Ռուսական Մի-24 ուղղաթիռի կործանման վայրը շրջափակված է․ բացառիկ կադրեր

526
(Թարմացված է 00:02 10.11.2020)
Ուղղաթիռի խոցման հետևանքով զոհվել է անձնակազմի երկու անդամ, երրորդը՝ միջին ծանրության վնասվածքներով, տեղափոխվել է հիվանդանոց։

Ռուսական Մի-24 ուղղաթիռի կործանման վայրը՝ Արարատի Երասխ բնակավայրի մերձակայքը, շրջապատված է, լրագրողներին մոտ չեն թողնում։ Դեպքի վայրում հիմա համապատասխան մասնագետներ են աշխատում։ Տեղեկությունը դեպքի վայրից հայտնում է Sputnik Արմենիայի թղթակիցը։

Поисковые работы на месте крушения российского вертолета Ми-24, сбитого в воздушном пространстве над территорией Армении вне зоны боевых действий (9 ноября 2020). Араратская область
© Sputnik / Aram Nersesyan
Ռուսական Մի-24 ուղղաթիռի կործանման վայրը. Երասխ

«Ինքնաթիռի անկման վայրը մի քանի հարյուր մետր շառավղով շրջափակված է ռուս սահմանապահների և ՀՀ ոստիկանության կողմից։ Նրանց մոտ լրագրողներ են հավաքված, որոնց թույլ չեն տալիս մոտենալ դեպքի վայրին»,-պատմում է մերկ թղթակից Դավիթ Գալստյանը։

Поисковые работы на месте крушения российского вертолета Ми-24, сбитого в воздушном пространстве над территорией Армении вне зоны боевых действий (9 ноября 2020). Араратская область
© Sputnik / Aram Nersesyan
Ռուսական Մի-24 ուղղաթիռի կործանման վայրը. Երասխ

Նա հիշեցնում է, որ խոցված Մի-24-ը ուղեկցում էր Հայաստանում տեղակայված 102-րդ ռուսական ռազմաբազայի ավտոշարասյանը։ Ավտոշարասյունը շարժվում էր դեպի Սյունիք՝ ռուս սահմանապահների դիրքերի ամրապնդման համար։

Поисковые работы на месте крушения российского вертолета Ми-24, сбитого в воздушном пространстве над территорией Армении вне зоны боевых действий (9 ноября 2020). Араратская область
© Sputnik / Aram Nersesyan
Ռուսական Մի-24 ուղղաթիռի կործանման վայրը. Երասխ

Ռուսաստանի պաշտպանության նախարարությունը ևս հաստատել է, որ երկուշաբթի օրը ռուսական Մի-24 ուղղաթիռը կործանվել է Հայաստանում՝ Երասխ բնակավայրի մոտակայքում, ուղղաթիռը խոցվել է շարժական զենիթահրթիռային համալիրից։

Ուղղաթիռի կործանման հետևանքով զոհվել է անձնակազմի երկու անդամ, ևս մեկը՝ միջին ծանրության վնասվածքներով, տեղափոխվել է հիվանդանոց։ Ինչպես հայտարարել է Ռուսաստանի պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը, ռուսական գրոհիչը խոցվել է մարտական գործողությունների գոտուց դուրս:

Поисковые работы на месте крушения российского вертолета Ми-24, сбитого в воздушном пространстве над территорией Армении вне зоны боевых действий (9 ноября 2020). Араратская область
© Sputnik / Aram Nersesyan
Ռուսական Մի-24 ուղղաթիռի կործանման վայրը. Երասխ

Պաշտոնական Բաքուն խոստովանել է, որ Հայաստան տարածքում ռուսական ուղղաթիռ է խոցել, ներողություն է խնդրել և համապատասխան փոխհատուցում վճարելու պատրաստակամություն է հայտնել։

Поисковые работы на месте крушения российского вертолета Ми-24, сбитого в воздушном пространстве над территорией Армении вне зоны боевых действий (9 ноября 2020). Араратская область
© Sputnik / Aram Nersesyan
Ռուսական Մի-24 ուղղաթիռի կործանման վայրը. Երասխ
526
թեգերը:
Վիրավոր, Զոհ, Ադրբեջան, Ռուսաստան, Հայաստան, ուղղաթիռ
Ըստ թեմայի
Ուղղաթիռ խոցելն ակնհայտ ագրեսիա է Հայաստանի և Ռուսաստանի վրա. Վաղարշակ Հարությունյան
Ստեփանակերտն այսօր ավելի քան 10 անգամ հրթիռակոծվել է հեռահար հրթիռներով․ ԱԻՊԾ
Ադրբեջանական կողմի արդարանալու փորձերը կեղծ են և հիմնազուրկ. ԱԳՆ–ն` ուղղաթիռի դեպքի մասին

