Արցախի ՄԻՊ–ը նոր տեսաուղերձ է հղել միջազգային «խուլ ու համր» հանրությանը

425
(Թարմացված է 18:18 08.11.2020)
Արցախի ՄԻՊ–ն ընդգծում է՝ չնայած միջազգային հանրության կուրությանն ու լռությանը՝ Արցախի ժողովուրդը շարունակելու է իր պայքարը մինչև վերջ։

Արցախի Մարդու իրավունքների պաշտպան Արտակ Բեգլարյանը շարունակում է անգլերենով տեսանյութեր հրապարակել, որոնք պատմում են ադրբեջանական զինուժի թիրախում հայտնված խաղաղ բնակավայրերի, մասնավորապես՝ մայրաքաղաք Ստեփանակերտի մասին։ Հերթական տեսանյութն Արցախի ՄԻՊ-ը հրապարակել է Facebook-ի իր էջում։

Արտակ Բեգլարյանը կրում է զրահաբաճկոն, կանգնած է հրթիռակոծությունից տուժած բնակելի շենքերից մեկի առջև։

«Սա Ստեփանակերտի կենտրոնն է, որն այս գիշեր հրթիռակոծության է ենթարկվել։ Երաժշտական դպրոցն է վնասվել, նաև խանութն ու հյուրատունն են այրվել։ Ադրբեջանցիները թիրախավորել են Ստեփանակերտի նաև այլ քաղաքացիական շինություններ և ենթակառուցվածքներ, որոնց հետևանքով շատ ավերածություններ կան»,- տեղեկացնում է Արտակ Բեգլարյանը։

Նա շեշտում է՝ արբեջանա-թուրքա-ահաբեկչական ուժերը շարունակում են պատերազմական հանցագործություններն Արցախի խաղաղ բնակիչների դեմ։

Ավերված տներ, այրված ավտոմեքենաներ. ինչ տեսարան է բացվել լուսաբացին Ստեփանակերտում

«Նրանք սպանում են մեր բնակիչներին, տասնյակ հազարավոր տներ են ավերվել, սակայն միջազգային հանրությունը շարունակում է կույր լինել մարդկության դեմ ուղղված հանցագործությունների հանդեպ»,- ասում է պաշտպանը։

Նա ընդգծում է՝ չնայած միջազգային հանրության կուրությանն ու լռությանը՝ Արցախի ժողովուրդը շարունակելու է իր պայքարը մինչև վերջ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Նոյեմբերի 8-ի ժամը 15։30-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ 

Ըստ վերջին տվյալների՝ Ադրբեջանի զինված ուժերը զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում

425
թեգերը:
Պատերազմ, ուղերձ, Արտակ Բեգլարյան (Արցախի ՄԻՊ), Արցախ
թեմա:
Ադրբեջանական ագրեսիան Արցախում - 2020 (2216)
Ըստ թեմայի
Ինչ վնասներ են կրել քաղաքացիական անձինք և ենթակառուցվածքները. Արցախի ՄԻՊ–ի տվյալները
Միջազգային հանրությունը շարունակում է կույր ձևանալ. Արցախի ՄԻՊ-ի նոր տեսանյութը
Հրդեհը չի մարում անգամ ջրով կամ հատուկ նյութերով. Հայաստանի և Արցախի ՄԻՊ-երի նոր զեկույցը

Մի շարք առումներով Մանուկյանի թեկնածությունը լավագույնը չէ. Արմեն Բաղդասարյան

53
(Թարմացված է 19:57 04.12.2020)
Քաղաքագետ Արմեն Բաղդասարյանը Sputnik Արմենիայի հետ զրույցի ընթացքում խոսել է ներքաղաքական զարգացումների և ընդդիմադիր քաղաքական ուժերի կողմից անցումային շրջանում միասնական վարչապետ ընտրելու որոշման մասին։ 

16 կուսակցությունների խորհուրդը որոշել է ընդլայնել իր ձևաչափը՝ ձևավորելով Հայրենիքի փրկության շարժում և որպես անցումային կառավարության ղեկավար՝ Հայաստանի Հանրապետության վարչապետ, առաջադրել է Վազգեն Մանուկյանի թեկնածությունը։ 

Արմեն Բաղդասարյանի դիտարկմամբ` Վազգեն Մանուկյանի ընտրությունը կապված էր այն հանգամանքի հետ, որ ավելի հարմար թեկնածու չեն ունեցել, քանզի մի շարք առումներով Մանուկյանի թեկնածությունը, ըստ նրա, լավագույնը չէր։ Քաղաքագետի գնահատմամբ` նախ պետք է հասկանալ, որ խոսքն անցումային կառավարության մասին է, և Մանուկյանը պայմանավորվածության համաձայն` չպետք է մասնակցի հաջորդ ընտրություններին, բայց որքան էլ անցումային շրջանը կարճ տևի, կարևոր է, քանզի իրադարձությունները զարգանում են ժամ առ ժամ, և կան բազմաթիվ այսրոպեական լուծվելիք խնդիրներ։ 

