«Վիրավորներին թողնում են մահանան, որ չվճարեն». վարձկանների խոսակցություն է հրապարակվել

1274
(Թարմացված է 15:15 12.10.2020)
Ադրբեջանի կողմից կռվող սիրացի վարձու ահաբեկիչները խոսակցության ընթացքում հայհոյում են Էրդողանին և ասում, զարմացած են` բացահայտելով, որ ադրբեջանցիները շիադավան են։

Հայկական միասնական տեղեկատվական կենտրոնը հերթական տեսանյութն է ներկայացրել, որն ապացուցում է, որ Ղարաբաղյան հակամարտության գոտում Ադրբեջանի կողմից կռվում են սիրիացի վարձու ահաբեկիչներ։

Տեսանյութում 2 վարձկանի հեռախոսային խոսակցության վերծանումն է` հայեեն, ռուսերեն և անգլերեն ենթագրերով։ Նրանցից մեկն ասում է, որ իրենց մոտ կրակոցները դադարել են, իսկ մյուսը բողոքում, թե իրենց մոտ իրավիճակը ծանր է։ «Ալլահը վկա` մեր խումբը ոչնչացվեց, բայց մեզ ստիպում են էլի առաջ գնալ»,–ասում է նա` հստակեցնելով, որ ինքը Հորադիսում է։

Վարձկան ահաբեկիչն ընկերոջը պատմում է, որ տղաների մեծ մասը վիրավորվել է, բայց նրանց հետ չեն ուղարկում, սնունդ էլ չեն տալիս, թողնում են, մահանան, որ չվճարեն։

Մյուս վարձկանն էլ ասում է, որ իրենց էլ դեռ չեն վճարել, պահանջում են հայ զինվորների դիակները նկարեն, ուղարկեն, որ վճարեն, ապա հայհոյում Էրդողանին։

Վարձկանը նշում է, որ լսել է, որ ազերի զինվորներն ուզել են հանձնվել, նրանց թիկունքից կրակել են, ապա իր զարմանքը հայտնում, որ ազերիները թուրքերի նման չեն, այլ շիա են։

Իսկ մյուս ընկերն էլ ասում, որ սրանք ամբողջ օրը «խմել–հարբելու» վրա են։ Ապա անիծում այն օրը, որ այստեղ եկան` նշելով, որ սրանք իրենք էլ չգիտեն, թե ինչի համար են կռվում, ապա խոստանում, որ վերջում Իրան են փախչելու։

Ավելի վաղ հայտնի էր դարձել, որ Թուրքիան Սիրիայի հյուսիսից Ադրբեջան վարձկաններ է տեղափոխել` նպատակ ունենալով նրանց օգտագործել Արցախի և Հայաստանի դեմ։ Տեղեկության համաձայն` նրանց 1500-2000 դոլար են վճարել ռազմական գործողություններին մասնակցելու համար։

ՀՀ ՊՆ-ն ներկայացրել է Ադրբեջանի կողմից կռվող վարձկանների մասին հերթական ապացույցը

Այս տվյալները հաստատել են ոչ միայն Հայաստանի և Արցախի ղեկավարությունը, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչները։ Ֆրանսիան և Ռուսաստանն ամենաբարձր մակարդակով մտահոգություն են հայտնել արցախյան հակամարտության գոտում ընթացող մարտական գործողություններում սիրիացի զինյալների ներգրավվածության վերաբերյալ։

Ահաբեկիչների ձեռագրին հատուկ դաժանություն, ևս մեկ փաստ վարձկանների ներկայության մասին. 18+

1274
թեգերը:
Արցախ, Ղարաբաղյան հակամարտություն, Լեռնային Ղարաբաղ, տեսանյութ, հեռախոսազրույց, հայ-ադրբեջանական, Ադրբեջան, ահաբեկիչ, վարձկաններ
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Արցախի հարցով Փաշինյանը հանդիպել է արտախորհրդարանական ուժերի հետ. ինչ են քննարկել
Արցախի դեմ ագրեսիվ պատերազմի քրգործը լրացվել է միջազգային ահաբեկիչների մասին փաստերով
Ե՞րբ ՀՀ-ի կողմից Արցախի անկախության ճանաչումն անիմաստ կլինի. Մարուքյանը մանրամասնում է

