Անցման անվտանգությունն ապահովում են ռուս խաղաղապահները, որոնք դիտորդական դիրքեր են տեղակայել ամբողջ ճանապարհին։
Ճանապարհին երթևեկությունն արդեն վերսկսել է, Հայաստանից դեպի Արցախ այս ճանապարհով սկսել են առաջին մեքենաները ժամանել։
Ռուսական հիմնական անցակետերից մեկը Շուշիին բավականին մոտ է, հեռավորությունը մեկ կմ էլ չկա։ Այնտեղ դիտորդական կետերից մեկն անմիջականորեն սահմանակից է ադրբեջանական ԶՈւ–ի դիրքերին։
Այդ դիտակետը դարձել է հայկական և ադրբեջանական կողմերի միջև խաղաղապահների և Կարմիր խաչի միջնորդությամբ բանակցությունների գոտի (տեղական մակարդակով):
«Շնորհիվ բոլոր կողմերի ջանքերի` հսկայական աշխատանք է կատարվել միջանցքը մաքրելու, ականազերծելու և խոցված տեխնիկան հանելու ուղղությամբ»,- նշում է ռուսական խաղաղապահ զորախմբի հրամանատարի տեղակալ, գնդապետ Ալեքսեյ Պոլյուխովիչը։ Նա հավելում է, որ այս ամենի շնորհիվ այսօր արդեն բնակչությունը կարող է անխափան անցնել, իսկ ռուս խաղաղապահներն էլ ապահովում են նրանց անվտանգությունը։
Արցախում կոմունալ բոլոր ծառայությունները բնակչության համար 1 տարի անվճար կլինեն
Վաշտի ռազմաքաղաքական աշխատանքի գծով հրամանատարի տեղակալ, կապիտան Նիկոլայ Լոբանովը նշում է՝ մարդիկ ուրախ են, որ խաղաղապահները եկել են, պատերազմը վերջապես ավարտվել է։
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Հայաստանի, Ադրբեջանի և Ռուսաստանի առաջնորդների եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960-ական զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