«Այդ խնդիրները լուծելու համար անհրաժեշտ էր առաջադրել այնպիսի քաղաքական գործչի, ով վայելում է հանրության առնվազն մեծամասնության վստահությունը, բայց այդ առումով չեմ կարծում, որ Վազգեն Մանուկյանն ամենահարմար թեկնածուն էր։ Նույնը վերաբերում է նաև ընտրությունների կազմակերպմանը, որովհետև Մանուկյանն է լինելու դրանց անցկացման պատասխանատուն, հետևաբար հանրային վստահությունը չափազանց կարևոր է»,– նշեց քաղաքագետը։

Բաղդասարյանի կարծիքով` կա նաև այլ խնդիր. Մանուկյանի թեկնածության առաջադրումը ցույց է տալիս, որ մենք այս պատերազմից դասեր չենք քաղել, շուրջ 25 տարի ապրել ենք պատրանքներով, իրականությունից կտրված, կեղծ պաթոսի մեջ, մինչդեռ անհրաժեշտ էր իրատեսորեն նայել համաշխարհային զարգացումներին, ճիշտ հաշվարկել սեփական ուժերը` նախընտրելով իրական քաղաքականությունը։ 

Բաղդասարյանը հիշեցրեց, որ Վազգեն Մանուկյանը «Հայերը համաշխարհային ազգ են» գաղափարի ջատագովներից մեկն էր, այսինքն` այն գաղափարախոսության կրողն է, որի արդյունքում այսօր, նրա համոզմամբ, հայտնվել ենք այս պարտված ու ջախջախված վիճակում։ Քաղաքագետը գտնում է, որ 16 ուժերը չէին կարող հաշվի չառնել այդ հանգամանքը, բայց նրանք, ըստ երևույթին, ավելի լավ տարբերակ չեն ունեցել։ 

53
թեգերը:
ընդդիմություն, Արմեն Բաղդասարյան (քաղաքական մեկնաբան), Վազգեն Մանուկյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
«Լուսավոր Հայաստանը» վարչապետի իր թեկնածուն ունի. նրանք չեն միանում ընդդիմությանը
Վազգեն Մանուկյանը` վարչապետի թեկնածու․ ի՞նչ գիտենք հայկական քաղաքականության վետերանի մասին
Ընդդիմությունը հայտարարեց, որ իրենց վարչապետի թեկնածուն Վազգեն Մանուկյանն է

Ինչպես են ՌԴ մասնագետներն ականազերծում Շուշի–Լիսագոր ճանապարհը. տեսանյութ

54
(Թարմացված է 09:36 05.12.2020)
ՌԴ պաշտպանության նախարարությունը տեսանյութ է հրապարակել և ներկայացրել ինժեներական հետախուզման ու ականազերծման աշխատանքների արդյունքները։

Ռուսաստանի Դաշնության խաղաղապահները ինժեներական հետախուզում և տեղանքի ականազերծում են իրականացրել Լեռնային Ղարաբաղի Շուշի–Լիսագոր ճանապարհի երկայնքով։ Տեղեկությունը հայտնում է ՌԴ պաշտպանության նախարարությունը։

«Մաքրվել է 4,8 հա տարածք և 2,5 կմ ճանապարհ, հայտնաբերվել և ոչնչացման համար դուրս է բերվել 35 պայթուցիկ իր»,– նշված է հաղորդագրության մեջ:

Լեռնային Ղարաբաղի հակամարտության գոտում աշխատող ինժեներական ստորաբաժանումներն արդեն ականազերծել են մոտ 50 հա տարածք, 17 կմ ճանապարհ, հայտնաբերել և վնասազերծել են մոտ 1150 պայթուցիկ իր։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

54
թեգերը:
ականազերծում, խաղաղապահ, Շուշի, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ռուս խաղաղապահներն ականազերծել են Ստեփանակերտի դպրոցի տարածքը
Ստեփանակերտում ռուս խաղաղապահները մոտ 100 պայթյունավտանգ առարկա են վնասազերծել
Ռուս խաղաղապահներն ամեն ինչ անում են Ղարաբաղում խաղաղության պահպանման համար․ Շոյգու
Արմեն Սարգսյան

«Դիմում եմ բոլորիդ». Արմեն Սարգսյանն ուղերձ է հղել համապետական հանրահավաքից առաջ

0
(Թարմացված է 13:01 05.12.2020)
Հայաստանի նախագահն իր ուղերձում առանձին դիմել է նաև իրավապահ մարմիններին` կոչ անելով կարգ ու կանոնը պահպանելու կարևոր առաքելությունն իրականացնելիս հիշել, թե ովքեր են իրենց դիմաց կանգնած։

