ՀՊՏՀ ուսխորհրդի նախագահները, Ծառուկյանի փեսաները... ովքեր են մտել վարչապետի ընդունարան

336
(Թարմացված է 13:18 17.11.2020)
Ըստ վարչապետի խոսնակի հրապարակած տեսանյութի` կառավարություն են մտել, կոտրել ապակիները, գույքը փչացրել, ինչ–ինչ իրեր վերցրել իրենց հետ։

Վարչապետի խոսնակ Մանե Գևորգյանը տեսանյութ է հրապարակել` ներկայացնելով, թե ովքեր են մտել վարչապետի ընդունարան և պահարանի ապակիները կոտրել, ինչ–ինչ բաներ գողացել։

Մանրամասները հայտնի են դարձել ընդունարանում տեղադրված տեսախցիկի արձանագրած կադրերի միջոցով։ Մասնավորապես, ըստ Գրիգորյանի, պահարանը կոտրողների թվում են ՀՊՏՀ ուսխորհրդի նախկին 4 նախագահները` Սերգեյ Խառատյանը, Սևակ Խաչատրյանը, Նարեկ Մանթաշյանը, Հովհաննես Հարությունյանը, Գագիկ Ծառուկյանի երկու փեսաները` Կոտայքի նախկին մարզպետ Կարապետ Գուլոյանը և ԱԺ պատգամավոր Դավիթ Մանուկյանը, ԲՀԿ երիտասարդական թևի ղեկավար Աշոտ Անդրեասյանը։

Մանե Գևորգյանը հայտնել է, որ տեսանյութի «հերոսներից» մի մասին արդեն իսկ մեղադրանք է առաջադրվել, նրանց շրջանում կան ձերբակալվածներ եւ կալանավորվածներ։

Ի՞նչ կարելի էր անել, և ի՞նչ չի արվել. Մոսկվայում սպասում են Փաշինյանի պատասխանին

Հիշեցնենք, որ ԱԱԾ-ն հայտնել էր` նոյեմբերի 10-ի հայտնի իրադարձությունների ժամանակ զանգվածային անկարգությունների մասնակիցներն ապօրինի մուտք են գործել ՀՀ վարչապետին տրամադրված՝ Երևան քաղաքի Ձորափի 74 հասցեում գտնվող ծառայողական առանձնատուն, որտեղից ապօրինի, անհատույց, շահադիտական դրդումներով բացահայտ հափշտակել են համակարգիչ, ժամացույց, օծանելիք և այլ իրեր, ինչպես նաև կարևոր փաստաթղթեր հանդիսացող՝ վարորդական իրավունքի վկայական և զինվորական գրքույկ: Ձերբակալվել էր 3 անձ։

Նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

336
թեգերը:
տեսանյութ, փեսա, Գագիկ Ծառուկյան, Վարչապետ
թեմա:
Իրադրությունը Հայաստանում և Արցախում հայտարարության ստորագրումից հետո (584)
Ըստ թեմայի
Բողոքի ակցիայի մասնակիցները ծեծել են ԱԺ նախագահ Արարատ Միրզոյանին
Երևանի կենտրոնում իրավիճակը թեժանում է. ցուցարարները ծեծել են ոստիկանների
«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ

Պատերազմը ցույց տվեց, որ պետք է ընդլայնվի ավիացիայի նյութատեխնիկական բազան. Նազարյան

2
(Թարմացված է 17:52 01.12.2020)
«Ռազմինֆո» կայքի վերլուծաբան Ռոբերտ Նազարյանը Sputnik Արմենիայի հետ զրույցում խոսել է արցախյան պատերազմում հատկապես ռազմական ավիացիայի կիրառման արդյունավետության խնդրի մասին։

Ռոբերտ Նազարյանի դիտարկմամբ` պատերազմի ընթացքում բաց աղբյուրներից և պաշտոնական հայտարարություններից պարզ է դարձել, որ օգտագործվել են հիմնականում ՍՈւ–25 գրոհային ինքնաթիռներ, առնվազն մեկ դեպքում էլ կիրառվել է ՍՈւ–30 կործանիչ, որն ավիացիոն չկառավարվող հրթիռներով խոցում է իրականացրել։ Լայնորեն կիրառվել է նաև ուղղաթիռային պարկը` և՛ հարվածային, և՛ ուղևորափոխադրող։

«Ավիացիայի ՕԳԳ–ն որոշելու համար նախևառաջ պետք է իմանալ, թե կոնկրետ ինչ խնդիրներ են լուծել այդ միջոցները թռիչքի դուրս գալուց հետո։ Ամբողջական գնահատական տալու հարցում թերևս կա մի փոքր դժվարություն, որովհետև այդ գործողություններին առնչվող տեղեկատվությունը փակ է»,– նշեց վերլուծաբանը։

