Արցախցի կանայք և երեխաները լուռ ակցիա են արել ՌԴ–ի, ԱՄՆ–ի և Ֆրանսիայի դեսպանատների առջև

178
(Թարմացված է 19:45 15.10.2020)
Երևանում բողոքի լուռ ակցիա է անցկացվել միաժամանակ երեք երկրների՝ Ռուսաստանի, Ֆրանսիայի և ԱՄՆ – ի դեսպանատների առջև։ Հավաքվածները կոչ են անում միջազգային հանրությանը Արցախի Հանրապետության դեմ սանձազերծած ադրբեջանա-թուրքական ագրեսիայի ֆոնին խախտել հանցավոր լռությունը:

Արցախցի կանայք և երեխաներն այսօր Ռուսաստանի, Ֆրանսիայի և ԱՄՆ-ի դեսպանատների մոտ բողոքի լուռ ակցիաներ են անցկացրել՝ պահանջելով միջազգային հանրությանը համարժեք գնահատական տալ ադրբեջանական ագրեսիային և դադարեցնել Արցախի դեմ իրականացվող միջազգային ահաբեկչությունը:

Ակցիայի մասնակիցները դրել էին բժշկական դիմակներ, որոնց վրա տարբեր լեզուներով գրված էր `«Մի լռեք»։ Նրանք քար լռությամբ մոտ 20 րոպե կանգնել են Ֆրանսիայի դեսպանատան առջև։

Կանայք իրենց հետ բերել էին պաստառներ` «Դադարեցրեք պատերազմը»,« Ես իմ երեխաների համար խաղաղություն եմ ուզում», «Պատժամիջոցներ սահմանեք Թուրքիայի դեմ»,« Քանի դեռ դուք լռում եք մեր զինվորները զոհվում են», «Ցեղասպանությունը կրկնվում է» գրություններով:

«Այստեղ հիմնականում արցախցի կանայք են հավաքվել։ Նրանց որդիները, ամուսիններն ու հայրերը ռազմաճակատում են» ,– ասաց ակցիայի մասնակից Ժասմինա Ղևոնդյանը։

Հայանստանում Ռուսաստանի դեսպանատան առջև հավաքվել էին դպրոցահասակ երեխաներ, որոնք ևս դրել էին դիմակներ տարբեր գրություններով։
«Ճանաչեց Արցախի անկախությունը քանի դեռ հայրս ողջ է», «Ես ուզում եմ ապրել խաղաղ երկնքի տակ», «Արցախը խաղաղություն է ուզում». պաստառների վրա գրել էին երեխաներն ու պինդ պահել իրենց ձեռքում։ Ակցիայի մասնակից երեխաների հայրերը կռվում են հանուն իրենց հողի, հանուն իրենց ապրելու իրավունքի։ Երեխաներն արդեն հասցրել են տեսնել պատերազմի սարսափները։

«Ուզում եմ, որ խաղաղություն լինի», — ասաց ակցիայի փոքրիկ մասնակից Վիկան:

Ավելի քան մեկ տասնյակ աղջիկներ ԱՄՆ դեսպանատան մոտ չեն խոսել նույնիսկ բողոքի ակցիայից առաջ։ Նրանք իրենց ձեռքերում պահել էին «Մեր կողքին եղեք», «Կանգնեցրեք ահաբեկչությունը», «Ճանաչեք Արցախը», «Քանի դեռ դու լռում ես, զինվոր է մահանում». երեխաներն այսպիսի գրություններով պաստառներ էին պահել ձեռքներում։

Երեք ակցիաների մասնակիցներն էլ շնորհակալություն են հայտնել ԵԱՀԿ Մինսկի խմբի համանախագահ երկրներին խաղաղության հաստատմանն ուղղված ջանքերի համար։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 15-ի ժամը 14:00-ի դրությամբ` հակառակորդի կրակոցների հետևանքով զոհվել են 604 զինծառայողներ և 32 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։

Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:

