Անգամ շամպայն ունեն հաղթանակը նշելու համար. կյանքն ապաստարանում. տեսանյութ

195
(Թարմացված է 12:23 15.10.2020)
Ապրում են պայթյունների ձայների տակ, ականջը ռադիոընդունիչին՝ հաղթանակի լուրի սպասումով։

Արդեն 18 օր է՝ արցախցիներից շատերն ապրում են ապաստարաններում։ Հայկական միասնական տեղեկատվական կենտրոնը տեսանյութ է հրապարակել, որը պատմում է ապաստարաններից մեկում ապրողների կյանքի ու սպասումների մասին։ Ապաստարանում կանայք են և ծերերը. Արցախից հեռանալ հրաժարվում են։ Զինվորն առաջնագիծն է ամուր պահում, իրենք էլ՝ զինվորի թիկունքը։

«Սարի պես կանգնած ենք, որ ոգևորենք մեր զինվորին»,- ասում են նրանք։

Ամեն մի զինվորի համար ցավում են՝ վիրավոր, թե զոհ. ցավն ու կորուստը իրենցն է։ Ասում են՝ բոլորն էլ մեր զավակներն են։

Ականջը՝ ռադիոընդունիչի լուրերին ու հաղթանակի սպասումով ապրում են մի մեծ ընտանիքի նման, հոգ են տանում մեկմեկու մասին, որ հաղթանակը միասին ու առողջ տոնեն։

«Ապրեն մեր տղաները, մեր հերոսները։ Մինչև հիմա ասում էինք՝ հաղթելու ենք, հիմա ասում ենք ՝ հաղթել ենք»,- ասում է ապաստարանի բնակչուհին։

Հարևանուհին էլ շտապում է ավելացնել՝ շամպայնն էլ պահել են հաղթանակը նշելու համար։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 14-ի ժամը 21:00-ի դրությամբ` հակառակորդի կրակոցների հետևանքով զոհվել են 555 զինծառայողներ և 32 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:

«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը

195
թեգերը:
տեսանյութ, ապաստարան, Արցախյան պատերազմ
թեմա:
Ադրբեջանական ագրեսիան Արցախում - 2020 (1833)
Ըստ թեմայի
Առանց ինտերնետի, բայց ոչ սոված. ինչպես են կանայք Արցախի ապաստարանում «տուշոնկա» տաքացնում
Արցախցիները երգում են ապաստարանում. տեսանյութ
Խորհրդային ժառանգության ապաստարանները. որքանով են Հայաստանում պատրաստ օդային տագնապին

Վերադարձեք հաղթանակով և նույն կազմով. Ցոլակյանն առաջնագիծ ճանապարհեց ԱԻՆ կամավորներին

94
(Թարմացված է 21:33 30.10.2020)
Փրկարարները խոստովանում են՝ տարբեր իրավիճակներում են կյանքը վտանգում մարդկանց կյանքը փրկելու համար, հիմա էլ են նույնը անելու, պայքարելու են հանուն հայրենիքի և հաղթանակով վերադառնալու են տուն։

Առաջնագիծ մեկնեց կամավորագրված փրկարարների գումարտակը։ ՀՀ արտակարգ իրավիճակների նախարար Ֆելիքս Ցոլակյանը Facebook-ի իր էջում հայտնում է, որ մինչ առաջնագիծ մեկնելը նրանք համապատասխան վերապատրաստում են անցել։ Մարզումներն անցկացվել են ԱԻՆ պատասխանատու ստորաբաժանումների ղեկավարների և անձամբ իր անմիջական ու ամենօրյա հսկողության ներքո։

«Վերադարձե՛ք հաղթանակով: Մենք բոլորիդ՝ մեկ առ մեկ, սպասում ենք նույն կազմով, և սա հրաման է... Խիղճ և խաղաղություն բոլորիս...»,- փրկարարներին ռազմաճակատ ճանապարհելիս մաղթել է ԱԻՆ նախարարը։

Գրառմանը կից նաև տեսանյութ է հրապարակվել։Գեներալ-մայոր Վրեժ Գաբրիելյանն ասում է՝ փրկարարի առաքելությունը մարդկանց պաշտպանելն է, հիմա էլ փրկարարները ձեռքը զենք են վերցնում իրենց առաքելությունն իրականացնելու համար։

«Փրկարարն իր եղբայրների, քույրերի, բանակի հետ ուս ուսի տված պայքարում ու պայքարելու է մեր հայրենիքի ազատության, անկախության ու երջանիկ ապագայի համար։ Լուրջ հաղթանակներ են ունենալու»,- խոստանում է գեներալ-մայորը։

Փրկարարները նշում են՝ լիովին պատրաստ են, տարիներ շարունակ այլ իրավիճակներում վտանգել են իրենց կյանքը՝ մարդկանց փրկելու համար, հիմա պայքարելու են հանուն հայրենիքի, հանուն բոլորի ապագայի։

Խոստանում են՝ կրկին մարդկանց կյանքեր են փրկելու, հաղթանակած ու առանց կորուստների հետ են գալու։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

94
թեգերը:
Ֆելիքս Ցոլակյան, ՀՀ արտակարգ իրավիճակների նախարարություն (ԱԻՆ), Արցախ
Ըստ թեմայի
Երկրորդ «ռազմաճակատ». Գորիսում անվճար համազգեստ են կարում կամավորների համար
«Փողով եկել են, փողով էլ կկոտորվեն». կամավորները` իրենց ու վարձկանների տարբերության մասին
Աշխարհազորայիններն ու կամավորները կստանան աշխատավարձ և պարգևատրում. նոր որոշում

