Ռուս խաղաղապահներն ականազերծել են Լաչինի միջանցքը. տեսանյութ

162
(Թարմացված է 16:33 19.11.2020)
Ռուս խաղաղապահներն ամբողջությամբ ականազերծել են Լաչինի միջանցքը, ինչպես նաև Արցախի մայրաքաղաք տանող ճանապարհահատվածը:

Ռուս խաղաղապահները շարունակում են աշխատանքը Լեռնային Ղարաբաղում։ Նրանք լիովին ականազերծել են Լաչինի միջանցքն ու Ստեփանակերտ տանող ճանապարհահատվածը։

Նրանք նաև Շուշիի մոտակայքում են դիտակետ տեղադրել։ Դա թույլ է տվել, որ վերագործարկվի Լաչինի միջանցքը։

Քիչ հեռու Ադրբեջանի դրոշն է, կամ ի՞նչ տեսք ունի Ստեփանակերտից Շուշի տանող ճանապարհը

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

 

162
թեգերը:
Լաչինի միջանցք, խաղաղապահ, Արցախ
թեմա:
Խաղաղապահներն Արցախում (58)
Ըստ թեմայի
Պուտինն ասել է` որ դեպքում է հնարավոր Ղարաբաղում ռուս խաղաղապահների թվի ավելացումը
Ռուսական խաղաղապահ ուժերի դիտակետը Լաչինի միջանցքում. լուսանկարներ
Ռուս խաղաղապահները ստուգում են Լաչինի միջանցքով անցնող ավտոմեքենաները

Իրարանցում ու բղավոցներ ԱԺ-ում. Ալեն Սիմոնյանը կանչեց անվտանգության աշխատակիցներին

118
(Թարմացված է 18:10 26.11.2020)
ԱԺ փոխնախագահը դահլիճ հրավիրեց անվտանգության աշխատակիցներին, ովքեր իրարից հեռացրեցին վիճաբանող պատգամավորներին:

ԱԺ արտահերթ նիստում այսօր հերթական միջադեպը գրանցվեց: Խորհրդարանի դահլիճում մեծ աղմուկ ու իրարանցում սկսվեց «Իմ քայլը» խմբակցության պատգամավոր Համազասպ Դանիելյանի ելույթի ընթացքում:

«Ես կարող եմ ասել, թե ինչ կարող եք պատմել դուք ձեր թոռներին, թե ինչ եք արել պատերազմի ընթացքում ու ինչ չեք արել»,- ասաց պատգամավորը, որին դահլիճից հետևեցին առանձին արձագանքներ:

Ապա նա իր ելույթում անհատապես անդրադարձավ մինչ իրեն ելույթ ունեցած ընդդիմության ներկայացուցիչներին՝ նրանց մեղադրելով անհիմն հայտարարություններ անելու մեջ:

«Հեքիաթ է պատմում»,- տեղից արձագանքեց Գևորգ Պետրոսյանը:

Իսկ երբ Դանիելյանն արձագանքեց Զոհրաբյանի այն ելույթին, թե Նիկոլ Փաշինյանն Ադրբեջանում անիմացիաների հերոս է դարձել, ապա ավելացրեց. «Ես կարող եմ ասել, որ այդ նույն ադրբեջանական մամուլի գերաստղ ես»,- նրան արդեն արձագանքեցին, ոչ միայն Նաիրա Զոհրաբյանն ու ԲՀԿ-ն, այլև բոլոր ընդդիմադիր պատգամավորները:

«Խնդրում եմ մի հրահրեք կրքեր», -ընդդիմությանն  ու մասնավորապես՝ Նաիրա Զոհրաբյանին հորդորեց նիստը նախագահող Ալեն Սիմոնյանը:

