Վարչապետի պաշտոնավարման դադարեցում և արտահերթ ընտրություններ. ՀՀ նախագահն ուղերձ է հղել

2321
(Թարմացված է 23:37 16.11.2020)
Վերջին մի քանի օրերի ընթացքում ՀՀ նախագահը քաղաքական խորհրդակցություններ և հանդիպումներ է անցկացրել խորհրդարանական և արտախորհրդարանական ուժերի, տարբեր ՀԿ–ների ու անհատների հետ:

ՀՀ նախագահ Արմեն Սարգսյանը երկրում ստեղծված իրավիճակով պայմանավորված` ուղերձ է հղել, որն առանց փոփոխությունների ներկայացնում ենք ընթերցողին.

«Սիրելի հայրենակիցներ Հայաստանում, Արցախում և Սփյուռքում,

Աշխարհասփյուռ հայությունը ներկայումս ապրում է մեր ազգի հազարամյա պատմության ամենաշրջադարձային պահերից մեկը։

Այն նպատակները, որոնց ազգովի ձգտում էինք մայր հայրենիքի բաղձալի անկախացումից հետո, սասանված են։

Մենք պարտվեցինք մեզ պարտադրված պատերազմում՝ ինչպես ռազմի դաշտում, այնպես էլ դիվանագիտական և միջազգային հանրային հարթակներում։

Կրկին ցավակցում եմ զոհվածների ընտանիքներին ու հարազատներին, իսկ վիրավորներին մաղթում եմ շուտափույթ ապաքինում:

Մենք զավակներն ենք Ցեղասպանությունը վերապրած և հաղթահարած ժողովրդի:

Կարելի է պարտվել ճակատամարտը, բայց անթույլատրելի է պարտվել որպես ազգ:

Սեփական ձեռքերով վառած տունը և կորցրած հայրենիքը կարելի է վերականգնել միայն մի ձևով՝ վերագտնելով մեր հաղթանակը և կառուցելով այն պետությունը, որով բոլորս իրապես հպարտ կլինենք:

Եվ մենք դա վստահաբար կարող ենք անել՝ սթափ գնահատելով իրավիճակը, դասեր քաղելով թույլ տրված սխալներից և համախմբված լծվելով ազգային վերածնունդին։

Արմեն Սարգսյանն ու Նիկոլ Փաշինյանը քննարկել են երկրում ստեղծված իրավիճակը

Ինչպիսին էլ լինեն անցյալի վերաբերյալ մեր գնահատականների տարբերությունները, ակնհայտ է, որ հայտնվել ենք աննախադեպ խնդիրների առջև:

Արցախը ծանր վիրավոր է:

Ունենք ալեկոծված հասարակություն:

Վիրավոր տնտեսությունը ծանրաբեռնված է սոցիալական վիթխարի խնդիրներով:

Արցախից Հայաստան տեղափոխվածների մեծ հոսքի արդյունքում առկա է մարդասիրական աղետ:

Չափազանց բարդ է նաև համաճարակով պայմանավորված իրավիճակը:

Ի վերջո, խոցված է հայի ոգին՝ աշխարհի ցանկացած անկյունում։

Մեր երկիրն այսօր այլևս այն երկիրը չէ, որն ունեինք սեպտեմբերի 26-ին, և նույնիսկ այն չէ, ինչ ունեինք նոյեմբերի 8-ին:

Մենք չենք կարող անտեսել այս իրականությունը և շարունակել ապրել սովորական կյանքով։

Վերջին մի քանի օրերի ընթացքում, պահի հրամայականին համահունչ, քաղաքական խորհրդակցություններ և մի քանի տասնյակ հանդիպումներ եմ անցկացրել խորհրդարանական և արտախորհրդարանական ուժերի, հասարակական տարբեր կազմակերպությունների ու անհատների հետ: Հեռախոսազրույցներ եմ ունեցել Սփյուռքի տարբեր կառույցների և մեր հայրենակիցների հետ:

Հանդիպման մասնակիցների բացարձակ մեծամասնությունը համակարծիք են մեկ հարցում՝ Սահմանադրությանը համապատասխան վարչապետի հրաժարական կամ պաշտոնավարման դադարեցում և արտահերթ խորհրդարանական ընտրություններ:

Ակնհայտ է, որ չնայած պատերազմի դադարեցմանը, Արցախի Հանրապետությունը, Հայաստանի Հանրապետությունը և ողջ հայ ժողովուրդը թևակոխում են նոր փորձությունների շրջան, որում յուրաքանչյուր սխալ կարող է աղետալի հետևանքներ ունենալ:

Ստեղծված իրավիճակում հայ ժողովրդի համար այլընտրանք չկա, քան լինել միասնական և համախմբված:

