«Տեսեք՝ Նանեն իմ գրկում է». Արտակ Բեգլարյանը ֆլեշմոբ է առաջարկում արցախցիներին

415
(Թարմացված է 22:36 14.11.2020)
Արցախի մարդու իրավունքների պաշտպանի կինն ու դուստրն արդեն Ստեփանակերտում են։

Արցախի մարդու իրավունքների պաշտպան Արտակ Բեգլարյանը հայտնում է, որ իր ընտանիքն արդեն Արցախում է։ Նա Facebook-ի իր էջում տեսաուղերձ է հրապարակել։

«Սիրելի արցախցիներ, պատերազմն ավարտված է։ Սա, իհարկե, արհավիրք էր բոլորիս համար։ Շատ ընտանիքներ դժբախտություններ են ունեցել, բայց կյանքը շարունակվում է»,- ասում է Բեգլարյանը։

Նա ընդգծում է՝ Արցախն ու հայրենիքը մեծ կորուստներ են ունեցել, բայց հիմա պետք է մտածել ապագայի՝ հայրենիքը զորացնելու, շենացնելու մասին։ Դա պետք է սկսել Արցախ վերադառնալով։

«Մեր օջախների ծուխը կրկին պետք է վեր հառնի՝ ի հեճուկս չուզողների։ Բոլորս պետք է այս ուղղությամբ քայլ կատարենք։ Իմ ընտանիքը վերադարձել է։ Տեսեք՝ Նանեն իմ գրկում է»,- ասում է Արտակ Բեգլարյանը։ Դուստրն էլ, իր անունը լսելով, շտապում է ընդհատել հայրիկին ու իր կողմից էլ մի քանի բառ ասել։

«Եկ տոն, եկ Արցախ»,- կոչ է անում ընտանիքը։ Տեսաուղերձի վերջում Նանեն ուրախ վազվզում է Վերածննդի հրապարակին հարակից պուրակում։

Բեգլարյանը նաև նոր ու հետաքրքիր ֆլեշմոբ է առաջարկել։ Բոլոր տուն վերադարձողները պետք է տարբեր տեսանյութերով ու լուսանկարներով ներկայացնեն իրենց վերադարձը՝ կիրառելով #ԵկԱրցախ #ԵկՏոն հեշթեգերը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Հայաստանի, Ադրբեջանի և Ռուսաստանի առաջնորդների եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960-ական զինծառայողներով,  հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

 

415
թեգերը:
ֆլեշմոբ, Արտակ Բեգլարյան (Արցախի ՄԻՊ), Արցախ
Ըստ թեմայի
Շուտով Արցախում կվերականգնվի հեռախոսային և ինտերնետ կապը
Եկեղեցիների համաշխարհային խորհուրդը կոչ է անում հարգել Արցախի սրբազան վայրերը
Արցախում զոհվածների հիշատակին նվիրված երթը Երևանում. հուզիչ կադրեր
Միջազգային հանրությունը պետք է քայլեր ձեռնարկի. Քոքսն ու Արցախի նախագահը հանդիպել են

Պատերազմը ցույց տվեց, որ պետք է ընդլայնվի ավիացիայի նյութատեխնիկական բազան. Նազարյան

16
(Թարմացված է 17:52 01.12.2020)
«Ռազմինֆո» կայքի վերլուծաբան Ռոբերտ Նազարյանը Sputnik Արմենիայի հետ զրույցում խոսել է արցախյան պատերազմում հատկապես ռազմական ավիացիայի կիրառման արդյունավետության խնդրի մասին։

Ռոբերտ Նազարյանի դիտարկմամբ` պատերազմի ընթացքում բաց աղբյուրներից և պաշտոնական հայտարարություններից պարզ է դարձել, որ օգտագործվել են հիմնականում ՍՈւ–25 գրոհային ինքնաթիռներ, առնվազն մեկ դեպքում էլ կիրառվել է ՍՈւ–30 կործանիչ, որն ավիացիոն չկառավարվող հրթիռներով խոցում է իրականացրել։ Լայնորեն կիրառվել է նաև ուղղաթիռային պարկը` և՛ հարվածային, և՛ ուղևորափոխադրող։

«Ավիացիայի ՕԳԳ–ն որոշելու համար նախևառաջ պետք է իմանալ, թե կոնկրետ ինչ խնդիրներ են լուծել այդ միջոցները թռիչքի դուրս գալուց հետո։ Ամբողջական գնահատական տալու հարցում թերևս կա մի փոքր դժվարություն, որովհետև այդ գործողություններին առնչվող տեղեկատվությունը փակ է»,– նշեց վերլուծաբանը։