Զինադադարի հաստատումից հետո երկու լիբանանահայ է անհետացել. Սինանյան

Բայց կրքերը գնալով ավելի բորբոքվեցին, ընդդիմադիրների ու «Իմ քայլի» պատգամավորների միջև քաշքշուք սկսվեց: Ալեն Սիմոնյանը դահլիճ հրավիրեց անվտանգության աշխատակիցներին, ովքեր իրարից հեռացրեցին վիճաբանող պատգամավորներին:

118
թեգերը:
Ծեծկռտուք, Նաիրա Զոհրաբյան, Ալեն Սիմոնյան, ԱԺ
Ըստ թեմայի
Պաշտպանության նախարարությունը հորդորում է ձեռնպահ մնալ ռազմական դրությունը չեղարկելուց
Քարվաճառում տեղադրված դարպասները կոտրվել են, ադրբեջանցիներն առաջ են գալիս. Թովմասյան
Հայերին սպանելու կոչ անող Նուրլան Իբրահիմովը ցմահ որակազրկվել է

Անդրանիկ Փիլոյանը պատրաստ է ցանկացած խնդրի առանձին լուծում տալ

41
ԱԻՆ նորանշանակ նախարարն այցելել է ռուս-հայկական մարդասիրական արձագանքման կենտրոն և մի շարք այլ կառույցներ։

Արտակարգ իրավիճակների նորանշանակ նախարար Անդրանիկ Փիլոյանն այցելել է Ճգնաժամային կառավարման պետական ակադեմիա (ՃԿՊԱ): ԱԻՆ–ն իր պաշտոնական կայքում հաղորդագրություն է տարածել` հայտնելով, որ նախարարը ծանոթացել է ուսումնական հաստատության լսարանային պայմաններին, գրադարանին և նյութատեխնիկական հագեցվածությանը, կրթական ծրագրերին:

«Փիլոյանն ակադեմիայի պրոֆեսորադասախոսական անձնակազմի հետ հանդիպմանը նշել է, որ կառուցողական աշխատանքի և կրթության ոլորտում նորարարական մեթոդների ներդրման կողմնակից է: Նա ցանկացած խնդրի առանձին լուծում տալու պատրաստակամություն է հայտնել: Փիլոյանը նաև առանձին խորհրդակցություն է անցկացրել ակադեմիայի ղեկավար կազմի հետ: Քննարկվել են առաջիկա անելիքները»,–նշվածէ  հաղորդագրության մեջ։

Այնուհետև նախարարը եղել է փրկարարական ուժերի վարչության հատուկ նշանակության փրկարար աշխատանքների իրականացման, ինչպես նաև ռուս-հայկական մարդասիրական արձագանքման կենտրոններում: Նրան ներկայացվել է կենտրոնների գործունեության ու հնարավորությունների ամբողջ շրջանակը՝ սկսած տեխնիկական ապահովվածությունից մինչև երկու երկրների կողմից համատեղ իրականացվող ծրագրեր:

Փիլոյանն ընդգծել է, որ այս կառույցները կարևոր նշանակություն ունեն պետության համար, ուստի նման այցերը պարբերական բնույթ են կրելու:

Ռուսաստանի ԱԻՆ–ը հավելյալ խումբ է ուղարկել Ղարաբաղի բնակչությանն օգնելու համար

Հիշեցնենք, որ Անդրանիկ Փիլոյանը նախարարի պաշտոնում փոխարինել է Ֆելիքս Ցոլակյանին, որը հրաժարական էր ներկայացրել նոյեմբերի 17-ին։

41
թեգերը:
Անդրանիկ Փիլոյան, ՀՀ արտակարգ իրավիճակների նախարարություն (ԱԻՆ)
Նիկոլ Փաշինյանը մարզպետների մասնակցությամբ խորհրդակցություն է անցկացրել

Մենք չենք պատրաստվում փախչել որևէ տեղ. Նիկոլ Փաշինյան

0
Նիկոլ Փաշինյանը մարզպետների մասնակցությամբ խորհրդակցություն է անցկացրել։ Վարչապետն ասել է` ինչն է այս պահին ամենամեծ խնդիրը։