Այս օրերին մեզանից յուրաքանչյուրը, հատկապես քաղաքական գործիչները և պետական պաշտոնյաները պետք է դրսևորեն բարձր պատասխանատվություն և զսպվածություն՝ ջանքերը կենտրոնացնելով բացառապես ստեղծված ճգնաժամը հաղթահարելու ուղիներ փնտրելու վրա:

Նիկոլ Փաշինյանը որոշել է պաշտոնից ազատել Զոհրաբ Մնացականյանին

Այս իրավիճակում ուզում եմ դիմել իրավապահ մարմիններին:

Դուք այսօր շատ մեծ պատասխանատվություն ունեք՝ նախ և առաջ մեր երկրում ապահովելու կարգուկանոն, լինել ամուր, վճռական, բայց, միևնույն ժամանակ, յուրաքանչյուր անգամ, յուրաքանչյուր առիթով հիշելով, որ ձեր դիմաց ձեր քույրն է կամ եղբայրը:

Որևէ շեղում, օրենքի և օրինականության որևէ խախտում, անընդունելի և աններելի է: Կոչ եմ անում ձեզ՝ պահպանել ու պաշտպանել օրենքը և օրինականությունը:

Հանդիպումների և խորհրդակցությունների արդյունքում ձևավորված իմ դիտարկումները հետևյալն են՝

Հաշվի առնելով ստեղծված իրավիճակը և այն արժանապատվորեն հաղթահարելու հրամայականը, ականջալուր լինելով հանրային պահանջին, ակնհայտ է, որ երկիրը ցնցումներից զերծ պահելու համար ի վերջո անխուսափելի են լինելու Ազգային ժողովի արտահերթ ընտրությունները:

Այս համատեքստում, իմ կարծիքով, միակ պատասխանատու մոտեցումը կարող է լինել կառավարության և իշխող քաղաքական ուժի կողմից սեփական ներուժի օբյեկտիվ գնահատելը և սեղմ ժամկետում ճանապարհային քարտեզ ներկայացնելը, որով կնախատեսվեն համապատասխան սահմանադրական գործընթացների նախաձեռնման ժամկետները, որոնց արդյունքում հնարավոր կդառնա իրականացնել Ազգային ժողովի արտահերթ ընտրություններ, իսկ մինչ այդ կառավարումը կհանձնվի բարձր որակավորում ունեցող Ազգային համաձայնության կառավարությանը:

Հայաստանի Հանրապետության, Արցախի Հանրապետության ու աշխարհի տարբեր երկրներում բնակվող ողջ հայ ժողովրդի համար այս դժվարին օրերին ճգնաժամը հաղթահարելուն ուղղված իմ վերոնշյալ դիտարկումները բխում են բացառապես համապետական և համազգային շահերից:

Հուսով եմ, որ քաղաքական բոլոր ուժերը կգիտակցեն պահի պատասխանատվությունը և արժանապատվորեն կիրականացնեն պատմական առաքելության իրենց մասը։

Ուզում եմ հիշեցնել, որ այսօր Հայաստանին հետևում են բոլորը՝ թե՛ մեր բարեկամները, և՛ թե մեր թշնամիները:

Մենք ուրիշ պարտականություն չունենք, բացի մեր երկիրը հզորացնելը:

Մենք ուրիշ ճանապարհ չունենք, բացի ժողովրդին համախմբելը՝ տուրք չտալով հասարակության պառակտման վտանգ պարունակող որևէ խոսքի և քայլի:

Միայն միասնականությամբ մենք կկարողանանք պարտության բեռի տակ ճկված վիճակից ուղղել մեր մեջքը, և թե՛ մեզ, թե՛ ապագա սերունդներին ու համաշխարհային հանրությանը ներկայանալ որպես զավակներն այն ժողովրդի, որին հաղթելն անհնարին է:

Վստահ եմ, որ հայ ժողովուրդը պատվով և հաղթական դուրս կգա ստեղծված դժվարին իրավիճակից:

Աստված պահապան բոլորիս»:

ԲՀԿ–ն պահանջում է ժամ առաջ մեկուսացնել Նիկոլ Փաշինյանին

2321
թեգերը:
Վարչապետ, Նախագահ, Ընտրություններ, Արմեն Սարգսյան
թեմա:
Իրադրությունը Հայաստանում և Արցախում հայտարարության ստորագրումից հետո (599)
Ըստ թեմայի
Մարդկանց կտրուկ արձագանքը բնական է. Արմեն Սարգսյանը հանդիպել է Սերգեյ Կոպիրկինի հետ
Ճիշտ է, փաստաթուղթը չի որոշում Արցախի վերջնական կարգավիճակը. Արմեն Սարգսյան
Կա զինադադարի փաստաթուղթ, չկա Մինսկի խումբը. Արմեն Սարգսյան