Աշոտ Ղազարյանի թոռնուհին հիացրեց «Ну-ка все вместе!» շոուի ժյուրիին. տեսանյութ

234
(Թարմացված է 10:42 08.03.2021)
Անահիտ Ադամյանն արդեն այնքան է մեծացել, որ մասնակցում է մեծերի համար նախատեսված նախագծին։

Ճանաչված դերասան Աշոտ Ղազարյանի թոռնուհին` Անահիտ Ադամյանը, երեկ մասնակցեց «Ну-ка все вместе!» երգի մրցույթին, երգեց TLC խմբի «No Scrubs» երգն ու հիացրեց ժյուրիի անդամներին։

Ելույթից առաջ նա խոստովանեց, որ առաջին անգամ է մասնակցում մեծերի համար նախատեսված նախագծի և շատ է հուզվում։
Նրա ելույթը դուր եկավ ժյուրիի 100 անդամներից 88–ին։ Անահիտի կատարումից հետո երգիչ Նիկոլայ Բասկովն ասաց. «Աստված իմ, 17 տարեկանում եկար ու նվաճեցիր Մոսկվան»։

Անահիտն ապրում է Սոչիում, երգում է փոքրուց։ Ելույթից առաջ նա պատմեց, որ իր տաղանդը նկատել է հոր ընկերը և հորդորել, որ լրջորեն զբաղվեն աղջնակով։ 

Հիշեցնենք` պրոֆեսիոնալ վոկալով զբաղվող Անահիտը 2016 թվականին հայտնվեց «Մանկական Եվրատեսիլում»։ Նա Մերի Վարդանյանի հետ երգեց Նիկ Եգիբյանի և Ավետ Բարսեղյանի հեղինակած «Տարբեր» կոչվող ստեղծագործությունը, և նրանց կատարման շնորհիվ Հայաստանը զբաղեցրեց երկրորդ տեղը։

2017 թվականին աղջնակը Հայաստանը ներկայացրեց մանկական «Նոր ալիք» մրցույթում և առաջին տեղը կիսեց ռուսաստանցի Արինա Պետրովայի հետ։

Աշոտ Ղազարյանի թոռնուհին անցած տարի եղբոր` Բորիսի հետ մասնակցեց մանկական «Ну-ка все вместе!» նախածին, և հենց նրանք էլ դարձան նախագծի հաղթողները։

234
թեգերը:
Անահիտ Ադամյան, տեսանյութ, երգ, մրցույթ
Ըստ թեմայի
Սերժ Թանկյանի Recognize Artsakh երգը ռուսերեն են թարգմանել. տեսանյութ
Հայ տարեց տղամարդը Լիբանանի «The Voice»-ում երգում է «Թռչեի մտքով տուն». տեսանյութ
16–ամյա երգիչ Գարիկ Զաբելյանը փայլեց «Ну-ка все вместе» վոկալային շոուի ժամանակ
Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները

Սյունիք չի կարող թուրքի ոտք մտնել. Շուռնուխի սահմանին մեծ եռագույնն է ծածանվում․ տեսանյութ

272
(Թարմացված է 00:40 08.03.2021)
Շուռնուխի ամենաբարձր կետում տեղադրված 8 մետր երկարությամբ ու 4 մետր բարձրությամբ դրոշն այսուհետ ուժ ու կորով կհաղորդի շուռնուխցիներին ու այստեղով անցուդարձ անողներին։

Թշնամու քթի տակ` Սյունիքի մարզի սահմանամերձ Շուռնուխում, մեծ հանդիսավորությամբ վեր է խոյացել հայկական եռագույնը։ Այն Հայաստանի հավերժության խորհրդանիշն է և գտնվում է ուղիղ ադրբեջանցիների տեսադաշտում։

«Սյունեցիները դարեր ի վեր իրենց մեսիջները թշնամուն հղել են սեփական բազկի հզորությունը ցուցադրելով։ Ժամանակը կգա և այս պահին եղած սահմանների մասին կհիշենք անցյալով»,- Sputnik Արմենիայի հետ զրույցում ասաց Գորիսի քաղաքապետ Առուշ Առուշանյանը։

Բանավոր պայմանավորվածությունների հիման վրա և GPS-ով սահմանազատված Շունուխի ճանապարհին տեղ-տեղ նկատելի են նաև ադրբեջանական դրոշներ։

«Մեր ժողովուրդը հենց այնպես չի հայտնվել այս տարածաշրջանում։ Սա մեր պատմական հայրենիքն է, մենք պիտի պահենք, պարտավոր ենք պահել։ Որևէ մեկը չմտածի, որ Սյունիքում կարող է թուրքի ոտք մտնել»,- շեշտեց Սյունիքի Հարթաշեն գյուղի ղեկավարը։