Մեծ ոգևորությամբ իմ տղերքի հետ սպանել ենք հակառակորդին. նորօրյա հերոսը

374
(Թարմացված է 18:59 30.10.2020)
Թշնամու հատուկջոկատայինները ցանկանում էին շրջափակման մեջ գցել հայ զինծառայողներին, բայց փոխարենն իրենք ջախջախվեցին։

Արցախի Պաշտպանության բանակը շարունակում է ներկայացնել պատերազմի նորօրյա հերոսներին։ Վաշտի հրամանատար, ավագ լեյտենանտ Մարգար Սարիբեկյանը ներկայացվել է «Մարտական խաչ» երկրորդ աստիճանի շքանշանի թշնամական չորս տանկ խոցելու համար։ Բայց հերոսական դրվագները միայն թշնամական ոչնչացված տանկերը չեն, իր վաշտով մի քանի անգամ ջարդուփշուր է արել թշնամական հարձակվող խմբերին։

«Ամսի 13-ին՝ առավոտյան 5-ից, հակառակորդը ծանր հրետանի էր կիրառում մեր վրա, առավոտյան 6:40–ին տեսա, թե ինչպես է խումբն իջնում բլրի վրայից։ Հրաման տվեցի, կրակ բացեցինք, հետո մոտեցանք ու կոտորեցինք խմբին»,- պատմում է Սարիբեկյանն ու նշում՝ հարձակումը կրկնվել է, նրանց ջախջախումը` նույնպես։

Նշում է՝ նրանց նպատակն էր շրջափակման մեջ գցել իրենց, ոչնչացնել ու առաջ շարժվել։ Դա նրանց չի հաջողվել, թշնամու հատուկջոկատայինները հերթական անհաջողությունն են կրել։

«15-20 մետրի վրա է եղել մարտը։ Մեծ ոգևորությամբ իմ տղերքի հետ սպանել ենք հակառակորդին, թե չէ ինքը մեզ էր սպանելու»,- ասում է նա։

Կրակի տակ տարհանել է վիրավորներին. շարքայինից մինչև սպա նոր հերոսներ ունենք

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

374
թեգերը:
Պատերազմ, Արցախ, հերոս, տեսանյութ
թեմա:
Ադրբեջանական ագրեսիան Արցախում - 2020 (1833)
Ըստ թեմայի
Կորուստներ են պատճառել թշնամուն ու հետ շպրտել․ նոր հերոսներ ունենք
Ջախջախել են թշնամուն, ԱԹՍ խոցել, վիրավորներին մարտադաշտից դուրս բերել. նորօրյա հերոսները
Հմուտ և կազմակերպված գործողություններով ջախջախել են թշնամուն․ նորօրյա հերոսները
Եվրամիություն

ԵՄ-ն ևս 400 հազար եվրո է հատկացրել ԼՂ հակամարտության գոտու խաղաղ բնակիչներին օգնելու համար

0
(Թարմացված է 23:01 30.10.2020)
Պարենային փաթեթներ և այլ անհրաժեշտ պարագաներ կտրամադրվեն նրանց, ովքեր պատերազմի հետևանքով փախստական են դարձել։

ԵՐԵՎԱՆ, 30 հոկտեմբերի - Sputnik. Եվրոպական Միությունը ևս 400 հազար եվրո է հատկացրել Լեռնային Ղարաբաղի հակամարտության գոտում խաղաղ բնակչությանն օգնելու համար։ Տեղեկությունը հրապարակվել է Եվրամիության պաշտոնական կայքում։

Գումարը տրամադրվում է որպես մարդասիրական օգնություն՝ տուժած քաղաքացիական բնակչության առավել հրատապ կարիքների բավարարման համար:

«Եվրամիությունը կոչ է անում անհապաղ դադարեցնել մարտական գործողությունները, որոնք արդեն խաղաղ բնակիչների կյանքեր են խլել։ Մենք խիստ անհանգստացած ենք հումանիտար իրադրության վատթարացմամբ՝ հաշվի առնելով մոտալուտ ձմեռն ու կորոնավիրուսի համավարակի սրացումը», - հայտարարել է ԵՄ-ի ճգնաժամերի կառավարման հարցերով հանձնակատար Յանեզ Լենարչիչը:

Անհապաղ օգնությունը տրամադրվել է Կարմիր խաչի և Կարմիր մահիկի միջազգային ֆեդերացիային: Հատկացված գումարի շնորհիվ Հայաստանի Կարմիր խաչն ու Ադրբեջանի Կարմիր մահիկը պարենային փաթեթներ, տաք վերմակներ, հիգիենայի պարագաներ և այլ անհրաժեշտ միջոցներ կբաժանեն այն մարդկանց, ովքեր ստիպված են եղել փախչել մարտական գործողությունների տարածքից։

Այսպիսով, հոկտեմբերի սկզբից ԵՄ-ն արդեն 900 հազար եվրո մարդասիրական օգնություն է հատկացրել հակամարտության հետևանքով տուժած խաղաղ բնակիչներին։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
Եվրամիություն, Արցախ
Ըստ թեմայի
Թաթոյանն ու Բեգլարյանը դեսպանություններին և միջազգային կառույցներին հրավիրել են Արցախ
Ադրբեջանն Արցախի խաղաղ բնակչության դեմ զանգվածային ոճրագործություն է իրականացնում. ԱԳՆ
Ադրբեջանը խաղաղ բնակչության նկատմամբ կիրառում է LAR-160 կասետային արկեր