«Ես վախենում եմ». քաղաքացիները` Թուրքիայի և Ադրբեջանի հետ սահմանները բացելու մասին

50
(Թարմացված է 18:29 02.12.2020)
Sputnik Արմենիան Երևանի փողոցներում հարցում է անցկացրել պարզելու համար քաղաքացիների վերաբերմունքն այն հանգամանքին, որ հնարավոր է` Թուրքիայի ու Ադրբեջանի հետ մոտ ապագայում բացվեն սահմանները։

Հարցվողների կարծիքները տարբեր էին։ Սակայն մեծամասնությունը դեմ էր սահմանների բացմանը. նրանք համարում են, որ թշնամու հետ հարևանություն անելը վտանգավոր է։

Ոմանք էլ գտնում են, որ եթե եվրոպական երկրներ լինեինք, միգուցե հնարավոր էր հարևանություն անել, բայց սա Ասիա է։

«Ես վախենում եմ էդ Թուրքիայից էլ, Ադրբեջանից էլ, չեմ կարող ասել։ Ես դեմ եմ։ Շան հետ ընկերություն արա, փայտը ձեռքիցդ մի գցիր»,–ասում են քաղաքացիները։

Նրանցից ոմանք կարծում են, որ այս խնդրի լուծումը մեզանից կախված չէ, մեծ երկրներն են որոշելու, մենք էլ պետք է հարմարվենք։

«Գիտե՞ք՝ ինձ մոտ հիմա այնպիսի տպավորություն է, որ մենք այլևս ոչինչ չենք որոշում։ Ու դրա համար մի տեսակ սթրեսային, հուսալքված վիճակ է։ Անգամ հիմա, երբ հիշում եմ հեղափոխության օրերը, հասկանում եմ, որ թատրոնում էի, «մասովկայի» դերում»,–ասում է քաղաքացիներից մեկը։

Տղամարդկանցից մեկն էլ հիշում է, որ այդ հարցը 1991 թվականից շոշափվել է, նույնիսկ սահմանային կետերն էին նշանակել, բայց լուրջ չէ դա։

Նշենք, որ օրերս ՀՀ էկոնոմիկայի նորանշանակ նախարար Վահան Քերոբյանը Հանրային հեռուստաընկերության եթերում խոսել էր սահմանների բացման հնարավորությունների մասին։

Եթե հայ-թուրքական սահմանը բացվի, մենք բավականին առաջ կընկնենք. Եղիշե Հովհաննիսյան

«Սահմանների բացումը լայն հնարավորություն է ընձեռելու. մեր արտահանողները կարող են իրենց արտադրանքը արտահանել Ռուսաստան և այլ երկրներ ավելի հարմար ճանապարհներով, քան մինչև հիմա են անում։ Բացվելու են թուրքական նավահանգիստները և ընձեռվելու են բազմաթիվ լայն հնարավորություններ։ Միգուցե նաև բացվի Ադրբեջանի շուկան մեզ համար և մեր շուկան՝ Ադրբեջանի համար, և պետք են գալու մարդիկ, որ կարողանան օգտվել դրանից»,–ասել էր նա։

Ըստ նախարարի` պատրաստվում են ստեղծել նման ծրագիր, որը մեզ կպատրաստի քաղել այն բոլոր օգուտները, որոնք կարող են լինել տարածաշրջանի ապաշրջափակումից։

50
թեգերը:
Սահման, Թուրքիա, Ադրբեջան, Հայաստան, Լեռնային Ղարաբաղ, Արցախ, երևանցիներ, Երևան
Ըստ թեմայի
Նոր սահման, նոր խրամատներ. զինծառայողները նոր դիրքեր են կառուցում
Ինչ պետք է անել, որ Բաքուն սահմանները չգծի` ինչպես կամենա, կամ խուսափենք գալիք խնդիրներից
Ադրբեջանական GPS-ը Սյունիքի սահմաններին էլ հասավ. Կապանի օդանավակայանը ՀՀ-ին կմնա

Պետք է կտրուկ մեծացնել ռազմարդյունաբերական մշակումների ֆինանսավորումը. Քերոբյան

69
ՀՀ Ռազմարդյունաբերության կոմիտեի նախկին նախագահ Ավետիք Քերոբյանը Sputnik Արմենիայի հետ զրույցի ընթացքում խոսել է ռազմարդյունաբերության ներկա վիճակի մասին` համեմատելով այդ ոլորտը պատերազմի դաշտում տեղի ունեցած ռազմական գործողությունների իրական պատկերի հետ։ 