ԵՐԵՎԱՆ, 26 նոյեմբերի - Sputnik. ՀՀ վարչապետ Նիկոլ Փաշինյանը կարծում է, որ այժմ պետք է սկսել ապագայի մասին խոսակցությունը։ Փաշինյանը նման կարծիք է հայտնել մարզպետների մասնակցությամբ խորհրդակցության ժամանակ։

Նորանշանակ նախարարը 2 ծրագիր ներկայացրեց, Փաշինյանը բացատրեց դրանց բովանդակությունը

«Ինչպես ենք պատրաստվում շարունակել ապրել և ինչ նպատակներ ու ապագա ենք պատրաստվում գծագրել, ուղենշել բոլորիս համար: Սա ամենակարևոր խոսակցությունն է, որ այսօր պետք է տեղի ունենա: Ձեռք բերված համաձայնությունների ու պայմանավորվածությունների կատարումը շատ ցավոտ են, բայց այդ որոշումը կայացվել է մի իրավիճակում, երբ, ըստ էության, այլընտրանքը կարող էր լինել ավելի ծանր, ինչքան էլ տեղի ունեցածը խնդրահարույց է բոլորիս համար»,- ասել է վարչապետը՝ հավելելով, որ պետք է որպես հանրություն, որպես պետություն կայացնել որոշում, թե մենք ինչ ենք ուզում. այս ծանր ժամանակներն ապրո՞ւմ ենք, վերապրո՞ւմ ենք, թե՞ չենք վերապրում:

Премьер-министр Никол Пашинян провел консультации в правительстве с участием губернаторов регионов (26 ноября 2020). Еревaн
© Photo / official site of the Prime minister of RA
Նիկոլ Փաշինյանը մարզպետների մասնակցությամբ խորհրդակցություն է անցկացրել

Նրա խոսքով` այսօր ամենամեծ խնդիրը, որ պետք է լուծվի` արտաքին ու ներքին անվտանգությունն ու կայունությունն ապահովել կարողանալն է։

Փաշինյանն ասել է նաև, որ իրենք պետք է կարողանան իրենց ուսերին կրել այդ բեռը, ոչ թե նրա համար, որ դա հաճելի է իրենց, այլ որովհետև դրա այլընտրանքը կարող է լինել կործանարար:

Ինչի համար է ՀՀ կառավարությունը գումար վերցրել «Հայաստան» հիմնադրամից

«Այնպես որ, հույս ունեմ, որ բոլորս տրամադրվում ենք այսպես, որովհետև հակառակը կլինի փախուստ: Հակառակը կլինի ուղղակի փախուստ: Մենք չենք պատրաստվում փախչել որևէ տեղ: Եվ պատրաստվում ենք լիարժեք կրել այս բեռը, բայց նաև հույս ունենալով, որ այս ծանրության տակից կարողանալու ենք դուրս գալ լավատեսության և ապագայի որոշակի հիմքով, տեսլականով, ապագայի վերաբերյալ որոշակի պատկերացումներով»,- ընդգծել է Փաշինյանը:

Հանդիպման ընթացքում քննարկվել են պատերազմի հետևանքով մարզերում ստեղծված իրավիճակը, սոցիալ-տնտեսական խնդիրները, տարբեր ոլորտներում իրականացվող կապիտալ ծրագրերի ընթացքն ու առաջիկա քայլերը:

0
թեգերը:
Նիկոլ Փաշինյան, Մարզպետ, կառավարություն
Ըստ թեմայի
Գերիների և անհետ կորածների թեման շահարկվում է կառավարության բացթողումները ծածկելու համար
Դուք եկել եք՝ խաբեք, գնաք տուն. անհետ կորածների ծնողները դժգոհ են կառավարության աշխատանքից
«Ի՞նչ է լինելու վաղը» հարցի պատասխանը կառավարության որևէ անդամ չի տալիս. Արամյան