ԵՐԵՎԱՆ, 5 դեկտեմբերի – Sputnik. ՀՀ նախագահ Արմեն Սարգսյանն ընդդիմության այսօրվա հանրահավաքից առաջ կոչով դիմել է ՀՀ քաղաքացիների ու իրավապահներին: Ուղերձը հրապարակել է նախագահի մամուլի ծառայությունը։

«Այսօր մեր երկիրը՝ որպես պետություն, և մեր հասարակությունը, բոլորս միասին գտնվում ենք հետպատերազմյան խորը ճգնաժամի մեջ: Սա պետք է արձանագրել առանց ձևականության, առանց ինքներս մեզ խաբելու և միաժամանակ առանց հուսահատության: Պետք է ամբողջությամբ գիտակցենք և ընդունենք այդ ճգնաժամի գոյությունն ու ամեն ինչ անենք այն հաղթահարելու համար: Միասին, ձեռք ձեռքի տված»,- նշել է նախագահը:

Նա կոչ է արել մտածել պետության, երկրի ու ժողովրդի ապագայի մասին` անկախ զբաղեցրած պաշտոնից, քաղաքական համոզմունքներից ու հայացքներից, անձնական համակրանքներից ու հակակրանքներից:

«Մեզնից յուրաքանչյուրն իրավունք ունի արտահայտելու իր կարծիքը, դժգոհությունը և իշխանություններից բացատրություն պահանջելու պատերազմի հետևանքով մեզ պատճառված ահռելի մարդկային և տարածքային կորուստների համար: Կառավարությունը չի կարող գործել 2018թ. հանրային տրամադրությունների ոգով: Այսօրվա իրականությունը բոլորովին այլ է: Այս լարված ու բարդ օրերին դիմում եմ բոլորիդ՝ ձեր յուրաքանչյուր գործողություն պետք է լինի օրենքին համապատասխան, պետք է լինի իրավաչափ»,- շեշտել է Սարգսյանը:

Նախագահն իր ուղերձում առանձին դիմել է նաև իրավապահ մարմիններին՝ կոչ անելով կարգ ու կանոնի պահպանման իրենց կարևոր առաքելության իրականացման ընթացքում հիշել, որ իրենց առջև, Երևանի փողոցներում իրենց հայրենակիցն է, մեզնից մեկը, նաև մարդիկ, որոնք մի քանի օր առաջ պաշտպանում էին հայրենիքը, մեզանից յուրաքանչյուրին ու նաև իրավապահներին:

«Անթույլատրելի ու անընդունելի են ցանկացած բռնություն և ոչ համաչափ ուժի ու միջոցների կիրառումը: Ձեր գործողություններում պետք է դրսևորեք պատասխանատվություն, մարդկային և մասնագիտական բարձր հատկանիշներ: Այսօր մենք կարիք ունենք շրջադարձային որոշումների: Լուծումները պետք է լինեն ազգային համաձայնության շրջանակում»,- ասված է նախագահի ուղերձում:

Նա նաև շեշտել է, որ կարևոր է երկրում հանդուրժողականության, փոխադարձ հարգանքի մթնոլորտի վերականգնումը, մեր ժողովրդի բոլոր դրական ու կենսական որակների համադրումն ու դրանք հավաքական ուժի վերածելը, ինչը կդառնա մեր հետագա հաջողությունների գրավականը:

Հիշեցնենք՝ ընդդիմադիր կուսակցություններն այսօր՝ ժամը 15:00-ին, Ազատության հրապարակում «Մասնակցի՛ր, եթե անտարբեր չես... Հանո՛ւն Արցախի ու Հայաստանի փրկության...» խորագրով համապետական հանրահավաք են անցկացնելու:

Հանրահավաքին ներկա է լինելու և ելույթ է ունենալու նաև ՀՀ նախկին վարչապետ, Հանրային խորհրդի նախկին նախագահ Վազգեն Մանուկյանը, որին ընդդիմությունը միասնական վարչապետի թեկնածու է ընտրել։

«Վազգեն Մանուկյանը 1 տարի անց արտահերթ ընտրություն կկազմակերպի». հայտարարություն

0
թեգերը:
Արմեն Սարգսյան, Հայաստան
Ըստ թեմայի
Ավշարի համայնքապետարանը պահանջում է Նիկոլ Փաշինյանի հրաժարականը
Նրանք պետք է կանգ առնեն. Հակոբյանը իրադարձությունների զարգացման մի քանի տարբերակ է նշում
Ինչ հարաբերություններ ուներ Մանուկյանը «նախկինների» հետ, կամ պաշտոն ստանալու նուրբ արվեստը