Նազարյանը պարզապես ընդգծում է այն իրողությունը, որ ՍՈւ–30 բազմաֆունկցիոնալ կործանիչների առավելությունը թերևս այն է, որ կարելի է իրավիճակից ելնելով ընտրել հարմար մարտավարություն, առավել ևս, որ դրանք կարելի է հաջողությամբ օգտագործել փոքրածավալ, լոկալ պատերազմում, ինչպիսին օրինակ 2016թ.–ի ապրիլյան քառօրյան էր։

Վերլուծաբանի համոզմամբ` վերջին պատերազմը ցույց տվեց, որ ավիացիոն միջոցները հետայսու պետք է ավելի լայնորեն կիրառվեն, և համապատասխանաբար պետք է ընդլայնվի նաև ավիացիայի նյութատեխնիկական բազան։ Ըստ նրա` կործանիչների ձեռքբերման գործարքը շատ կարևոր էր, նույնիսկ ուշացած, և անկախ պատերազմի արդյունքներից` անհրաժեշտ է հետևողականորեն շարունակել կործանիչ ավիացիայի զարգացմանն ուղղված քայլերը։

Հոկտեմբերի 19-ին Արցախի նախագահն ինձ ասաց, որ պետք է կանգնեցնել պատերազմը. Փաշինյան

2
թեգերը:
Ռոբերտ Նազարյան, ռազմական ավիացիա, Արցախյան պատերազմ
թեմա:
Sputnik զրույց
Ըստ թեմայի
Թշնամին ռազմական ավիացիա է կիրառել Մարտունու ուղղությամբ, հրետակոծել Շուշի քաղաքը
Արցախ մեկնող ռուսական ռազմական տեխնիկայի շարասյանն ուղեկցում է ավիացիան. տեսանյութ
ՌԴ ԱԻՆ ավիացիայի հատուկ ինքնաթիռը ժամանել է Հայաստան. տեսանյութ

Սոթքի հանքը Ադրբեջանի հետ կիսելով` հայկական կողմը կունենա շատ լուրջ խնդիրներ

107
«Ջի Փարթներս» իրավաբանական ընկերության տնօրեն Սարգիս Գրիգորյանը Sputnik Արմենիայի հետ զրույցում անդրադարձել է Սոթքի հանքում ստեղծված իրավիճակին և դրանից բխող իրավական լուրջ հետևանքներին։

Սոթքի ոսկու հանքի շուրջ խնդիրը մեր կառավարության հերթական ձախողումն է, քանի որ այն ի զորու չէ ապահովելու օտարերկրյա ներդրողների պաշտպանությունը Հայաստանում, փաստացի չի կարողանում բարենպաստ պայմաններ ապահովել արտասահմանյան ներդրումների իրականացման համար, ինչպես նաև պաշտպանել այդ ներդրողների շահերն ընդդեմ Ադրբեջանի։ Sputnik Արմենիայի հետ զրույցում այսպիսի տեսակետ հայտնեց «Ջի Փարթներս» իրավաբանական ընկերության տնօրեն Սարգիս Գրիգորյանը։

ՀՀ վարչապետ Նիկոլ Փաշինյանն ասել էր, որ սահմանը որոշվում է ոչ թե աչքաչափով, այլ GPS  սարքերով, իսկ այդ սահմանով Սոթքի հանքը կիսով չափ գտնվել է Խորհրդային Հայաստանի, կիսով չափ ՝ Ադրբեջանի  տարածքում, և հիմա ուզենք, թե չուզենք, սահմանազատումը պետք է տեղի ունենա ոչ միայն ռուս խաղաղապահների, այլև ադրբեջանցի ներկայացուցիչների մասնակցությամբ։

Սարգիս Գրիգորյանի տեղեկացմամբ`Սոթքի ոսկու հանքի շահագործման իրավունքն այս փուլում պատկանում է «Գեոպրոմայնինգ» ընկերությանը, որի միակ բաժնետերը «Ջի Փի ԷՄ–Արմենիա» ընկերությունն է։ Այն գրանցված է Նիդեռլանդներում` Եվրոպական Միությունում, և ՀՀ–ն չկարողացավ պաշտպանել այդ ընկերության ակտիվներն իր տարածքում, մինչդեռ հոլանդական ընկերությունը ներդրել է ոչ միայն հսկայական գումարներ, այլև նորագույն տեխնոլոգիաներ։ Ըստ Գրիգորյանի`այն, ինչ ներդրվել էր այդ հանքի շահագործման շրջանակներում, փաստացի անցնում է Ադրբեջանին` ի հայտ բերելով մի շարք իրավական խնդիրներ։       