«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը

178
թեգերը:
Զինվոր, Կին, երեխա, Ղարաբաղյան հակամարտություն, Լեռնային Ղարաբաղ, Արցախ, Բողոքի ակցիա, դեսպանատուն, Ռուսաստան, ԱՄՆ, Ֆրանսիա, ԵԱՀԿ Մինսկի Խումբ
թեմա:
Ադրբեջանական ագրեսիան Արցախում - 2020 (1616)
Ըստ թեմայի
Ադրբեջանը շարունակում է պատերազմական հանցագործությունները. խաղաղ բնակիչ է վիրավորվել
Մոսկվան հույս ունի, որ հակամարտության գոտում շուտով կհայտնվեն կրակի դադարեցման մեխանիզմներ
Փաշինյանը ներկայացրել է Արցախյան հարցում Հայաստանի համար կարմիր գծերը

Հայկական արտադրության ԱԹՍ-ն՝ կիրառության մեջ. տեսանյութ

1600
(Թարմացված է 21:08 25.10.2020)
Առաջին անգամ հայկական արտադրության մարտական ԱԹՍ-ի կիրառությունից մոտ չորս ամիս է անցել։

Հայկական արտադրության անօդաչու թռչող սարքերը գործողության մեջ ցույց են տալիս իրենց արդյունավետությունը։ ՀՀ պաշտպանության նախարարի մամուլի խոսնակ Շուշան Ստեփանյանը Facebook-ի իր էջում տեսանյութ է հրապարակել, որում երևում է հայկական հարվածային ԱԹՍ-ն՝ կիրառության մեջ։

«Հայկական արտադրության կառավարվող հարվածային ԱԹՍ-ը` կիրառության մեջ …»,- գրել է Ստեփանյանը։

Հիշեցնենք՝ դեռ օգոստոսին ՀՀ բարձր տեխնոլոգիական արդյունաբերության նախարար Հակոբ Արշակյանը տեսանյութ է հրապարակել` մեկ հատված ներկայացնելով նոր տեսակի հարվածային անօդաչու թռչող սարքերի փորձարկումներից։

Անվտանգության նկատառումներից ելնելով` ԱԹՍ–ն մանրամասն չի երևում կադրում։

Ավելի վաղ` օգոստոսի 1-ին, նախարարը կրկին տեսանյութ էր հրապարակել, որում երևում էր, թե ինչպես է հայկական արտադրության ԱԹՍ–ն իրականացնում իր առջև դրած առաջադրանքը` փնտրելով և գտնելով թիրախը։

Հիշեցնենք, որ ՀՀ ՊՆ ներկայացուցիչ Արծրուն Հովհաննիսյանն ավելի վաղ հայտնել էր` հուլիսի 13-ը կմտնի պատմության մեջ որպես հայկական արտադրության մարտական ԱԹՍ-ների մարտական կիրառության օր: Առաջին անգամ հայկական մարտական ԱԹՍ-ները կիրառվել էին պատերազմի ժամանակ՝ մարտական պայմաններում և փայլուն արդյունքներ գրանցել:

1600
թեգերը:
Հայաստան, անօդաչու թռչող սարք, Արցախյան պատերազմ
Ըստ թեմայի
Թուրքական ԱԹՍ–ները կրճատեցին կորուստները. Ալիևի խոստովանությունը
Ինչպես ունենալ ԱԹՍ-ների մեր բանակը. Կարեն Վարդանյանի ընտանիքի առաջարկն ու առաջին ներդրումը
Ադրբեջանը մեկ օրում զրկվել է երկու ՏՕՍ-1–ից, տասնմեկ ԱԹՍ–ից, տվել 75 զոհ

Թշնամական զինուժը շարունակում է կորուստներ կրել. տեսանյութ

418
(Թարմացված է 17:29 25.10.2020)
Պատերազմի 28 օրերի ընթացքում թշնամուն պատճառվել է կենդանի ուժի ու զինտեխնիկայի զգալի կորուստներ։

Հայկական զինուժը շարունակում է հաջողությամբ ոչնչացնել թշնամական ուժերը, մեծ կորուստներ պատճառել հակառակորդին։ Արցախի Պաշտպանության բանակը նոր տեսանյութ է հրապարակել։