«Փողով եկել են, փողով էլ կկոտորվեն». կամավորները` իրենց ու վարձկանների տարբերության մասին

135
(Թարմացված է 12:27 26.10.2020)
Հայ կամավորները պատրաստ են հետևել առաջնագծում հերոսացած պատանիների օրինակին ու կոչ են անում բոլորին միանալ հայրենիքի համար մղվող սրբազան պայքարին։

Արցախի պաշտպանության բանակը նոր տեսանյութ է հրապարակել հայրենիքի պաշտպանությանը զինվորագրված կամավորների մասին։

Տեսանյութում կամավորները պատմում են, որ մինչև վերջին պահը կանգնելու են Արցախը պաշտպանելու ու հաղթանակի համար։

«Սա մեր հայ ազգի համար կենաց–մահու պայքար է,– ասում են նրանք,– սա բոլորիս խնդիրն է, բոլորս միասին պետք է մեր հողը պաշտպանենք, պաշտպանենք մեր ապրելու իրավունքը»։

Կամավորներից մեկը պատմում է, որ առաջնագծում հանդիպել են կանոնավոր բանակի զինվորներին ու համոզվել` տղաների բարոյահոգեբանական վիճակը բարձր է։ «Մենք էլ մեր կողմից անում ենք ամեն ինչ, որ նրանք դուխաթափ չլինեն»,– ասում է կամավորականը։

Մեկ այլ կամավոր էլ նշում է, որ իրենք էլ պատրաստ ենք հետևել առաջնագծում հերոսացած 18 տարեկան պատանիների օրինակին։

Նրանց խոսքով, ի տարբերություն Ադրբեջանի կողմից կռվող վարձկանների, իրենք կռվի են ելել հանուն հայրենիքի ու հանուն իրենց կյանքի իրավունքի։

«Փողով եկել են, փողով էլ կկոտորվեն»,– ասում է կամավորականը` կոչ անելով բոլորին միանալ հայրենիքի համար մղվող սրբազան պայքարին։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 25-ի ժամը 14։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Պատերազմ Արցախում` առանց սեփական զինվորների. ո՞րն է Էրդողանի գերնպատակը

135
թեգերը:
Ադրբեջան, Պատերազմ, Ղարաբաղյան հակամարտություն, Լեռնային Ղարաբաղ, Արցախ, կամավոր
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Սիրիացիները հայերի հետ են. նրանք իրենց մաշկի վրա զգացել են ահաբեկիչների վայրագությունները
Հայկական կողմը շարունակելու է հավատարիմ մնալ հրադադարի ռեժիմին. Փաշինյան
Հաղթում ենք նաև միջազգային օլիմպիադաներում. հայ դպրոցականները 4 մեդալ են նվաճել

Հայկական արտադրության ԱԹՍ-ն՝ կիրառության մեջ. տեսանյութ

2131
(Թարմացված է 21:08 25.10.2020)
Առաջին անգամ հայկական արտադրության մարտական ԱԹՍ-ի կիրառությունից մոտ չորս ամիս է անցել։

Հայկական արտադրության անօդաչու թռչող սարքերը գործողության մեջ ցույց են տալիս իրենց արդյունավետությունը։ ՀՀ պաշտպանության նախարարի մամուլի խոսնակ Շուշան Ստեփանյանը Facebook-ի իր էջում տեսանյութ է հրապարակել, որում երևում է հայկական հարվածային ԱԹՍ-ն՝ կիրառության մեջ։

«Հայկական արտադրության կառավարվող հարվածային ԱԹՍ-ը` կիրառության մեջ …»,- գրել է Ստեփանյանը։

Հիշեցնենք՝ դեռ օգոստոսին ՀՀ բարձր տեխնոլոգիական արդյունաբերության նախարար Հակոբ Արշակյանը տեսանյութ է հրապարակել` մեկ հատված ներկայացնելով նոր տեսակի հարվածային անօդաչու թռչող սարքերի փորձարկումներից։

