«Պապան ասում էր`երեխեքը չտեսնեն` ինչ մենք տեսանք». Նոր Մարաղայի բնակիչները լքում են գյուղը

216
(Թարմացված է 19:28 20.11.2020)
Նոր Մարաղայի բնակիչները, տան իրերը հավաքելով, Sputnik Արմենիային պատմել են իրենց ցավի, իրենց մտահոգությունների և սպասելիքների մասին։

Նոր Մարաղայի բնակիչները դառնությամբ լքում են իրենց բնակավայրն ու տները։ Sputnik Արմենիայի նկարահանող խումբը Մարտակերտի Նոր Մարաղայում հանդիպել է Կարապետյանների ընտանիքին, տեսել` ինչպես են նրանք հավաքում իրենց իրերն ու զրուցել նրանց հետ։

Տան մայրն ասում ` պատերազմից հետո երեխաների հետ մեծ հույսով հետ եկան, որ շարունակեն ապրել հայրենի գյուղում։

«5 օր առաջ երեխաներին վերցրեինք, եկանք, ասեցին` նորմալ է լինելու։ Իսկ հիմա ասում են` մեկ օր ենք տալիս հավաքվելու»,–պատմում է տան հայրը` Վարդան Կարապետյանը։ Նրանք 2 դուստր ունեն`11 տարեկան Մանեն և 9 տարեկան Նարեն։

Վարդանը պատմում է, որ պատերազմի օրերին ինքը մնացել է հայրենի հողը պահելու, երեխաներին ուղարկել է Մարտունի։ Հիմա 5 օր առաջ ետ եկած ընտանիքի հետ ստիպված է ինքն էլ մեկնել, այս անգամ` Ջերմուկ։

«Եթե ոչ մի օգնություն ցույց չտան, գործ չգտնեմ, երևի կգնամ Ռուսաստան։ Հիմա ես որտե՞ղ աշխատեմ, որ նորից տուն սարքեմ»,–ասում է Վարդանն ու հավելում, որ մինչ պատերազմը ոսկու հանքում է աշխատել։

Եթե ապահով միջավայր ստեղծվի երեխաների համար ու ոսկու հանքն էլ աշխատի, ինքն Արցախից տեղ չի գնա։

«Միգուցե, հետո լավ լինի, բոլորս այդ հույսով ենք ապրում»,–նշում է Վարդանը։ Նրա կողքը կանգնած հայրն էլ ասում է, որ 60 տարի է` տուն են սարքում` սկզբում հին Մարաղայում, հետո` Նոր Մարաղայում։

«Պապան ասում էր`մեր երեխեքը չտեսնեն` ինչ մենք տեսանք։ Երեխեքն էլ տեսան, թոռներն էլ»,–հավելում է Վարդանն ու հավաքում իրերը։

Հիշեցնենք, նոյեմբերի 18–ին հայտնի դարձավ, որ Մարտակերտի շրջանի մի շարք համայնքներ անցնում են Ադրբեջանի վերահսկողության տակ՝ ի կատարումն Հայաստանի վարչապետի, Ռուսաստանի և Ադրբեջանի նախագահների միջև ձեռք բերված՝ ղարաբաղյան պատերազմը դադարեցնելու մասին եռակողմ համաձայնության դրույթների:

Մասնավորապես` Ադրբեջանին են անցնում Մարտակերտի Նոր Մարաղա, Նոր Այգեստան, Նոր Սեյսուլան, Նոր Կարմիրավան, Նոր Հայկաջուր, Հովտաշեն և Նոր Ջրաբերդ բնակավայրերը։ Եռակողմ հայտարարության մեջ նշված է, որ Աղդամի շրջանը վերադարձվում է Ադրբեջանին մինչև 2020 թվականի նոյեմբերի 20-ը։Այս գյուղերի տարածքը նախկինում` մինչ 1994թ.–ը, գտնվել է Աղդամի շրջանում։ Առաջին պատերազմի ավարտից հետո դրանք ընդգրկվել են Մարտակերտի շրջանի մեջ։

