Նախարարի հրամանը կատարեցին` վերադարձան նույն կազմով. ԱԻՆ աշխատակիցները հետ եկան առաջնագծից

237
(Թարմացված է 18:23 17.11.2020)
Առաջնագիծ մեկնած կամավորագրված փրկարարների գումարտակը գնացել է հենց այնտեղ, ուր իրեն ուղղորդել են` պատրաստակամ կատարելով բոլոր հանձնարարությունները։

Արտակարգ իրավիճակների նախարարության` առաջնագիծ մեկնած կամավորագրված փրկարարների գումարտակը վերադարձել է Արցախից։ Տղաները պատերազմ էին մեկնել հոկտեմբերի 30-ին` ստանալով մեկ պատգամ նախարար Ֆելիքս Ցոլակյանից` վերադառնալ նույն կազմով։

«Վերադարձե՛ք հաղթանակով: Մենք բոլորիդ՝ մեկ առ մեկ, սպասում ենք նույն կազմով, և սա հրաման է... Խիղճ և խաղաղություն բոլորիս...», – ասել էր նախարարը։

Գումարտակը կատարել է այս հրամանը` վերադարձել է առանց զոհ տալու։ Այս մասին Sputnik Արմենիային հայտնեցին ԱԻՆ–ից։

Նախարար Ֆելիքս Ցոլակյանը հրապարակել է տեսանյութ` կամավորների  վերադարձից։ Նրանց ողջունելիս` նախարարն ասել է, որ անընդհատ մտածում էր նրանց վերադարձի մասին։

«Ձեր գնալով իմ ձեռքերը կապված էին։ Շնորհակալություն ասելը ձեզ քիչ է, զգացված եմ, խոնարհվում եմ ձեր առջև», – ասաց նա։

Նախարարի խոսքով` առաջնագիծ մեկնած կամավորագրված փրկարարների գումարտակը գնացել է հենց այնտեղ, որտեղ իրենց ուղղորդել են` պատրաստակամ կատարելով բոլոր հանձնարարությունները։

«Մեր ջոկատի գնալու հենց առաջին օրը ստացել եմ Արցախի նախագահի շնորհակալական խոսքը», – ասաց Ցոլակյանը։

Նշենք, որ ԱԻՆ գումարտակը առաջնագծում է եղել մոտ երեք շաբաթ։

237
թեգերը:
Արցախյան պատերազմ, Արցախ, առաջնագիծ, փրկարար, ՀՀ արտակարգ իրավիճակների նախարարություն (ԱԻՆ), Ֆելիքս Ցոլակյան
Ըստ թեմայի
Գագիկ Ծառուկյանի փեսան պատրաստվում է դիմել իրավական համակարգին
Արցախ վերադարձած ընտանիքները կշարունակեն ապահովվել պարենամթերքով և անհրաժեշտ պարագաներով
«Մեզ լավ են ընդունել, բայց մենք մեր տունն ենք կարոտել». պատմում են Արցախ վերադարձած կանայք

Ինչպես առաջ շարժվել, ինչ դասեր քաղել պատերազմից. մտավորականները վերլուծում են ներկան

29
Sputnik Արմենիայի «Արտբոքս» հաղորդաշարի եթերում արվեստագետ Սահակ Պողոսյանն ու ռեժիսոր Ռուբեն Բաբայանը մատնանշում են պատմական և մշակութային այն գործոններն ու հանգամանքները, որոնք նախադրյալ են հանդիսացել ստեղծված իրավիճակի համար։

Սահակ Պողոսյանն ու Ռուբեն Բաբայանն անդրադառնում են նաև «հայրենասիրություն», «արժեք», «ազգային գաղափար» և այլ եզրույթներին։

«Եթե մարդկային կյանքի կարևորությունը լիներ մտածողություն և արժեքային համակարգ, մենք չէինք հասնի պատերազմի վերջին պարտադրված քայլի», – ասում է Բաբայանը։

Պողոսյանն էլ նշում է, որ 30 տարվա ընթացքում մեզ չհաջողվեց արդիականացնել և փոխել սեփական գիտակցությունը։

«Մենք 21–րդ դարում մնացել ենք ոչ միայն 20–րդ դարի տեխնոլոգիաներով, այլև 20–րդ դարի արժեհամակարգով»,– ավելացնում է նա։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

29
թեգերը:
Սահակ Պողոսյան, Պատերազմ, Ռուբեն Բաբայան, Հայաստան
թեմա:
ԱրտԲոքս
Ըստ թեմայի
Մտավորականների մի խումբ նամակով դիմել է ՌԴ դեսպանին՝ անհայտ կորածների ու գերիների հարցով
«ՀՀ կառավարություն էլ կդիմենք». մտավորականները Ֆրանսիայի դեսպանատուն նամակ կհանձնեն
Միքայել Մինասյանը մտավորականներին կոչ է անում չվախենալ քաղաքական պահանջներից