«Թշնամական ոչնչացված հերթական զրահատեխնիկան». այսպես են վերնագրել տեսանյութը։ Կադրերում երևում է, թե ինչպես է արցախյան կողմը դպուկ, հաշվարկված, ճշգրիտ հարվածով խոցում հակառակորդի զրահատեխնիկան։ Վերջին կադրերում երևում են այրվող տեխնիկան, ապա դրանից տարածվող խիտ, սև ծուխը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 25-ի ժամը 14։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

418
թեգերը:
տեսանյութ, Արցախյան պատերազմ
Ըստ թեմայի
Հակառակորդի ինքնաթիռը հարվածել է Ստեփանակերտին. տեսանյութ
Թշնամու կենդանի ուժի և ամրակառույցների ոչնչացումը. տեսանյութ
«Սալյուտ ա անում». հայկական կողմը «ՏՕՍ-1Ա» ծանր հրանետային համակարգ է խոցել. տեսանյութ
Ֆրանսիայի արտգործնախարար Ժան-Իվ Լե Դրիան

Փարիզն արձագանքել է իսլամական մի քանի երկրների ՝ ֆրանսիական արտադրանքը բոյկոտելու կոչերին

0
(Թարմացված է 00:45 26.10.2020)
Մակրոնը կարծում է, որ «իսլամը պետք է ազատել օտարերկրյա ազդեցությունից եւ ուժեղացնել մզկիթների ֆինանսավորման վերահսկողությունը»:

ԵՐԵՎԱՆ, 25 հոկտեմբերի - Sputnik. Ֆրանսիայի արտաքին գործերի նախարարությունն արձագանքել է իսլամական որոշ պետությունների այն կոչերին, թե պետք է բոյկոտել ֆրանսիական արտադրանքը։ Ֆրանսիայի արտաքին գերատեսչությունն այդպիսի կոչերն անվանել է անմարդկային և ընդգծել, որ անհրաժեշտ է անհապաղ դադարեցնել նման գործողությունները:

«Մերձավոր Արեւելքի մի քանի երկրներում վերջին օրերին կոչեր են հնչել բոյկոտելու ֆրանսիական արտադրանքը, հատկապես՝ ագրոպարենային ապրանքները, ինչպես նաեւ ավելի ընդհանուր կոչեր են հնչել՝ ցույցեր անցկացնել Ֆրանսիայի դեմ։ Դրանք ատելության արտահայտություններով են ուղեկցվում և հրապարակվում են սոցիալական ցանցերում», — նշված է ԱԳՆ հաղորդագրության մեջ:

Գերատեսչությունում նշել են, որ անհրաժեշտ է վերջ տալ «ծայրահեղական փոքրամասնության կողմից օգտագործվող» եւ Փարիզի դեմ ուղղված հարձակումներին:

Դեկտեմբերին Ֆրանսիայում կներկայացվի օրինագիծ, որն ուղղված է անջատողականության դեմ պայքարին։ Նախագահ Էմանուել Մակրոնը, հայտարարելով նախաձեռնության նախապատրաստման մասին, խոսել է երկրում «լուսավորյալ իսլամ» կառուցելու մտադրության մասին: Նրա խոսքով՝ այդ կրոնը պետք է ազատել «օտարերկրյա ազդեցությունից եւ ուժեղացնել մզկիթների ֆինանսավորման վերահսկողությունը»:

Հիշեցնենք՝ Թուրքիայի նախագահ Ռեջեփ Թայիփ Էրդողանը, մեկնաբանելով Մակրոնի հայտարարությունը, նրան խորհուրդ էր տվել հոգեբույժի մոտ գնալ։ Նա նշել էր, որ եթե պետության ղեկավարն այդպես է վերաբերվում իր երկրում գտնվող միլիոնավոր մուսուլմաններին, ուրեմն նա գիտակցության կորուստ ունի։

0
թեգերը:
բոյկոտ, իսլամ, Ֆրանսիա
Ըստ թեմայի
Էրդողանի խոսքերից հետո Ֆրանսիան իր դեսպանին հետ է կանչել Թուրքիայից
Ֆրանսիացի պատգամավորներն այցելել են Ծիծեռնակաբերդ
Ֆրանսիայի ԱԳՆ-ն արձագանքել է Մակրոնի հասցեին հնչեցրած Էրդողանի վիրավորանքներին