսորեն նայել համաշխարհային զարգացումներին, ճիշտ հաշվարկել սեփական ուժերը` նախընտրելով իրական քաղաքականությունը։ 

Բաղդասարյանը հիշեցրեց, որ Վազգեն Մանուկյանը «Հայերը համաշխարհային ազգ են» գաղափարի ջատագովներից մեկն էր, այսինքն` այն գաղափարախոսության կրողն է, որի արդյունքում այսօր, նրա համոզմամբ, հայտնվել ենք այս պարտված ու ջախջախված վիճակում։ Քաղաքագետը գտնում է, որ 16 ուժերը չէին կարող հաշվի չառնել այդ հանգամանքը, բայց նրանք, ըստ երևույթին, ավելի լավ տարբերակ չեն ունեցել։ 

54
թեգերը:
ընդդիմություն, Արմեն Բաղդասարյան (քաղաքական մեկնաբան), Վազգեն Մանուկյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
«Լուսավոր Հայաստանը» վարչապետի իր թեկնածուն ունի. նրանք չեն միանում ընդդիմությանը
Վազգեն Մանուկյանը` վարչապետի թեկնածու․ ի՞նչ գիտենք հայկական քաղաքականության վետերանի մասին
Ընդդիմությունը հայտարարեց, որ իրենց վարչապետի թեկնածուն Վազգեն Մանուկյանն է

Ինչպես են ՌԴ մասնագետներն ականազերծում Շուշի–Լիսագոր ճանապարհը. տեսանյութ

58
(Թարմացված է 09:36 05.12.2020)
ՌԴ պաշտպանության նախարարությունը տեսանյութ է հրապարակել և ներկայացրել ինժեներական հետախուզման ու ականազերծման աշխատանքների արդյունքները։

Ռուսաստանի Դաշնության խաղաղապահները ինժեներական հետախուզում և տեղանքի ականազերծում են իրականացրել Լեռնային Ղարաբաղի Շուշի–Լիսագոր ճանապարհի երկայնքով։ Տեղեկությունը հայտնում է ՌԴ պաշտպանության նախարարությունը։

«Մաքրվել է 4,8 հա տարածք և 2,5 կմ ճանապարհ, հայտնաբերվել և ոչնչացման համար դուրս է բերվել 35 պայթուցիկ իր»,– նշված է հաղորդագրության մեջ:

Լեռնային Ղարաբաղի հակամարտության գոտում աշխատող ինժեներական ստորաբաժանումներն արդեն ականազերծել են մոտ 50 հա տարածք, 17 կմ ճանապարհ, հայտնաբերել և վնասազերծել են մոտ 1150 պայթուցիկ իր։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

58
թեգերը:
ականազերծում, խաղաղապահ, Շուշի, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ռուս խաղաղապահներն ականազերծել են Ստեփանակերտի դպրոցի տարածքը
Ստեփանակերտում ռուս խաղաղապահները մոտ 100 պայթյունավտանգ առարկա են վնասազերծել
Ռուս խաղաղապահներն ամեն ինչ անում են Ղարաբաղում խաղաղության պահպանման համար․ Շոյգու
Թելման Թադևոսյան

Աջափնյակի թաղապետը դիմում է գրել Մարությանին. նա խնդրում է չքաղաքականացնել

0
(Թարմացված է 13:30 05.12.2020)
Սոցիալական հարթակներում ու կայքերում արդեն իսկ տեղեկություններ են տարածվել, որ Թելման Թադևոսյանն աշխատանքից ազատվելու դիմումը գրել է թաղապետարանի աշխատակիցների ներկայությամբ ու քաղաքական հայտարարություն անելով:

ԵՐԵՎԱՆ, 5 դեկտեմբերի – Sputnik. Աջափնյակ վարչական շրջանի ղեկավար Թելման Թադևոսյանն աշխատանքից ազատվելու դիմում է ներկայացրել Երևանի քաղաքապետ Հայկ Մարությանին: Նա այդ մասին գրառում է արել Facebook-ում և նշել` քաղաքապետին խնդրել է, որ չմերժի: 

«Այս պահին նպատակահարմար եմ գտել անցնել բիզնես գործունեության, քանի որ ունեմ բավականին փորձ ու կապեր այդ ոլորտում և այս պահին կարևորում եմ մեր երկրում բիզնեսի զարգացումը»,- գրել է նա:

Թաղապետը նաև հրապարակավ շնորհակալություն է հայտնել Մարությանին, նրա քաղաքական թիմին ու Երևանի քաղաքապետարանի աշխատակազմին՝ ներդրված ջանքերի, եռանդի և նվիրվածության համար:

Իսկ հանրությանը հորդորել, խնդրել է, լրատվամիջոցներից էլ պահանջել, որ իր աշխատանքից դուրս գալու լուրը չլրացնել մտացածին և չարախոս տեղեկություններով, առավել ևս չքաղաքականացնել։

Բնակչության 45 %-ը կարծում է, որ Փաշինյանը պետք է հրաժարական տա. հարցում

Բանն այն է, որ սոցիալական հարթակներում ու կայքերում արդեն իսկ տեղեկություններ են տարածվել, որ Թելման Թադևոսյանն աշխատանքից ազատվելու դիմումը գրել է թաղապետարանի աշխատակիցների ներկայությամբ` հայտարարելով, որ չի ցանկանում հող հանձնած դավաճանների իշխանության մաս կազմել և այդ պիտակով ապրել:

Թադևոսյանն Աջափնյակ վարչական շրջանի ղեկավար էր նշանակվել 2020թ-ի փետրվարին: Մինչ այդ նա 2018-ի հոկտեմբերից եղել է Նուբարաշեն վարչական շրջանի ղեկավարը: Նա ՀՀ վարչապետ Նիկոլ Փաշինյանի նախկին խորհրդական Ֆելիքս Թադևոսյանի որդին է։

Քասախ համայնքի ղեկավարը միացել է Նիկոլ Փաշինյանի հրաժարականի պահանջին

0
թեգերը:
Հրաժարական, Հայաստան
Ըստ թեմայի
Ծանրագույն աշխատանք է սպասվում. դիվանագետները պահանջում են, որ «ձախողված վարչապետը» հեռանա
Նրանք պետք է կանգ առնեն. Հակոբյանը իրադարձությունների զարգացման մի քանի տարբերակ է նշում
Այս իրավիճակում արտահերթ ընտրություններ անելը սխալ է. Ռոբերտ Քոչարյան