Նազարյանը պարզապես ընդգծում է այն իրողությունը, որ ՍՈւ–30 բազմաֆունկցիոնալ կործանիչների առավելությունը թերևս այն է, որ կարելի է իրավիճակից ելնելով ընտրել հարմար մարտավարություն, առավել ևս, որ դրանք կարելի է հաջողությամբ օգտագործել փոքրածավալ, լոկալ պատերազմում, ինչպիսին օրինակ 2016թ.–ի ապրիլյան քառօրյան էր։

Վերլուծաբանի համոզմամբ` վերջին պատերազմը ցույց տվեց, որ ավիացիոն միջոցները հետայսու պետք է ավելի լայնորեն կիրառվեն, և համապատասխանաբար պետք է ընդլայնվի նաև ավիացիայի նյութատեխնիկական բազան։ Ըստ նրա` կործանիչների ձեռքբերման գործարքը շատ կարևոր էր, նույնիսկ ուշացած, և անկախ պատերազմի արդյունքներից` անհրաժեշտ է հետևողականորեն շարունակել կործանիչ ավիացիայի զարգացմանն ուղղված քայլերը։

Հոկտեմբերի 19-ին Արցախի նախագահն ինձ ասաց, որ պետք է կանգնեցնել պատերազմը. Փաշինյան

16
թեգերը:
Ռոբերտ Նազարյան, ռազմական ավիացիա, Արցախյան պատերազմ
թեմա:
Sputnik զրույց
Ըստ թեմայի
Թշնամին ռազմական ավիացիա է կիրառել Մարտունու ուղղությամբ, հրետակոծել Շուշի քաղաքը
Արցախ մեկնող ռուսական ռազմական տեխնիկայի շարասյանն ուղեկցում է ավիացիան. տեսանյութ
ՌԴ ԱԻՆ ավիացիայի հատուկ ինքնաթիռը ժամանել է Հայաստան. տեսանյութ

Սոթքի հանքը Ադրբեջանի հետ կիսելով` հայկական կողմը կունենա շատ լուրջ խնդիրներ

133
«Ջի Փարթներս» իրավաբանական ընկերության տնօրեն Սարգիս Գրիգորյանը Sputnik Արմենիայի հետ զրույցում անդրադարձել է Սոթքի հանքում ստեղծված իրավիճակին և դրանից բխող իրավական լուրջ հետևանքներին։

Սոթքի ոսկու հանքի շուրջ խնդիրը մեր կառավարության հերթական ձախողումն է, քանի որ այն ի զորու չէ ապահովելու օտարերկրյա ներդրողների պաշտպանությունը Հայաստանում, փաստացի չի կարողանում բարենպաստ պայմաններ ապահովել արտասահմանյան ներդրումների իրականացման համար, ինչպես նաև պաշտպանել այդ ներդրողների շահերն ընդդեմ Ադրբեջանի։ Sputnik Արմենիայի հետ զրույցում այսպիսի տեսակետ հայտնեց «Ջի Փարթներս» իրավաբանական ընկերության տնօրեն Սարգիս Գրիգորյանը։

ՀՀ վարչապետ Նիկոլ Փաշինյանն ասել էր, որ սահմանը որոշվում է ոչ թե աչքաչափով, այլ GPS  սարքերով, իսկ այդ սահմանով Սոթքի հանքը կիսով չափ գտնվել է Խորհրդային Հայաստանի, կիսով չափ ՝ Ադրբեջանի  տարածքում, և հիմա ուզենք, թե չուզենք, սահմանազատումը պետք է տեղի ունենա ոչ միայն ռուս խաղաղապահների, այլև ադրբեջանցի ներկայացուցիչների մասնակցությամբ։

Սարգիս Գրիգորյանի տեղեկացմամբ`Սոթքի ոսկու հանքի շահագործման իրավունքն այս փուլում պատկանում է «Գեոպրոմայնինգ» ընկերությանը, որի միակ բաժնետերը «Ջի Փի ԷՄ–Արմենիա» ընկերությունն է։ Այն գրանցված է Նիդեռլանդներում` Եվրոպական Միությունում, և ՀՀ–ն չկարողացավ պաշտպանել այդ ընկերության ակտիվներն իր տարածքում, մինչդեռ հոլանդական ընկերությունը ներդրել է ոչ միայն հսկայական գումարներ, այլև նորագույն տեխնոլոգիաներ։ Ըստ Գրիգորյանի`այն, ինչ ներդրվել էր այդ հանքի շահագործման շրջանակներում, փաստացի անցնում է Ադրբեջանին` ի հայտ բերելով մի շարք իրավական խնդիրներ։       

Քարվաճառ մտնելուց հետո պահանջել են դուրս գալ Սոթքի հանքի տարածքից. ԳՇ պետի առաջին տեղակալ

Գրիգորյանը չի բացառում այն հեռանկարը, երբ ներդրողներն իրենց վնասի դիմաց միջազգային դատական ատյաններում ահռելի փոխհատուցման պահանջներ կներկայացնեն Հայաստանի դեմ` կնքված միջազգային համաձայնագրերի շրջանակում։ Ընդ որում` հնարավոր պահանջվելիք փոխհատուցման գումարը կարող է կազմել 3 մլրդ դոլարից մինչև 5 մլրդ դոլար, ինչը վճարվելու է Հայաստանի հարկատուների հաշվին։ 