Ռուս խաղաղապահներն ապահովել են ավելի քան 26 հազար փախստականների անվտանգ վերադարձն Արցախ

67
(Թարմացված է 10:38 01.12.2020)
Ռուս խաղաղապահ զորակազմի զինծառայողները հիմնական մասը ՌԴ Կենտրոնական ռազմական օկրուգի 15-րդ առանձին մոտոհրաձգային (խաղաղապահական) բրիգադից է։

ԵՐԵՎԱՆ, 1 դեկտեմբերի - Sputnik. Նոյեմբերի 14-ից ի վեր Լեռնային Ղարաբաղում տեղեկայված ՌԴ խաղաղապահներն ապահովել են ավելի քան 26 հազար փախստականների անվտանգ վերադարձը բնակության վայրեր, տեղեկացնում են ՌԴ ՊՆ մամուլի ծառայությունից։

Խաղաղապահներն ապահովում են քաղաքացիական ավտոմեքենաների ու բնակիչների անվտանգ տեղաշարժը Լաչինի միջանցքով, ուղեկցում են ենթակառուցվածքային օբյեկտները վերանորոգող բրիգադներին։

Ռուս խաղաղապահ զորակազմի զինծառայողները, որոնց հիմնական մասը Կենտրոնական ռազմական օկրուգի 15-րդ առանձին մոտոհրաձգային (խաղաղապահական) բրիգադից է, Լեռնային Ղարաբաղում իրավիճակի հրադադարի ռեժիմի պահպանման շուրջօրյա վերահսկողություն են իրականացնում 23 դիտարկման կետերից։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Խաղաղապահների օրն է. Ստեփանակերտի քաղաքապետն այցելել է ռուս խաղաղապահներին

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

67
թեգերը:
Ռուսաստան, խաղաղապահ, Արցախ
Ըստ թեմայի
Ռուս խաղաղապահներն օգնում են վերականգնել ջրամատակարարումն ու ջերմամատակարարումը Ղարաբաղում
Ղարաբաղում խաղաղապահների տեղակայումը դժվար թե սահմանափակվի հինգ տարի ժամկետով. Փաշինյան
Եռակողմ հայտարարությունը հրադադար է ապահովել, բայց ոչ երկարատև խաղաղություն. Մարուքյան
2 ամիս անց․․․ խաղաղ կյանքը վերադառնում է Արցախ. լուսանկարներ
Արմեն Աբազյան

ԱԱԾ տնօրեն Արմեն Աբազյանը մեկնում է Մոսկվա

0
(Թարմացված է 15:22 01.12.2020)
Արմեն Աբազյանի այցի մասին այլ մանրամասներ չեն հրապարակվում։

ԵՐԵՎԱՆ, 1 դեկտեմբերի – Sputnik. ՀՀ ազգային անվտանգության ծառայության տնօրեն Արմեն Աբազյանը մեկնում է Մոսկվա։ Տեղեկությունը Sputnik Արմենիային հայտնեցին ԱԱԾ մամուլի կենտրոնից։

Հարցին, թե ինչ օրակարգով է ԱԱԾ տնօրենը մեկնում ՌԴ մայրաքաղաք, պատասխանեցին, որ լրացուցիչ տեղեկություններ առայժմ չեն հայտնում։

Նիկոլ Փաշինյանը Մոսկվա չի մեկնի. հանդիպումը կկայանա տեսակապով

Հիշեցնենք, որ Աբազյանը ՀՀ ազգային անվտանգության ծառայության տնօրեն է նշանակվել նոյեմբերի 9-ին։
Մինչ այդ Աբազյանը զբաղեցնում էր ԱԱԾ տնօրենի տեղակալի պաշտոնը։ Վարչապետ Նիկոլ Փաշինյանի որոշմամբ` օգոստոսի 10-ին նա նշանակվել էր քննչական կոմիտեի նախագահի տեղակալ։

Սակայն մեկ օր անց` օգոստոսի 11-ին, ազատվել էր պաշտոնից և հաջորդ օրը նախագահի հրամանագրով նշանակվել ԱԱԾ տնօրենի տեղակալ։

0
թեգերը:
Մոսկվա, Արմեն Աբազյան, ՀՀ ազգային անվտանգության ծառայություն. ԱԱԾ
Ըստ թեմայի
ՀՀ նախագահ Արմեն Սարգսյանը մեկնել է Մոսկվա
Արա Այվազյանը կմեկնի Մոսկվա. նա խոսել է Սերգեյ Լավրովի հետ
Ինչո՞ւ Տեր-Պետրոսյանն ու Քոչարյանն այդպես էլ չմեկնեցին Մոսկվա. Փաշինյանը գրառում է արել