Շուռնուխի ղեկավարն ասում է` գյուղի ամենաբարձր կետում տեղադրված 8 մետր երկարությամբ ու 4 մետր բարձրությամբ դրոշն այսուհետ ուժ ու կորով կհաղորդի շուռնուխցիներին ու այստեղով անցուդարձ անողներին։

«Հայաստանի բնակիչները ինչքան այս մայրուղով պիտի անցնեն ու ադրբեջանական այդ փոքր դրոշակները տեսնելով տհաճություն զգան, սրանից հետո այս դրոշն ամեն ինչ տեղը կգցի»,- նշեց Շուռնուխ գյուղի ղեկավար Հակոբ Արշակյանը։

Դրոշի բարձրացումն ուղեկցվել է հանդիսավոր միջոցառումներով։  Նաև Երևանից հյուրեր կային՝ պատգամավներ, հայտնի մարդիկ։

Ուղիղ ադրբեջանցիների դիմաց․ Շուռնուխում 30 մետրանոց մեծ եռագույն բարձրացվեց

«Այս տարածաշրջանի և հատկապես Շուռնուխ գյուղի բնակիչները, որոնք ընդամենը մետրերի հեռավորության վրա են բնակվում ադրբբեջանցիների հետ, հասկանան, որ սա հայկական է, հայկական մնալու է, և բոլորս պետք է ամեն ինչ անենք, որ նրանց մտքով ուրիշ ոչ մի բան չանցնի»,- Sputnik Արմենիայի հետ զրույցում ասաց միջոցառմանը մասնակցող ՀՀ 2-րդ նախագահի որդին՝ Լևոն Քոչարյանը։

Նենք, որ 30 մետր բարձրության վրա ծածանվող եռագույնը թվով երկրորդն է Սյունիքի մարզում։ Ավելի վաղ, դարձյալ 30 մետր բարձրության վրա, նմանատիպ մի դրոշ էլ բարձրացվել է Ճակատեն գյուղ տանող ճանապարհին։ Սյունեցիներն ասում են, որ պատրաստվում են հայկական եռագույնը ծածանել մարզի բոլոր սահմանամերձ համայնքների ամենաբարձր հատվածներում։

272
թեգերը:
Լևոն Քոչարյան, Սահման, Հայաստան, դրոշ, Շուռնուխ, Սյունիք
Օլիվիե Դասսո

Ուղղաթիռի կործանման հետևանքով մահացել է ֆրանսիացի միլիարդատեր Օլիվիե Դասսոն

18
(Թարմացված է 13:23 08.03.2021)
Օլիվիե Դասսոն հայտնի ավիաարդյունաբերողների ընտանիքից էր։ Նրա հետ մահացել է նաև ուղղաթիռի օդաչուն։

ԵՐԵՎԱՆ, 8 մարտի – Sputnik. Ֆրանսիացի քաղաքական գործիչ և միլիարդատեր Օլիվիե Դասսոն մահացել է Նորմանդիայում՝ Ֆրանսիայի հյուսիս-արևմուտքում, մասնավոր ուղղաթիռի կործանման պատճառով։ Տեղեկությունը հայտնում է ՌԻԱ Նովոստին։

Նշվում է, որ երեկ ուղղաթիռն ընկել է Նորմանդիայի Տուկ կոմունայում։ Բացի «Հանրապետականներ» կուսակցության ներկայացուցչից, կործանման պատճառով մահացել է նաև օդաչուն։

Խոշոր վթար Սամարայի մոտակայքում. 7 մարդ է մահացել, հայտնի են դեպքի մանրամասները

Քաղաքական գործչի մահվանն արդեն արձագանքել է Ֆրանսիայի նախագահ Էմանուել Մակրոնը, որը գրառում է արել Twitter-ում։

«Օլիվիե Դասսոն սիրում էր Ֆրանսիան։ Խոշոր գործարար, տարածքային պատգամավոր, Ռազմաօդային ուժերի պահեստային հրամանատար․ ամբողջ կյանքի ընթացքում նա չի դադարել ծառայել մեր երկրին»,-գրել է Մակրոնը։

​Դասսոն 69 տարեկան էր։ Նա հայտնի ավիաարդյունաբերողների ընտանիքից էր` «Dassault Group»-ի՝ 2018թ․-ի մայիսին մահացած ղեկավար Սերժ Դասոյին որդին։ Նրա կարողությունը գնահատվում է 5 միլիարդ եվրո։

Միլիարդատեր Ջեֆ Բեզոսի նախկին կինն ամուսնացել է

18
թեգերը:
Մահ, միլիարդատեր, ուղղաթիռ, Ֆրանսիա