Հիշեցնենք, որ մամուլում շրջանառվող տեղեկատվության համաձայն` ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնել էր, որ ադրբեջանցիները Սոթքի հանքի տարածքում են` բանակցություններ են վարում։

Ադրբեջանցի զինծառայողները Սոթքի ոսկու հանքի մատույցներում են. տեսանյութ

133
թեգերը:
Սարգիս Գրիգորյան, Ադրբեջան, Հայաստան, Սոթքի հանքավայր
թեմա:
Sputnik զրույց
Ըստ թեմայի
Տարածքի բնակչության 30 %-ն աշխատում է հանքում. Սոթքի բնակիչները շվարած են. տեսանյութ
Սոթքում տեղի ունեցող գործընթացները եռակողմ հայտարարության շրջանակում են. վարչապետ
Սոթքի հանքն աշխատելու է, բանակցում են աշխատելու ծավալների շուրջ․ Թագուհի Թովմասյան
Бутылка оливкового масла с нарезанными овощами

Արմավենու յուղի վերաբերյալ նոր պահանջներ են քննարկվում ԵԱՏՄ–ում

0
Սահմանափակվելու է գլիցիդիլային եթերների պարունակությունը, որոնք առաջանում են բուսայուղերի, այդ թվում` արմավենու յուղի զտման ընթացքում:

ԵՐԵՎԱՆ, 1 դեկտեմբերի – Sputnik. ԵԱՏՄ–ում նոր պահանջներ են մտադիր սահմանել սննդամթերքում արմավենու յուղի պարունակության վերաբերյալ։  Այս մասին այսօր Sputnik Արմենիա մուլտիմեդիոն մամուլի կենտրոնում կազմակերպված Մոսկվա-Երևան-Մինսկ-Բիշքեկ-Նուր-Սուլթան առցանց տեսակամրջի ժամանակ ասաց Եվրասիական տնտեսական հանձնաժողովի տեխնիկական կարգավորման և ստանդարտացման վարչության պետ Անդրեյ Պոլոզկովը։

Մասնավորապես, սահմանափակվելու է գլիցիդիլային եթերների պարունակությունը, որոնք առաջանում են բուսայուղերի, այդ թվում` արմավենու յուղերի (որոնք առավել հաճախ օգտագործվում են ) զտման ընթացքում:

Առավելագույն թույլատրելի կոնցենտրացիան ուզում են նշել «Սննդամթերքի անվտանգության մասին», «Սննդամթերքի մակնշում», «Որոշակի մասնագիտացված սննդամթերքների, այդ թվում` դիետիկ թերապևտիկ և դիետիկ կանխարգելիչ սննդի անվտանգության վերաբերյալ» կանոնակարգերում, ինչպես նաև ճարպայուղային մթերքի վերաբերյալ տեխնիկական կանոնակարգում։

Պոլոզկովը նշեց, որ տեխնիկական նորմատիվների ընդունման նախորդ փորձից ելնելով` նոր կանոնների սահմանումը կարող է 1-1.5 տարի պահանջել։ Ըստ նրա` պետք է հաշվի առնել նաև այն, որ արտադրողներին ժամանակ է պետք յուղի ռաֆինացման տեխնիկական  գործընթացներն ու ձևերը վերակարգավորելու, իսկ վերահսկող մարմիններին` ստուգումների ընթացակարգին նախապատրաստվելու  համար։

ԵԱՏՄ օրակարգում միասնական արժույթի հարց չկա. ԿԲ ներկայացուցիչ

ԵԱՏՄ 5 երկրներից 4-ը (Բելառուսից բացի) Համաշխարհային առևտրային կազմակերպության անդամ են, իսկ դա նշանակում է, որ նրանք պետք է ՀԱԿ–ի գլխամաս հայտնեն այս փոփոխությունների մասին, որպեսզի նրանց առևտրային գործընկերները նույնպես հասցնեն նախապատրաստվեն կամ իրենց առարկությունները հայտնեն։

0
թեգերը:
յուղ, Եվրասիական տնտեսական միություն (ԵԱՏՄ)
թեմա:
Հայաստան և ԵԱՏՄ
Ըստ թեմայի
Հայաստանն առաջարկում է Թուրքիային զրկել ԵԱՏՄ սակագնային արտոնություններից
Թուրքիայի փոխարեն՝ ԵԱՏՄ երկրներ. ինչ է առաջարկում ՊԵԿ նախագահը
Ռուսաստանում նորից տեղ կգտնվի ԵԱՏՄ երկրների միգրանտների համար․ ԵԱԶԲ փորձագետներ