ՀՀ Ռազմարդյունաբերության կոմիտեի նախկին նախագահ Ավետիք Քերոբյանի դիտարկմամբ` այն ամենը, ինչ ժամանակին ներկայացվել է ցուցահանդեսներում և հիմա կա մեր զինանոցում, գործող նմուշներ են, ունեցել ենք նաև սերիական արտադրանք, որը նույնպես կիրառվել է արցախյան պատերազմում։ Այդուհանդերձ, Քերոբյանի առաջին տպավորության համաձայն`աչքի է զարնել թերի համալրվածությունը, քանի որ շատերը չեն ունեցել տեսադիտարկման սարքեր, կապի միջոցներ, այլ սպառազինություն և հանդերձանք, ինչը թույլ կտար ամբողջությամբ բավարարել մեր ռազմական կարիքները։

«Բանակի սպառազինության համալրումը ՊՆ–ի համապատասխան վարչությունների գործն է, որի պլանավորումը դուրս էր իմ լիազորությունների շրջանակից` չնայած և՛ նախկինում, և՛ հիմա, ռազմարդյունաբերությունը շարունակական ճնշում է գործադրում, որպեսզի հայրենական արտադրանքը գնվի բավարար քանակով և մատակարարվի Զինված ուժերին, որպեսզի բավարարվեն բոլոր կարիքները»,– նշեց ՀՀ Ռազմարդյունաբերության կոմիտեի նախկին նախագահը։

Քերոբյանի կարծիքով` արցախյան պատերազմում տեղական սպառազինությունն օգտագործվել է ոչ բավարար քանակով, թեև նա տեսել է և՛ հանդերձանքը, և՛ զինատեսակները։ Ըստ նրա` կարևոր է այն հանգամանքը, թե ինչպիսի մարտավարությամբ է կիրառվել մեր զինանոցը, արդյո՞ք հասու են եղել բոլոր միջոցները։

Ռազմարդյունաբերական ընկերություններն աշխատում են 24/7 ռեժիմով

Մասնագետի գնահատմամբ` առաջին հերթին պետք է կտրուկ մեծացնել ռազմարդյունաբերական մշակումների և արտադրական զարգացումների ֆինանսավորումը, և պատահական չէ, որ այս տարի առաջին անգամ պետական բյուջեում ռազմարդյունաբերական, արտադրական կարողությունների համար նախատեսված էր զգալի գումար։   

Ինչ վիճակում է հայկական ռազմարդյունաբերությունն այս օրերին. մեկնաբանում է նախարարը

69
թեգերը:
Հայաստան, ռազմարդյունաբերություն
Ըստ թեմայի
«Շրջանառվող տեղեկությունը զենքի վաճառքի մասին լկտի սուտ է և մանիպուլյացիա». ՊՆ խոսնակ
Թուրքիայում հայտնված զենքն ու «հայկական» հետքը․ մեկնաբանում է Ղազախստանը
Վերջին երկու տարում գնված զենքը այս պատերազմի ժամանակ չի կրակել. ՀՀ ԶՈւ ԳՇ նախկին պետ
Բողոքի ակցիա Երևանում՝ Նիկոլ Փաշինյանի հրաժարականի պահանջով. 2 դեկտեմբերի, 2020

Ընդդիմությունը կոչ է անում փակել Երևանի փողոցները

0
(Թարմացված է 19:47 02.12.2020)
Դեկտեմբերի 5-ին, ժամը 15:00-ին, Ազատության հրապարակում նախանշված է համապետական հանրահավաք:

ԵՐԵՎԱՆ, 2 դեկտեմբերի - Sputnik. Նիկոլ Փաշինյանի հրաժարականի պահանջող բողոքի երթի կազմակերպիչները Երևանի Հանրապետության հրապարակում հանդես եկան հայտարարությամբ, որտեղ քաղաքացիներին կոչ արեցին Երևանի տարբեր փողոցներում վաղը՝ ժամը 18:00-ին, անհնազանդության ակցիաներ իրականացնել:

«Իրականացնելով անհնազանդության ակցիաներ, փակելով փողոցներ, ցույց տանք, որ Նիկոլ Փաշինյանը տեղ չունի մեր երկրում: Ժամը 18:00-ին ապակենտրոն սկզբունքով փակում ենք փողոցները»,- հայտարարեց ակցիայի կազմակերպիչներից մեկը:

Նա նաև տեղեկացրեց, որ դեկտեմբերի 5-ին՝ ժամը 15:00-ին, Ազատության հրապարակում հրավիրվում է համապետական հանրահավաք, որի ընթացքում, նրա խոսքով, բոլորը կտեսնեն, թե իրենց շարքերը որքան են ավելացել:

Բողոքի ակցիան ավարտվեց Հանրապետության հրապարակում, կառավարության շենքի դիմաց «Նիկոլ, դավաճան» վանկարկումներով ու հրապարակի կենտրոնում մեծ եռագույն դրոշ ծածանելով:

0
թեմա:
Իրադրությունը Հայաստանում և Արցախում հայտարարության ստորագրումից հետո (599)