Քարվաճառ մտնելուց հետո պահանջել են դուրս գալ Սոթքի հանքի տարածքից. ԳՇ պետի առաջին տեղակալ

Գրիգորյանը չի բացառում այն հեռանկարը, երբ ներդրողներն իրենց վնասի դիմաց միջազգային դատական ատյաններում ահռելի փոխհատուցման պահանջներ կներկայացնեն Հայաստանի դեմ` կնքված միջազգային համաձայնագրերի շրջանակում։ Ընդ որում` հնարավոր պահանջվելիք փոխհատուցման գումարը կարող է կազմել 3 մլրդ դոլարից մինչև 5 մլրդ դոլար, ինչը վճարվելու է Հայաստանի հարկատուների հաշվին։ 

Հիշեցնենք, որ մամուլում շրջանառվող տեղեկատվության համաձայն` ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնել էր, որ ադրբեջանցիները Սոթքի հանքի տարածքում են` բանակցություններ են վարում։

Ադրբեջանցի զինծառայողները Սոթքի ոսկու հանքի մատույցներում են. տեսանյութ

107
թեգերը:
Սարգիս Գրիգորյան, Ադրբեջան, Հայաստան, Սոթքի հանքավայր
թեմա:
Sputnik զրույց
Ըստ թեմայի
Տարածքի բնակչության 30 %-ն աշխատում է հանքում. Սոթքի բնակիչները շվարած են. տեսանյութ
Սոթքում տեղի ունեցող գործընթացները եռակողմ հայտարարության շրջանակում են. վարչապետ
Սոթքի հանքն աշխատելու է, բանակցում են աշխատելու ծավալների շուրջ․ Թագուհի Թովմասյան
Խաղաղապահներ. Արցախ

Ադրբեջանի մոնիթորինգի կենտրոնում Ռուսաստանի և Թուրքիայի զինվորականների թիվը հավասար կլինի

0
(Թարմացված է 17:50 01.12.2020)
Ռուսաստանն ու Թուրքիան համատեղ դիտորդական կենտրոնի տեխնիկական հարցերի վերաբերյալ արդեն համաձայնության են եկել։

ԵՐԵՎԱՆ, 1 դեկտեմբերի – Sputnik. Ադրբեջանում ռուս–թուրքական համատեղ դիտորդական կենտրոնում երկու երկրների զինվորականների թիվը հավասար կլինի։ ՌԻԱ Նովոստիի փոխանցմամբ` այս մասին այսօր հայտնել է ՌԴ ՊՆ պաշտոնական ներկայացուցիչ, գեներալ–մայոր Իգոր Կոնաշենկովը` հավելելով, որ Մոսկվան և Անկարան համաձայնության են եկել ԼՂ հրադադարի վերահսկման վերաբերյալ համատեղ կենտրոնի շուրջ։

Ավելի վաղ Թուրքիայի ՊՆ–ն հայտնել էր, որ ՌԴ–ի հետ համաձայնագրի են ստորագրել ԼՂ–ում հրադադարի  վերահսկման մոնիթորինգային համատեղ կենտրոնի ստեղծման մասին։

Կոնաշենկովի խոսքով` նոյեմբերի 11-ին ՌԴ–ի և Թուրքիայի ՊՆ–ների ստորագրած հուշագրով` համաձայնություն է ձեռք բերվել հրադադարի և բոլոր ռազմական գործողությունների դադարեցման վերահսկման ռուս–թուրքական համատեղ կենտրոնի տեղակայման և գործելու կարգի վերաբերյալ։  

«Կենտրոնը տեղակայվելու է Ադրբեջանի տարածքում։ Համատեղ կենտրոնի կազմակերպչական կառույցում ռուսական և թուրքական անձնակազմերի թիվը հավասար է լինելու», – նշել է Կոնաշենկովը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1712 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

0
թեգերը:
զինադադար, զինծառայող, Թուրքիա, Ռուսաստան, Ադրբեջան
թեմա:
Իրադրությունը Հայաստանում և Արցախում հայտարարության ստորագրումից հետո (584)
Ըստ թեմայի
ՀԱՊԿ երկրների ԱԳ և ՊՆ ղեկավարները կքննարկեն խաղաղապահներին մասին փաստաթուղթը․ Զաս
Ռուս խաղաղապահներն ապահովել են ավելի քան 26 հազար փախստականների անվտանգ վերադարձն Արցախ
Արցախում ռուս խաղաղապահները շուրջ 1000 պայթյունավտանգ զինամթերք են վնասազերծել