Անվտանգության նկատառումներից ելնելով` ԱԹՍ–ն մանրամասն չի երևում կադրում։

Ավելի վաղ` օգոստոսի 1-ին, նախարարը կրկին տեսանյութ էր հրապարակել, որում երևում էր, թե ինչպես է հայկական արտադրության ԱԹՍ–ն իրականացնում իր առջև դրած առաջադրանքը` փնտրելով և գտնելով թիրախը։

Հիշեցնենք, որ ՀՀ ՊՆ ներկայացուցիչ Արծրուն Հովհաննիսյանն ավելի վաղ հայտնել էր` հուլիսի 13-ը կմտնի պատմության մեջ որպես հայկական արտադրության մարտական ԱԹՍ-ների մարտական կիրառության օր: Առաջին անգամ հայկական մարտական ԱԹՍ-ները կիրառվել էին պատերազմի ժամանակ՝ մարտական պայմաններում և փայլուն արդյունքներ գրանցել:

2131
թեգերը:
Հայաստան, անօդաչու թռչող սարք, Արցախյան պատերազմ
Ըստ թեմայի
Թուրքական ԱԹՍ–ները կրճատեցին կորուստները. Ալիևի խոստովանությունը
Ինչպես ունենալ ԱԹՍ-ների մեր բանակը. Կարեն Վարդանյանի ընտանիքի առաջարկն ու առաջին ներդրումը
Ադրբեջանը մեկ օրում զրկվել է երկու ՏՕՍ-1–ից, տասնմեկ ԱԹՍ–ից, տվել 75 զոհ
Մել Գիբսոն

Շատ խոր տխրությամբ լսեցի` ինչ է կատարվում Արցախում. Գիբսոնն աջակցություն է հայտնել հայերին

38
(Թարմացված է 13:25 26.10.2020)
Գիբսոնն իր տեսաուղերձում նշում է, որ աղոթում է հայերի համար, աղոթում է, որպեսզի պատերազմը խաղաղությամբ ավարտվի։

ԵՐԵՎԱՆ, 26 հոկտեմբերի – Sputnik. Հոլիվուդյան հայտնի դերասան և ռեժիսոր Մել Գիբսոնն անհանգստացած է Ղարաբաղում տեղի ունեցող իրադարձություններով։ RT–ին Twitter–ի իր էջում տեղադրել է Գիբսոնի տեսաուղերձը։

Հայերի ցավը ռուս լուսանկարչի աչքերով

«Շատ խոր տխրությամբ լսեցի, թե ինչ է կատարվում Հայաստանում և Արցախում։ Ես շատ հայ ընկերներ ունեմ ԱՄՆ–ում, որոնք պատմում են այս օրերին իրենց հարազատների կորստի մասին... Հայերին ես շատ եմ հարգում` մեծահոգի և ամուր մարդիկ են, որոնք մի շարք դժվարությունների են բախվել»,–ասում է դերասանը։

​Նա նշում է նաև, որ աղոթում է հայերի համար, աղոթում է, որպեսզի պատերազմը խաղաղությամբ ավարտվի և մեծ ուժերը միջամտեն ու լուծում տան հարցին։

Գիբսոնը հույս է հայտնում, որ խաղաղությունը կվերականգնվի։ Նա կոչ է անում հայերին ուժեղ լինել և շարունակել իրենց անելիքները։

Հայերին սպանում է Թրամփի ընկեր Էրդողանը. Շոն Փենն ամոթանք է տվել ամերիկացիներին

38
թեգերը:
Մել Գիբսոն, Պատերազմ, Արցախ
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Ինչպես տարբերել թացը չորից, կամ ինչ պետք է իմանան հայերը պատերազմի ժամանակ
Իսրայելի հայերը բողոքի ակցիա են իրականացրել Երուսաղեմի ԱԳՆ շենքի դիմաց
Հայերն ապրել են ու կապրեն Արցախում ընդմիշտ. բողոքի ակցիա` Շվեդիայում