216
թեգերը:
Մարտակերտ, Փախստական, Արցախյան պատերազմ, Ղարաբաղյան հակամարտություն, Լեռնային Ղարաբաղ, Արցախ, Նոր Մարաղա
թեմա:
Իրադրությունը Հայաստանում և Արցախում հայտարարության ստորագրումից հետո (556)
Ըստ թեմայի
Ղարաբաղ չմնաց․ Նոր Մարաղա գյուղի բնակիչը չգիտի՝ երեք երեխաներին որտեղ ու ինչպես է պահելու
«Ամեն ինչն եմ կարոտելու, շատ մեծ ցավ է». Նոր Մարաղայի բնակիչը լքում է տունը. տեսանյութ
«Վառեցի, որ մեզնից հետո մեր տանն այլևս ոչ մեկը չապրի». Նոր Մարաղա գյուղի բնակիչ

Նոր սահման, նոր խրամատներ. զինծառայողները նոր դիրքեր են կառուցում

396
ՀՀ ՊՆ-ն Օմարի բարձունքում նկարահանված տեսանյութ է հրապարակել, որի հերոսները՝ ժամկետային զինծառայողները, ովքեր այսօր նոր դիրքեր են կառուցում, շուրջ 45 օր անառիկ են պահել Օմարի սահմանը:

Հայկական զինուժը նոր սահմանային բնագծերում ինժեներական աշխատանքներ է իրականացնում: Ինչպես հայտնում է ՀՀ ՊՆ-ն, կառուցվում են նոր դիրքեր, փորվում նոր խրամատներ:

Տեսանյութը, որ հրապարակել է պաշտպանական գերատեսչությունը, նկարահանվել է Օմարի բարձունքում. ժամկետային զինծառայողները շուրջ 45 օր անառիկ են պահել այն:

Նրանք «Զինուժ» մեդիայի լրագրողներին պատմել են պատերազմի ընթացքում իրենց տեսածն ու զգացածը: Պատմել են, թե ինչպես են հետ մղել թշնամու մի քանի հարձակումները, որոնցից հետո հակառակորդն այս ուղղությամբ այլևս չի համարձակվել գրոհել:

396
թեգերը:
Բանակ, ՀՀ Պաշտպանության նախարարություն (ՊՆ), դիրքեր
Ըստ թեմայի
Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը
Իրանը հարված է հասցրել հյուսիսարևմտյան սահմանի մոտ գտնվող գրոհայինների դիրքերին
Անմիջապես Սոթքի հանքի մոտ հայկական կողմը դիրք ունի, Ադրբեջանն էլ արդեն 3 դիրք է տեղադրել

Ինչպես են ռուս ռազմական բժիշկները ժամանում Ստեփանակերտ․ տեսանյութ

113
Ստորաբաժանումները Խաբարովսկից Երևան են ժամանել «Իլ -76» ռազմական տրանսպորտային ինքնաթիռով: Այնուհետև մեկնել են Ստեփանակերտ՝ ռուսական խաղաղապահ զորախմբի պարեկների և ռազմական ոստիկանության ուղեկցությամբ։

ՌԴ Արևելյան ռազմական օկրուգի հատուկ նշանակության բժշկական ջոկատի առաջին ստորաբաժանումները ժամանել են Ստեփանակերտ ՝ տեղի բնակչությանը օգնություն ցուցաբերելու համար։ Ստորաբաժանումը բաղկացած է ավելի քան 60 ռուս ռազմական բժշկից, որոնց շարքում կան ռազմական վիրաբույժներ, անեսթեզիոլոգներ, թերապևտներ և համաճարակաբաններ:

Ստորաբաժանումները Խաբարովսկից Երևան են ժամանել «Իլ -76» ռազմական տրանսպորտային ինքնաթիռով: Այնուհետև մեկնել են Ստեփանակերտ՝ ռուսական խաղաղապահ զորախմբի պարեկների և ռազմական ոստիկանության ուղեկցությամբ։

Նշենք, որ ռուսական խաղաղապահ զորակազմի շնորհիվ արդեն Ստեփանակերտում վերականգնվել է հանրային տրանսպորտի աշխատանքը, կատարվում են ականազերծման ակտիվ աշխատանքներ, Արցախ է վերադարձել ավելի քան 23 հազար փախստական։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

113
թեգերը:
բժիշկ, Ռուսաստան, Ստեփանակերտ, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (556)
Ըստ թեմայի
«Մեր ժողովուրդը նրանց լավ է ընդունում». Արցախի բնակիչները` ռուս խաղաղապահների մասին
Ղարաբաղում խաղաղապահների տեղակայումը դժվար թե սահմանափակվի հինգ տարի ժամկետով. Փաշինյան
Պուտինը Ղարաբաղում տեղակայված խաղաղապահների թեման քննարկել է ՌԴ ԱԽ–ի հետ
Կորոնավիրուսից մահացածի թաղում Թեհրանի մոտակա գերեզմանատանը

Իրանը նոր հակառեկորդ է գրանցել. 13 000 դեպք՝ մեկ օրում 

0
(Թարմացված է 17:53 29.11.2020)
2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք:

ԵՐԵՎԱՆ, 29 նոյեմբերի, Sputnik. Իրանը նոր հակառեկորդ է սահմանել. վերջին 1 օրում հայտնաբերվել է կորոնավիրուսով վարակվելու շուրջ 13 000 նոր դեպք:

Ինչպես հաղորդում է ՌԻԱ Նովոստին, այս մասին հայտարարել է ԻԻՀ առողջապահության նախարարության պաշտոնական ներկայացուցիչ Սիմա Սադաթ Լարին:

Նրա խոսքով ՝ անցած 24 ժամվա ընթացքում գրանցվել է կորոնավիրուսով վարակման 12 950 նոր դեպք, մահացել է 389 մարդ:

2020 թ-ի փետրվարի 19-ից, երբ Իրանի իշխանությունները հայտարարեցին վարակի առաջին դեպքի մասին, մինչ օրս երկրում գրանցվել է վարակի 948 749 և մահվան 47 875 դեպք: Ապաքինվածների թիվը 658 292 է։

Իրանի առողջապահության նախարարության ներկայացուցիչը նաև արձանագրել է, որ դեպքերի աճին հակառակ, երկրում նվազել է կորոնավիրուսից մահացության ցուցանիշը, ինչը, սակայն, ըստ նրա, չի կարելի ընկալել որպես COVID-19-ի իրադրության լավացում:

Ի՞նչ վտանգ է ներկայացնում կորոնավիրուսն ատամների համար. գիտնականների նոր բացահայտումը

Համաճարակաբանական իրավիճակն Իրանում լրջորեն վատացել է վերջին ժամանակներում։ Երկիրը բազմիցս հակառեկորդ է սահմանեn, և, եթե սեպտեմբերին վատթարագույն ցուցանիշը օրական 3,5 հազար վարակի դեպքեր էին, ապա նոյեմբերին՝ արդեն 13 000:

0
թեգերը:
Իրանի Իսլամական Հանրապետություն, կորոնավիրուս
թեմա:
Կորոնավիրուսը աշխարհում
Ըստ թեմայի
Վերջին օրերին կորոնավիրուսի դեպքեր առավել շատ գրանցվել են Երևանում և Կոտայքում
Եղիսաբեթ 2-րդ թագուհու համար կորոնավիրուսը սպանող հատուկ ձեռնոցներ են մշակել
Բժիշկն ասել է՝ ինչպես է կարելի ազատվել կորոնավիրուսային վարակի հետևանքներից